كيمياء 3 ثانوي منهج مصر الصف الثالث الثانوي

قواعد وفرمانات كيميا..... قاعده (1)... الاسكانديوم مستحيل يكون مركبات ملونه او لها عزم مغناطيسي قاعده (2)... الخارصين مستحيل يكون مركبات ملونه او لها عزم مغناطيسي قاعده (3).... الخارصين ليس من العناصر الانتقاليه واي عنصر ف مجموعته يبئي زيه مثل الكادميوم والزئبق. قاعده (4).... افضل حديد في الدنيا هو حديد ثلاثي واي محاوله كيميائيه في الوصول الي الحديد الثلاثي فهي مرغوبه لذلك من السهل جدا اكسدة الحديد الثنائي وتحويله الي ثلاثي. قاعده (5)... افضل منجنيز في الدنيا هو منجنيز ثنائي يعني اي محاوله كيميائيه للوصول الي المنجنيز الثنائي فهي مرغوبه لذلك من السهل اوي اختزال المنجنيز الثلاثي الي منجنيز ثنائي قاعده (6)... اي عملية اختزال للاكسيد بتعتمد علي درجة الحراره والعامل المختزل يعني لما تختزل بعامل مختزل غلبان ضعفان صدمان زي اول أكسيد الكربون وتكون درجة الحراره مش عاليه بتلاقي عملية الاختزال مش كامله علشان كده مقدرش يحول كل الهيماتيت الثلاثي الي ثنائي وإنما نتج الماجنتيت (المختلط) مع ان نفس العامل المختزل المتواضع وهو اول أكسيد الكربون لو استخدمته عند حراره عاليه فوق 700 يقدر يطلعلك حديد ده بيثبت ان الحراره لها دور كبير جدا قاعده (7)... ع تتكون سبيكه بينيه بين فلزين لازم لازم لازم يكون فيه فرق واضح ف نصف القطر مينفعش تجيب عنصرين جنب بعض في نفس الدوره وتقولي هعمل سبيكه بينيه ساعتها هقولك اعمل ياضنايا. أعمل ياحبيبي. اعمل ياسيدنا ده لو عرفت ياسنه تالته لا يجوز شرعا او عرفا او قانونا عمل سبيكه بينيه بين عنصرين متماثلين او متقاربين ف نصف القطر! قاعده(8)... السبيكه البينفلزيه تخضع لاتحاد كيميائي بس لا تخضع لقوانين التكافؤ. زي الشخص المنحرف كده مش عايز يخضع لقانون او شرع. أهي نفس الفيلم قاعده (9).... ع تفرق بين حديد واي حاجه تاني ضيف حمض نيتريك مركز هيتفاعل مع الحاجه التانيه والحديد لا ع بيسبب ظاهرة الخمول. قاعده (10) الكيتونات مبتتاكسدش يعني لما يقولك اثر برمنجنات بوتاسيوم عليها او أثر ثاني كرومات بوتاسيوم عليها او اثر اي عامل مؤكسد عليها قوله العب غيرها قاعده (11). النترات مبتتأكسدش يعني ولا ثاني أكسيد منجنيز يأثر فيها ولا فوق اكسيد الهيدروجين يحوء فيها ولا اي عامل مؤكسد مبتتاكسدش (مات الكلام) قاعده (12) لو لون ماء البروم اختفي وادالك راسب يبئي الماده فينول قاعده (13) لو لون ماء البروم اختفي من غير مايكون راسب يبئي الماده الكين او الكاين. قاعده(14) درجة الغليان في الاساس بتعتمد علي مجموعات الهيدروكسيل والروابط الهيدروجينيه ..يعنى لو مركب فيه كربون كتير بس معندوش روابط هيدروچينيه هتلاقي درجة غليانه ااقل من مركب عنده كربون ااقل شويه لكن بيكون روابط هيدروجينيه الاولاويه للروابط الهيدروچينيه ياسنه تالته قاعده (15) الاحماض الاروماتيه تكسب الاليفاتيه في الغليان قاعده(16) الاحماض الاروماتيه تكسب الاليفاتيه في الصفات الحامضيه قاعده (17) الاحماض الاليفاتيه تكسب اي حد في الذوبان قاعده(18) كل لما ذرات الكربون في الاستر بتقل الرائحه بتاعت الاستر بتزيد قاعده (19) ااقل عدد ذرات كربون في المركب الاروماتي لازم يكون 6 كربون قاعده (20) التحلل النشادري للاستر يدي كحول واميد قاعده (21) التحلل المائي للاستر ف وسط قلوي بيدي ملح الحمض وكحول قاعده (22) التحلل المائي للاستر في وسط حامضي بيرجعه تاني حمض وكحول قاعده (23) القابليه للاشتعال بتقل لما ذرات الكربون بتزيد قاعده (24) الصفه الحامضيه تتناسب طردي مع الاس الهيدروكسيلي PoH يعني كل لما الصفه الحامضيه تزيد الاس الهيدروكسيلي يزيد قاعده (25) الصفه الحامضيه تتناسب عكسي مع الاس الهيدروجيني PH وده لينك اول مراجعه من مراجعات ليالي الامتحان https://youtu.be/6JFAMgYR2nE اخيرا متبصش علي زميلك ومتقارنش نفسك بحد خليك في نفسك واشتغل عليها هتوصل. #أحمد يحيي #كتاليست

ودي الملفات جاهزة

https://drive.google.com/drive/mobile/folders/1TlnBY8uEOKxm8HFSiNPzfXQK27Nzpexl?usp=sharing جميع ملفات وملاحظات الاستاذ محمد كارم

https://drive.google.com/file/d/13iZrH1rOBKOBJ2DJzOqEWjOnkKpK83XI/view إهداء من الدكتور محمد باشا

https://drive.google.com/file/d/1Da_dKUeei2ZaybiX8bu9D_8C8lYo6xms/view مذكرة المختصر

الحل بتاعها

معلومات هامة ليلة الامتحان (باب ثاني)