Umr kitobi

#iqtibos Sen sabr-qanoating ila taqdiringni o'zgartirishga qodirsan. Har qanday sharoitda ham o'zligingni yo'qotma. ©Og Mondino. "Dunyoning eng buyuk muvaffaqiyati" @umr_kitoobi

​​​​ХАЙРЛАШУВ 2020, яхши қол, хуш қол, Азобли тўрт фасл алвидо сенга. Умрим тақвимида тўксанг-да виқор, Ҳатто бир лаҳзанг ҳам тушмас эсимга. 2020 эшигимни ёп, Аччиқ шамолингдан жунжикмасин юз. Хайр ҳам демайман, юзимда ниқоб, Қўл ҳам силтамайман, умидингни уз! 2020 тугунингни туг, Олиб кет, келтирган лаш-лушларингни. Сенинг синовларинг минг эшшакка юк, Қолдирма бир мисқол улушларингни. 2020 жонимга тегдинг, Наздимда жуда кўп қолиб кетдинг сен. Не-не буюкларнинг бошини эгдинг, Не-не суюкларни олиб кетдинг сен. 2020 кўз ёшингни арт, Йиғлама, йиғлатиб қилдинг-ку абгор. Икки йигирманинг бирлашмоғи дард, Икки йигирмада қирқта синов бор. 2020 нафас олмай кет, Нафас ололмаган дардмандлар ҳаққи! Сен берган дард билан тимдаланди эт, Сен берган дорилар заҳару-заққум. 2020 сенга лутф ҳадя, Қаҳринг-ла сололдинг дунёни изга. Одамлар унутиб қўймасин, дея, Меҳрнинг қадрини кўрсатдинг бизга. 2020 - хонанишин йил, Мактаблар ёпилди, масжидларда қулф. Бўм-бўш хиёбонлар, ҳувиллаган йўл, «Уйда қолинг» деган шиор бўлди урф. 2020 сен маюс бир куй, Тинглаганим сари тўлғонар оҳлар. Олот шамолидан вайрон бўлган уй, Сардоба сувида оққан қишлоқлар. 2020 - айтмоқдир вақти; ... Ўрмон оловидан қовжираган шох. Юпқалашиб қолган Трампнинг тахти, Ва Аллоҳ элчисин эрмаклаган шоҳ! 2020 - барига тавба; Арману-Озарни озорлаган тун. Илк бора бўш қолган муборак Каъба, Байрут осмонини қоплаган тутун. 2020 тошқинлар тинди, Шукур, дардингга ҳам топилди малҳам. Сафари қариган ўзингдай энди, Эски бўлиб қолсин азобларинг ҳам. 2020 шукурки борман, Умринг битмоғини кузатмоқ бир бахт. Мен шоир Ўлмасман ва умидворман, Янги йил тонгида қилмоқ учун аҳд! 2020 эшигимни ёп... © Ўлмасбек Самарқандий.

E'lon. "Bir o'rindiqda o'tirasiz va har bir o'qigan kitobingizga haq olasiz"

Бир киши 48 йил аввалги бошланғич синф ўқитувчисини хиёбонда кўриб қолиб, хижолатлик билан ёнига бориб: "Устоз, мени танидингизми?" деди. — Йўқ, таниёлмадим,- деди кекса муаллим. — Мен бошланғич синфдаги ўқувчингиз фалончи бўламан. Устоз, синфдош ўртоғимизнинг соати йўқолганди. Мен олгандим. Сиз "ҳамма жойидан турсин ва қўлларини тахтага тирасин, тинтув қиламан" дедингиз. Мен уялдим ва қаттиқ қўрқдим. Сиз ва ўртоқларимнинг юзига қандай қарайман, деб ўйлаганим сари баданимдан муздай тер қуйиларди. Шу пайт сиз яна бир буйруқ бердингиз: "Энди ҳамма кўзларини юмсин!" Сафнинг ўртароқларида эдим. Тинтув навбати менга келди. Соатни индамай чўнтагимдан олдингиз ва тинтувни сафдаги сўнги болагача излаштирдингиз. Кейин бизни ўрнимизга ўтқазиб, менга ҳам, бошқаларга ҳам ҳеч нарса демасдан соатни эгасига қайтардингиз. Улғайганим сари бу ишингиз қалбимда каттариб бораверди. Устоз, мен ҳозир олтмиш ёшдаман. Бу ҳаётдаги энг катта сабоқни ўша куни сиздан олгандим. Ҳар гал эслаганимда бир сесканиб кетардим ва ўзимни сиздан қолган марҳамат ва бағрикенглик бағрида ҳис этардим. Ўзингдан, виждонингдан уялиб яшаш азоб, ундан-да даҳшатли азоб эса уялаётганингни бошқалар ҳам билиши, уларни ҳар кўрганингда хижолат бўлишинг ундан ҳам даҳшатли азоб. Устоз, сиз менга ҳаммадан уялиб яшаш азобини раво кўрмадингиз. Бу азобни ҳис қилганимда унута олармидим, билмайман тўғриси. Лекин мени уялтирмаганингизни ҳеч қачон унутмадим, устоз! Кекса ўқитувчи ўриндиқда ёнма-ён ўтирган собиқ ўқувчисига ўгирилиб қаради: — У воқеани эртаси куниёқ унутиб юборгандим. Ҳозир сен айтанганингда эсладим. Сизларга кўзларингизни юминг деганимда мен ҳам кўзларимни юмгандим. Шу ёшдаги ҳар бир бола қўл уриши мумкин бўлган янглишга қўл урган ўқувчимга нисбатан кўнглимда ёмон ўй тушмасин дегандим. У сенмидинг? Билмасдим... Умида Азиз таржимаси #iqtiboschilar дан олинди @umr_kitoobi

Қўрқоқда шахсий фикр бўлмайди, чунки у қўрқишдан бўшамайди. @umr_kitoobi

Олдинга кетаётгандек туюлсада, ўша-ўша жойдамиз...19-асрда! @sanjar_xoja дан олинди @umr_kitoobi

Qayg'uradigan odaming bo'lsa betob bo'lish ham yoqimli ba'zida😊

Borgan yeringizda kimki, men sendan ustunman desa, u majlisda ahmoqlar yig'ilgan. Payg'ambarimiz Alayhissalom, "Ey, Robbim biz senga haqqi bilan qullik etolmadik", derkanlar sen kimsanki, yo'ldan kelayotgandan o'zingni ustun deb bilsang, joyingda o'tir. Nima uchun odamlarni yo'lidan qaytarib, o'z bilganlaringni ularga bildiryapsan. Yo'qsa, bilgan narsang seni qoniqtirmaydimi? Boshqasining ishini o'zining ishi deb bilgan kishining ishonchi ham botil bo'lsa kerakki, boshqalarga aytadi. Ilondan egri umurtqang bor. Agar biror egrini tuzatishni istasang, avvalo o'tirib o'zingni to'g'irla! #🎈

Қалб дуодан малолланмайди. Балки ижобат бўлишдаги ҳайратга иштиёқдан чарчаб қолади. @MubashshirAhmad дан https://t.me/joinchat/AAAAAEbmnz1RCR_fjSLDpQ