Mission Talk with Aman!

የጸሎት ጥሪ! ትናንት ዕረቡ ሰኔ 27/2016 የደባርቅ ዩኒቨርስቲ ተማሪዎች የዓመቱን የዩኒቨርስቲ ትምህርት አጠናቀው በኮንትራት ትራንስፖርት ወደ አዲስ አበባ በመጓዝ ላይ እያሉ ደብረ ጉራቻ አካባቢ ተማሪዎች የያዙ ሁለት መኪና  እና አንድ የህዝብ ማመላለሻ በታጣቂዎች መታገታቸውን ሰምተናል። ጥቂት ተማሪ ያመለጡ ቢሆንም ብዙዎች ግን በታጣቂዎች እንደተያዙ ናቸው፤ መደወል የቻሉ እንደነገሩን ወደየ ቤተሰቦቻቸው በመደወል ብር እንዲከፍሏቸው እና እንደሚለቋቸው ካልሆነ ግን ሌላ እርምጃ እንደሚወስዱ በመዛት እያስፈራሩ ይገኛሉ። ከሁለት አመት በፊት በተመሳሳይ መንገድ የደንቢዶሎ ዩኒቨርስቲ ተማሪ የነበሩ ሴቶችን በዚህ መንገድ ታግተው ከተወሰዱት መካከል እስካሁን ያሉበት የማይታወቁ አሉ። ምድራችን ላይ እየተበራከተ የመታውን ይህ ሰዎችን የማገት ጉዳይ አሳሳቢ ደረጃ ላይ የደረሰ ሆኗል። ሁላቸንም በያለንበት አጥብቀን እንጸልይ፥ እግዚአብሔር በብዙ ጭንቅ ውስጥ ስላሉ ወንድና ሴቶቹ፥ ለቤተሰብ እና ለወዳጁ እንባ እና ለቅሶ ጣልቃ ይግባ! በምድራችን ላይ እየተፈጠሩ ያሉትን ስርዓት አልበኝነቶች ላይ እግዚአብሔር ጣልቃ እንዲባ አጥብቀን እንጸልይ። ጌታ ሆይ እጅህ በዚህ ሰዓት በምጥ እፈለጉህ ስላሉ ጣልቃ ትግባ ! ©️ Ermiyas

በጎ ፈቃደኛ አብሮ ሰራተኞችን እንፈልጋለን! ሚሽን ሞቢላይዜሽን ኢትዮጵያ በወንጌል ተልእኮ አገልግሎት ልዩ ልዩ ፕሮገራሞችን በመቅረጽ እየተንቀሳቀሰ ያለ ተቋም ነው፤ ከምንሰራቸው ስራዎች አንዱ በዲጅታል ምህዳር [ ፕላትፎርም ] ላይ አማኞችን ለተልእኮ የማስተማር እና የማንቃት ስራ ነው። በዚህም እንቅስቃሴ በኦሮሚኛ እየጀመርነው ላለው ቻናል ግብዓት የሚሆኑ ጽሑፎችን እና የተለያዩ ትምህርት እና ስልጠናዎችን ከአማርኛ ወደ ኦሮሚኛ በመተርጎም ስራ አብረውን መስራት የሚፈልጉ በጎ ፈቃደኛዎችን እንፈልጋለን። አብረውን መስራት የሚፈልጉ ሰዎች ፦ - ክርስቲያን የሆኑ እና በቤተክርስቲያን ውስጥ በአባልነት የታቀፉ - ለወንጌል ተልእኮ ልብ ያላቸው - በሳምንት ቢያንስ 5 ሰዓት ለዚህ አገልግሎት መስጠት የሚችሉ - ስራዎች በኦንላይን የሚሰሩ ስለሆኑ ኢንተርኔት አክሰስ ያለው /ያላት - ለስራው የሚሆኑ ግብዓቶች ሰልክ እና ላፕቶፕ ያለው/ያላት ይህ አገልግሎት ብዙዎች ከእግዚአብሔር ጋር በተልእኮው ስራ አብረው ይሰለፉ ዘንድ አማኞችን መጸሐፍ ቅዱሳዊ በሆነ የተልእኮ እሳቤ በመቅረጽ እና በማንቃት ይሰራል በዚህ ሩጫ ውስጥ እንድትቀላቀሉን ጥሪ እናቀርባለን። በጎ ፈቃደኛ አብሮ ሰራተኛ ለመሆን የምትፈልጉ ከታች ባሉት የቴሌግራም አድራሻዎች ያግኙን። -https://t.me/Bethel_Ab - https://t.me/Amangeze

ተልእኳችን ማለዳ ሰኔ 27- 2016 ውስጣዊ ግጭት የመጽሐፍ ቅዱስ ንባብ፡ ሐዋርያት ሥራ 15:36-41 በርናባስም ማርቆስ የተባለውን ዮሐንስን ደግሞ ከእነርሱ ጋር ይወስድ ዘንድ አሰበ፤ ጳውሎስ ግን ይህን ከእነርሱ ጋር ሊወስድ አልፈቀደም፥ ከእነርሱ ዘንድ ከጵንፍልያ ተለይቶ ነበርና፥ ወደ ሥራም ከእነርሱ ጋር አልመጣም ነበርና። ስለዚህም እርስ በርሳቸው እስኪለያዩ ድረስ መከፋፋት ሆነ፥ በርናባስም ማርቆስን ይዞ በመርከብ ወደ ቆጵሮስ ሄደ። ሐዋርያት ሥራ 15: 37 - 39 ከክርስቲያን ባልንጀራህ ጋር ከባድ አለመግባባት ውስጥ የገባህበት ጊዜ ይኖር ይሆን? ምናልባት በቤተክርስቲያን ውስጥ ባሉ ልዩ ልዩ አገልግሎቶች ጉዳይ ሊሆን ይችላል። ምናልባት ነገሮችን በአንድ መንገድ ማድረግ ትፈልግ ይሆናል እሱ ደግሞ በሌላ ሊያደርጋቸው ፈልጎ ሊሆን ይችላል። እንደ አለመታደል ሆኖ እርስ በእርሳቸው በንዴት የሚያያዙ አማኞች ይኖራሉ፣ ከአገልግሎት የወጡ እና ተመልሰው እንዳይመለሱ ሆነው ቤተ ክርስቲያንን የሚለቁ ክርስቲያኖች አሉ። እንደዚህ ባሉ አጋጣሚዎች ሰይጣን ድልን ያገኛል። ጳውሎስ ለኤፌሶን ሰዎች በሰላም ማሰሪያ የመንፈስን አንድነት እንዲጠብቁ ማበረታታቱ ምንም አያስደንቅም (ኤፌ 4፡3)። የቤተ ክርስቲያን ግጭት አዲስ ነገር አይደለም። በጥንቷ ቤተክርስቲያን ውስጥም የነበር ነው። በአስተምህሮው ጉዳእ ላይ የጦፈ ክርክር ብቻ ሳይሆን በሌሎች ጉዳዮች ላይም ጠንካራ ቃላቶች ነበሩ። ጳውሎስና በርናባስ የመጀመሪያ ሚስዮናዊ ጉዟቸውን በሄዱ ጊዜ፣ ማርቆስ ተብሎ የሚጠራውን ዮሐንስን ይዘው ሄዱ (ሐዋ. 13፡5)። ማርቆስ በቆጵሮስ ደሴት በአገልግሎት ከእነርሱ ጋር ቆየ፣ነገር ግን ባልታወቀ ምክንያት ወደ ኢየሩሳሌም ሲመለሱ በጵንፍልያ ክልል ትቷቸው ቀርቶ ነበር (ሐዋ. 13፡13)። ጳውሎስና በርናባስ ከመጀመሪያው የተልእኮ ጉዞ ወደ አንጾኪያ ከተመለሱ በኋላ፣ ስለ መዳን ያለውን ክርክር በእምነት ብቻ ለመፍታት ወደ ኢየሩሳሌም ሄዱ። ከዚያም ከቤተ ክርስቲያን መሪዎች የተላከውን አዎንታዊ ደብዳቤ ይዘው ወደ አንጾኪያ ተመለሱ፤ ሁሉም ደስ አላቸው። ከዚያም ጳውሎስ ወደ ሚሲዮኑ መስክ የሚመለስበት ጊዜ እንደሆነ ተሰማው። በርናባስንም፣ “ተመልሰን የጌታን ቃል በተናገርንባት ከተማ ሁሉ ያሉትን ወንድሞች እንጎበኝ እና እንዴት እንደሆኑ እንይ” አለው። በርናባስ ጥሩ ሀሳብ እንደሆነ አሰበ፣ ነገር ግን የአጎቱን ልጅ ማርቆስን ሊወስድ ፈለገ። ጳውሎስ ግን ማርቆስ እነርሱን ጥሏቸዋልና እንዳይመጣ አጥብቆ ተናገረ። ይህ ያልተጠበቀ አለመግባባት በጳውሎስና በበርናባስ መካከል አለመግባባት ፈጥሮ የራሳቸውን መንገድ ሄዱ። በዚህ ግጭት ውስጥ ያለው መልካም ዜና ጳውሎስም ሆነ በርናባስ አለመግባባቱን አገልግሎቱን ለማቆም ሰበብ አድርገው አለመጠቀማቸው ነው። ይልቁንም ጳውሎስ ሲላስን ይዞ ወደ ሰሜን በሶርያና በኪልቅያ አቀና። በርናባስ ማርቆስን ወስዶ በመርከብ ወደ ቆጵሮስ ሄደ። ሰይጣን ለክፋት የፈለገውን እግዚአብሔር ለበጎ ተጠቀመ። የውጪ ተልእኮ ቡድን ገና በእጥፍ ጨምሯል። ጳውሎስ አንድነትን ስለመጠበቅ ለኤፌሶን ክርስቲያኖች የተናገራቸው ቃላት ከበርናባስ ጋር በተገናኘ ሁኔታ ውስጥ ሳይገናኙ አልቀሩም። ጊዜ እያለፈ ሲሄድ ጳውሎስ የቤተ ክርስቲያን አለመግባባቶች ምን ያህል ጎጂ እንደሆኑ ሳይገነዘብ አልቀረም። ክርስቲያኖች እርስ በርሳቸው ሳይጋጩም ዓለም በጠላትነት ቁጥጥር ስር ነው! በጳውሎስ አገልግሎት መጨረሻ አካባቢ፣ በእርሱ፣ በርናባስ እና ማርቆስ መካከል የነበረው ግንኙነት ተስተካክሏል። ማርቆስ ጳውሎስን በእስር ቤት ጎበኘው (ቆላ 4፡10)፣ እና ጳውሎስ በመጨረሻው ቀናት ማርቆስ ከእርሱ ጋር እንዲመጣ ጠየቀው (2ጢሞ 4፡11)። ሰይጣንና የክፋት ሃይሎች የወንጌል ስርጭትን ይጠላሉ እናም ይህን ለማስቆም የሚችሉትን ሁሉ ያደርጋሉ። አንደኛው መንገድ በክርስቲያኖች መካከል ግጭት እንዲፈጠር ማድረግ ነው። ስለዚህም ሁሌም ዘብ መሆን አለብን። ኃጢአተኞች ስለሆንን ግጭት የማይቀር ነው። ድግግሞሹን ለመቀነስ መፈለግ እንችላለን፤ ነገር ግን ከሁሉም በላይ ጥሩ ያልሆኑ እሳቤዎችን እንዳያድጉ በእርጋታ እና በጥበብ መቋቋም ያስፈልገናል። የመንፈስን አንድነት በሰላም ማሰሪያ ውስጥ ማቆየታችን በአንድነት እንድንራመድ ብቻ ሳይሆን ሰዎችን ወደ አዳኙ እንዲሳቡ ያደርጋል፤ ከዚህም የተነሳ በእርግጥም እኛ ክርስቲያኖች መሆናችንን በፍቅራችን ያውቃሉ። በክሪስ ሎሲ የተጻፈ ከ https://www.emmanuelbaptistdc.org ድህረ ገጽ ተወስዶ የተተረጎመ

ቀን 3 🙏🏽ለሻቦ ሕዝብ ክፍል 🙏🏽 እንጸልይ የሻቦ ሕዝብ የሚተሉት የጎሳ እምነትን ነው። የተለያዩ ስያሜ የተሰጣቸውን አማልክት ያመልካሉ፤ አማልክቱን ያስደስታል የሚሉትን መስዕዋት። የአምላኪ እና ተመላኪ ስርዓት ይፈጸማል። የጸሎት ርዕሶች 🤲🏽 👉🏾 የኢትዮጵያ አብያተ ክርስቲያናት ለሻቦ ሕዝቦች የእግዚአብሔር የርህራሄ ልብ እንዲኖራቸው እና የወንጌሉን ሠራተኞች እንዲልኩ ወንጌልን እንዲሰብኩላቸው እንማልድ፡፡ 👉🏾 በሻቦ ሕዝብ መካከል የሚሰራውን የክፉ ሃይል፥ በክፋት የሚሰራውን መንፈስ ሁሉ በእግዚአብሔር መንፈስ እንዲጠራረግ እንጸልይ! 👉🏾በሚቀጥሉት አምስት አመት የሻቦ ሕዝብ በወንጌል ተጥለቅልቀው የደቀመዝሙር ንቅናቄን እንድናይ እንጸልይ!

ተልእኳችን ማለዳ ሰኔ 26- 2016 እምነት ወይስ ሥራ? የመጽሐፍ ቅዱስ ንባብ፡ ሐዋርያት ሥራ 15:1-35 ከዚህ በኋላ የቀሩት ሰዎችና በስሜ የተጠሩት አሕዛብ ሁሉ ጌታን ይፈልጉ ዘንድ እመለሳለሁ፥ የወደቀችውንም የዳዊትን ድንኳን እንደ ገና እሠራታለሁ፥ ፍራሽዋንም እንደ ገና እሠራታለሁ እንደ ገናም አቆማታለሁ ይላል ይህን የሚያደርግ ጌታ። ሐዋርያት ሥራ 15:17 ወንጌሉ በጣም ቀላል ነው ብላችሁ አስባችሁ ታውቃላችሁ? ምክኒያቱም የተማርነው አንድ ሰው ለመዳን በክርስቶስ በመስቀል ላይ በፈጸመው ሥራ ላይ እምነት መጣል ያስፈልገዋል የሚለውን አይደል። ወደ መንግሥተ ሰማይ ለመሄድ መከተል ያለባቸው የውጣውረድ ዝርዝር መኖሩን ለሰዎች መንገር የበለጠ ምክንያታዊ አይመስላችሁም? በጳውሎስ ዘመን ሰዎች በእምነት ብቻ መዳን ይችላሉ የሚለው አስተሳሰብ በተለይ ከአይሁድ አኗኗር ለመጡ ሰዎች በጣም ቀላል ይመስል ነበር። ስለዚህም ነው በሐዋርያት ሥራ 15 አንዳንድ ሰዎች ከይሁዳ ወርደው መገረዝን ለአሕዛብ ያስተምሩ ጀመር። ሰው ለመዳን መገረዝ አለበት አሉ፤ ጳውሎስና በርናባስ ግን ይህን አጥብቀው ተቃወሙ። ከዚያም ሁለቱ ሚስዮናውያን ወደ ኢየሩሳሌም ሄደው አቋማቸውን እንዲያብራሩ ተጠየቀ። ጳውሎስና በርናባስ በደረሱ ጊዜ ከሐዋርያትና ከሽማግሌዎች ጋር ተገናኙና እግዚአብሔር የሚያደርገውን ሁሉ ነገሩአቸው። ነገር ግን አንዳንድ ክርስቲያን የሆኑ አንዳንድ ፈሪሳውያን የሙሴን ሕግ ለመጠበቅ መገረዝ አስፈላጊ መሆኑን ይደግፉ ነበር በዚያም ክርክር ተፈጠረ። ሕዝቡ ሁሉ በጉዳዩ ላይ ሲወያዩ፣ ጴጥሮስ ተነሥቶ እንዲህ አለ፡- “ወንድሞች ሆይ፣ አሕዛብ በአፌ የወንጌልን ቃል ሰምተው ያምኑ ዘንድ እግዚአብሔር በእናንተ መካከል በመጀመሪያ ዘመን እንደ መረጣችሁ ታውቃላችሁ። ልብን የሚያውቅ እግዚአብሔርም ለእኛ እንዳደረገ መንፈስ ቅዱስን እንደ ሰጣቸው መሰከረላቸው። ልባቸውንም በእምነት ሲያነጻ በእኛና በእነርሱ መካከል አልለየም። እንግዲህ አባቶቻችንና እኛ ልንሸከመው ያልቻልነውን ቀንበር በደቀ መዛሙርት አንገት ላይ በመጫን እግዚአብሔርን አሁን ስለ ምን ትፈታተናላችሁ? እኛ ግን በጌታ በኢየሱስ ጸጋ እንደዳንን እናምናለን፤ እነርሱም ደግሞ እንደዳንን ነው። የጴጥሮስን ቃል ሲሰሙ፣ ጳውሎስና በርናባስ እግዚአብሔር በአሕዛብ መካከል ያደረጋቸውን ምልክቶችና ድንቅ ነገሮች ሲናገሩ ሁሉም ዝም አሉ። በመጨረሻም ያዕቆብ ተነሥቶ አሕዛብን በሥርዓትና በሥርዓት ማስቸገር መልካም አይደለም ነገር ግን እንዲያው በጣዖት ከተበከለ ከዝሙት ከታነቀው ከደምም መከልከል መልካም እንደሆነ ተናግሯል። ሁሉም ተስማምተው በጳውሎስና በበርናባስ ሌሎችም ጥቂት ሰዎች በአንጾኪያ ላለች ቤተ ክርስቲያን ደብዳቤ ተላከ። ልዑካኑ ደብዳቤውን ሲያካፍሉ አሕዛብ ተደሰቱ! ዛሬ ወንጌልን ስናካፍል የእምነትን አስፈላጊነት እና ለደህንነት ስራዎች አበክረን መግለፅ ቀላል ይሆናል። እኛ ግን ሰዎች በእግዚአብሔር ጸጋ የዳኑት በእምነት ብቻ መሆኑን እንዲያውቁ ማድረግ አለብን። ኤፌሶን 2፡8,9 “ጸጋው በእምነት አድኖአችኋልና፤ እና ያ ከእናንተ አይደለም የእግዚአብሔር ስጦታ ነው; ማንም እንዳይመካ ከሥራ የተነሣ አይደለም። ሰውን የሚያድነው እምነት እና መገረዝ፣ ወይም እምነት እና የመጽሐፍ ቅዱስ ንባብ፣ ወይም እምነት እና ቤተ ክርስቲያን መገኘት አይደለም። ሰው የሚድነው ከሥራ በቀር በጸጋ ብቻ ነው። በሌላ በኩል ለአዲስ አማኞች የመልካም ሥራን አስፈላጊነት በክርስትና ሕይወት ውስጥ መረዳታቸው ጠቃሚ ነው። ኤፌሶን 2፡10 “እኛ ፍጥረቱ ነንና፤ እንመላለስበት ዘንድ እግዚአብሔር አስቀድሞ ያዘጋጀውን መልካሙን ሥራ ለማድረግ በክርስቶስ ኢየሱስ ተፈጠርን። እነዚያ መልካም ሥራዎች የአንድ ሰው እምነት እውነተኛ ለመሆኑ ማረጋገጫዎች ናቸው። እውነተኛ እምነት እራሱን የሚያሳየው በበጎ ስራ ነው። ምንም እንኳን መልካም ስራዎች ሰውን ባያድኑም፤ ሰውዬው እንደዳነ ማስረጃዎች ናቸው። በአጭሩ እውነተኛ እምነት ይሰራል! ያዕቆብ “እንዲሁም ሥራ የሌለው እምነት በራሱ የሞተ ነው። ነገር ግን አንድ ሰው ‘አንተ እምነት አለህ እኔም ሥራ አለኝ። እምነትህን ከሥራ ውጭ አሳየኝ እኔም እምነቴን በሥራዬ አሳይሃለሁ” (ያዕ 2፡17፣18) እምነት እና መልካም ስራዎችን በተገቢው እይታ እንጠብቅ። በክሪስ ሎሲ የተጻፈ ከ https://www.emmanuelbaptistdc.org ድህረ ገጽ ተወስዶ የተተረጎመ

ቀን 2 🙏🏽ለሻቦ የሕዝብ ክፍል 🙏🏽 እንጸልይ የሻቦ ሕዝቦች በተለያዩ ሕዝቦች መካከል በተለያዩ ቦታዎች ተበታትነው የሚኖሩ ሕዝቦች ናቸው፤ በዚህም በአንድ አካባቢ ሰፍረው የምናገኛቸው አይደሉም። የሻቦ ሕዝቦች በአደን እና በንብ  ማነብ የሚኖሩ ከዚህ ባሻገር ደግሞ አሳ በማጥመድ ፣የዱር አትክልቶችን እና ፍራፈሬዎችን በመሰብሰብ ገቢ ቢፈጥሩም  መተዳደሪያቸው ግን በዋናነት በእርሻ ላይ የተመሰረተ ነው። የጸሎት ርዕሶች 🙏🏾 👉🏾 የሻቦ ሕዝቦችን እግዚአብሔርን ወደ መፈለግ የሚያመጣ መንፈሳዊ ረሃብ እንዲያገኛቸው  እንጸልይ! 👉🏾 የእግዚአብሔር ቃል አዲስ ኪዳን በቋንቋቸው ተተርጉሞ ይገኛል። ይህን አቅርቦት በመጠቀም ለማስተማር፣ እና ትምህርቶች ለመካፈል ፈቃደኛ የሆኑ ክርስትያኖች እንዲነሱ እንጸልይ! 👉🏾እግዚአብሔር በግብርና የመተዳደር ህይወታቸው በመጠቀም ከብዙ የክርስትያን የንግድ ሰዎች ጋር እንዲያገናኛቸው፣ ወደ ከተማ እና ቤተክርስትያን ወዳለበት ስፍራዎች እንዲመጡ፣ ይህም እውነትን ወደማወቅ መንገድ እንዲመራቸው እንጸልይ!

ተልእኳችን ማለዳ ሰኔ 25- 2016 በብዙ መከራ የመጽሐፍ ቅዱስ ንባብ፦ ሐዋርያት ሥራ 14:19-28 በዚያችም ከተማ ወንጌልን ሰብከው እጅግ ደቀ መዛሙርትን ካደረጉ በኋላ፥ የደቀ መዛሙርትን ልብ እያጸኑ በሃይማኖትም ጸንተው እንዲኖሩ እየመከሩና። ወደ እግዚአብሔር መንግሥት በብዙ መከራ እንገባ ዘንድ ያስፈልገናል እያሉ፥ ወደ ልስጥራን ወደ ኢቆንዮንም ወደ አንጾኪያም ተመለሱ። ሐዋርያት ሥራ 14 - 22 በልስጥራ ከተማ ጳውሎስና በርናባስ ሕዝቡ እንዳይሰግዱላቸው ካሳመኑ በኋላ ነገሮች እየቀነሱ ሄዱ። ከአንጾኪያና ከኢቆንዮን የመጡ አይሁዶች መጥተው የሕዝቡን አእምሮ በመርዝ ጳውሎስን እንዲወግሩት አደረጓቸው። ከዚያም ጳውሎስ የሞተ መስሎአቸው ከከተማ ወደ ውጭ ወሰዱት። ምናልባትም ሞቶ ይሆን ነበር፤ ደቀ መዛሙርቱ በወደቀው ሐዋርያቸው ዙሪያ ቆመው ሳለ፣ እግዚአብሔር ጳውሎስን አስነሳው፣ እርሱም በእግሩ ቆመ። ጳውሎስ እንዲህ ዓይነት አሳዛኝ ሁኔታ ከደረሰበት በኋላ የአገልግሎት ፎጣውን ጥሎ “ይህ ክርስቲያናዊ አገልገሎት በጣም አደገኛ ነው፤ወደ ድንኳን ሥራ በሙሉ ጊዜ ብመለስ ይሻለኛል አላለም። ከዚህ ይልቅ ጳውሎስና በርናባስ እንደገና ወደ ከተማዋ ገብተው ወደ ደርቤ ከተማ ሄዱ። በዚያም በድፍረት ወንጌልን በመስበክ ብዙ ደቀ መዛሙርት አፍርተዋል። ከደርቤም ወደ ልስጥራን፣ ወደ ኢቆንዮንና ወደ አንጾኪያ ተመለሱ የምእመናንን ነፍስ አጸኑ። ጳውሎስ ለማበረታታት ጥልቅ የሆነ መግለጫ ሰጥቷል። እንዲህም አለ “በብዙ መከራ ወደ እግዚአብሔር መንግሥት መግባት አለብን” (ሐዋ 14፡22) ብሏል። በሌላ አነጋገር የክርስትና ሕይወት ቀላል እንደማይሆን ነገራቸው። እሱ ሕያው ማስረጃ ነበር። ዛሬ፣ ሰዎች ምቾት እንዲሰማቸው እና በለመዱት ምቾት ውስጥም መቆየት ይፈልጋሉ። ጳውሎስ ስለ መከራ የሰጠው መግለጫ ግልጽ ያደርገዋል፤ ማጽናኛ ሁልጊዜ የሚኖር አይደለም በእርግጥም አማኞች እግዚአብሔርን በመምሰል ለመኖር ከመረጡ አንዳንድ ጊዜ በሞቀ ውሃ ውስጥ እራሳቸውን ያገኛሉ። ሰዎች አክራሪ ሊሏቸው ይችላሉ። አብረው የሚሰሩ የስራ ባልደረቦች ያፌዙባቸው ይሆናል። የቤተሰብ አባላት ላይረዷቸው ይችላሉ። እንዲያውም አካላዊ ስደት ሊደርስባቸው ይችላል። በ2ኛ ጢሞቴዎስ 3፡12 ላይ ያለው የጳውሎስ አረፍተ ነገር ለክርስቶስ የሚኖሩ መከራ እንደሚደርስባቸው “በክርስቶስ ኢየሱስ እግዚአብሔርን እየመሰሉ ሊኖሩ የሚወዱ ሁሉ ይሰደዳሉ” የሚለው ሌላው ማሳሰቢያ ነው። ጳውሎስ ወጣቱን ጢሞቴዎስን “እንደ ክርስቶስ ኢየሱስ በጎ ወታደር ሆነህ ከእኔ ጋር መከራን ተቀበል” ብሎታል (2ጢሞ 2፡3)። ለወንጌል ስትል ፈተናዎችን ለማለፍ ተዘጋጅተሃል? አካሄድ ከባድ በሚሆንበት ጊዜ ለመጫን ፍቃደኛ ኖት? ከግል ምቾት ይልቅ ለክርስቶስ መኖርና ምሥራቹን መስበክ ይበልጥ አስፈላጊ ነውን? ጳውሎስ እና እንደ ሐዋርያቱ ያሉ ለሌሎች ምሥራቹን እስከ ምድር ዳርቻ ድረስ ለማዳረስ ሕያው መሥዋዕት ሆነዋል። በዚህም ምክንያት በኛ ትውልድ ወንጌልን ሰምተናል። ምንም ያህል ዋጋ ቢያስከፍል ምሥራቹን ለሌሎች እንደምናስተላልፍ እርግጠኛ እንሁን። በክሪስ ሎሲ የተጻፈ ከ https://www.emmanuelbaptistdc.org ድህረ ገጽ ተወስዶ የተተረጎመ