H.E Vei Samnang

ចុះពិនិត្យមើលសមិទ្ធផលផ្លូវបេតុងអាមេថ្មីមួយខ្សែដែលមានប្រវែង ៥,០០០ម៉ែត្រ ស្ថិតនៅក្នុងស្រុកកោះអណ្ដែត ខេត្តតាកែវ ដែលជាអំណោយដ៏ថ្លៃថ្លារបស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ដើម្បីវាយតម្លៃគុណភាព និងលទ្ធផលនៃការសាងសង់ មុននឹងប្រគល់ជូនប្រជាពលរដ្ឋប្រើប្រាស់ជាផ្លូវការ។ គម្រោងអភិវឌ្ឍន៍ហេដ្ឋារចនាសម្ព័ន្ធមូលដ្ឋានដ៏សំខាន់មួយនេះ បានលាតសន្ធឹងឆ្លងកាត់ឃុំចំនួនពីរ គឺ ឃុំក្រពុំឈូក និងឃុំព្រៃខ្លា។ ការកសាងផ្លូវបេតុងអាមេដ៏រឹងមាំនេះ ធ្វើឡើងក្នុងគោលបំណងកាត់បន្ថយការលំបាកក្នុងការធ្វើដំណើរនារដូវវស្សា និងដោះស្រាយបញ្ហាដីហុយនារដូវប្រាំង។ សមិទ្ធផលថ្មីនេះ នឹងចូលរួមចំណែកយ៉ាងសំខាន់ក្នុងការសម្រួលដល់ការធ្វើដំណើរ ការដឹកជញ្ជូនកសិផលផ្សេងៗទៅកាន់ទីផ្សារបានឆាប់រហ័ស និងជួយលើកកម្ពស់ជីវភាពរស់នៅ ក៏ដូចជាសេដ្ឋកិច្ចរបស់ប្រជាពលរដ្ឋចំនួន ១,៦២៣គ្រួសារ នៅក្នុងមូលដ្ឋានឲ្យកាន់តែប្រសើរឡើងជាលំដាប់។ ស្រុកកោះអណ្ដែត ព្រឹកថ្ងៃអង្គារ ទី២៨ ខែកក្កដា ឆ្នាំ២០២៦