Youth focus

🎚🎚🎚🎚🎚🎚🎚🎚🎚🎚🎚🎚🎚🎚              🔨🔨 ስቀሉኝ ስቀሉኝ 🔨🔨                             (ገላ 6:14) አለም ስትቋምጥ ግሳንግሷን ይዛ ሸቀጧን ሸንክፋ ወደኔ ተጉዛ ልትጋልበኝ ሽታ ጀርባዬ ላይ ወታ ልቤን ተቆጣጥራ ልትሆንብኝ ጌታ መስቀል ላይ ቢታየኝ ሞቼ ተቸንክሬ ሁሌም ከምትገዛኝ ለምኞቷ ኖሬ ሬሳዬ ተሰቅሎ በስብሶ ቢሸታት ጠረኑ ቀርንቶ መቆሚያ ቢያሳጣት ተስፋዋ መና ሆኖ ካለሁበት ሰፈር እፍረት ተከናንባ ከእኔ ትሸሽ ነበር እኔም ህያው ሆኜ ከሷ ከምወዳጅ ምኞቴ አይሎ ሁሉን ከምጎመጅ አንቅሬ ልተፋት ላላያት ላታዬኝ መስቀል ነው ድንበሬ የሚገላግለኝ ውርዴቱን ባታይ ነው አይ ሞኙ ቢሉኝ ለእኔስ ጌጤ እርሱ ነው ስቀሉኝ ስቀሉኝ!!                               🖍 ባይሣ ገመቹ                                 የካቲት 23, 2012 🎚🎚🎚🎚🎚🎚🎚🎚🎚🎚🎚🎚🎚🎚 @youthfocus

የጊዜ አጠቃቀም እንቅፋቶች 🖋አላማ ቢስ መሆን ሰው በህይወት ሲኖር አላማውን ካልያዘ እንዲሁ ያለ መሪ ህይወቱን በከንቱ ይጨርሳል። ማለዳ ተነስቶ የሚሄድበት ከሌለው፣ነገ እዛ እደርሳለሁ ብሎ የሚተጋለት ነገር ከሌለው፣ የሚኖርለት ብቻ ሳይሆን የሚሞትለት ጉዳይ ከሌለው ጊዜውን የሚጠቀምበት ምክንያት ስለማይኖረው በዋዛ ፈዛዛ ሲያባክነው እንታዘባለን። እንዲህ አይነት ሰው ለራሱም ለቤተሰቡም፣ ለወዳጅ፣ ለዘመድ ሸክም ነው የሚሆነው። 🖋ቆራጥ አለመሆን ሰው አላማውንም ይዞ፣ ጊዜውን ለመጠቀም ወስኖ፣ ለአላማው ዋጋ ለመክፈል ቆራጥ ካልሆነ ለጉዳዩ የሚያስከፍለውን ሁሉ ለመክፈል ዝግጁ ካልሆነ አላማውን ይዞ ሳይሰራበት፤ ሳይኖርለት ያልፋል። ለአላማህ መከፈል ያለበትን ሁሉ ለመክፈል ቆራጥ መሆን ይኖርብሀል አንዴ ነውና የምትኖረው ህልምህን ኖረህ እለፍ። 🖋ትኩረት ያጣ ህይወት በብዙ ነገሮች የሚጎተት የሚሳሳብ፣ ያም ይህም የሚጎትተው ህይወት፣ ዋና በሚለው የህይወቱ አንኳር ነገር ላይ ጊዜውን ከማዋል ይልቅ ዋና መስለው ግን ህይወትን በሚያጣብቡ ጥቃቅን( ሶሻል ሚዲያ፣ቴሌቪዥን፣መዝናኛ) ነገሮች ላይ በማዋል ትኩረቱን ሲነጠቅ ህልሙንም ሳይኖረው ሲያልፍ እንመለከታለን። 🖋አላማ ከሌላቸው ሰዎች ጋር መዋል ብረት ብረትን ይስለዋል እንዲል መጽሀፉ በሰው ላይ ትልቅ ተጽእኖን ከሚያሳድሩ መሀል ጓደኛ አንዱና ዋነኛው ነው። ህልም ከሌላቸው፣ አላማ ከሌላቸው፣ ራእይ ከሌላቸው ባልንጀሮች ጋር መዋል መጨረሻው እንደነሱ ሆኖ መቅረት ነው። ስለዚህም ወደራስህ የምታስጠጋውን ሰው ጠንቅቀህ እወቅ። የህይወት መሪ ኮምፓስ ከሌላቸው ጋር አትዋል ይልቅስ ነገን ሲያዩ ብርሀን ከሚታያቸው የሚሮጡለት የህይወት ጉዳይ ካላቸው ጋር አሳልፍ እንደዚህ አይነቶቹ ላንተ ብርታ አቅም ሀይል ይጨምሩልሀል። ከነሱ ጋር ስትሆን ተስፋ መቁረጥ፣ ጨለማ፣ ባዶነት ሳይሆን ተስፋና ብርሀን ይታይሀል               አዘጋጅ ሳሙኤል ከበደ @youthfocus @youthfocus @youthfocus @youthfocus