قطوف من الAsk الدينية

س: جوزي بيحبني، بس ضغوط الشغل والجيش مأثرة عليه، وبقيت حاسة إنه مش بيحبني رغم إنه بيقول إنه بيعشقني. أعمل إيه؟ ج: غالبًا المشكلة مش في الحب، المشكلة في طريقة التعبير عنه. كل واحد فينا ليه لغة بيعبر بيها عن مشاعره. ممكن هو شايف إن تعبه وشقاه عشانكم، واهتمامه ببيته، ومعاملته الكويسة ليك، دي أكبر دليل على حبه. وأنتِ مستنية تسمعي كلمة حلوة، أو تشوفي اهتمام عاطفي أكتر. اقعدوا مع بعض ، واتكلموا بصراحة عن احتياجات كل واحد فيكم، لما كل طرف يفهم لغة التاني، هتختفي مشاكل كتير. وربنا يسعدكم ويبارك لكم. ... س: طيب لو اتكلمت معاه كتير، وقلتله إني محتاجة أسمع منه كلام حلو، ولسه زي ما هو؟ بقالنا سنتين ونص متجوزين، ومقاليش "بحبك" غير مرتين، ولما بطلب منه. بحس إنه بيعاملني كويس، لكن مش بيحبني. ج: من حقك تحتاجي تسمعي كلمة حلوة، ومقدر جدًا إحساسك. لكن في نفس الوقت، متنسيش إن المعاملة الطيبة نفسها نعمة كبيرة. ممكن يكون هو شايف إن احترامه ليك، واهتمامه بيك، وتحمله للمسؤولية، دي أوضح طريقة يقولك بيها. أنا بحبك حاولي تفضلي تشرحي له احتياجك ، لكن متلغيش قيمة الحاجات الكويسة اللي بيعملها. الدنيا مش بيكون فيها كل اللي إحنا بنتمناه، وأوقات الحب بيبان في الأفعال أكتر من الكلام. للتواصل بخصوص الاستشارات الخاصة رابط الواتساب موجود في أول تعليق وبنحاول نسمع كل حالة باهتمام ونرد بشكل واضح وقريب للناس والاستشارات التفصيلية بيكون لها اشتراك مخصص

س: هو عادي أرفض عريس عشان أنا خريجة علوم وهو خريج آداب؟ ولا كده أبقى متكبرة زي ما أهلي بيقولوا؟ والله أنا مش بقلل من كليته، بس نفسي يكون قريب مني فكريًا عشان نعرف نفهم بعض. ج: لا، مش معنى إنك بتدوري على توافق فكري إنك متكبرة. لكن خلي بالك من حاجة مهمة... التوافق الفكري ملوش علاقة باسم الكلية ولا نوع الشهادة. هو مرتبط بوعي الإنسان، وثقافته، وطريقة تفكيره، وخبراته، وأسلوبه في الحوار. ممكن تلاقي شخص خريج آداب وبيناسبك فكريًا أكتر بكتير من شخص خريج نفس كليتك. والعكس صحيح. التعليم طبعًا ليه قيمة، لكن مش هو المعيار الوحيد. لأن اتنين معاهم نفس الشهادة، ممكن تلاقي الفرق بينهم في التفكير والتصرفات كبير جدًا. فلو رفضك سببه اسم الكلية بس، يبقى راجعي نفسك. أما لو بعد التعارف لقيتِ فعلًا إن مفيش توافق في التفكير أو طريقة الحياة، فمن حقك تعتذري، وده حق للطرفين. 📩 أوقات الواحد بيحتاج حد يسمعه ويفهمه بالتفصيل علشان كده وفرنا واتساب مخصص للاستشارات رابطه موجود في أول تعليق والحالات التفصيلية بيتم الرد عليها بعد الاشتراك

س: أنا مخطوبة بقالي 3 شهور، وخطيبي إنسان كويس جدًا، واستخرت ربنا كتير ولسه بستخير. لكن مش حاسة بمشاعر قوية ناحيته. واحدة صاحبتي قالتلي إن صاحب النصيب بتعرفيه من أول مقابلة. ومامتي بتقول إن الحب بييجي بالمواقف وبعد الجواز. بقيت محتارة، أعمل إيه؟ ج: أول حاجة، احمدي ربنا على النعمة اللي عندك، ومتخليش كلام الناس يلخبطك. فكرة إنك لازم تحسي بحب كبير من أول لقاء دي مش قاعدة، ومفيش دليل إنها بتحصل مع كل الناس. في ناس بدأت حياتها من غير مشاعر قوية، وبعد الجواز والمواقف والمسؤولية بقى بينهم حب كبير. وفي ناس اتعلقت من أول نظرة، وبعدها اكتشفت إنها اختارت الشخص الغلط. المهم تسألي نفسك: هل في قبول؟ و مرتاحة في التعامل؟ و أخلاقه ودينه وشخصيته مناسبين؟ لو الإجابة آه، ومفيش سبب واضح يخليك رافضاه، يبقى متستعجليش على المشاعر، لأنها أوقات بتنمو مع الوقت. أما لو أنتِ عارفة إن فيه سبب معين مخليك مش متقبلاه، وحاسة إنك مش هتقدري تتأقلمي معاه بعد الجواز، فهنا لازم توقفي مع نفسك ، ومتكملوش لمجرد إنه شخص كويس. وخلي بالك كمان من طريقة كلامك عنه. لو لقيتِ نفسك بتتكلمي عنه باستخفاف أو مش شايفاه في مكانة الزوج، فدي نقطة تستحق إنك تراجعيها، لأن الاحترام أساس أي علاقة. وفي الآخر، متخليش حد يقنعك إن الإحساس من أول لقاء هو المقياس الوحيد. أوقات ناس كتير بتحس بسرعة... وتتعلق بأشخاص ما يستحقوش. 📩 لو عندك سؤال أو محتاج حد يسمعك بالتفصيل تقدر تتواصل معنا عبر الواتساب الموجود في أول تعليق وبيتم الرد على الاستشارات المطولة بعد الاشتراك حتى نقدر نخصص وقت مناسب لكل حالة

س: أنا شاب عندي 30 سنة، بفكر أتقدم لبنت عندها 17 سنة، أنا طبيب وهي في الثانوية الأزهرية، وفي بينا قبول. حاسس إن السن ده أفضل قبل ما تتأثر بأفكار المجتمع، وكنت أتمنى تبقى شايفة الدنيا من زاويتي. أنا خطبت قبل كده لبنت في كلية صيدلة لكن الخطوبة مكملتش. تنصحني بإيه؟ ج: هقولك حاجة من واقع قصص كتير شفتها. كتير من الزيجات اللي كان فيها فرق سن كبير بالشكل ده بدأت كويس جدًا، لكن بعد كام سنة ظهرت مشاكل ما كانتش باينة في الأول. في البداية البنت بتكون منبهرة بالتجربة الجديدة، وفرحانة بالخطوبة والجواز، وبتوافق على أغلب الحاجات من غير نقاش. لكن مع الوقت شخصيتها بتنضج، وطريقة تفكيرها بتتغير، وتبدأ تسأل نفسها: أنا اخترت فعلًا؟ ولا كنت منبهرة بالموقف؟ وساعتها ممكن يحصل صدام بين شخصيتين بقوا مختلفين عن البداية. أنت كمان مع الوقت هتكتشف إنك محتاج زوجة تشاركك التفكير، وتناقشك، ويكون بينكم حوار حقيقي، مش مجرد موافقة على كل حاجة. وبالمقابل هي ممكن تحس بعد سنين إن جزء من عمرها راح قبل ما تاخد فرصتها الكاملة في تكوين شخصيتها واختياراتها. ومتخليش تجربة خطوبة فشلت تخليك تاخد قرار في الاتجاه العكسي تمامًا. مش معنى إن تجربة مع بنت أكبر أو في نفس مرحلتك منجحتش، إن الحل إنك تدور على بنت صغيرة عشان تشوف الدنيا بعينك. الأفضل تدور على واحدة بينكم توافق حقيقي في الفكر والنضج وطريقة الحياة، وتكونوا كفء لبعض. وخلي بالك من نقطة مهمة... الرجل اللي يدور على زوجة مفيش عندها إلا إنها تشوف الدنيا بعينه، غالبًا بيكون خايف من الاختلاف أكتر من إنه بيدور على شريكة حياة. والزواج الناجح مش قائم على إن طرف يذوب في التاني، لكنه قائم على المودة، والاحترام، وإن كل واحد يكمل التاني من غير ما يلغي شخصيته. لإرسال الاستشارات والأسئلة الخاصة التواصل بيكون عبر الواتساب الموجود في أول تعليق مع الاهتمام الكامل بخصوصية كل حالة والرد على الاستشارات التفصيلية بيتم بعد تأكيد الاشتراك

س: أوقات ببص لنعمة الزوج أو الزوجة الصالحة، أو الصحبة الطيبة، وأحس إنها من أعظم النعم. هو فعلًا ربنا ممكن يرزق كل واحد بالشخص اللي يكون سكن ليه؟ ج: فيه نعم بنعرف قيمتها أول ما ربنا يرزقنا بيها. إن يكون في حياتك شخص يفرح لفرحك، ويزعل لزعلك، ويهتم بيك من قلبه، ويحس بغيابك، ويكون وجوده سبب في راحتك وسكينتك... دي نعمة كبيرة فعلًا. الزوج أو الزوجة الصالحة، والأخ أو الأخت، وصاحب الخير... كلهم ممكن يكونوا سبب بعد الله في إن الحياة تبقى أهون وأجمل. أجمل العلاقات هي اللي تلاقي فيها حد فاهمك، عارف طبيعتك، مستوعب عيوبك قبل مميزاتك، ويعاملك بالمودة والرحمة مش بالمنافسة والعناد. ولما تلاقي الشخص ده، هتحس إنك مش محتاج تمثل ولا تتكلف. هتكون على طبيعتك، وهو يقدرك زي ما أنت. ولو لسه ربنا مرزقكش بالإنسان ده، متستعجلش. يمكن يكون لسه في الطريق، وربنا بيدخرهولك في الوقت اللي يكون فيه خير ليك. ويمكن يكون سبب في جبر حاجات كتير كسرتها الأيام. فاصبر، وأحسن الظن بربك، واسأله دائمًا أن يرزقك الصحبة الصالحة، والزوج أو الزوجة اللي يكونوا سكنًا لقلبك، كما قال سبحانه: ﴿وجعل بينكم مودة ورحمة﴾. 📩 أوقات الواحد بيحتاج حد يسمعه ويفهمه علشان كده وفرنا واتساب مخصص للاستشارات رابطه موجود في أول تعليق والحالات التفصيلية بيتم الرد عليها بعد الاشتراك

س: أتعامل إزاي مع الناس اللي بيتغيروا فجأة من غير سبب؟ سواء كانوا قرايب أو أصحاب. ج: دي من أصعب الحاجات اللي ممكن الواحد يمر بيها. ساعات بتفضل تسأل نفسك: أنا عملت إيه؟ وليه اتغيروا؟ بس مع الوقت هتكتشف إن مش كل حاجة لازم يكون ليها تفسير. عود نفسك تستغني بالله أولًا، وبعدها متتعلقش بحد تعلق يخليك تنهار لو اتغير. وحاول تقلل توقعاتك في الناس، لأن طبيعة البشر إنهم بيتغيروا، وكل واحد بيمر بظروف ومراحل ممكن متكونش أنت عارفها. ولو قدرت، التمس لهم العذر. مش كل بُعد معناه قلة أصل أو سوء نية. أوقات بيكون الشخص نفسه بيحارب حاجة جواه، ومش قادر يشرحها. سيب اللي رايح يروح، واللي راجع أهلاً بيه، ومتستهلكش نفسك في محاولة فهم كل تصرف. الحياة فيها مفاجآت كتير، وكل ما كان قلبك متعلق بالله أكتر، هتقدر تتجاوزها بأقل وجع. لو حابين تبعتوا استشاراتكم أو مشاكلكم الخاصة التواصل متاح من خلال الواتساب الموجود في أول تعليق وبنخصص وقت كافي للحالات التفصيلية بعد الاشتراك

س: في الرؤية الشرعية، هل من حقي أتكلم مع الشخص المتقدم لي وأقيّمه بنفسي؟ ولا الأفضل أسيب كل القرار لوالدي؟ ج: أكيد من حقك تشوفي الشخص اللي متقدم لك وتتكلمي معاه في حدود الشرع، لأن دي حياتك ومستقبلك. الحياء مطلوب، لكن مش معناه إنك تفضلي ساكتة أو تبصي في الأرض طول الوقت وتسيبي غيرك يقرر عنك. أول حاجة، لازم يكون فيه قبول شكلي من ناحيتك. مش شرط يعجب غيرك، المهم يعجبك أنتِ، لأنك أنتِ اللي هتعيشي معاه. ولو مفيش قبول من البداية، ده ممكن يعمل مشاكل بعد الجواز ويظلم الطرفين. بعد كده شوفي دينه، لكن متكتفيش بالمظهر. التدين الحقيقي بيبان في المعاملة والأخلاق، وكم من ناس ظاهرهم الالتزام لكن كانوا سبب شقاء لزوجاتهم. واهتمي كمان بأخلاقه وطريقة تعامله، واسألي عنه كويس من ناس تعرفه. وشوفي مستوى تفكيره. لو بينكم فرق كبير في طريقة التفكير أو الطموح، ده هيظهر بعد الجواز في كل تفاصيل الحياة. كمان بصي على بيئته وأهله. صحيح أنتِ هتتجوزيه هو، لكن الجواز ارتباط بين عيلتين، وطريقة أهله وأسلوبهم في التعامل ليها تأثير كبير. واقعدي اتكلمي معاه في وجود الأهل أو بالضوابط الشرعية. اسأليه عن نظرته للحياة، وطريقة تفكيره، وأهدافه، وخططه. دي مش رفاهية، دي من أهم أهداف الخطوبة أصلًا. وبعد ما تعملي كل الأسباب، صلي صلاة الاستخارة، واسألي ربنا ييسر لك الخير ويصرف عنك الشر. متستعجليش، ومتوافقيش لمجرد إن الناس مستعجلة. لأن بعد الجواز، غالبًا اللي هيقولك "استحملي" مش هو اللي هيعيش حياتك. استقبال الاستشارات الخاصة متاح عبر الواتساب الموجود في أول تعليق وبيتم الرد على الحالات المطولة بعد تأكيد الاشتراك علشان نقدر نتابع كل حالة بشكل مناسب وفي خصوصية كاملة

س: هل اختلاف البيئة بين الزوجين ممكن يكون سبب كافي لفشل الجواز؟ زي مثلًا بنت متربية في المدينة واتجوزت شاب من الريف. ج: أيوه، ودي من أكتر المشاكل اللي بتظهر بعد الجواز. المشكلة مش إن أهل الريف أو أهل المدينة أحسن من بعض، لكن لأن لكل بيئة عاداتها وطريقة حياتها. البنت اللي طول عمرها عايشة في المدينة ممكن تتفاجئ بعد الجواز إنها مطالبة تعيش وسط نظام مختلف تمامًا. زي إنها تقضي أغلب وقتها مع أهل الزوج، أو تعيش في بيت عيلة، أو تشارك في خدمة شقتها وشقة أهل زوجها، وتحس إن خصوصيتها واستقلالها أقل من اللي كانت متخيلاه. ومع الوقت تبدأ المقارنات، خصوصًا لو ليها أخوات أو صاحبات عايشين في ظروف مختلفة، فتبتدي الخلافات تظهر حتى لو كان قبل الجواز فيه وعود إن الأمور هتبقى سهلة. عشان كده، أي بنت داخلة على جواز في بيئة مختلفة، لازم تعرف من البداية هي رايحة على إيه. وتسأل نفسها : هل أقدر أتأقلم مع أسلوب الحياة ده فعلًا، ولا هيفضل مصدر تعب بيني وبين جوزي؟ ونفس الكلام للشاب كمان، لازم يكون واضح وصريح من البداية، وما يرسمش صورة غير واقعية للحياة بعد الجواز. وفي أوقات كتير، بيكون الزواج من نفس البيئة أسهل في التأقلم، لأن كل طرف بيكون فاهم طبيعة حياة التاني من الأول 📩 لو عندك سؤال أو محتاج حد يسمعك بالتفصيل تقدر تتواصل معنا عبر الواتساب الموجود في أول تعليق وبيتم الرد على الاستشارات المطولة بعد الاشتراك حتى نقدر نخصص وقت مناسب لكل حالة

س: هو إمتى يبقى طبيعي إني ما أسامحش؟ ج: لما تحس إنك فعلًا مش قادر. المسامحة شيء جميل، لكن مش معناها إنها واجبة في كل موقف، ولا إن الإنسان يضغط على نفسه عشان يسامح وهو لسه موجوع. ربنا جعل لكل واحد فينا حقوقه، في دمه وماله وعرضه. ولو حد اعتدى على حق من حقوقك، فإنت مش مُلزم إنك تعفو عنه. من حقك تسامح لو قدرت، ومن حقك كمان تحتفظ بحقك وتنتظر القصاص أو التعويض عند الله يوم القيامة. عشان كده متحملش نفسك فوق طاقتها، ومتفتكرش إنك آثم لمجرد إنك مش قادر تسامح دلوقتي. ولو ربنا شرح صدرك للعفو بعد كده، فده خير وأجره عظيم. ولو ما حصلش، فده حق جعله الله لك. لإرسال الاستشارات والأسئلة الخاصة التواصل بيكون عبر الواتساب الموجود في أول تعليق مع الاهتمام الكامل بخصوصية كل حالة والرد على الاستشارات التفصيلية بيتم بعد تأكيد الاشتراك

س: هل فعلًا الأفضل أكتم خططي وأحلامي وما أحكيش عنها لحد؟ ج: الكتمان أوقات بيكون نعمة. مش بس عشان العين أو الحسد، لكن عشان يحمي قلبك كمان. لما تحكي عن حلمك لكل الناس، بتعلى سقف توقعاتهم وتوقعاتك أنت كمان. ولو اتأخر تحقيقه أو اتغيرت الظروف، ممكن تحس بإحباط أكبر من اللازم. وفي ناس للأسف مش كلهم هيفرحوا لك، وفي ناس ممكن تحبطك بكلمة، أو تسرق فكرتك، أو تخليك تشك في نفسك. غير كده، كثرة الكلام عن الخطط أوقات بتدي إحساس وهمي بالإنجاز، فتلاقي الحماس راح في الكلام بدل ما يروح في الشغل. اعمل اللي عليك . ولما ربنا يكرمك بالنتيجة، ساعتها هتكون فرحتك مختلفة. وده مش معناه إنك ما تستشيرش حد أو تطلب نصيحة من شخص تثق فيه، لكن مش كل حلم لازم يعرفه كل الناس. في حاجات بتكبر وهي ساكتة. وحاجات أول ما تتقال... تذبل قبل ما تكمل. 📩📩📩 أوقات الواحد بيحتاج حد يسمعه ويفهمه بالتفصيل علشان كده وفرنا واتساب مخصص للاستشارات رابطه موجود في أول تعليق والحالات التفصيلية بيتم الرد عليها بعد الاشتراك

س: بدعي ربنا من زمان يفرج همي، لكن كل ما أعدي من ابتلاء ألاقي ابتلاء أصعب منه. ساعات بحس إن الدعاء جاب نتيجة عكسية، وبخاف يكون ربنا غضبان عليا. أعمل إيه؟ ج: الإحساس ده بيمر على ناس كتير، خصوصًا مع طول البلاء. وساعتها الشيطان يبدأ يوسوس لك إن ربنا بيعذبك، أو إن الدعاء ملوش فايدة، أو إنك مهما تعمل مش هتخرج من اللي إنت فيه. لكن الحقيقة غير كده. إحنا ببساطة ما نعرفش حكمة ربنا في أقداره. وممكن جدًا يكون الابتلاء الجديد هو الطريق اللي ربنا هيخرجك بيه من الابتلاء القديم. أوقات تفضل سنين تدعي بحاجة، وفجأة تلاقي باب تاني من الابتلاء اتفتح في صحتك، أو شغلك، أو أهلك. وده مش معناه إن ربنا صرف عنك رحمته. ولا إن الدعاء ضاع. ممكن يكون صبرك على البلاء الجديد هو سبب الفرج اللي مستنيه من زمان، أو سبب رزق ماكنتش هتوصله بعملك وحده. إحنا بنشوف جزء صغير جدًا من الصورة، لكن تدبير ربنا أكبر من إدراكنا. عشان كده متسيبش الشيطان يخليك تسيء الظن بربك. ربنا لا يريد بعباده الشر، لكنه يربيهم، ويرفع درجاتهم، ويفتح لهم أبوابًا من الخير قد لا تأتي إلا بعد صبر طويل. وكل ابتلاء تصبر عليه، بيقربك خطوة من العوض اللي ربنا كتبه لك. فخليك متمسك بحسن الظن، حتى لو الطريق طويل. وأكثر من الدعاء: اللهم إني أستودعك صبري على بلائي، فاجعل بعده جبرًا ينسيني كل ما مضى، حتى أسجد لك شكرًا. استقبال الاستشارات الخاصة متاح عبر الواتساب الموجود في أول تعليق وبيتم الرد على الحالات المطولة بعد تأكيد الاشتراك علشان نقدر نتابع كل حالة بشكل مناسب وفي خصوصية كاملة

اللَّهُ لَا إِلَٰهَ إِلَّا هُوَ الْحَيُّ الْقَيُّومُ، لَا تَأْخُذُهُ سِنَةٌ وَلَا نَوْمٌ، لَهُ مَا فِي السَّمَاوَاتِ وَمَا فِي الْأَرْضِ، مَنْ ذَا الَّذِي يَشْفَعُ عِندَهُ إِلَّا بِإِذْنِهِ، يَعْلَمُ مَا بَيْنَ أَيْدِيهِمْ وَمَا خَلْفَهُمْ، وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ، وَسِعَ كُرْسِيُّهُ السَّمَاوَاتِ وَالْأَرْضَ، وَلَا يَئُودُهُ حِفْظُهُمَا، وَهُوَ الْعَلِيُّ الْعَظِيمُ 🔁 (مرة واحدة) --- 🔹 2. سور الإخلاص، الفلق، الناس قُلْ هُوَ اللَّهُ أَحَدٌ قُلْ أَعُوذُ بِرَبِّ الْفَلَقِ قُلْ أَعُوذُ بِرَبِّ النَّاسِ 🔁 (3 مرات لكل سورة) --- 🔹 3. بسم الله الذي لا يضر بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ، وَهُوَ السَّمِيعُ الْعَلِيمُ 🔁 (3 مرات) --- 🔹 4. أمسينا وأمسى الملك لله أمسينا وأمسى الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير، رب أسألك خير ما في هذه الليلة وخير ما بعدها، وأعوذ بك من شر ما في هذه الليلة وشر ما بعدها، رب أعوذ بك من الكسل وسوء الكبر، رب أعوذ بك من عذاب في النار وعذاب في القبر 🔁 (مرة واحدة) --- 🔹 5. اللهم بك أمسينا اللهم بك أمسينا، وبك أصبحنا، وبك نحيا، وبك نموت، وإليك المصير 🔁 (مرة واحدة) --- 🔹 6. رضيت بالله ربًا رضيت بالله ربًا، وبالإسلام دينًا، وبمحمدٍ ﷺ نبيًا 🔁 (3 مرات) --- 🔹 7. اللهم إني أمسيت أشهدك اللهم إني أمسيت أشهدك، وأشهد حملة عرشك، وملائكتك، وجميع خلقك، أنك أنت الله لا إله إلا أنت، وحدك لا شريك لك، وأن محمدًا عبدك ورسولك 🔁 (4 مرات) --- 🔹 8. اللهم ما أمسى بي من نعمة اللهم ما أمسى بي من نعمة أو بأحدٍ من خلقك، فمنك وحدك لا شريك لك، فلك الحمد ولك الشكر 🔁 (مرة واحدة) --- 🔹 9. اللهم عافني في بدني اللهم عافني في بدني، اللهم عافني في سمعي، اللهم عافني في بصري، لا إله إلا أنت 🔁 (3 مرات) --- 🔹 10. اللهم إني أعوذ بك من الكفر والفقر اللهم إني أعوذ بك من الكفر، والفقر، وأعوذ بك من عذاب القبر، لا إله إلا أنت 🔁 (3 مرات) --- 🔹 11. حسبنا الله لا إله إلا هو حَسْبُنَا اللهُ لَا إِلَهَ إِلَّا هُوَ، عَلَيْهِ تَوَكَّلْنَا، وَهُوَ رَبُّ الْعَرْشِ الْعَظِيمِ 🔁 (7 مرات) --- 🔹 12. اللهم إني أسألك العفو والعافية اللهم إني أسألك العفو والعافية في الدنيا والآخرة، اللهم إني أسألك العفو والعافية في ديني ودنياي وأهلي ومالي، اللهم استر عوراتي وآمن روعاتي، اللهم احفظني من بين يدي ومن خلفي، وعن يميني وعن شمالي، ومن فوقي، وأعوذ بعظمتك أن أُغتال من تحتي 🔁 (مرة واحدة) --- 🔹 13. اللهم فاطر السماوات والأرض اللهم فاطر السماوات والأرض، عالم الغيب والشهادة، رب كل شيء ومليكه، أشهد أن لا إله إلا أنت، أعوذ بك من شر نفسي، ومن شر الشيطان وشركه، وأن أقترف على نفسي سوءًا أو أجرّه إلى مسلم 🔁 (مرة واحدة) --- 🔹 14. اللهم إني أسألك علماً نافعاً اللهم إني أسألك علمًا نافعًا، ورزقًا طيبًا، وعملاً متقبلاً 🔁 (مرة واحدة) --- 🔹 15. أستغفر الله العظيم أستغفر الله العظيم الذي لا إله إلا هو، الحي القيوم، وأتوب إليه 🔁 (3 مرات) --- 🔹 16. يا حي يا قيوم يا حي يا قيوم، برحمتك أستغيث، أصلح لي شأني كله، ولا تكلني إلى نفسي طرفة عين 🔁 (مرة واحدة) --- 🔹 17. الصلاة على النبي ﷺ اللهم صل وسلم وبارك على نبينا محمد 🔁 (10 مرات أو أكثر) --- 🔹 18. لا إله إلا الله وحده لا شريك له لا إله إلا الله وحده لا شريك له، له الملك وله الحمد، وهو على كل شيء قدير 🔁 (100 مرة) --- 🔹 19. سبحان الله وبحمده سبحان الله وبحمده 🔁 (100 مرة) --- 🌟 خُد بالك: كل ذكر بتقوله بالليل، بيرجعلك أضعافه في الطمأنينة والنور والبركة خلي لسانك دايمًا رطب بذكر الله قبل ما الليل يسرقك 📩لإرسال أسئلتكم واستشاراتكم تقدروا تتواصلوا مباشرة معنا عبر الواتس المخصص لاستقبال الاستشارات رابط الحساب موجود في أول تعليق بنسمعكم باهتمام وبنحاول نطمنكم بإجابات واضحة وقريبة للقلب والرد على الاستشارات التفصيلية بيكون فور تأكيد الاشتراك علشان نقدر نخصص وقت كافي لكل حالة تنبية مهم الاستشارات الخاصة لا يتم نشرها مطلقا على أي منصة عامة

س: كنت ناوية ألتزم بضوابط الخطوبة، لقيت خطيبي بيقولي: أنا مش هكلمك، هطمن عليكي من إخواتك. هل ده هو الصح فعلًا؟ ج: بصراحة لا المشكلة إن بعض الناس بتصور الموضوع كأنه مفيش غير اختيارين: يا إما مفيش أي تواصل خالص بين الخاطب وخطيبته، وكل الكلام يبقى عن طريق الإخوات والأهل، يا إما مكالمات طول اليوم وخروج واسترسال كأنهم متجوزين. والحقيقة إن الاتنين غلط. ولو هننتقد فكرة، يبقى ننتقد الفكرة نفسها، مش نهاجم الشخص أو نقلل منه. الشرع لا طلب منك تشدد بالشكل ده، ولا سمح بالتفريط اللي بنشوفه دلوقتي. الخطوبة أصلًا اتشرعت عشان يحصل تعارف، وكل طرف يعرف طريقة تفكير التاني، وأخلاقه، ونظرته للحياة، وهل ينفعوا يكملوا مع بعض ولا لأ. طبيعي يبقى فيه زيارات في وجود الأهل، وكلام محترم في الأمور المهمة، ورؤية شرعية، ومناقشات تساعد كل واحد يفهم شخصية التاني. ومفيش مانع إن كل طرف يسأل أهل التاني أو إخوته عنه، لكن ده مايغنيش أبدًا عن التعارف المباشر في حدود الشرع. وبرضه مش معنى التعارف إن يبقى فيه مكالمات بالساعات أو تعلق عاطفي واسترسال قبل الزواج. الاعتدال هو المطلوب. وكمان بلاش نعمم تجربة واحدة على كل الناس. ممكن ناس نجحت بطريقتهم، لكن ده مش معناه إنها الطريقة الوحيدة الصحيحة. وفترة الخطوبة مش معمولة للهيام والكلام الرومانسي طول الوقت. دي فترة اختبار. بتشوفوا فيها طريقة التفكير، والاختلافات، وردود الأفعال، وهل الشخص أمين، ومسؤول، وينفع شريك حياة ولا لأ. ولو حصل اختلافات محترمة، فده طبيعي جدًا، بل أحيانًا بيكشف حاجات مهمة قبل الجواز. أما لو كل حاجة وردي زيادة عن اللزوم، فغالبًا كل طرف بيظهر أفضل نسخة منه، وبيخفي عيوبه. عشان كده لا تشدد يخنق الناس، ولا تفريط يضيع حدود الشرع. الوسطية هي الأقرب لهدي الإسلام 📩 . لو عندك سؤال أو محتاج حد يسمعك بالتفصيل تقدر تتواصل معنا عبر الواتساب الموجود في أول تعليق وبيتم الرد على الاستشارات المطولة بعد الاشتراك حتى نقدر نخصص وقت مناسب لكل حالة

س: يا شيخ أنا متزوج، وزوجتي بتشتغل، واكتشفت إنها بتساعد أهلها بجزء من مرتبها من غير ما تقول لي. أتصرف إزاي؟ ج: احمد ربنا، واشكر زوجتك على حسن تصرفها. الجزء اللي بتخرجه من مرتبها هو مالها هي، ومن حقها تتصرف فيه طالما في الحلال. قول لها: ربنا يبارك فيكِ، وإحسانك لأهلك شيء جميل، وأولى الناس بالمساعدة هم الأقارب. وده فيه صدقة وصلة رحم، وأجره عند الله كبير. وقول لها كمان: يمكن كنتِ مخبية عني الموضوع حرصًا على الإخلاص، أو لأي سبب تاني، لكن المهم تعرفي إن ده مالك، ومن حقك تنفقيه في أي وجه حلال، ومش لازم أعرف كل تفصيلة بتصرفيها. وطمنها إن نفقة البيت ومسئوليته عليك أنت، وإن ربنا منعم عليكم بالستر والرزق، والحمد لله على فضله. وقول لها: يمكن ربنا يدفع عن بيتنا من البلاء بسبب الخير اللي بتعمليه، وتعالي نربي أولادنا على المعنى ده، إن مساعدة الناس، وخاصة الأهل، من أحب الأعمال إلى الله. وعلموا أولادكم إن المال اللي يخرج في الخير ما بيضيعش، وإن اللي ينفع غيره هو اللي بيبقى له الأجر والبركة. والله أعلم . أوقات الواحد بيحتاج حد يسمعه ويفهمه علشان كده وفرنا واتساب مخصص للاستشارات رابطه موجود في أول تعليق والحالات التفصيلية بيتم الرد عليها بعد الاشتراك.

س: زوجتي إنسانة محترمة جدًا، وربنا يبارك لي فيها، وبتشيل البيت والأولاد ومقصرتش معانا في حاجة. لكن مشكلتي إنها قليلة جدًا في التعبير عن مشاعرها. بحس إني آخر اهتماماتها، وكل ما أتكلم معاها مفيش تغيير. بقيت أخاف أدور على الاحتواء بره البيت. أعمل إيه؟ ج: المشكلة دي موجودة في بيوت كتير، ومش معناها بالضرورة إن زوجتك مبتحبكش. بالعكس... من وصفك ليها واضح إنها ست مسئولة، وبتحب بيتها وأولادها، وغالبًا بتحبك أنت كمان، لكن طريقتها في التعبير مختلفة عن اللي محتاجه. في ستات بالنسبة لهم الحب مش كلام ولا حضن كل شوية، الحب عندهم إن البيت يبقى مرتب، والأكل جاهز، والأولاد بخير. دي اللغة اللي بيعبروا بيها. لكن ده ميمنعش إن احتياجك للمشاعر احتياج حقيقي. اتكلم معاها مرة تانية . اشكرها الأول على كل اللي بتعمله، وبعدها قول لها إنك محتاج منها كلمة حلوة، أو اهتمام، أو حتى سؤال بسيط يطمنك. ساعات الطرف التاني بيكون مش واخد باله أصلًا إن فيه حاجة ناقصة. ولو لقيتها فعلًا طبيعتها كده، ومش بتعرف تعبر، يبقى حاول تقلل شوية من توقعاتك، لأنك ممكن تكون مستني منها حاجة هي أصلًا مش بتعرف تقدمها بالشكل اللي أنت محتاجه. وفي نفس الوقت، متنساش تبص للحاجات الحلوة اللي فيها. يمكن هي ضعيفة في التعبير، لكنها قوية في الوفاء وتحمل المسئولية. وخلي في بالك حاجة كمان... ممكن تتزوج واحدة تعبر عن مشاعرها طول الوقت، لكن تفتقد صفات موجودة في زوجتك الأولى، وتكتشف بعد فترة إن كل إنسان عنده جوانب قوة وجوانب نقص. الدنيا كده... مفيش حد كامل، وكل قرار ليه ثمن وتبعات، ففكر كويس قبل ما تاخد أي خطوة. 📩 لو محتاجين استشارة خاصة أو حابين تحكوا مشكلتكم براحتكم التواصل متاح عبر الواتساب الموجود في أول تعليق وبيتم تخصيص وقت للحالات بعد تأكيد الاشتراك مع الحفاظ الكامل على سرية الاستشارات.

س: يا شيخ، ابني مات وهو عنده 7 شهور، ومن يومها أنا ومراتي تعبانين جدًا. هي منهارة نفسيًا، وأنا مش عارف أهون عليها ولا حتى على نفسي. تنصحني أعمل إيه؟ ج: ربنا يربط على قلوبكم ويجبر كسركم، ويجعل ابنكم شفيعًا لكم يوم القيامة. بص يا أخي... عارف إن الكلام سهل، لكن والله وأنا بقرا سؤالك حسيت بوجعكم. ومع كل الألم اللي أنتم فيه، فيه حاجة تستحق إنكم تتعلقوا بيها. ابنكم ما ضاعش... ربنا اصطفاه عنده. فكر فيها كده... لو كان عاش، كنتوا هتفرحوا بيه سنين، 20 أو 30 أو 40 سنة، لكن مع كل سنة كان هيبقى فيه خوف عليه، وقلق، وتعب، ومرض، ودراسة، وشغل، وجواز، وهموم لا تنتهي. أما دلوقتي، فأنتم بإذن الله ليكم موعد معاه في الآخرة. جاء في الأحاديث أن أطفال المؤمنين يكونون في الجنة، وأنهم ينتظرون آباءهم، ويكونون سببًا في شفاعتهم بإذن الله. وتأمل المعنى الجميل ده... طفل صغير سبقكم إلى الجنة، ينتظركم هناك. ويُرجى لمن صبر واحتسب أن يكرمه الله ببيت الحمد، وهو البيت الذي أعده الله لمن حمده وصبر عند المصيبة. بالله عليك... أليست تجارة رابحة مهما كان ثمنها غاليًا على القلب؟ دلوقتي دورك مهم جدًا مع زوجتك. متستعجلش إنها تنسى، ولا تقول لها متعيطيش. اسمعها... احتويها... وابكوا سوا لو احتجتم. وفكرها كل شوية إن ابنكم في رحمة أرحم الراحمين، وإن الفراق ده مؤقت، وإن اللقاء الحقيقي لسه قدام بإذن الله. ومتقفلوش باب الأمل. العمر لسه قدامكم، وربنا قادر يرزقكم الذرية الصالحة، ويعوضكم عوضًا يرضي قلوبكم، لكن حتى لو تأخر العوض، فثواب الصبر عند الله أعظم مما نتخيل. اصبروا واحتسبوا، واحمدوا ربنا على ما اختاره لكم، فرب اختيار أوجع القلب في الدنيا، وكان سببًا لنعيم لا ينتهي في الآخرة. وستأتي لحظة، بإذن الله، تنظرون فيها إلى هذا الابتلاء بعين مختلفة، وتقولون: الحمد لله على كل ما اختاره لنا. أوقات الواحد بيحتاج حد يسمعه ويفهمه علشان كده وفرنا واتساب مخصص للاستشارات رابطه موجود في أول تعليق والحالات التفصيلية بيتم الرد عليها بعد الاشتراك.

س: لو الأب وقع في الزنا قبل كده هل ذنبه ممكن يترد في بناته؟ أنا أكبر واحدة في 6 بنات وخايفة جدًا من فكرة إن كما تدين تدان. ج: اطمني... الفكرة دي بالشكل اللي الناس بترددها مش صحيحة. كتير من الناس بيرددوا جملة كما تدين تدان وكأن معناها إن ذنب شخص لازم يتعاقب فيه حد من أهله أو أولاده. وده مش اللي علمهولنا ربنا. ربنا قال: ﴿ألا تزر وازرة وزر أخرى﴾، يعني محدش يشيل ذنب غيره، وكل إنسان هيُحاسب على عمله هو. اللي ممكن يحصل أحيانًا إن أخطاء الأب أو الأم تأثر على الأولاد بسبب التربية أو البيئة اللي عاشوا فيها، فتبقى المشكلة في الأثر والتربية، مش في إن العقوبة انتقلت لهم. لكن بنت عفيفة، بتخاف ربنا، وبتجاهد نفسها، ليه تتحاسب بذنب أبوها؟ حاشا لله. ربنا أعدل وأرحم من كده بكتير. فمتعيشيش مرعوبة بسبب حاجة إنتِ مالكيش ذنب فيها، ومتفتحيش على نفسك باب وساوس يسرق منك الأمان. ولو أبوك تاب توبة صادقة، فباب التوبة مفتوح، وربنا وعد التائبين بالمغفرة، بل وبأعظم من كده، قال سبحانه: ﴿إلا من تاب وآمن وعمل عملًا صالحًا فأولئك يبدل الله سيئاتهم حسنات وكان الله غفورًا رحيمًا﴾. ولو حد في يوم وقع في ذنب ثم رجع لربنا بصدق، فلا يعيش طول عمره خايف إن الذنب هيترد في زوجته أو بناته أو أخواته. دي من أكتر الوساوس اللي الشيطان بيدخل منها على الإنسان علشان ييأسه من رحمة ربنا ومن قبول توبته. اطمني... حافظي على نفسك، وقربي من ربنا، وسيبي كل واحد يتحمل عمله هو. ورحمة ربنا أوسع من مخاوفنا كلها. لإرسال الاستشارات والأسئلة الخاصة التواصل بيكون عبر الواتساب الموجود في أول تعليق مع الاهتمام الكامل بخصوصية كل حالة والرد على الاستشارات التفصيلية بيتم بعد تأكيد الاشتراك.

س: أعمل إيه علشان أفضل حلوة في نظر جوزي، وأساعد إن قلبه يفضل متعلق بيا وميبصش بره؟ ج: أول حاجة لازم تعرفيها إن العفة أصلها في قلب الراجل قبل أي حاجة. الراجل اللي بيخاف ربنا ويغض بصره، مش هيبقى كل شوية عينه رايحة لغير مراته، مهما شاف. بعد كده ييجي دورك. ثقي في نفسك، ومتقارنيش نفسك بكل واحدة تشوفيها. مش لازم تكوني أجمل ست في الدنيا، لكن أكيد ليكي روح وشخصية وبصمة محدش يقدر يقلدها. اهتمي بنفسك، واتعلمي كل يوم حاجة جديدة. اهتمي بلبسك، ونظافتك الشخصية، وتجملك لزوجك، لأن الحاجات الصغيرة دي بتفرق. واهتمي ببيتك كمان. البيت المرتب والنضيف بيدي راحة نفسية، وبيخلي الرجوع له نعمة بعد يوم طويل. وخلي بالك إن الجمال مش شكل وبس. الكلمة الحلوة، والابتسامة، والاحتواء، وإنك تستقبليه بهدوء بدل الشك والأسئلة الكتير، كل ده بيخلي البيت مكان يشتاق يرجع له. ولو أكلك حلو... فدي ميزة كبيرة برضه، لأن أقرب طريق لقلب ناس كتير بيعدي من المطبخ. بس من غير ما يكون ده هو أساس العلاقة. وطبعًا قبل كل ده، أصلحي علاقتك بربنا، وادعي دايمًا إن ربنا يحفظ بينكم المودة والرحمة، لأن القلوب بين إيديه سبحانه. طيب... والراجل يعمل إيه؟ هو كمان عليه دور كبير. يوفر لمراته الأمان قبل أي حاجة. الست لما تحس إنها آمنة مع جوزها، بتحب المكان اللي هو فيه مهما كانت ظروفهم. ويفهم إن القوامة مش أوامر وسيطرة، لكنها رحمة، وصبر، وتحمل للمسؤولية. ويبعد عن الشك والغيرة المرضية، لأن مفيش ست وفية تقدر تعيش مرتاحة وهي طول الوقت متهمة. ويهتم بنفسه هو كمان. شكله، وريحته، ونظافته، وتسريحة شعره، وغسيل أسنانه... كل دي حاجات بتفرق عند الزوجة زي ما هي بتفرق عنده. ومتبخلش بكلمة حلوة. "تسلم إيدك"، و"آسف"، و"حاضر"، و"ربنا يبارك فيكي"... كلمات بسيطة، لكنها بتعمل فرق كبير في القلب، ومش بتنقص من الرجولة أبدًا. وفي النهاية، مفيش وصفة تخلي حد ميبصش بره لو قلبه مش مستقيم. لكن البيت اللي فيه مودة، واحترام، واهتمام من الطرفين، بيكون أقوى بكتير من أي فتنة بره. لو عندك مشكلة ومحتاج رأي أو استشارة خاصة تقدر تتواصل معنا عبر الواتساب الموجود في أول تعليق وبيتم متابعة الحالات المطولة بعد تأكيد الاشتراك مع الحفاظ الكامل على سرية الاستشارات.

اللَّهُ لَا إِلَٰهَ إِلَّا هُوَ الْحَيُّ الْقَيُّومُ، لَا تَأْخُذُهُ سِنَةٌ وَلَا نَوْمٌ، لَهُ مَا فِي السَّمَاوَاتِ وَمَا فِي الْأَرْضِ، مَنْ ذَا الَّذِي يَشْفَعُ عِندَهُ إِلَّا بِإِذْنِهِ، يَعْلَمُ مَا بَيْنَ أَيْدِيهِمْ وَمَا خَلْفَهُمْ، وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ، وَسِعَ كُرْسِيُّهُ السَّمَاوَاتِ وَالْأَرْضَ، وَلَا يَئُودُهُ حِفْظُهُمَا، وَهُوَ الْعَلِيُّ الْعَظِيمُ 🔁 (مرة واحدة) --- 🔹 2. سور الإخلاص، الفلق، الناس قُلْ هُوَ اللَّهُ أَحَدٌ قُلْ أَعُوذُ بِرَبِّ الْفَلَقِ قُلْ أَعُوذُ بِرَبِّ النَّاسِ 🔁 (3 مرات لكل سورة) --- 🔹 3. بسم الله الذي لا يضر بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ، وَهُوَ السَّمِيعُ الْعَلِيمُ 🔁 (3 مرات) --- 🔹 4. أمسينا وأمسى الملك لله أمسينا وأمسى الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير، رب أسألك خير ما في هذه الليلة وخير ما بعدها، وأعوذ بك من شر ما في هذه الليلة وشر ما بعدها، رب أعوذ بك من الكسل وسوء الكبر، رب أعوذ بك من عذاب في النار وعذاب في القبر 🔁 (مرة واحدة) --- 🔹 5. اللهم بك أمسينا اللهم بك أمسينا، وبك أصبحنا، وبك نحيا، وبك نموت، وإليك المصير 🔁 (مرة واحدة) --- 🔹 6. رضيت بالله ربًا رضيت بالله ربًا، وبالإسلام دينًا، وبمحمدٍ ﷺ نبيًا 🔁 (3 مرات) --- 🔹 7. اللهم إني أمسيت أشهدك اللهم إني أمسيت أشهدك، وأشهد حملة عرشك، وملائكتك، وجميع خلقك، أنك أنت الله لا إله إلا أنت، وحدك لا شريك لك، وأن محمدًا عبدك ورسولك 🔁 (4 مرات) --- 🔹 8. اللهم ما أمسى بي من نعمة اللهم ما أمسى بي من نعمة أو بأحدٍ من خلقك، فمنك وحدك لا شريك لك، فلك الحمد ولك الشكر 🔁 (مرة واحدة) --- 🔹 9. اللهم عافني في بدني اللهم عافني في بدني، اللهم عافني في سمعي، اللهم عافني في بصري، لا إله إلا أنت 🔁 (3 مرات) --- 🔹 10. اللهم إني أعوذ بك من الكفر والفقر اللهم إني أعوذ بك من الكفر، والفقر، وأعوذ بك من عذاب القبر، لا إله إلا أنت 🔁 (3 مرات) --- 🔹 11. حسبنا الله لا إله إلا هو حَسْبُنَا اللهُ لَا إِلَهَ إِلَّا هُوَ، عَلَيْهِ تَوَكَّلْنَا، وَهُوَ رَبُّ الْعَرْشِ الْعَظِيمِ 🔁 (7 مرات) --- 🔹 12. اللهم إني أسألك العفو والعافية اللهم إني أسألك العفو والعافية في الدنيا والآخرة، اللهم إني أسألك العفو والعافية في ديني ودنياي وأهلي ومالي، اللهم استر عوراتي وآمن روعاتي، اللهم احفظني من بين يدي ومن خلفي، وعن يميني وعن شمالي، ومن فوقي، وأعوذ بعظمتك أن أُغتال من تحتي 🔁 (مرة واحدة) --- 🔹 13. اللهم فاطر السماوات والأرض اللهم فاطر السماوات والأرض، عالم الغيب والشهادة، رب كل شيء ومليكه، أشهد أن لا إله إلا أنت، أعوذ بك من شر نفسي، ومن شر الشيطان وشركه، وأن أقترف على نفسي سوءًا أو أجرّه إلى مسلم 🔁 (مرة واحدة) --- 🔹 14. اللهم إني أسألك علماً نافعاً اللهم إني أسألك علمًا نافعًا، ورزقًا طيبًا، وعملاً متقبلاً 🔁 (مرة واحدة) --- 🔹 15. أستغفر الله العظيم أستغفر الله العظيم الذي لا إله إلا هو، الحي القيوم، وأتوب إليه 🔁 (3 مرات) --- 🔹 16. يا حي يا قيوم يا حي يا قيوم، برحمتك أستغيث، أصلح لي شأني كله، ولا تكلني إلى نفسي طرفة عين 🔁 (مرة واحدة) --- 🔹 17. الصلاة على النبي ﷺ اللهم صل وسلم وبارك على نبينا محمد 🔁 (10 مرات أو أكثر) --- 🔹 18. لا إله إلا الله وحده لا شريك له لا إله إلا الله وحده لا شريك له، له الملك وله الحمد، وهو على كل شيء قدير 🔁 (100 مرة) --- 🔹 19. سبحان الله وبحمده سبحان الله وبحمده 🔁 (100 مرة) --- 🌟 خُد بالك: كل ذكر بتقوله بالليل، بيرجعلك أضعافه في الطمأنينة والنور والبركة خلي لسانك دايمًا رطب بذكر الله قبل ما الليل يسرقك 📩لإرسال أسئلتكم واستشاراتكم تقدروا تتواصلوا مباشرة معنا عبر الواتس المخصص لاستقبال الاستشارات رابط الحساب موجود في أول تعليق بنسمعكم باهتمام وبنحاول نطمنكم بإجابات واضحة وقريبة للقلب والرد على الاستشارات التفصيلية بيكون فور تأكيد الاشتراك علشان نقدر نخصص وقت كافي لكل حالة تنبية مهم الاستشارات الخاصة لا يتم نشرها مطلقا على أي منصة عامة

س: خطيبي توفى من خمس سنين، وكل الناس شايفة إن دي مدة كفاية أنساه، لكن اللي بيحصل معايا العكس. كل يوم باشتاق له أكتر، وبتمنى ربنا يجمعني بيه في الجنة. علشان كده برفض أي حد يتقدملي، وأهلي زعلانين مني. أعمل إيه؟ ج: سؤالك من النوع اللي يوقف الواحد شوية قبل ما يرد. لأن فيه وفاء نادر بقى قليل جدًا، وربنا يعلم اللي في القلوب. هو يبدوا إنه كان إنسان صالح وصاحب خلق، وترك في قلبك أثر جميل، ودي حاجة مش سهلة تتنسى لمجرد إن السنين عدت. لكن في نفس الوقت، الحياة مبتقفش عند لحظة، حتى لو كانت غالية جدًا. ممكن يكون ربنا كتب إن الشخص ده يعدي في حياتك علشان يسيب جواكي يقين إن لسه فيه ناس طيبة، ولسه فيه جمال حقيقي في الدنيا. احتفظي بذكراه الطيبة، وادعي له بالرحمة، واسألي ربنا يجمعكم في الفردوس إن كان فيه الخير. لكن متقفليش باب حياتك نهائي. لو في يوم لقيتِ إن قلبك ارتاح لشخص صالح يستحق، متحسيش إن ده خيانة لذكرى خطيبك. الإنسان مش بينسى، لكنه بيتعلم يعيش، وربنا قادر يرزقك خيرًا من حيث لا تحتسبي. ولو لسه مش قادرة دلوقتي، خدي وقتك، ومتحمليش نفسك فوق طاقتها، لكن برضه خدي بالك إن رفض كل من يتقدم لمجرد المقارنة بحد رحل، ممكن يحرمك من خير كتبه ربنا ليكي. أما الجنة... فلها حسابات غير حسابات الدنيا. لو عندك سؤال أو محتاج حد يسمعك بالتفصيل تقدر تتواصل معنا عبر الواتساب الموجود في أول تعليق وبيتم الرد على الاستشارات المطولة بعد الاشتراك حتى نقدر نخصص وقت مناسب لكل حالة