نَبَطيّ

صوتي تجرّح ما بقى غير همسي ‏وعسى حروفي اليوم توفي بغرضها ‏کن السنين استكثرت طول عرسي ‏سبعين غيري ما حصلّه بعضها ‏ولا بدها يا سعود بتغيب شمسي ‏ذي سنةٍ رب الخلايق فرضها ‏ولعلها حريتي بعد حبسي ‏ولعلي ألقى عند ربي عوضها ‏لولاي أحبك ما تذكرت نفسي ‏ولا انتبهت لعجزها أو مرضها ومادام أشوفك طاب حزني وأنسي وما همني حلو الحياة ومضضها ‏لعل قبل سعود لحدي ورَمسي ‏أخوي من أثرى حياتي ونهضها ‏ويا من ذكرني ما تذكرت منسي ‏ذكرت من عد النجوم وقبضها ‏أنا الذي لو تلمس الريح خمسي ‏كان السحاب أرخى العباة ونفضها! ‏هذا الشجن حرثي والأيام غرسي ‏قصيدتي يبطي الزمن ما نقضها - البدر، الله يرحمه.

الفاجعة أم المصايب والأكدار لاراح منهو ماحسبت إنه يروح" عظّم الله أجر الشِّعر وأجرنا.

‏طبيعي من الفراق تحس بالإنكسار؟ ‏ولا أني أول بشر من الفراق انكسر! ‏راحت / و ضاقت بأثرها واسعات الديار ‏من بعدها ما لقيت بوسعها "ما يسر" ‏يمر ليلي دهر / و الصبح قدحة شرار ‏شهرين وأنا "ياصبح اصبر" و"يا ليل اسر" ‏يا ليتني ما بحثت الجمر "هاك النهار" ‏ولا كسر غفلتي / وجه الصحيح العسر ‏من عقب كنت "الطموح" شلون صرت الخيار؟ ‏ومن عقب ما كنت فايز / بأي حق أخسر! ‏ياجعل ما فيني من الضيم و الإنهيار ‏في قلب من حط للضيقة بقلبي جسر ‏غنيت به بأسمي الرسمي / و بالمستعار ‏قصايدٍ كنها من "العود الأزرق" "كسر" ‏متخالط احساسها ، برد و / لواهيب نار ‏مثل ما خالط حياتي معه "قل" و "يسر" ‏حبيتها / من ضميرٍ ما يعرف "البوار" ‏وحبتني/"بقلبٍ منافق" و "كف أعسر" ‏وعطيتها عمري اللي من "طوال العمار" ‏وجازتني / بصدمةٍ كنها "قيود الأسر" ‏وعلى كثر ما تجرعت "الأذى" و "المَرار" ‏جسرت "قلبي" ، أبيه يعافها / ما جسر. سلطان سعد

‏اما جلوس العز بين الاجاويد ‏ربعٍ على المذهب ونعم البطانه ‏ولا لحالك سج رجلك مع البيد ‏واحذر جلوس المهزله والمهانه

‏فيك تشخص البصاير ولك مد الكفوف ‏ياكريم يكرمون الأكارم من عطاه ‏عالم اللي ما أعلمه شايف اللي مانشوف ‏خافيٍ سرّه.. والأسرار ماهي بتخفاه ‏ولا جفانا القل واللي روابعهم ضعوف ‏جعل ربي ما يرينا لا غضبه ولا جفاه ‏ولا انقفل بابٍ رزق حرّاسه وقوف ‏فتّحت بيبان الأرزاق من كل اتجاه*

الحنيّة في أجمل صورها: "لك على هالوجه حق ولك وسط العين قرّة لا سمحتي من صفا الأيام؟ خلّي لي تعبها" -ماجد النفيعي وأيضًا: "أعاتبها ويلمع دمعها وأغيَّر الموضوع أنا الغلطان دام السالفة تاصل مدامعها"

"على رمضى الدروب اللي تودي لك أجرّ خطاي ‏لمحت أوّل سرابـك ما دريت بآخره حتفي"

لا تساورك الظنون ولا تساورك الطواري عادك أغلى من عشقت وعادك الحبّ المبدّى وعادك اللي كل ما هب الهوا والليل ساري أذكرك وإذا ذكرتك سال غيم و ورّد ندّى في غيابك ملتهب قلبي على جمر إنتظاري والحزن إن ما تعشى من قفص صدري تغدى ذي طيوفك من يميني و ذي طيوفك من يساري تطرق ف باب الطواري طيف جاب و طيف ودا والله إني في محيا وجهك الطاهر أماري وكل زين يمرني عقبك أمره وأتعدى في محطات العمر ما كنت من ضمن اختياري القدر جابك وأنا ممنون للأقدار جدّا ياحبيبي وأغلب العشاق من بايع و شاري يوم أنا من كثر ماني واثقٍ فيك أتحدى أنت مثل الحاكم اللي دون شعبه نهر جاري و أنا مثل الصامل اللي دون حاكمه يتفدّى

"‏يعرفني الموج، ما يعرفني الساحل ‏يجهلني القاع، وما تجهلني القمّة"

تمنيتك وأنا كل الأماني جبتها بعناد ‏وتصاغرت الظروف اللي تهد وجيت لك كلي ‏قطعت دروب وأحلامي قراح وذكرياتي زاد ‏عطيتك صافي شعور المحبة وش تبي قل لي؟ ‏لو إنه بيني وبينك .. عذول ومعجزة وبلاد ‏أحسك نسمةٍ مرت عجولة تحتضن ظلي

‏قد سمعنا بشيخٍ تزبن الناس بيته ‏ماسمعنا بشيخٍ تزبن الناس جوّه! - الشاذلي العجب.

‏لا المستحيل يردني ولا ابن عم المستحيل ‏ياما كسرت القاعدة واخلفت وجه اعرابها ‏صدري ليا عليَت.. علا وليا استطالت؟ يستطيل ‏إما أستوت لي كلــــهـا! ولا بـلاش اشقى بها*

‏لو عذَرت الطاري المرّار في طيَّة سجلّي؟ ‏ما عذرت عيونك النجلاء على قلّ الكلافة ‏هات ظِلّك، قرَّب أيّامك! اِخذْني من محلّي ‏شدّني لين الحقايق تحتضر فيها الخرافة ‏إن رضيت أجيك كلّي وإن زعلت أجيك كلّي ‏أنت ذنب ٍلو يُعَاد الوقت؟ أبى أعيد اقترافه! *محمد السلطان

ما أرجي من أهل الأرض زود ومنافيع أرجي من الله .. دعوةٍ مستجابة

‏تمدّ الصباح بـ ضحكتك يا أوَّل العنقود ‏هذا ثاني الأعياد وإحساسك، إحساسك ‏يمرّ الرّضا، ويفزّ غصنك، وتلْقَح نود ‏وأحاولك، وأستدرك مشاويرك، وناسك! ‏أنا -يا عساني فدوة الصافي القرهود- ‏يا لولا عيونك؟ ما تخطّيت حرّاسك ‏أسوق القصايد كلّها للعيون السود ‏وتجي غيمةٍ ما تمطر إلَّا على رأسك! محمد السلطان

"رحاب الأرض: مدّي لي مداك الجرهدي وأهلّ ‏قصيدٍ ما عليه الا نباي وسيرة أجدادي ‏يعمّ الصمت وتطول المسافة والوله ما قلّ ‏وأنا ما عشت أدوّر فرصتي وأمرها عادي ‏أتلّ خطاي في عرقٍ من الصحرا وانا ما أدلّ ‏طريقٍ لو تعلّق فوق جفني طوّل سهادي ‏تمثنيت الحنين وضاع صوتي فالسهل والتلّ ‏هنا ما هبّت أنسام الهوى مع مفرق الوادي ‏ياربّ الآدمي، والليل، والبيداء، وربّ الكل ‏أنا لولاك أضيّع صيدتي وأكسّر شدادي ‏ياكم ضاعت ليالي وأنجرح صبح ورفيقٍ زلّ ‏على نفسٍ قدايمها علي تعاتب جدادي ‏مابين أذكر وبين أنسى وبين أسعى وبين آملّ ‏مراحل والمراحل بينها موتي وميلادي ‏مساعي غربتي سكة طويلة وإرتحال وحلّ ‏على وضح النقا وأحدّ صبري وأصقل عنادي ‏أنا ما اعرف اقول إن قالوا العالم: تكلّم ، قلّ !! ‏اعرف أشعل سمَا نجد العذيّة وأقدح زنادي ‏ورى ذاتي قطعت البيد عنوّة والسنين تزلّ ‏على كفّ العطش والريح شربي والمدى زادي ‏على شان الشعور اللي ورى حدب الضلوع يطلّ ‏اخذت الثأر وأشفيت الغليل وجيت له: حادي ‏خذ آخر ما تبقى ياشريط الذكريات وخلّ ‏ركايب صبري وضحكة شقاي وغاية مراد" - مشاري محمد

اللي مسخّر للظروف العوامل ‏تدبير ربي.. لا ذهانة ولا حرص ‏إن ما لقيت بدنيتك شي كامل ‏ترا الرضا هو الي يكمّل النقص*