Yaraa samirr

ﺍﻟﺤﻴﺎﺓ ﺃﺣﻴﺎنًا ياعزيزي بتحتاج للتجاهل .. ﺗﺠﺎﻫﻞ أﺣﺪﺍﺙ .. ﺗﺠﺎﻫﻞ أﺷﺨﺎﺹ .. ﺗﺠﺎﻫﻞ أﻓﻌﺎﻝ .. ﺗﺠﺎﻫﻞ أﻗﻮﺍﻝ .. خليك ذكي وﻋﻮِّﺩ ﻧﻔﺴﻚ ﻋﻠﻰ ﺍﻟﺘﺠﺎﻫﻞ .. مش كل حاجه تستاهل أننا نقف عندها! - الدحيح

زي النهاردة؛ سيدنا موسى في عز انقطاع الأسباب قال بيقين "كَلَّا إِنَّ مَعِيَ رَبِّي سَيَهْدِين" فشقّ الله له البحر بما فيه ♥️ عاشوراء :))⁦⁩

Message for you ✨ والله لن تجد أجمل من اختيارات الله لحياتك، كلها تنصبّ في صالحك وأنت لا تعلم، وكل الخير في تدابير الله.. فقل بقلبٍ راضٍ "رضيت يا رب".. ولا تكره شيئًا اختاره الله لك، فعلى البلاء تؤجر، وعلى المرض تؤجر، وعلى الفقد تؤجر، وعلى الصبر تؤجر، فرب الخير لا يأتي إلا بالخير ♥️

إنَّما تَطِيبُ الأيام الثِقال بِخِفَّةِ الجُلَسَاءِ ✨

- الحفلة كانت حلوة .. - آيوه.. - كنتى زى القمر إنهاردة.. - انت شايف كده ؟! - طبعًا، انا اول ما شوفت الفستان قولت دا ليكي .. - زى كل مرة يعني .. - مالك ؟ - مفيش .. شكرا ع التوصيله - بكره هكلم باباكي علشان نحدد ميعاد كتب الكتاب .. - أيه؟ - اتخضيتي كده ليه ، مش احنا اتكلمنا واتفقنا ؟ - انت الل اتكلمت - يعني ايه ؟ صمت للحظة وتنهيدة: - أنا آسفة.. - على ايه ؟ - مفيش كتب كتاب هيتم.. - عاوزة وقت يعني تمام مفيش مشاكل - لا مفيش كتب كتاب هيتم من الأساس بيضحك: -هنفضل مخطوبين يعني طول الحياة ولا ايه ؟ - ولا مخطوبين .. - مش فاهم؟ - إنهاردة اخر يوم فى علاقتنا .. - مين الل قال كده .. - أنا.. - بهدوء كده فى حاجه مضايقاكي انا عملت حاجة ضايقتك ، عرفيني .. ونتكلم واحل اى حاجة لكن لوحدك كده مش صح تنهي علاقتنا ببساطة .. - مرة .. مرة افكر واقرر واتكلم ما انت على طول الل بتفكر وبتحل وبتعمل كل حاجة .. - ودا مضايقك فى علاقتنا ؟ -علاقتنا جميلة وكام بنت نفسها تعيشها وبيحسدوني ، علاقة فيها كل حاجة الا حاجة واحده .. -ايه هي ؟ - أنا.. - ايه؟ - أنا مش أنا، كل يوم بصحي من نومي ببص فى المرايا مش بشوفني ، عارف بشوف مين ؟ - ...... - نسخه تانيه مني انا معرفهاش ولا عارفه اتعرف عليها ، نسخة انت عملتها، غيرتني.. اتغيرت علشانك، من اول ما ارتباطنا وانا كان هدفي ارضيك اعمل كل حاجة بتحبها وعاوزها، سيبي شغلك دا وهشغلك فى مكان تاني تمام سمعت كلامك ومشيت من مكان بحبه وبحب الل فيه وروحت لمكان بارد واللى فيه شخصيات بارده مش مرتاحه لكن قولتلي المهم السالاري والمستقبل قولت تمام ، قطعت مع اصحابي لأنك مبترتحش معاهم وعرفتني على اصحابك الل انا مبرتحش معاهم ولا عرفت اتأقلم معاهم، ورغم كده دايما بنخرج معاهم، كل مره نتجمع معاهم كلامهم معقد وكله إنجليزي وسفر وحاجات من عالم تاني كله تعقيد بالنسبالي ، انا لما كنت بخرج مع اصحابي كنت بنتكلم ببساطة فى مكان بسيط بنضحك ونتكلم ع طبيعتنا، مع اصحابك ببقي مجبره اكون زيهم علشان محسش بالاختلاف وقولتلك لكن انت حابب كده تكون معاهم ، هدومي بقيت تختار هدومي ع ذوقك زى الفستان دا ، انا مش طيقاه عليا لكن علشان عجبك انت لبسته ونزلت معاك روحت مناسبه لمكان غير مريح ليا ومع ناس مرتحتش معاهم لكن انت كنت مبسوط وسعيد ، حتي جسمي طلبت مني اخس رغم أن انا مش مليانه لدرجة لكن انت بتحب الل جسمهم بريفكت زى الل بتشوفهم، منعت نفسي من اكل بحبه وبتجبر ع اكل معين لايف ستايل علشان اتوافق معاك وخوف انى اتغير وانت مبتحبش دا وتضايق .. قراراتي واختياراتي فقدت السيطرة عليهم لأن دايما انت صح وعلشان مزعلكش بعمل الل بتقول عليه .. - أنا.. - انت مأجبرتنيش اعمل حاجة انا عملت كل حاجة، عملت كل حاجة علشان بحبك، حبك هو الل خلاني اعمل كده، كنت بقول لنفسي المهم هو ، المهم يكون مبسوط معاكي ، المهم انه معاكي ، كوني معاه زى ماهو عاوز ، كنت الاول مبسوطة وقولت عادي لكن مع الوقت لاقيت ان انا اتبخرت اتلاشيت ، مليش وجود ، مبقتش عارفه انا عاوزة ايه لأن تفكيري انحصر فى انت عاوز ايه .. -، مكنتش اتوقع كده .. - ولا انا .. انا قولت دا طبيعي وهتأقلم واتعود لاني بحبك وقولت دا حب لكن لا الحب مش كده ، الحب مش انى ارضي الل معايا ع حسابي ، الغي نفسي علشانك ، انا شخصية عشوائية تتقبلني بعشوائيتي بصحابي وبالل بحبه و بالأماكن الل بروحها زى ما اتقبلت حياتك واصحابك .. انا عاوزة القي نفسي وصعب عليا اكمل كده، اكمل فى جواز وانا مش عارفه انا عاوزة اتجوزك ولا لا، مش عاوزة اتجوزك علشان انت عاوز نتجوز .. انا عاوزة اتجوزك علشان انا عاوزة كده .. احنا الاتنين عاوزين كده - تنهدت- انا تعبت .. تعبت اوي .. انا بقوم من النوم بصعوبة لان اليوم بيكون تقيل على قلبي، وبستعجل ارجع لسريري انام، كل مره اتجاهل إحساسي دا واقول يمكن لاني متعودتش وهتعود لكن سنتين انا متعودتش ومش هتعود ومش هينفع اكمل حياتي كده، فقررت ان لازم احط نهاية لعلاقتنا، لأن دا مش الحب الل بدور عليه ومحتجاه، مش خروج لأماكن غالية واقعد مع ناس من طبقة مختلفة عني وهدايا وفساتين ، لا انا عاوزة علاقة اكون انا فيها على طبيعتي ، احبه ويحبني نحب بعض ونقبل بعض زى ما احنا، منغيرش بعض علشان نرضي بعض، نتغير علشان نكون مع بعض واحنا مرتاحين متفاهمين، والراحة مفقودة فى علاقتنا ، ورغم مميزاتك الكتيرة لكن انا مش مرتاحة - يعني انتى عاوزة ننفضل دا الل عاوزاه ؟ اتنهدت : - انا محتاجة ادور على نفسي وراحتي انا عايشه الحياة مره واحده وحقي أعيشها مرتاحه نفسيًا، عاوزة اكون مع حد يكون راحتي وانا راحته ، انت تستاهل حد مش هقولك احسن منى لكن تستاهل حد زيك نقطة التقائكم واحده مش مختلفين تحب وتتحب زى ما انت ، اسفه بجد بس كان لازم الحق نفسي قبل فوات الأوان نتجوز وننفصل وتتحسب علينا تجربة اخدت من

وقتنا وطاقتنا ..شكرا ع كل حاجة عملتها لكن مكنش دا الل انا محتجاه فى علاقتنا وانت مشوفتش دا، انا مكنتش شايفه نفسي فى علاقتنا ف بتسألني عاوزة اية؟! عاوزة ادور علي نفسي وعلى راحتها .! مشاهد بقلمي #يارا_سمير

‏- الأيّام الدافئة الهادئة التي تِمر ولا تضر نعمة، وأحلى نعمة 🤎✨

"أتمنى أن يكون لي بيتاً كما أحب، مليء بالورد والحب والدفئ، بيت يسعني ويسع قلبي وأحلامي." ♥️

عزيزي يا صاحب الظل الطويل الساعة الواحدة تمامًا، أكتب لك لأنني اليوم أقف عند لحظة إدراك بأنّي تغيرت كثيرًا فلم أعد أحرك فرشتي وأمزج ألواني عند الحزن، اليوم أنا أرسم وقت ما أريد وكيفما أريد، حتى ايقنت بأنّي قطعت شوطًا طويلًا من التغيير، أدركت حقًا بأن لاشيء يبقى على حاله حتى أنا لم أعد كما أنا، نضجت وفهمت الكثير حتى أدركت أن هذه اللحظة لا تقدر بثمن 🦋 .

" أحيانا يمر علينا اشياء بسيطة تكون قادره ع ان تستعید لنا ذكريات الماضی, صوره او مكان او اغنيه او مقوله او كلمة قادره في اقل من الثانية تجعلنا نستشعر لحظات من الماضي وكأنها حاضرنا" 💙 - #حلاوة_الدنيا - #يارا_سمير