شێعری کوردیی زانکۆی کوردستان

"لە گەورەیی شتەکان ڕادەمێنم" گەورەیە ئەم ئەستێرەیە کە ئەو هەموو تیشکەی تیا جێ دەبێتەوە گەورەیە ئەم دڵۆپە ئاوە کە بەم بچووکییه، خۆی بە منداڵی دەریا دەزانێت گەورەیە ئەم تیشکە کە لە مێژە لە ئاسماندا وێڵە و ئێستاش خۆری بیر نەچۆتەوە گەورەیه ئەم کێڵگەیە کە ئەگەر بێتە بەر، پڕە لە سێوی نەبینراو گەورەیە ئەم غونچەیەی کە ئەگەر بگەشێتەوە، پڕە لە باغی نەوتراو وەرە هاوڕێم پێکەوە سەیری گەورەیی چڵێک گیا بکەین پڕە لە گوڵی گێژەن، لە هەناسەی پڕ غەمی گەرداو لە گەورەیی کۆترێک ڕابمێنن، دڵی پڕە لە جەنگەڵی بچووک... لە گوللەی کتوپڕ... لە هەڵفڕینی لەناکاو، بەڵام لە هەموو شتێک گەورەتر هاوڕێم مردنە... کە دەرفەتمان دەداتێ، ببین بە گوڵ، ببین بە هەور، ببین بە ئاو لەسەرمان دەوەستێت... پڕبین لە عەتری عەشق، پڕبین لە مۆسیقای هەتاو کاتێک لە جوانی تێربووین بە میهرەوە وەک دایکێک بانگمان دەکات: وەرنەوە بۆ باوەشی من... وەرنەوە بۆ باوەشی من... ئیتر تەواو... #بەختیار_عەلی ناردراو🌾 @sherikurdi_uok

ئەی بارانی ساڵی نەهات ئەگەر هاتی تەنیا وەرە بێ ڕەشەبا و بێ دەنگ وەرە ئەی گوڵە گەنمی زێڕکەفتم ئەگەر هاتی بێ ژەنگ وەرە وەک چۆن لەناو دڵما تەنیای #پەشێو @sherikurdi_uok

داخێنێ تەقنا ڕوومەتوو سووروو هەناری نیمەشەو پاییز چەنی بێ‌تاقەتی پەی من سەما بۆرێ مەلە #خەمیار_هەورامی @sherikurdi_uok

ئەو گوڵەی دابووت لە قژت نیگامی کرد بە پەپوولە... #شێرکۆ_بێکەس @sherikiurdi_uok

دڵم بۆ مەلی ئەوینی کچێک کردۆتە هێلانە کە کانیاوی سەوزی ڕۆحی پڕ لە عەشق و خۆشەویستی نیشتمانە. #ئەمین_گەردیگلانی @sherikurdi_uok

باڵای تفەنگ لە باڵای گوڵەهێرۆیەک کورتترە... #فەرەیدوون_ئەرشەدی @sherikurdi_uok

نەماوە ئاشنا بۆ کوێ نەزەر کەم...

دەستی من تەعویزه بۆ ڕەددی بەڵا با حەمایەل بێ لە ملتا، بێڵە سا #سالم @sherikurdi_uok

!‎ھەڵبەت بە بەڵایێکەوە ئاڵاوە دڵی من #بێخود @sherikurdi_uok

وەکوو دەنگی پێی بارانی، نەرم و نیانی تۆ لە باڵای پاییز ئەچی، پڕ ئیلهامی لە گریانی دایکم ئەچی، میهرەبانی... #بێکەس @sherikurdi_uok