Qadrdonlar bilan suxbat

Илиндим сизларга ҳам бир маза қилинглар

✍️Амир Худойберди. 🎤Юлдуз Абдусамад қизи. Бир чимдим меҳр.

#Долзарб Саҳарликка ухлаб қолса нима бўлади

✍️Юлдуз Абдусамад қизи. 🎤Юлдуз Абдусамад қизи. Бир чимдим меҳр.

Аёлни ожиза санаманг асло. ❄️❄️❄️❄️❄️❄️❄️❄️❄️❄️❄️ Аёлни ожиза санаманг асло. Гулдек нозик-ниҳол бўлиши мумкин. Дардлари юрагин эзиб турсада. Билдирмай, жилмайиб туриши мумкин. Аёлни ожиза санаманг асло. Бардоши тоғларни букиб қўяди. Юрагига наштар санчилса агар. Жароҳатин аста тикиб қўяди. Аёлни ожиза санаманг асло. Дунёни кафтида тутиб туради. Ёлғизлик юкини елкага ортиб. Кўзларида ёшин ютиб туради. Аёлни ожиза санаманг асло. Меҳр уммонидан яралган томчи. Аёл-Онанг, аёл-синглинг, қизингдир. Қани инкор этчи, қани бир тончи..... Аёлни ожиза санаманг асло. Эркак бўлсанг уни ҳимоя қилгин. Елкасидан олгин ғамлар юкини. Ёрдам беролмасанг, гапирма қўйгин. Аёлни ожиза санаманг асло. Тошларингиз отманг эшикларига. Дунёни тебратиб тургувчи МЕҲР. ЭЗГУЛИК улғайган бешикларига. Аёлни ожиза санаманг асло. Қалбида МУҲАББАТ ғунчалаб турсин. Қаддини тик тутиб, гулгун очилиб. Ҳамиша БАХТИГА суяниб юрсин! ✍️ Юлдуз Абдусамад қизи. Бир чимдим меҳр.

Куйиб кулга айланишим гар истасанг. Ёнавергум чўғ қуёшнинг қўрларида. Хазон бўлиб янчилишим гоҳ ҳоҳласанг. Гуллаб бергум илк баҳорнинг гулларида. Ният қилсанг ҳатто чоҳга зўр қулашим. Чиқиб келгум оппоқ тонглар нурлигида. Ғамлар келса майли бошга гар қалашиб. Кулиб келгум шодликларнинг жўрлигида. Сен истайвер, келаверсин ёмонликлар. Аллоҳ берар дардга сабру бардошим. Лек, тилайман доим сенга омонликлар. Эзгуликка қўйиб аста дард бошим. ✍️Юлдуз Абдусамад қизи. Бир чимдим меҳр.

ҒИЙБАТЧИЛАРГА. Дилимни оғритиб нима топдингиз? Инсонмизку, бунча "ит" дай қопдингиз? Юрагим кунданинг устига қўйиб Майда-майда қилиб гўштдай чопдингиз. Кўнглингиз тўлдими озорингиздан? Ғавғоли, ғурбатли бозорингиздан. Ёввойи ўтлар гар гуркираб ўсса, Булбуллар кетгайдир гулзорингиздан. Ёнимда туриб ҳам, қўлимдан тутиб Йиқитмоқ бўласиз, оёғим чалиб. Дўстим сиз бўлсангиз, ғанимдан қандай Меҳр кутмоқ мумкин, кўнгил ҳам синиб.. Умр ўтиб борар, замон ўтадур Бизни бир манзилда Аллоҳ кутадур. Юз қора, қалб қора бўлиб қандайин, Покланмай боқийлик сари етадур. ✍️Юлдуз Абдусамад қизи. Бир чимдим меҳр.