بیتیک ائوی Bitik Evi

نامه حمایت از استاد رضا سرابی اقدم. @bitik_evi

📚ذهن فلسفه‌سی (بودیدارما) اینگلیسجه‌دن آذربایجان تورکجه‌سینه چئویرن: علی‌رضا اقدمی باهر بیچیم: رقعی ،۷۸صفحه چاپ نوبتی: بیرینجی ۱۳۹۸ ۵۰۰ نوسخه گرافیست: آتابای قیمت: ۱۸مین تومن یایین ائوی: اندیشه نو ساتیش یئرلری: ✅ تبریز بیتیک ائوی‌ اختر ✅ارومیه دورنا ✅اردبیل بهروز ✅ مشکین دنیز ✅ زنجان حکیم هیدجی ✅تهران اندیشه نو بیتیک ائوی‌نین یئنی آدرسی: تبریز، امام خیابانی، تربیت بازاری(بازار بزرگ تربیت)، آلت قات، پلاک ۳۴. @bitik_evi

علیرضا فرشی یوخسا صمد بهرنگی؟! 🖊#محمد_رحمانی_فر بوگونه دک پایلاشدیغیم یازی‌لاریمدا باشقالارینی یئرسیزجه‌سینه قیناماقدان اوزاق دورماغا چالیشمیشام. آرتیق، گرکلی گؤرمه‌دیییم دورومدا، باشقالارینی یئرلی اولاراق دا قینامامیشام. اینانیرام بیز بوتون گوجوموزله وارلیغیمیزی قوروماق اوغروندا چالیشمالیییق. دئمک، گوجوموزو باشقالارین قیناماغینا ایشلتمک یئرینه وارلیغیمیزی قورویوب یاشاتماق اوغروندا ایشه توتمالیییق، دئیه دوشونموشم. ائله بو باخیشیما گؤره، یئرسیز اولاراق هئچ کیمسه‌نین ده قولتوق‌لارینین آلتینا قارپیز قویمامیشام. آیدا ایلده بیرینی آلقیشلامیشامسا دا اونون گؤردویو ایش‌لرینین وارلیغیمیزی قوروماق اوغروندا نه قدر وئریملی هابئله نه قدر یارارلی اولدوغونو گؤز اؤنونه آلمیشام. دئمک، بوتون بو سوره‌لرده باشقالارینی قیناییب آلقیشلاماقدا اؤزومون شخصی ماراق‌لاریمدان اوزاق دورماغا چالیشمیشام. سایین علیرضا فرشی جناب‌لارینی چوخدان‌لاردان بری تانیییرام. بوتون وارلیغی ایله آذربایجانیمیزین وارلیغینی قوروماق اوغروندا چالیشان بیر ایگیددیر. بوتون بو ایل‌لرده، آغیر آغیر آجی‌لار، آجی آجی چتین‌لیک‌لر اونو بو توتدوغو یولدان اوساندیرا بیلمه‌ییبلر. علیرضا فرشی جناب‌لاری یارادیجی بیر چالیشقان‌دیر. دئمک، او قاباقدان یارانمیش یئرینه دوشموش بیچیم‌لره باغلانیب قالماییر. بلکه، وار اولان دورومو اینجه‌له‌یرک، او دوروما اویغون اولاراق آددیم گؤتورور. سؤزو گئدن چالیشقانیمیزین ایره‌لی سوردویو وئریملی یئنی‌لیک‌لرین بیری ده "هر کنده بیر تورک کیتاب ائوی" آدلی کمپئینی یولا سالماقدیر. بوگونه ‌دک بو کمپئینین آدی آلتیندا چوخلو اوجقار کندلریمیزده تورک کیتاب ائولری یارانیبدیر. بو کیتاب‌لار آیری آیری قونلاردا یازیلمیش اولسالار دا اوست-اوستده وارلیغیمیزی قورویان کیتاب‌لار ساییلیرلار. آرا-سیرا اوردا-بوردا سایین علیرضا فرشی جناب‌لارینی آذربایجانیمیزین تانینمیش سیمگه‌سی ساییلان صمد بهرنگی کیمی داهی بیر شخصیت ایله توتوشدورماغا چالیشان‌لارا راست گلمیشم. بو توتوشدورما، هر بیر توتوشدورما کیمی، بو ایکی شخصیتیمیزین اورتاق بیر اؤزل‌لییینی گؤز اؤنونه آلدیغینا گؤره، یئرسیز ساییلا بیلمز. صمد کند اوشاق‌لارینا "هر الینده دؤرد کیتاب"(1) آپاریردیسا، علیرضا کند اوشاق‌لارینا کارتون – کارتون کیتاب آپارماغی باشاریب‌دیر. البته، هر بیر شخصیتی اؤز چاغینا هابئله اؤز یئرینه گؤره دیرلندیرمه‌لیییک! یوخسا بیر قونودا بیر بیرلرینه اوخشایان شخصیت‌لر باشقا قونولاردا بیربیرلریندن فرقیلی اولا بیلرلر. آرتیق، اونلار اوخشادیق‌لاری قونولاردا دا بیربیرلیندن فرقیلی اولا بیلرلر. بونا گؤره، من بوگونکو شخصیت‌لریمیزی قاباقکی شخصیت‌لریمیزله توتوشدورماغا قارشییام. آنجاق، تاریخه تاپشیریلمیش شخصیت‌لریمیزی قوتساللاشدیریب، یان یؤوره‌میزده یاشایان شخصیت‌لریمیزی ایسه گؤرمزدن گلمه‌یه ده قارشییام. منجه صمد بهرنگی ده علیرضا فرشی ده آذربایجان تاریخینده تایسیز هابئله تکرارسیزدیرلار. ی س: 1- صمد گلیر گوله گوله، دؤشونده باخ قیزیل گوله هر الینده دؤرد کیتاب، دؤندردی بیزیم دیله t.me/Rahmanifar_Mohammad

‍ آه اورتادوغو! سنین آخان اولدوزلارین چوخ کیچیک اولور او قدر کیچیک کی شهرلرین او تاییندان آخیب تاوان لاریمیزدا پارتلاییر و هر گئجه گؤیوموزده اولدوز آخدیقجا ائویمیزده بیر اوشاق، بیر قوجا بیر آرزی، بیر اومود، بیر یاشام اؤلور آه اورتادوغو! ای شهوت قوخویان قیلینج لارین آناسی قانلی آغیزلارین قوتسال دوعاسی ساواشدان قالان دول قادین لارین قارانلیق یاسی سنین باشینی موصلده کسدی لر قول لارینی کربلادا آیاق لارینی آیاق لارینی کسمه دیلر آیاغینی آرزیلاردان کسدیلر و بیر تک نفت قوخویان اوره یین قالدی سنی سئوسم ده سنی سئومه سم ده بیر اؤگی قابیله تک باغلیام سنه سانیرام اوچونجو دونیا ساواشیندان سونرا دا بیر جوت باتیلی چیلپاق انسانی قیزدیرماق اوچون سونوج دا گؤمولوب سنین قانلی باغریندا بیر گون نفته چئوریلیب یئنیدن یانیب، یئنیدن یاخیلاجاغام #ائلچین_حسنزاده @qaghayi

بیزیم کیتاب اوخوماماغیمیز اوزره محمد رحمانی‌فر #بیتیک_ائوی نی ساتماق مجبوریّتینده قالیب. من ایسه تبریزده بیتیک ائوی تعطیل اولماسین دئیه باشقا توکان اجاره ائده بیلمیرم. دیلده چوخلو بیتیک ائوینه اورک‌لری یانان یولداشلاریمیزین سؤزلرینی نظره آلاراق عمل‌ده اورک‌دن ایسته‌مه‌دن بیتیک ائوینین یالنیز خاطیره‌لره قوووشدوغو آن چاتماقدادیر. #بیتیک_ائوی #نوستالژی

#هاروکی_موراکامی

خاطیره‌لر چوخ شاشدیریجی‌، بعضا آغلادیغیمیز گون‌لره گولوروک، بعضا‌ده گولدویوموز گون‌لره آغلاییریق.

ارکین قیراغینداکی سنگفرشی یالقیزلار تک قالماسین دئیه ووروبلار، بوتون یالقیزلیغینی اوردا پایلاشا بیلیرسن. #اوصیکم

یاری وارلیغیم دئییل، بو گونلر بوتون وارلیغیمی بوروموش یالنیزلیغا آلیشدیغیمی دانا بیلمیرم.