ខ្មែរប៉ុស្តិ៍ - Khmer Post | KP

ហេតុអ្វីបានជាកម្ពុជាចាត់ទុកការបន្តការងារ JBC ជារឿងអាទិភាព? យោងតាមការឆ្លើយតបរបស់ក្រុមការងារសាធារណមតិកម្ពុជា (Cambodia PR Team) ថ្ងៃទី៣០ ខែកក្កដា ឆ្នាំ២០២៦ បានឲ្យដឹងថា កម្ពុជាចាត់ទុកការងារ JBC ជាមធ្យោបាយសំខាន់ និងជាអាទិភាពសម្រាប់ដោះស្រាយបញ្ហាព្រំដែនពីព្រោះនេះគឺជាយន្តការបច្ចេកទេសសម្រាប់ដោះស្រាយបញ្ហាព្រំដែនដោយសន្តិវិធី ដោយចៀសវាងការប្រើកម្លាំងយោធា។ ការបន្តវាស់វែង និងខណ្ឌសីមានៅលើដីជាក់ស្តែង នឹងជួយបង្កើតភាពច្បាស់លាស់លើខ្សែព្រំដែន និងបង្កើតលក្ខខណ្ឌសម្រាប់ ការកសាងទំនុកចិត្ត និងស្ថិរភាពរយៈពេលវែងពីព្រោះភាគីទាំងពីរអនុវត្តតាមច្បាប់អន្តរជាតិដែលបានកំណត់។ ជាពិសេស វាក៏ជាមូលដ្ឋានសម្រាប់ការធានាឱ្យប្រជាពលរដ្ឋដែលរងផលប៉ះពាល់អាចវិលត្រឡប់ទៅលំនៅឋានរបស់ខ្លួនវិញដោយ សុវត្ថិភាព ដោយគ្មានការរារាំង និងដោយសេចក្តីថ្លៃថ្នូរ៕