Amr Hassan

كان ضروري تْشوفي حالِك عين بَسيطة ومِرتَحالِك ْ أبّ للحُزن اللي جالِك لما سِبتك وَاقفَة وحدِك وكان طبيعي اني اسقَط ْ في اللي انا جرّبتُه بَعدِك فين هلاقي حدّ زيِّك زّيُه زيِّك لونُه لونِك انتي أطهَر من مُعاشرِة شَخصْ كان عايِش يخُونِك.

تقابليني ....... واطُل ف عينك استشهد يامزيكا بتتنهد شموسك كيف بتتجدد وضلِّك طيف مغطّيني أراقبك لما بتشاوري ف وقت ماتوصفي حاجه وعارفك لما بتناوري عشان تلهيني عن حاجه وامتى بتبقي محتاجه اكونلك حضن ان يلزم واقولك امتى تحديدا بإن غرامنا لن يُهزم وعارف امتى بتبُصي بعين من خوف وصوتك وانتي تعبانه وشايله الهم يا اقرب من فصيلة الدم ماكونش ازاي بقا مهتم بواحدة رضاها يحييني ؟

حسيت كام مره انك وحدك ؟ حواليك اصحابك و قرايبك لكن وحدك بتقلب ارقام تليفونك وتدور على حد مكلمتوش من فتره حسيت كام مره انك منبوذ وبإن الناس بتبص عليك كام مره تدور عالساعه و ساعتك ف ايديك كام مره بتسرح في الدنيا وانت مروّح وتشوف رجليك من غير تفكير وخداك عـ البيت حسيت كام مره انك بصيت و بكيت ملقتش اصحاب الناس اغراب يومك لايكات و صور بــ تاجات وحياتك شرح ف كومنتات حسيت كام مره برفض حاجات لكن كمّلت وقولت اهو خير حسيت كام مره انك دوبلير وبإن الناس مبقتش بجد حسيت كام مره ان الأربع بقى شبه الحد وبإنك مبقتش تآمن بسهوله لحد حسيت كام مره انك مخنوق نفسك تتغرب وتسافر حسيت كام مره انك خايف والحاله بتصعب عالكافر الواحد مضطر يعافر مضطر يحب البنت الصح في وقت غلط الواحد من كتر ما فارق ناس بقى خايف انه يقابل ناس ! حسيت كام مره انك محتاس مش عارف ترجع في كلامك حسيت كام مره انك اعمى قلبك مش شايف قدامك حسيت كام مره انك فاشل و خسرت بفشلك احلامك حسيت كام مره انك كداب علشان بصيت في وشوش اصحابك عالقهوه من غير ما تفكر لو لحظه انك معرفتش تختارهم حسيت كام مره انك لازم ييجي يوم وتجرب تخسرهم على كلٍ لو فعلاً كنت صحيح حسيت فاحمد ربنا وارضى بحالك علشان لو كنت محسِتشِ تبقى انت اتوفيت من فتره وماخدتش بالك!

ماحبتنيش بلاش اكدب على نفسي ولا ابرر ولا اصوّر لروحي الوهم هيفرق ايه سبب موتي يكون برصاصه ولا بسهم ؟ مراية الحب مش عميا مراية الحب كدابة وكان لازم تغيب عني ياسايبه يا اما متسابه وكان لازم بنفسي احس كان لازم بعيني اشوف اقابل وشها البارد بقلبي الشارد الملهوف واغنيلها واعيش ليلها واقدّف مركبي ف نيلها واراهن بالورق كله على اخر رقم كسبان دخلت علاقة وانا مستور وخارج منها وانا عريان وخارج منّها شاكك ومش شايل لحد أمان ماحبتنيش برغم اني وكتاب الله ماقصرتش ويوم ماقالتلي عايزه اعرف ما أنكرتش ويوم ماقالتلي زعلانه مابررتش معاها كنت انا التاني وابدّيها بنقص من حياتي حاجات وبدّيها ولما تمدلي ايديها امد ايديا ماسحبهاش ماحبتنيش وحبيتها ودايرة تقول ماحبتهاش غريبة القلب وعمايله ده انا لو كنت بعاديني ماكنتش هامشي ناحيتها ولو جوايا بكرهني ماكنتش برضه حبيتها مافيش عندي سبب واحد يبرر نظرتي ليها رسمت سيناريو جوايا وصدقته وقولت لنفسي بتحبك وعينها عليك ياواد قرّب ياواد جرّب دي لسه ف دنيتك داخله ولسه خيالها متغّرب لحد ما مرت الأيام وانا بخسر ف كل قرار وعشت حياتي بـ اتنازل وتغلط والتمس اعذار وكنت حمار مفكّر ان لجل الحب نفرّط عادي ف كرامة اشوف نمرتها ف موبايلي احس شعور غريب جايلي وصوتي يتقلب اهدى واطوّل ف الكلام وارغي وكل كلامها كان منهج مذاكره حتى بالملغي وشايف انها كوني وشمسي وضلتي وناسي وبتأسف لاكون غلطان ف حاجه عملتها وناسي اكلمها عن الحاضر وعن بكره وعن بيتنا وباخد رأيها دايماً ف علاقتنا وهي كلامها كان اخره خلاص وتمام صباح الخير مساء الخير ويلا سلام بطلّع منها الكلمة بطلوع الروح وكنت باقول وايه يعني في ناس بتحس مش بتبوح لقيت افعالها زي كلامها بالواحدة وبمشي ليها ميت خطوة ماتمشيش ليا ولا واحدة انا زعلان على نفسي عشان شكّيت كده ف نَفسي ودوست عليا بالجامد عشان واحدة ماحبتنيش انا يمكن فراغ عادي بديل القعده ف النادي رواية بس ليها ايدين ويمكن كنت توصيلة ونقطه بُعد لعلاقتين ويمكن كنت بالنسبالها تكفيره وعرفتني تسدد دين ويمكن أي شيء تاني اكيد عارفاه ماسألتشِ وهي بترتكب حبي وايه ذنبه اني ابقى معاه ؟ ماحستش بذنب ازاي وعاشت تتهم فيّا وترميني بتهم ظالمة بتطلب مني اطفي النور وتتخانق عشان ضلمه وطول الوقت بتشكّك وبتفاوض وبتخانق وبتراود وبتعاير وبتندّم كإني باجري وانا واقف وفاكر نفسي هاتقدّم واديني جريت لحد ماشوفت وضعي ازاي ماحبتنيش وسايباني شعور ميّت بشوف ايه ف الحياه يتعاش بـ اعِّد خسايري وانا خارج دموعي وخوفي ومشاكلي وايامي اللي راحوا بلاش لكني باقول انا راضي واحط الجملة دي قصادي " ده ذنب وجايلي م الماضي بدعوة واحدة مابتنساش "

هو دا الاكونت بتاعي مستنياكوا كلكوا هناك و اي حد يعملي فولو يبعتلي ان هو من التيلجرام عشان اعرفكوا، و مستنيه و متحمسه اوي اعرف رأيكوا علي الصور بتاعتي ❤️

بإيدك تنزل المطرة بأمرك ييجي تاني النور بعدلك تغلب الكترة بجبروتك تصد أمور وانا على حافة الكسرة وانا قدامي واقف سور بيغلبني الوجع فترة وينجدني الامل لشهور بمد ايديا وادعيلك بحق السعي لسبيلك باسيب الناس وبمشيلك بلاد وعباد وليل وبحور ف وسط العاصفة الكبرى ولما الطقس بينا يدور ياعالم بالامور كافة وايه الحق ايه الزور تنجينا وتحمينا وتهدينا وتجعل قلبنا مجبور ولو كانت سماك فاتحه ف قلبي سورة الفاتحه ومش عاوز خزِزَن فاتحه ومش عاوز غِنا وقصور انا عاوزك تكون راضي واكون ف المعركة هادي واكون قابل واقول عادي واعيش طيب واموت مستور.