خواطر سودانية 💚🌻

عندما تبكي امرأة جميع النساء يصبحن صديقاتها ليس حزنا عليها وإنما لمعرفة القصة 🤡🌝

. ‏أكتر حاجة بتلفت إنتباهي وتقطع القلب لحظة يجيبو عنقريب الجنازه والبرش ويترمي علي جنب يعني خلاص القصة إنتهت .. مهما عِشت ومهما عملت ومهما صارعت .. ولملمت وإكتنزت وبنيت وعليت وجريت للرزق جري الوحوش مهما لبست وقشرتا واتبرجتا مهما حاربتا وتكبرتا وظلمتا وإفتريت ونفشت ريشك مهما ومهما دا أخرك عنقريب مرمي يعافه الاحياء ويخافون منه ويتجنبون السير او حتي المشي بجانبه ويبقا فقط ماقدمت لأخرتك لقبرك ولصحائفك تملأها بؤس وذنوب أو حسنات وأجور ما عند الله خير وأبقى .. ما مستاهله والله ........ أتسامحوا وإتصافو حبو بعض سيبو الزعل والخصام حتي علي مستوي الأسر سنين وسنين انقطعت صلة الأرحام ...لأسباب تافهة وعداوات لاتستحق قبل ماتفتش مصالحك في الدنيا فتش لأخرتك برضو لأنو الموت لابنتظر ولا بتأخر ولا بمهد بختف ختف أللهم أرزقنا حسن الخاتمة والتوبة النصوحة والعمل الصالح اللهم حسن الخاتمه ي رب العالمين 🤲 #الاسكندر

. لو كنت فاكر الريد كلام يبقى الغرام مااكثر بس في الحقيقه الريد فعل وكتار عليو ما بقدرو الحب ما بس شوق واشتياق واتنين عليو يسهرو الريدة إخلاص واحترام مازول تزلو وتقهرو الريد بيلزمو تضحيات محتاج تنازل مهما كان الريد اساسو الاهتمام لو حتى جار بيك الزمان اصلو البريد بيعيش وفي بيكون حنين بيفيض حنان ماف داعي للريد لو بقى ما بشعرك يوم بالامان في الريدة ما بتفرق رتب لا ثروة ولا مال لا نسب الريد بيسكن في القلوب ما بحرقو لا نار حطب ياما القلم في الريد كتب كم مره عاشق حظ ندب اصلو البريد يوم بالعيون لي تعاستو بيكون السبب #الاسكندر

. لَو سَأَلتني فَتَاة عَن نَصِيحة وَحِيدة لأَخبَرتهَا بأنَّ الثّقة فِي شَابٍ لَم يَدخُلِ البَاب هِي أَوّل النّدَامة ، وَطَريقُ الخَسَارة ، وبَوابَة العَار ، وَ بِدَايَة الدّمَار. #الاسكندر

. ‏يا ليتَ قاسيةَ الفؤادِ ترفقَت بمُتيّمٍ لمحَ الجمالَ فذابا ماضَرَّها لو أنها ابتسمَت لهُ فلَرُبَّ مبتسِمٍ ينالُ ثوابا - فواز #الاسكندر

. احلى احساس في الدنيا لما زول يقول ليك ياخ اشتقت ليك 😔😍😍حتى لو ما طولتو من بعض بالجد بتحس بسعادة الدنيا كلها وبتحس نفسك حاجه حلوة في حياة زول😍😍😍😍😍واجمل احساس لما تتعب اوتمرض وتشوف قيمتك ومحبتك في عيون الناس الحواليك وتشوف الخوف في عيونم. #الاسكندر

صحبي قال لي : مرّة فتحت دولابي، وكالعادة كنت بفوتو جايط وبجي ألقاهو مرتّب.. فجأة لقيت بوستر معلّق في ضلفة الدولاب؛ ضحكت وقلت أكيد دا تحذير أو تهديد من "الهبلة" دي عشان ما أفوت الدولاب ما مرتب تاني.. لمّن مشيت أقراهو انصدمت بالمحتوى الفيهو.. كانت منسّقة لي ألوان كل لبسة.. حتَّىٰ ألوان "الشُّرَآب" مع كل جزمة. وكاتبة تحت في آخر البوستر: "عارفاك يا أهبل ما عندك علاقة بالألوان نهائي؛ وأنا عملت ليك الجدول عشان نادر ما أحضرك وأنت طالع". قال لي عارف يا منعم، أنا خليت المشوار؛ ما قدرت أستوعب اهتمامها دا نهائي؛ الهبلة دي شغل البيت كلو فيها، ودا غير إنَّها بتقرأ طب؛ وعلى دا كلو ما كان همّها غسيل ملابسي أو المكوة وبس؛ همّها كان حتّىٰ في درجة الألوان البلبسها. قال لي: أنا من الوقت دّاك كلما أقع في مشكلة؛ بتذكّر ملامحها وبقول حا تهون بيها. يوم عرس أخته كان جايط عن اللزوم حتّىٰ ما قدر يقعد مع الضيوف.. طوالي لحقتو وفعلًا لقيتو قاعد براهو.. قلت ليهو: الحاصل شنو يا زول، قال لي: أنا متجرس لعرس أختي.. قلت ليه: قول بسم الله يا زول، قبل كدا اتزوجن ليك أختين وما حصل اتجرست.. قال لي: أنا الحمد لله أخواتي حتى بعد زواجن ما رفضن لي طلب.. بس أختي دي كانت مختلفة عنهن؛ أنا ما حصل طلبتها حاجة؛ ما كانت بتديني فرصة أطلب.. حتّى موية الشراب بتجيبها لي قبل ما أقعد إذا كنت برة البيت؛ كيف ما اتجرس بس وريني عليك الله؟! عندنا صاحبنا حصلت ليهو مشكلة كبيرة في الجامعة؛ وكانت مأثرة جدًّا علىٰ نفسياته وما قادر يعيش تفاصيل يومه بصورة طبيعية.. قدّمنا كل الحلول والخيارات المتاحة وغير متاحة؛ بس لسه نفسياته كانت تعبانة، حتى ما بتونّس معانا.. ما اتصلحت نفسياته إلا بعد اتناقش مع صديقته.. قلنا ليهو السر شنو، قال لينا: أبدًا ما كنت محتاج لحلول منطقية، وأساليب تحفيزية؛ كنت محتاج لزول يقول لي دي مصيبة وفعلًا تحتاج كل النفسيات الأنت فيها دي". دا جزء من قصص كتيرة، وكلها جات في بالي لمّن كنت بقرأ في منشورات محتواها" مجتمع البنات مجتمع قذر" والغريبة إنه المنشورات من نفس المجتمع. فتشت كتير عن القذارة دي؛ وأي موقف أفتّشو بلقاهو كلو لطف ولين. بعرف بيوت كتيرة ما بتنقعد بدون البنات.. وظروف ومشاكل كتيرة ما محتاجة إلا للطف الأخوات. البنت المخلوق الوحيد الببكي ويضحك في نفس الوقت؛ بس عشان قلت حاجة بتضحك في موقف مبكي.. والمخلوق الوحيد البستغنى عن حزنه مقابل مصاصة أو شوكولاتة. البنت رحمة واللطف الكبير.. ما في مكان فيهو لين إلا وكان وراهو بنت الأم ما حا تعرف معنى الأمومة إلا إذا كانت عندها بنت وكذلك الأب ما حا يعرف معنى الأبوة بدون بنت وأنا ما عرفت معنى الأخوة إلّا من خلال أخواتي. "هُنَّ المؤنسات الغاليات" القذارة في عقولنا نحن والله. #اخو_البنيات #الاء_عصام