Ingliz Tilini O'rganamiz

🔠🅰️🔠🔠🔠🔠🅰️🔠 - 1️⃣ Hozirgi, o'tgan va kelasi zamonlar osonroq tushuntirilgan formatda mashqlari bilan. Bundan keyin gap tuza olishingiz oson bo'lishi kerak. #zamonlar 💠 @inglizenglish

DTM TEST ✍️ Testlarni yechib, javoblarini izohlarda qoldiring. Biz esa ertaga to'g'ri, deb bilgan javoblarimizni izohda qoldiramiz. ✍️ 🔠 @inglizenglish

🔤 Bugun sizlar bilan o’tgan va bu hafta o’qiyotgan kitoblarim bilan bo’lishsam. Odatda, men bir nechta kitoblarni bir vaqtda mutolaa qilaman. Bu yomon odat. Chunki hech birini tez tugata olmaysiz. Lekin bilsam, bittadan ko’p kitob o’qiydigan yolg’iz men emas ekanman. Bookworm (mutolaani sevuvchilar) larni ko’pida shu holat ekan. Shu yomon odatni yo’q qilish uchun hozir faqat 3 ta kitob mutolaasiga e’tiborni qaratganman. Maqsad, sekin-asta bir vaqtda, bitta kitobni boshlab, shuni tugatib keyin boshqasiga o’tish. 3 kitob haftaliklarining birinchisi: - Katerina de Medichi. O’sha mashhur italiyalik boy Medichi oilasining a’zosi bo’lgan qiz hayoti. Kitob esa o’sha ayolning qirol eri va qirollikda bo’lgan ajoyib voqealar haqid. Kitobga gap bo’lishi mumkin emas. Juda shirin tilda yozilgan. Muallifni vebsayti ham bor. Ko’p yillab izlanib yozilgan kitob bilan, yuzaki o’rganib, tez yozilgan kitobni farqini shunday kitoblar orqali bilib olsangiz bo’ladi. 2. Ko’pchiligingiz kinosini ko’rganingiz “O’n ikki stul” rus mumtoz adabiyotining o’chmas mulkidir. 3. O’zimizning Abbos Saidning o’zbek turmush tarzini ajoyib yoritib bergan hikoyalar to’plami. Shaxsan men uchun shuncha azobu-uqubatlarni boshidan o’tkazgan o’zbekistonliklarning har biri qahramon. Shu qahramonlarni yoritib berish uchun ko’proq Abbos Saidlar kerak bizga… Siz qaysi kitob(lar)ni o’qiyapsiz. Biz bilan bo’lishing. Izohda rasmini qoldiring, nomini qoldiring, ma’lumot yozing, fikrlaringizni ayting, xullas faol bo’ling. 😊 🇦🇺 🦘🇺🇿 @inglizenglish

Good afternoon, Avstraliyadan. 😉 Bizda soat 16:35. Endi ba'zi yozma postlarimiz EASY [oson] , MEDIUM [o'rtacha] va ADVANCED [yuqori] larga bo'lingan holda joylab boriladi. Bu bilan siz o'z darajangizni bilib borishingiz mumkin bo'ladi. Shuningdek, keyingi daraja uchun ham ishlashda davom etishingizga yordam beradi. Hozirgi post MEDIUM level - tilni o'rta darajada biluvchilar uchun - lekin bunda hamma qatnashib o'z bilimini oshirishi mumkin. Bu faqat tilni o'rtacha biluvchilar javob bersin, degani emas. Yuqorida aytilganidek, bu bo'lishlar shartli bo'lib, darajangizni bilib borishingiz yordam beradi. Demak, bugungi post. I KNOW LITTLE ABOUT YOU - Siz haqingizda oz bilaman. - I know little about him. Can you tell me more about him? - I know little about her. - We know little about them. Va hkz. Siz ham o'z misollaringizni yozib qoldiring. Biz ko'rib chiqamiz. 💻💻💻💻 🇦🇺🦘🇺🇿 @ixtiyor_avstraliya

Kelasi zamon uchun mashqlar. 😊 💠

#foydali Ingliz tilini endi boshlaganimda bir do’stim ”Sen Londonga borarmiding, ingliz tili o’rganyapsan?” deb hazillashgan edi. Biz har bir kunimizni hayotimizdagi muammolarga yechim topish harakatida o’tkazamiz. Tirikchilik muammosini yechish uchun pulga ishlaymiz. Kelajakdagi moliyaviy muammolarni oldini olish uchun institutga o’qishga kiramiz. Ohirat muammolarini oldini olish uchun tavba qilamiz (agar ulgurib qolsak). Boshliqqa yomon ko’rinib qolish muammosidan qochib ishga ertaroq boramiz, ishdan esa boshliq uyiga ketgandan keyin ketamiz. Men bir narsaga qattiq ishonaman. Hayotimizdagi barcha muammolarimizga bilim orqali yechim topa olamiz. Bizga kerakli bilim tekinga yoki juda arzon narhga bor. 7 millyard odam ichidan chiqib, butun umrini bir sohaga sarflagan mutaxassis bilimlar to’planmasini (kitobini) 2 lagan oshga sarflaydigan pulga sotib olish mumkin. Hozir bir kitob o’qiyapman. 700 sahifa atrofida. Muallif 15 yillik mehnat faoliyati xulosalarini 6 yil davomida umumlashtirgan xolda kitob qilgan. Narhi 109 ming so’m. Nechta tandir somsa beradi? Ko’pchiligimizdagi katta muammo bunday tekin va arzon bilimlarni o’zbek tilida mavjud emasligida. Eng achinarlisi bunday bilimlar 99,9999% qismi o’zbek tiliga hech qachon tarjima qilinmaydi. Bizda bilim olishga hohish bor. Savollarimiz ko’p. Muammoimiz esa savollarni o’zbek tilida berishimiz. Biz bilgan bir nechta shaxslar bor. Biz ularni ”savollarimizga javob bera oladiganlar” deb hisoblaymiz. Ulardan savollar so’rayveramiz, so’rayveramiz. Ularda esa savollarga to’liq javob berishga yo vaqti yo’q, yo yetarlicha bilimi yo’q. Kimlardir muammolarimizga tez yechim topa olishimizga yordam beraman deydi. 2 kun seminarimga qatnashsang pul topishni o’rgataman deydi. Bilmaymizki bizni maxsulot sifatida ishlatishayotganini. Eng mashhur investorlardan biri Warren Buffet bilimlari tekinga bor. Hohlagan odam saytidan o’rganishi mumkin. Bilim olishdagi eng katta muammo yechimi - bu ingliz tilini o’rganish. O’zbek tiliga hech qachon o’girilmaydigan manbalardan bilim olmoqchimisiz - ingliz tili o’rganing. Tanqidiy fikrlashni yaxshi o’rganmoqchimisiz - ingliz tili o’rganing. Yaxshi qarorlar qabul qilishni o’rganmoqchimisiz - ingliz tili o’rganing. O’z sohangizda taniqli bo’lmoqchimisiz - ingliz tili o’rganing. Olti oy davomida ingliz tilidagi kitobni o’qib bemalol tushunadigan bo’lasiz, suhbatda fikringizni hotirjam tushuntira oladigan bo’lasiz. Iloji yo’q demang. Buni isbotlaganlarni avvalgi postlarimda bir necha marta eslatib o’tganman. Ular ham oramizdagi odamlar. Guruhdoshimiz, tengdoshimiz. Talabalik vaqtimizda har yili 2 oydan ko’p vaqtni paxtada o’tkazar edik. Magistraturada o’qiganimda bir kursdoshim bor edi. Bir yil davomida 90 kunini Minecraft o’ynab o’tkazgan edi. Sizning bir yilingiz necha kuni nima bilan o’tyapti? 6 oy vaqt ajratib til o’rganish muhim. Bilim olish muhim. Shunda butun hayotingiz o’zgaradi, kelajak o’zgaradi. Avlodlaringiz kelajagi o’zgaradi. Do’stim aytganidek siz Londonga borarmidingiz. Aslida chetga chiqish muhim emas. Bilim olish muhim. Tilni bilim olish uchun o’rganing. Londonga ham borasiz, Nyu-Yorkga ham borasiz. Men misol. ©Bek Olimjon(Behzod Tashbaev) 🇺🇸@inglizenglish

Shu 20 so'zni talafuzi ozroq qiyinroq bo'lishi mumkin, shuning uchun shu so'zlarni yig'ib tog'ri talafuzini sizlarga jo'natyabman Bir talaffuz qilib koringizlar ! @inglizenglish

DTM TEST ✍️ Testlarni yechib, javoblarini izohlarda qoldiring. Biz esa ertaga to'g'ri, deb bilgan javoblarimizni izohda qoldiramiz. ✍️ 🫥

Reading 📚 📖 "O'qib tushinish" ni yaxshilash uchun oddiy so'zlarning ham boshqa ma'nolarini bilishingiz kerak bo'ladi. Birgina " Well " so'zini ishlatilish joyi (context) ga qarab turli xil ma'nolari bor. There is water in the well (quduq) - Quduqda suv bor. He was sick but he is well now (sog'lig'i joyida) - U kasal edi ammo hozir uning sog'lig'i joyida. He plays football well (yaxshi) - U yaxshi futbol o'ynaydi He saw tears well up in her eyes (oqib chiqmoq) - U ( he ) uning ( her) ko'zlaridan yosh oqib chiqayotganini ko'rdi. “Well, I don’t know,” he said (xullas) " Xullas men bilmayman " dedi u. Keyin safar so'zni tarjimasi chiqmayotgan bo'lsa, lug'atdan tekshiring, balki siz bilmaydigan ma'nosi ham bordir! @inglizenglish

Contact or Get in touch with - bog'lanmoq (aloqaga chiqmoq) ↙️↙️ Kundalik hayotda, odatda, Contact fe'lidan ko'ra Get in touch with birikmasidan ko'proq foydalaniladi: • Is there a number where I can get in touch with you? - Siz bilan bog'lanishim mumkin bo'lgan raqam bormi? Farqini bilib oldingizmi? ✅ @inglizenglish