Телба

Сўнгги хат Ёш авлод орасида машҳур бўлган рэперлардан бири «M1noR» билан муаллифлик ҳуқуқи бўйича гаплашиб ўтирмасдан шунақа сарлавҳа билан пост ёзишга жазм этдим. Сабаби ўқиётганларингиз мана шу каналдаги сўнгги пост бўлиб қолади. Маълум вақтгача ёки абадий. Қанчадир вақтга бўлса, нисбатан узоқ муддат бўлади деб ўйлайман. Сабаби хоҳлайманми, йўқми шу канал миямнинг бир четини банд қилиб, вақти-вақти билан «жиринглаб» туради. (Нимадир ёзиш керак деган фикр бўлади). Бу эса алоҳида вақт ажратишни талаб этади. Натижада мен ниманидир ўрганишимга, яқинларимга ажратадиган вақтни шу ерга сарфлайман. Хўш, вақтингни қизғонар экансан, нега бошида шуни ўйламагансан, деган таъналар бўлиши мумкин. (Аслида бу қарор кимгадир қизиқ деб ўйламайман). Гап шундаки мен бу канални очиб, нимадир ёзишимга сабаб менда бошқа минбар бўлмаган. Ўз фикримни кимлар биландир бўлишиш учун шундай қилганман. Ҳозир эса минбар у қадар муаммо эмас. Бошқа каналлар, сайтлар ёки ижтимоий тармоқлар орқали ўз мулоҳазаларим билан бўлишишим мумкин. Лекин…