وَ ذَكِّرْ

عبادات بدون مجهود🦋 🕊️🌏' 1/ عبادة الرضا🥺 الرضا بما قسمه الله لك أيا كان لأنه هو الأنسب لك في كل الأحوال.. 2/ عبادة جبر الخواطر..💙🦋 ودي كمان عبادة سهلة وهي كلمتين حلوين تطيب بيهم خاطر الناس... 3/ عبادة قضاء حوائج الناس...💙🦋🥺 عن النبي صل الله عليه وسلم (ومن مشي مع أخيه في حاجة حتي يقضيها له ثبت الله قدميه يوم تزول الأقدام). 4/ عبادة الكلمة الطيبة صدقة.....💙🥺🦋 كلمة حلوة من لسانك يشهد لك بها يوم الحساب. 5/ عبادة حسن الظن..💙 أترك البواطن لله وأنشغل بتحسين نفسك 6/ عبادة زكاة العلم....🥺💙🦋 هو أنك لو سألك حد عن معلومة تعرفها،أتقن إيصالها كاملة مثلما ساقها لك رب العالمين عن طريق احدهم 7/ عبادة التفاؤل وحسن الظن بالله...🥺💙🦋 أي والله التفاؤل عبادة "أنا عند ظن عبدي بي" 8/ عبادة ترك مالا يعينك🥺..💙 وهو عدم التدخل في أي حاجة لا تعنينا ونترك التحليلات والأستنتاجات التي تؤدي إلي سوء الظن "يا أيها الذين آمنوا لا تسألوا عن أشياء إن تبد لكم تسؤكم". 9/ عبادة الصبر....🥺💙🦋 أنك تسلم أمرك كله لله فهو أرحم بك من والدتك وتصبر علي قساوة الظروف والأحوال {وبشر الصابرين} 10/ عبادة التبسم...😄 أقتداء بخير الأنام عليه الصلاة والسلام {تبسمك في وجه اخيك صدقه لك}🥺.💙

شيخي لما كان يقابلني اي مشاكل واحكيله كان يقولي "استمتع بقضاء الله" اللي هو مش فاهم بصراحة .. يعني ايه اكون متضايق وهو يقوللي استمتع بقضاء الله .. طيب لما اكون فرحان ماشي انما كمان وانا زعلان ! لحد ما فهمت معنى الكلمة دي لما قرأت قصة سيدنا موسى على نبينا وعليه الصلاة والسلام .. أُلقي في البحر من وهو صغير وبعد كده بقى أمير وبعد كده خرج خايف يترقب .. بعد شوية بيرعى غنم !! وفي عز كل ده ربنا عز وجل يقول له "ولتُصنع على عيني" فهمت اني لما اكون في حاجة حلوة او مش حلوة اني أسأل نفسي سؤال مهم جدا "ماذا يُريد مني الله الان؟" الحالة اللي انا فيها ايه نعم من ربنا يبقى لازم أستمتع بقضاء الله بالشُكر وألبس طاقية الشاكر لله .. الحالة فيها بلاء .. يبقى لازم أستمتع بقضاء الله بالتضرع اليه والدعاء .. وفي الحالتين أنا راضي يا رب الحمدلله .. ساعتها هتكون عبد بجد .. مستسلم لقضاء الله .. وافتكر الاية دي "ولتُصنع على عيني" وهنا سؤال مهم "تفتكر ماذا يريد الله منك الان!؟"

هي البنت لما راحت لأبوها وقالتله إن سيدنا موسى قوي وأمين عرفت منين إنه أمين؟! =عشان سقالهم الغنم بتاعهم. -وهي فين الأمانة في الموقف ده!! =هو في سبب تاني؟! -اه. لما سيدنا موسى عليه السلام وصل مدين، راح بالأخص عند البئر وقعد هناك، الطبيعي لما بتكون داخل لوحدك مكان جديد عليك بتفضل تبص على المكان يمين شمال وتشوف تصرفات الناس وطريقة كلامهم وعاداتهم وهكذا، وده اللي حصل مع سيدنا موسى؛ لما شاف مجموعة كبيرة من الناس بتتزاحم عند البير عشان يسقوا مواشيهم وأغنامهم ولاحظ إن في بنتين واقفين لوحدهم على جنب وبيمنعوا مواشيهم وأغنامهم إنهم يروحوا للبير، فسيدنا موسى لما شاف المنظر استغرب وقرر بشهامة يروح يسألهم عن السبب! فالبنتين ردوا وقالوا:" لَا نَسْقِي حَتَّىٰ يُصْدِرَ الرِّعَاءُ ۖ وَأَبُونَا شَيْخٌ كَبِيرٌ" هما اتعودوا كل مرة يستنوا لما الناس دي كلها تخلص سقي أغنامهم ومواشيهم وبعد كده يروحوا يسقوا أغنامهم من المية اللي فاضلة منهم في الحوض لإن ماينفعش يزاحموا الرجال، والوحيد اللي كان ينفع يعمل كده هو أبوهم وهو للأسف راجل كبير في السن فمايقدرش! فسيدنا موسى قرر يساعدهم فأخد مواشيهم وأغنامهم وراح سقاهم بنفسه ورجعهملهم تاني وراح قعد في الظل. فالبنتين لما رجعوا لأبوهم حكوله عن موقف الشاب الشهم معاهم، فأبوهم طلب من بنت منهم إنها تروح للشاب ده تطلب منه يجي يقابله عشان يشكره بنفسه على شهامته مع بناته. وفعلًا البنت راحت لسيدنا موسى وسيدنا موسي وافق يروح معاها لأبوها. وهما ماشين في الطريق، هي كانت ماشية قدام، وسيدنا موسى كان ماشي ورا وده لإنها هي اللي عارفة الطريق، وفي اليوم ده كان في رياح شديدة، والرياح مهما كان اللبس واسع لما بتخبط في الملابس بتصف شكل وحجم الجسم!، وده اللي حصل مع البنت، فلما ده حصل، سيدنا موسى وقفها وقالها إنه هيمشي قدامها وأمرها تمشي وراه، ولو على معرفة الطريق، سهلة، تمسك شوية حصى في ايديها، لو مفروض الطريق يمين ترمي حصوة ناحية اليمين وهو هيفهم، ولو يمشي شمال ترمي الحصوة ناحية الشمال وهكذا. -هو ده الموقف اللي اتأكدت فيه من أمانته؟ =بالظبط. -طب والقوة؟ عرفت منين إنه قوي؟ طالما موقف السقاية شهامة ومروءة؟! =لما سيدنا موسى راح يسقيلهم الغنم كان محطوط فوق البير حجر ضخم، والحجر ده معروف بين أهل مدين إنه عشان يتشال محتاج عشر رجال يشيلوه قصاد بعض، وهو وقتها شاله لوحده! -😲 وعشان كده لما رجعت لأبوها قالتله:" يَا أَبَتِ اسْتَأْجِرْهُ ۖ إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ" #القوي_الأمين💙 والله أعلم #تفسير_آيات_القرآن علمنا الله واياكم🌿 #هبة_شلبي

لا حول ولا قوة إلا بالله

الحوقلة تُحقق الأمنيات، وتُسَهل الصعب، وتُيسر العسير، وتُخفف الثقيل، وتزيل الشدائد، وتُفرج الكُرب، وتقضي الدَين.

لو النّاس راحت تدفن حدّ ولقيوا تعبان في قبره ده مش دليل سوء خاتمة ولا حاجة؛ علشان القبور مكان طبيعي إنه يكون فيه حاجات زي التعابين، والإنسان لو هيتعذب بتعبان مش هيتشاف من الأساس، فلما تشوف تعبان في قبر التصرّف الوحيد اللي يتعمل إنه يتقتل وخلاص ببساطة.. ما تجوّدوش يا جماعة من دماغكم وتستنبطوا حاجات تانية. لو حد مات وما لقيش حدّ يصلّي عليه إلا عدد قليل من الناس ده مش سوء خاتمة ولا حاجة؛ فيه صحابة كبار ماتوا وحيدين جدّا، لو حد مات وما اكتشفوش إنه مات إلا بعد ما جسده تعفّن برضو مش سوء خاتمة، عادي إنسان ربنا كتب عليه إنه يكون لوحده في اللحظة دي ومحدش يعرف بموته، وزيّه لو مات في الحمام ودماغه سقطت في البلاعة، علشان ملك الموت مش هيستنّى لما يطلع من الحمام ويقبض روحه، لو حد جسمه اتقطّع 100 قطعة مش سوء خاتمة، فيه صحابة اتصلبوا واتشوّهت أجسادهم الشّريفة. نحاول نرمي طريقة الوعظ الغلط اللي اتربينا عليها دي في الزّبالة، علشان القرآن كامل وسنّة نبيّنا عليه الصلاة والسلام بين إيدينا ومفيش حاجة من الهري ده. أحمد دويدار

ألحوا في الدعاء وادعوا وأنتم موقنون بالاجابة

أعتق اللَّهُمَّ رِقابنا ورِقاب آبائنا وأمهاتنا وأحبابنا وكل من له حقُّ علينا من النار