ادبیات سئونلر

گیلگمیش داستان‌لاری ادبیات سئونلر کانالیندا یئدینجی بؤلوم زمان: بوگئجه 1402/9/20 ساعات: 21 ناغیلی حاضیرلاییب سویله‌ین: «ریضوان حاجی قاسیملی» جانای طراح:« تانیش» https://t.me/Adabiyyatsevanlar

«امیرعبداللهیان: مقامات دیگر کشورها می‌گویند ما به وضعیت ایران غبطه می‌خوریم!» معلومه آغو باید هم به حقوق بازنشستگان تامین اجتماعی به رتبه بندی معلمان  به امنیت شغلی  اساتید منتقد دانشگاها به، هوای پاک تهران ، به دریاچه پر آب ارومیه، به تالاب پاک و بی زباله و غرق در آب  بندرانزلی به پیشرفت وتوسعه سیستان و بلوچستان  به زندانهای خالی ما، به سرانه مطالعه و مطبوعات پرفروغ ما،به یارانه های کلان ما به خودروهای امن و مفت سایپا و ایران خودرو به آزادی زنان ،... باید هم غبطه  بخورند اصلا غلط می کنند غبطه نخورند...

گیلگمیش داستان‌لاری ادبیات سئونلر کانالیندا یئدینجی بؤلوم زمان: بوگئجه 1402/9/20 ساعات: 21 ناغیلی حاضیرلاییب سویله‌ین: «ریضوان حاجی قاسیملی» جانای طراح:« تانیش» https://t.me/Adabiyyatsevanlar

. رقص يك زن بر دریاچه خشكيده ارومیه؛ ‏روایتی تمثیلی از پرپر زدن قوی سیاه بر آشيانه نابود شده‌ اش .....

لاله‌نین افسانه‌سی حاضیرلایان:« ویدا حشمتی» دئییرلر کی، لاله گؤزل، بویلو-بوخونلو، تایی-برابری اولمایان بیر قیز ایمیش. درد-کدرین، نه اولدوغونو بیلمزمیش. گونلر کئچدیکجه لاله بؤیویوب بویا-باشا چاتیر. اونلارین قاپیسینی دا ائلچی‌لر  تئز-تئز دؤیور. لاله‌نی اورکدن سئودیگی بیر اوغلان نیشانلاییر. واخت چاتیر، لاله‌یه توی ائدیرلر. گونلر اؤتدوکجه لاله داها شن، داها گؤزل اولور. بیر گون لاله‌گیلین یاشادیغی شهرین حؤکمداری، آداملاری ساواشا(جنگ) آپارماق ایسته‌ییر. حؤکمدار جارچی‌لارینا دئییر هر یئرده چوو سالین: «خوشبختلیک، سعادت، وار-دؤولت ساواشدادیر. کیم ثروت صاحیبی اولماق ایسترسه، عؤمرونون سونونا دک بوللوق ایچینده یاشاماق ایسترسه، حؤکماً قیلینج گؤتوروب، قان تؤکمه‌لی‌دیر.» مین‌لر لاله ایره‌لی کئچیب، ارلری‌نین، سئوگیلی‌لری‌نین گئتمه‌یینی ایسته‌مه‌ییرلر. اونلار دئییرلر: «ساواش آنجاق فلاکت، بدبختلیک گتیریر. آنانی اوغولسوز، اوشاغی آتاسیز، قادینی ایسه، ارسیز قویور. بیزه یازیغینیز گلسین، رحمینیز گلسین. گؤزوموزو یاشلی، باغریمیزی قانلی قویمایین!» باهار گئتمک زوروندا قالیر: «گؤزله منی، باهاردا گله‌جه‌یم» دئییر. لاله حسرت‌له باهاری یولا سالیر. آیلار-ایللر اونو گؤزله‌ییر. آنجاق سئوگیلیسیندن بیر خبر-اتر اولمور. نهایت، گوللو-چیچکلی باهار فصیلی گلیر. لاله سئوگیلی‌سینی دوزه‌ن‌لیکلرده، یوللارین کناریندا قارشیلاماق اوچون قیپ-قیرمیزی دونو ایله، گؤزله‌ییر. او، حسرت دولو گؤزلرینی اوزاقلارا تیکیر. لاله چوخ گؤزله‌ییر، گؤز یاشلاری آخیر. لاکین اونون سئوگیلی‌سی باهاری، «گؤردوم» دئین اولماییر. درد الیندن لاله‌نین باغری قاپ-قارا اولور. او آیریلیغا دؤزه بیلمیر. اللرینی قالدیریب، گؤیه یالواریر. لاله قیپ-قیرمیزی دونوندا، چیچه‌یه دؤنور. بیر گون باهار واختی لاله‌نین سئوگیلی‌سی یورغون، یارالی قاییدیر. ساواش اونو عؤمورلوک بدبخت، شیکست ائتمیشدیر. اوغلان لاله‌نی نه قدر آختاریرسا، تاپماز اولور. گؤرور کی، باشقالاری دا اونون کیمی اؤز لاله‌لرینی آختاریرلار‌. علاج‌سیز قالیب، چیمنه گلیر. دیزلری قاتلانیر، گؤزلریندن یاش آخیر. گؤرور کی، چیمنلیکده مین‌لرجه لاله اونا باخیر‌. ایندی ده کی ایندی‌دیر؛ باهار گلنده، لاله دوزلرده، یول کناریندا، داغلارین دؤشونده بیته‌رک، حسرتله سئوگیلی‌سی‌نین یولونو گؤزله‌یر. باهار ایسه، اؤز گؤزلریندن لئیسان یاغیشی آخیدار. https://t.me/Adabiyyatsevanlar

گیلگمیش داستان‌لاری ادبیات سئونلر کانالیندا یئدینجی بؤلوم زمان:دوشنبه   1402/9/20 ساعات: 21 ناغیلی حاضیرلاییب سویله‌ین: «ریضوان حاجی قاسیملی» جانای طراح:« تانیش» https://t.me/Adabiyyatsevanlar

شعیر:«ابراهیم اقبالی» سسلندیرن::«نیره اردلانی» https://t.me/Adabiyyatsevanlar

«یعقوب_نیکزاد» بورا سؤیکنمه، عؤمورلر یاری‌جان‌دیر قارداش! اؤزگه‌نین‌دیر هره، دوسلار نیگران‌دیر قارداش! داغیلان قانلی سوکوت، خاطیره‌یه دؤنمه‌لی‌دیر هئیکل اوسته دایانان، کؤکلو زامان‌دیر قارداش! سس آزادلیق آجی‌دیر، قورد دؤشوندن سوت امیر آخی بو کؤهنه حیات لاپ‌دا یاوان‌دیر قارداش! آلنیمیزدا یازیلان باختیمیزین داش باشینا! بئله عیصیان تؤره‌نرکن، جریان‌دیر قارداش! توخونوب سئوگییه حسرت، یاراماز گونلرده آرزونون دؤشلری نیفرتله چیبان‌دیر قارداش! گئت کلیسا بوجاغیندا اؤزونه بیر یئر توت! مچیدین آلتی بازار، اوستو توکان‌دیر قارداش! سئوگی اعداملا اولوبدور بارابار، بیر کسه سؤز شئیطانین آندی اؤلوم دادلی آذان‌دیر قارداش! لایلاسیز یاتمارام، ال اوستو گئدک زیروه‌لره منی عشقین باشینا بیر ده دولاندیر قارداش! باغلارین یان، یؤره‌سیندن هله‌ده قورخو یاغیر هله وار بالتالارین دا ساپی قان‌دیر قارداش! شعریمین ایچ‌قاتی آخشام‌باشی، آللاهدان ایراق هیجان‌دیر، هیجان‌دیر، هیجان‌دیر قارداش! https://t.me/Adabiyyatsevanlar

کریم رستمی نادر نصیری‌نین ایل دؤنومو تبریزده قید اولدو. تانینمیش ائل خادیمی، مدنیت عسگری، معلیم‌لرین قدیمی صنفی فعالی، ادبیات هوسکاری نادر نصیری‌نین ایل دؤنومو عایله‌سی،  رسا گوروپونون اؤیه‌لری،نادرین داغچی دوستلاری و سئونلری‌نین جمعی ایله کئچن جمعه گونو 1402/9/10تبریز ده قید اولدو. بو تؤره‌نی تانیمیش شاعیر جناس اوستادی اوستاد نصیر پایه‌گذار جناس اوخوماقلا آچدیلار. ایکینجی دانیشان نادر نصیری‌نین قدیمی دوستو ادبیاتیمیزین تانینمیش سیماسی ناصر داوران اولدو. ناصر بی سؤزلرینی بئله باشلادی: حؤرمتلی خانیم‌لار، جناب‌لار هر واختینیز خئیرلی بیر داها باشینیز ساغ اولسون دئییرم، آذربایجانین ان شریف اولادلاریندان اولان سئویملی معلم نادر نصیری‌نی ایتیردیمیز اوچون.  نادر نصیری تبریزین یئتیردیی چوخ محترم و ائل دردی چکن بیر انسان ایدی. من امینم کی آرخادان گلن یئنی نسلین تمیز فیکیرلری، دوز عمل‌لری اونون بوش یئرینی دولدورماغا چالیشاجاق. عشق اولسون نادر نصیری‌نین عزیز خاطیره‌سینه. تبریزه عایید بیر شعریمی اوخوماقلا نادر نصیری‌ده دویدوغوم قاتقی‌سیز وطنداشلیغی وورغولاماق ایسته‌ییرم. بورا تبریز آبیده‌لریمیزین خاقان سوراغی. اووجوندا گؤورچین بئینینده یانیق دیلیمیزین کرمی‌لری. بوردا گونش باتماز گئجه‌لر نه قده‌ر اوزون اولسا بئله. داغلاری‌نین قیزیل لؤوحه‌لری برکتین، تمیزلییین بیان‌نامه‌سی. کوچه‌لری‌نین یادداشیندا نه چوخ دومانلی قوچاق بونونلا بئله چای‌لارین گوجو اولدوزلارین دوغرو دیلی کرپیجی‌نین، داشی‌نین کولتورون اولوشدورور. بوردا دار آغاجی‌نین قیمتی وار مین‌لرله گونش‌سویلو سردار باشین اوجالدیب اونون. من سیزه تبریزی دانیشیرام دونیا شهرلری‌نین وطنداشی آلمانین، قیزیل گولون یونیوئرسیته‌سینی. بورا زنگین قلم‌لرین اؤلومه ساتاشدیغی یئر بورا علیاحضرت سئوگی‌نین بارگاهی‌دیر. «عینالی»دان دا باش داشی چیخماز بوردا مکتب اوشاق‌لاری «آجی»نین دوزون سویولموش قالامیزین قول ـ قانادین «مظفریه»ده دالغالانان ناخیش‌لاری یاشیل خور مغنی‌سی کیمی اؤیره‌نیرلر. حؤرمتله یاناش بو مؤحتشم شه‌هره دروازاسیندان گیرنده بیرآز اییل، سونرا گیر بورا «سامان یولو»نون پایتختی بورا تبریز جناب‌لاری‌دیر. بو تؤرن، حسن انداچه، حبیب فرشباف، میرزا شهرک، ذولفقار کمالی، مسعود شریعتی، حسن کافی،  احد ترابی‌نین تسلیت‌لری و شعیر اوخوماقلاریله داوام تاپدی. مجلیسین سون حیصه‌سی موسیقیه حصر اولدو. سئویملی صنعتکار عاشیق صنعتی‌نین ان تانیمیش سیماسی ائل عاشیغی، عاشیق «حسن اسکندی، نادر نصیری‌نین ایل دؤنومونو موناسیبتیله باش ساغلیغی وئرندن سونرا مجلس ایشتراکچی‌لارینی نئچه عاشیق هاواسینا قوناق ائله‌دیلر. مجلیس تبریز مکتبی‌نین یئتیردیگی گؤزل سسلی موغنی‌لر: احد یاری، علی مظفری، آیدین پور‌عبدالله‌ین نغمه‌لریله، مجلیسین آپاریجی‌سی کریم رستمی‌نین سؤزلریله بیتدی. https://t.me/Adabiyyatsevanlar