هذا شعوري !

" ما لفت إنتباهي ، أخذ كل الإنتِباه ".

" دامك معي مافات من فرحتي شي ‏يكفيني من الأرزاق شوفة عيونك ".

" هدب عينتس يهد اللي يمرّه كان ما تدرين ‏تبين اللي حفظ سلهامها ما أنتي تهدّينه؟ ".

" بدوي لا أستحى من قول أحبج ‏ راح ينّسج له من اللهفه قصيـدة ".

" عطرك لو اشمه على باقي الناس ‏مثل المديح اللي ماهو في محلّه ".

" لا تقول أنا ليا ضقت مادري وين أروح ‏ فاتحٍ لك باب روحي قبل لا تطرقه " .

" أنا من بعد وجهك كن مافي هالحياه وجيه ‏أشوفك فالصور وأشوف وجهك في وجيه الناس ".

والله ثلاثًا انه: " من دواعي سروري أكسب ‏ضحكتك نهاية النقاش و أخسر الباقي 💙 ".

أصدق عبارات الغلا : فاقدينك ‏" وأرقها لا عاد تبطي علينا .."

اللي يخاف من الخساير والأرباح ‏و الله ان يبطي ما تغيّر محلّه ‏عيّت تخلينا المقادير .. نرتاح ‏نسوقها واللي على الله على الله

الا واهني اللي حياته سهود ومهود ‏تخالف دواليب الدهر ما اختلف جوه

ماطلبتك شي فوق الاستطاعه ‏كل ما فالامر حاول ، تنتبه لي.

صديق الرخا لو نحسبه حسبة الغالين ‏ظلمنا الكريم اللي وقف ساعة الشدّة.

والله يا حربٍ مع قومٍ اشراف ‏اخير من خوة عديم الحـمــية

أما رقينا مرزمات السَحابَة ‏ولا وجود النَفس يشبه عَدمها

يدور الزمان وكل يومٍ يطيح قناع ‏وتظهر لك وجيه الناس وطبايعها

تواصل مع الغالين ما دامهم حيّين ‏تـغانم زمانك قبل لا يبعدك عنهم .

لو إني أسلا كان ماجيت فالبال ‏ولو إني أقدر كان صديت عايف"

احلامنا ماهي على الله صعيبه ‏لا بد ما ياتي لها يوم .. وتكون

عيا الزمن يصفا وحنا مستحين ‏يطحن امانينا مثل طحن الرحى ‏يقسى ونقسى لا يلين ولا نلين ‏ويصحي اللي له ضميرٍ ماصحى ‏ان زان ولا شان حنا صابرين ‏وبنموت عاد وجيهنا فيها سحى .