ادبیات سئونلر

اوشاق ادبیاتی پنگون و بورانینین ناغیلی حاضیرلاییب سسلندیرن: فاطمه محمودی

اوشاق ادبیاتی قیش گلیب، تاخ تاخ تاتاخ شاختـادان  دوندی   بـوتـون  تاختـا  تابـاخ قارکولک دی، چن دی ، بوز، هر یئر قیرو، هر یئر سازاخ چیلله چیلله  بیـز گره ک  قیش دان  داداخ ائتمه سین چوخ قاش قاباخ * داغلار آغ کؤینک گئییر باغ  و  بستــانــه کولک  لای لای  دئییر شاختادان گؤیده  بولودلار تیتره ییر  هئی  قار یاغییر یئـــر آغیـز آچمیش او  قارلاردان  یئییر آسمـانـه  بـاش  اَیـیــــر  * اولدو  قار هر کوچه دام من  باباملا  جورلـه دیم  قاردان  آدام قیش دادا  وار  چوخ گؤزللیکلرله  لذّتدن  خبـر قیش سیز ائتمز یاز  بو یئر اوسته  قیام قیش، سنه اولسون سلام ! * یئر اوشور قار یاغماسا، داغ  تپه ، چایلار ، باتار  هر گون  یاسا آمما  من  قیشدا  گرکدیر  ایستی  پالتارلار  گییه م قویمایام  تـا  شاختا دان  جانیم  سوسا یا مریضلیکدن  میسا

اوشاق ادبیاتی «کارتون» سن قار آدامی دوزلدییب سن؟ شهرینیزه قاریاغاندا قار آدامی دوزت شکیلین سال گوندر بیزه. یادیندا چیخماسین یاز هانسی شهرده یاشاییرسان، نئچه یاشین وار... https://t.me/Adabiyyatsevanlar

اوشاق ادبیاتی سئوگی افسانه‌سی۷ یازار: صمد بهرنگی چئویرن: منیژه جم‌نژاد 💗 یاری‌گئجه یئددی بئی ال اله وئریب، گؤیرچین قیلیغینا گیریب، اوچوب گئتدیلر. قوچعلی بیرآز مئشه ده دولاندی، آما یالقیزلیق دردینی آزالدا بیلمه‌دی. آخیردا بیرآغاجین آلتیندا اوتوروب بیرآز آغلادی. او٘ره‌یی بیرآز بوشالدیقدا، کؤهوله سو٘روسونون یانینا گلدی. جوان‌چوبان گئنه سوسدو. گؤزلری‌نی قیزین گؤزلرینه تیکدی. سؤزونون اثرینی قیزین گؤزلرینده گؤرمک ایستیردی. قیزین سسی تیتره‌یه‌رک دئدی: گئنه دئ. قوچ‌علی نه اولدو؟ دئنه. چوبان دئدی: - << صاباح گئجه‌سی گئنه قوچ‌علی پادشاهین قیزی‌نی خاطیرلادی، اونو هله‌ده او٘ره‌ک‌دن سئودیینی گؤردو. اؤز یانیندا دئدی: داغ‌لارین چوبانی دئییلم، اونون عاقلینی یئرینه گتیریب آدام ائله‌مه‌سم. پادشاه قیزی‌نین حیوان خویون‌دان ال چکمه‌سی اوچون نه ائده‌جه‌ییمی بیلیرم. بئله اونو اوجور یاشامدان اوزاقلاتمام گرکیر. سونرا گؤیرچین جیلدینه گیریب پادشاهین قیزی‌نین باغینا گئتدی. قیز گلیب سو٘دگؤلونه گیره‌نه‌جه گؤزله‌دی. قوچ‌علی ده گلیب گؤلون قیراغیندا نار آغاجینا قونوب دئدی: آی گؤزل‌قیز نه گؤزل بدنین وار! من سنه عاشیق اولدوم. خواهش ائلیرم سودون ایچیندن ائشیه چیخ، من سنه گؤزلجه باخیم. پادشاهین قیزی اؤنجه قودوز ایت کیمی های- کوی سالدی. یامان دئدی. امرائله‌دی. سونرا پادشاه قیزی اولدوغونو اونوتدو، باشقا یاخشی قیزلار کیمی مهربان اولوب دئدی: آی خوش دانیشیق‌لی گؤیرچین، من بیر گؤیرچینین عشقین قبول ائلیه‌بیلمرم کی. اگر دوغروچو عاشیق‌سان، جیلدیندن چیخ، منده سنه باخیم. قوچ‌علی جیلدیندن چیخمادی. پادشاهین قیزی اونون گؤیرچین جیلدیندن چیخماسی اوچون یوخوسونو وئرمه‌یه راضی‌لاشدی. قوچ‌علی قیزین یوخوسونو آلیب، اوچوب گئتدی. اوگو٘ن دن قیزین گؤزونه یوخو گلمه‌دی. یوخوسوزلوق‌دان ناخوشلاییب یاتاغا دو٘شدو. شهرین حکیم‌لری اونون دردینه درمان تاپمادیلار،  چونکو پادشاه حکیم‌لرین کیفیر ال‌لرینی قیزی‌نین تنینه وورمالارینا اجازه وئرمه میش‌دیر. بیرگو٘ن قوچ‌علی قوجا قریب بیرحکیم پالتاریندا پادشاهین یانینا گئتدی، سونرا ال وورمادان باخماسی اوچون قیزین یانینا گئتدی. بیرآز قیزا، اونو معاینه ائلیرمیش کیمی باخدی. سونرا دئدی قیز << سئوگی افسانه سی>> ائشیدیرسه توختایاجاق. کیمسه شهرده سئوگی افسانه‌سی باشارمیردی. قوچ‌علی گئنه قوجا قریب حکیم قیلیغیندا گلیب پادشاها دئدی فلان داغ‌دا جوان بیرچوبان یاشاییر، <<سئوگی افسانه سی>> نی یاخشی باشاریر، پادشاه اؤزو اونون دالینجا گئدیرسه قیزین باشی‌او٘سته گلر.>> ٭٭٭ چوبان گئنه سوسدو، قیزین هویوخموش گؤزلرینه باخدی. گو٘لوب دئدی: هه، آی‌گؤزل‌قیز، آی قیزخانیم بئله اولدو، بیرگون منی ایت کیمی ائویندن قووان آتان، داغلارا گلیب، منی سنه گتیردی، ایندی نه دئییرسن؟ قیز خانیم آغلاماغی‌نی ساخلایا بیلمه‌دی. دئدی: قوچ‌علی من همشه‌لیک پادشاه قیزی اولدوغومو اونوتدوم. سنی ایستیرم. ایندی سنین سئوگینه نئجه احتیاجیم اولدوغونو بیلیرم. منی اؤزونله آپار. هامی‌کیمی یاشاماق ایستیرم. قوچ‌علی دئدی: هامی‌کیمی یاشاماق سنین اوچون آسان ایش دئییل. چونکو ناز- نعمت ایچینده یاشامیسان. آما اؤزون ایسترسن، یئنی یاشامینا دا آلیشارسان. قیز خانیم دئدی: سنین‌له، باشقا لاری‌له اولورسام هرایش منه آسان اولار. قوچ‌علی، منی اؤزونله آپار. قیزخانیمی تک قویما. قوچ‌علی اونون گؤزیاشی‌نی سیلیب جیبیندن بیرآلما چیخاردیب دئدی: ایندی سن یورغونسان. بو آلمانی منیم الیم‌دن یئ، سونرا گئنه گلرم. دا سن همشه‌لیک منی سئوه‌جکسن، بیلیرم. گؤزل قیز آلمانی آلیب یئدی، آرخاسی او٘سته اوزانیب گؤزلری آستا- آستا یومولوب، شیرین یوخویا گئتدی. قوچ‌علی دوروب قیزین یاناغیندان اؤپوب گئتدی. پادشاها دئدی: قیزینین یوخوسونو قایتاردیم. او٘چ گونه‌جه کیمسه قصرین یان- یؤوره‌سینه دولانماسین، بدخواب اولار. دؤردونجوگون گئدین آییلدین. ایکینجی‌گون سحر، گو٘ن چیخمادان، قوچ‌علی گؤیرچین قیلیغیندا قیز خانیمین یانینا گلدی، جیلدیندن چیخیب، بیر قیزیل‌گو٘ل قیزین بورنونا توتدو. قیز گؤزلرینی آچدی، سس‌سیز، یومشاق گو٘لدو. قوچ‌علی دئدی: راحات یاتدین؟ قیزخانیم دئدی: شیرین یاتدیم، قند کیمی، بال کیمی. ایندی منی اؤزونله آپاریرسان؟ قوچعلی دئدی: هه، دور گئده‌ک باغدا یویون سونرا گئده‌ک. ٭٭٭ گون تازاجا چیخمیشدی ایکی آغ‌ گؤیرچین گؤلون قیراغیندا نار آغاجیندان قالخیب، گو٘نشه دوغرو اوچدولار. سون🕊 ۱۳۴۶ https://t.me/Adabiyyatsevanlar

اوشاق ادبیاتی حبیب فرشباف «دة‌ او نه‌ دير؟»    اولدوزلارين‌ آراسيندان‌  منه‌ باخير يانا – يانا،  من‌ قاچاندا اودا قاچير  ديغيرلانا، ديغيرلانا.  من‌ گئده‌نده‌ اودا گئدير من‌ دوراندا اودا دورور،  نئچه‌ ساعات‌ اويناييريق‌ نه‌ تؤوشه‌ يير، نه‌ يورولور.  او گلنده‌ گؤيون‌ اوزو اولدوز - اولدوز چيچك‌ آچير،  نوبه‌ - نوبه‌ گونش‌ ايله‌ يئر اوزونه‌ شفق‌ ساچير.  او گلنده‌ گونش‌ گئديب‌ «گون‌ باتان‌» دا سؤنوب‌ باتير،  گونش‌ گلجك‌ اودا گئديب‌ داغ‌ داليندا گيريب‌ ياتير.  

اوشاق ادبیاتی سئوگی افسانه سی۶ یازار:«صمد بهرنگی» چئویرن:« منیژه جم‌نژاد» 💗 عم‌قیزی‌لار سون زامان‌لادا پادشاهین اوولاق حیوان‌لارین، اونلارین مئشه‌سینه کؤچمه‌لری‌نی تشویق ائتدیک‌لرینی، اونلارین دا راضی اولدغونو دئدیلر. توی گو٘نو هامی‌سی گلجک‌لر. آما قارداش لاریم لا عم‌قیزی‌لار منه گؤره توی‌لاری‌نی ائرته‌له‌ییرلر. منیم ده شهره دؤنمه‌می قویمورلار.  دا بوگئجه یالقیزلیق زور گلدی، آغلادیم. او٘ره‌ییمی بوشالتماق ایسته‌دیم. دردیمی دینله‌دییین اوچون سندن تشکور ائلیرم. ٭٭٭ جوان باشینا گلن‌لری دئییب قورتارینجا، قوچ‌علی دئدی: سن آغلاماق‌دا حاقلی‌سان. منده بیر زامان‌لار پادشاهین قیزینا عاشق اولدوم. آما او منی قصریندن قوودو، منده سوراغینا گئتمه‌دیم. جوان سوروشدو: اوندان آجیغین گلدی؟ قوچ‌علی دئدی: یوخ. گؤرسم گئنه عاشیق اولارام. تای‌سیز گؤزل‌دیر. آما اؤزونو بیه‌نن دیر، پیس داورانار. من سنین لالانین بیر تو٘کونو مین پادشاهین قیزینا وئرمه‌رم. سونرا جوان دئدی: قوچ‌علی سن ائله یالنیز یاشاییرسان؟ قوچ‌علی دئدی: یوخ، باجیم لالا وار. جوان دئدی: لالا دئدین؟ سنین‌له قویون اوتاران قیز؟ قوچ‌علی دئدی: هه، آل یاناق‌لی او٘رکن قیز منیم باجیم دیر. جوان قالخیب دئدی: قوچ‌علی، بیر سؤز دئسم آجیغین گلمز؟ قوچ‌علی دئدی: باجیمی ایسته‌دیینی بیلیرم. اولسون. ایندیجه دور گئده ک. راضی ایسه گؤتور گتیر. قویونلاری تک جانیما اوتارا بیلرم. سونرا جوان قوچ‌علیه آت، گؤیرچین جلدینه گیرمه‌یی اؤیرتدی. ٭٭٭ کوهول ده، لالا کئچی‌لرین ساققالینی داریردی. یوخوسوز، یالنیز قالاندا بو ایشی گؤرردی. کئچیلر سیرایلا اوتوروب، لالانین ناغیلینا قولاق آساردیلار. قویونلار دا قولاق آساردیلار. نئچه‌سی ده یاتمیش، یا دا گؤوشه ییردیلر. ایتلرده کوهولون آغزیندا مو٘رگوله ییردیلر. یاری گئجه آی، کوهولون او٘ستوندن اَییلیب، کوهولون ایچی‌نی ایشیقلاندیریب باخیردی. بیر آزدان آی لالایا دئدی: لالا دور اود یاندیر. من داها بوندان آرتیق قالا بیلمرم، گئدیرم. لالا دوروب کوهولون آغزیندا اود یاندیردی. آی یاواش کوهولون آغزیندان زویوب گئتدی. ناغیل قورتولونجا ایکی گؤیرچین کؤهوله گیردی. بیری آغ آپباغ، اوبیری آغ، کوکسونده قیرمیزی بیر خال. لالا دئدی: حیوان‌جیق‌لار، یولونوزو آزمیسیز؟ گلین یانیما. آغ گؤیرچین خال‌لی گؤیرچینه باخیب سانکی دئدی: گئت یانینا، قورخما. خال‌لی گؤیرچین گئدیب لالانین الینده اوتوردو. لالا باخیب اونو اؤپدو. او بیری گؤیرچین ده گلیب لالانین اته یینده اوتوردو. سونرا لالا ایکی‌سی‌نی ده یئره قویوب دئدی: بوردا قالین گئدیم سیزه دن گتیریم. سونرا کؤهولون دیبینه گئتدی. بیرداش واریدی، یانا چکدی، بیر دلیک واریدی.  بیرآز داها کیچیک کؤهول واریدی. ایچه‌ری گئتدی. گؤیرچین‌لر تئز جلد‌لرین‌دن چیخدیلار. ایت‌لر قوچ‌علی‌نی گؤرجک گلیب اؤنونده اوتوردولار. لالا اووج‌لاریندا بوغدا  گلیب، قارداشی‌‌له، بیرگؤیچک جوانین کؤهول‌ده اوتوردوق‌لاری‌نی گؤردو. گؤیرچین‌لرده یوخودولار. دئدی: قوچ‌علی سن هارا گئتمیشدین؟ چوخ یوباندین! قوچ‌علی دئدی: ایندی گل منیم یئنی دوستوم‌ایله تانیش، سونرا دئیرم. منیم بو دوستوم سندن اؤترو بورا گلیب. لالا اؤنجه دینمه‌دی. سونرا دئدی: منیم گؤیرچین‌لریمین هارا گئتدیینی گؤرمه دیز؟ قوچ‌علی دئدی: بیز ایچری گلدیکده اوچوب گئتدیلر. من اونلاری تاپماغا گئدیرم. بوردان چوخ اوزاقلاشا بیلمزلر. سیز ایکینیز دانیشین. قوچ‌علی بونو دئییب ائشیه چیخدی، او٘زو آرانا بیر قایانین او٘ستونده اوتوردو. بیر آز سونرا لالا ایله جوانین ال اله گلدیک‌لرینی گؤردو. دئدی: مبارک اولسون. جوان دئدی: یولداش، سؤزون یوخسا ایندیجه لالا ایله مئشه‌یه گئتمک ایستیرم. عم‌قیزی‌لاریم، قارداش‌لاریم نیاران قالماسینلار. قوچ‌علی گو٘لومسه‌یه‌رک لالایا دئدی: لالا گؤیرچینلرینی توتمامی ایسته‌میرسن؟ لالا گو٘لومسه‌ییب دئدی: بس‌دیر قوچعلی. منیم‌له باش- باشا قویدوز. بو گئجه سنین میرتین توتوب. سونرا او٘چو ده گو٘لدولر. جوان قوچ‌علیه دئدی: صاباح آخشام گؤزله‌ریک، مئشه‌یه تویوموزا گل. سونرا آغ آپباغ بیرآت اولوب، لالانی دالیسینا آلیب یولا دو٘شدو. قوچ‌علی خوروز بانینادک اویانیق قایانین او٘ستونده اوتوردو. سونرا دوروب گئدیب، سو٘رونون یانیندا یاتدی. ٭٭٭ صاباح گئجه مئشه قالماقال ایدی. چوخلو قوش‌لار، اوتلاغان‌لار، سو٘رونگن‌لر، یئر- گؤیون دؤرد بوجاغیندان گلیب آغاج‌لارین او٘ستونده، آلتیندا، تورپاق‌دا، یئرده، یووا قوروردولار. یئددی دمیرچی قارداش گؤزل، جوان قادین‌لاری له یئکه بیرمیزین اطرافیندا اوتورموش، توی‌گئجه‌سی‌نین شامی‌نی یئییردیلر. قوچ‌علی ده واریدی. یاری‌گئجه گلین‌لر، بَی‌لر مئشه‌نی حیوان‌لارا بوراخیب شهره قاییتمالارینا قرار قویموش‌دولار. قوچ‌علی‌نی ده آپارماق ایسته‌دیلر. راضی اولماییب دئدی: من قویون‌لاریما، کئچی‌لریمه گؤز اولمالیام.

اوشاق ادبیاتی سئوگی افسانه سی۶ یازار:«صمد بهرنگی» چئویرن:« منیژه جم‌نژاد» 💗 عم‌قیزی‌لار سون زامان‌لادا پادشاهین اوولاق حیوان‌لارین، اونلارین مئشه‌سینه کؤچمه‌لری‌نی تشویق ائتدیک‌لرینی، اونلارین دا راضی اولدغونو دئدیلر. توی گو٘نو هامی‌سی گلجک‌لر. آما قارداش لاریم لا عم‌قیزی‌لار منه گؤره توی‌لاری‌نی ائرته‌له‌ییرلر. منیم ده شهره دؤنمه‌می قویمورلار.  دا بوگئجه یالقیزلیق زور گلدی، آغلادیم. او٘ره‌ییمی بوشالتماق ایسته‌دیم. دردیمی دینله‌دییین اوچون سندن تشکور ائلیرم... بو یازینین آردینی ادبیات سئونلر کانالیندا اوخویون. https://t.me/Adabiyyatsevanlar

آردی وار... https://t.me/Adabiyyatsevanlar

اوشاق ادبیاتی سئوگی افسانه سی۶ یازار:«صمد بهرنگی» چئویرن:« منیژه جم‌نژاد» 💗 عم‌قیزی‌لار سون زامان‌لادا پادشاهین اوولاق حیوان‌لارین، اونلارین مئشه‌سینه کؤچمه‌لری‌نی تشویق ائتدیک‌لرینی، اونلارین دا راضی اولدغونو دئدیلر. توی گو٘نو هامی‌سی گلجک‌لر. آما قارداش لاریم لا عم‌قیزی‌لار منه گؤره توی‌لاری‌نی ائرته‌له‌ییرلر. منیم ده شهره دؤنمه‌می قویمورلار.  دا بوگئجه یالقیزلیق زور گلدی، آغلادیم. او٘ره‌ییمی بوشالتماق ایسته‌دیم. دردیمی دینله‌دییین اوچون سندن تشکور ائلیرم. ٭٭٭ جوان باشینا گلن‌لری دئییب قورتارینجا، قوچ‌علی دئدی: سن آغلاماق‌دا حاقلی‌سان. منده بیر زامان‌لار پادشاهین قیزینا عاشق اولدوم. آما او منی قصریندن قوودو، منده سوراغینا گئتمه‌دیم. جوان سوروشدو: اوندان آجیغین گلدی؟ قوچ‌علی دئدی: یوخ. گؤرسم گئنه عاشیق اولارام. تای‌سیز گؤزل‌دیر. آما اؤزونو بیه‌نن دیر، پیس داورانار. من سنین لالانین بیر تو٘کونو مین پادشاهین قیزینا وئرمه‌رم. سونرا جوان دئدی: قوچ‌علی سن ائله یالنیز یاشاییرسان؟ قوچ‌علی دئدی: یوخ، باجیم لالا وار. جوان دئدی: لالا دئدین؟ سنین‌له قویون اوتاران قیز؟ قوچ‌علی دئدی: هه، آل یاناق‌لی او٘رکن قیز منیم باجیم دیر. جوان قالخیب دئدی: قوچ‌علی، بیر سؤز دئسم آجیغین گلمز؟ قوچ‌علی دئدی: باجیمی ایسته‌دیینی بیلیرم. اولسون. ایندیجه دور گئده ک. راضی ایسه گؤتور گتیر. قویونلاری تک جانیما اوتارا بیلرم. سونرا جوان قوچ‌علیه آت، گؤیرچین جلدینه گیرمه‌یی اؤیرتدی. ٭٭٭ کوهول ده، لالا کئچی‌لرین ساققالینی داریردی. یوخوسوز، یالنیز قالاندا بو ایشی گؤرردی. کئچیلر سیرایلا اوتوروب، لالانین ناغیلینا قولاق آساردیلار. قویونلار دا قولاق آساردیلار. نئچه‌سی ده یاتمیش، یا دا گؤوشه ییردیلر. ایتلرده کوهولون آغزیندا مو٘رگوله ییردیلر. یاری گئجه آی، کوهولون او٘ستوندن اَییلیب، کوهولون ایچی‌نی ایشیقلاندیریب باخیردی. بیر آزدان آی لالایا دئدی: لالا دور اود یاندیر. من داها بوندان آرتیق قالا بیلمرم، گئدیرم. لالا دوروب کوهولون آغزیندا اود یاندیردی. آی یاواش کوهولون آغزیندان زویوب گئتدی. ناغیل قورتولونجا ایکی گؤیرچین کؤهوله گیردی. بیری آغ آپباغ، اوبیری آغ، کوکسونده قیرمیزی بیر خال. لالا دئدی: حیوان‌جیق‌لار، یولونوزو آزمیسیز؟ گلین یانیما. آغ گؤیرچین خال‌لی گؤیرچینه باخیب سانکی دئدی: گئت یانینا، قورخما. خال‌لی گؤیرچین گئدیب لالانین الینده اوتوردو. لالا باخیب اونو اؤپدو. او بیری گؤیرچین ده گلیب لالانین اته یینده اوتوردو. سونرا لالا ایکی‌سی‌نی ده یئره قویوب دئدی: بوردا قالین گئدیم سیزه دن گتیریم. سونرا کؤهولون دیبینه گئتدی. بیرداش واریدی، یانا چکدی، بیر دلیک واریدی.  بیرآز داها کیچیک کؤهول واریدی. ایچه‌ری گئتدی. گؤیرچین‌لر تئز جلد‌لرین‌دن چیخدیلار. ایت‌لر قوچ‌علی‌نی گؤرجک گلیب اؤنونده اوتوردولار. لالا اووج‌لاریندا بوغدا  گلیب، قارداشی‌‌له، بیرگؤیچک جوانین کؤهول‌ده اوتوردوق‌لاری‌نی گؤردو. گؤیرچین‌لرده یوخودولار. دئدی: قوچ‌علی سن هارا گئتمیشدین؟ چوخ یوباندین! قوچ‌علی دئدی: ایندی گل منیم یئنی دوستوم‌ایله تانیش، سونرا دئیرم. منیم بو دوستوم سندن اؤترو بورا گلیب. لالا اؤنجه دینمه‌دی. سونرا دئدی: منیم گؤیرچین‌لریمین هارا گئتدیینی گؤرمه دیز؟ قوچ‌علی دئدی: بیز ایچری گلدیکده اوچوب گئتدیلر. من اونلاری تاپماغا گئدیرم. بوردان چوخ اوزاقلاشا بیلمزلر. سیز ایکینیز دانیشین. قوچ‌علی بونو دئییب ائشیه چیخدی، او٘زو آرانا بیر قایانین او٘ستونده اوتوردو. بیر آز سونرا لالا ایله جوانین ال اله گلدیک‌لرینی گؤردو. دئدی: مبارک اولسون. جوان دئدی: یولداش، سؤزون یوخسا ایندیجه لالا ایله مئشه‌یه گئتمک ایستیرم. عم‌قیزی‌لاریم، قارداش‌لاریم نیاران قالماسینلار. قوچ‌علی گو٘لومسه‌یه‌رک لالایا دئدی: لالا گؤیرچینلرینی توتمامی ایسته‌میرسن؟ لالا گو٘لومسه‌ییب دئدی: بس‌دیر قوچعلی. منیم‌له باش- باشا قویدوز. بو گئجه سنین میرتین توتوب. سونرا او٘چو ده گو٘لدولر. جوان قوچ‌علیه دئدی: صاباح آخشام گؤزله‌ریک، مئشه‌یه تویوموزا گل. سونرا آغ آپباغ بیرآت اولوب، لالانی دالیسینا آلیب یولا دو٘شدو. قوچ‌علی خوروز بانینادک اویانیق قایانین او٘ستونده اوتوردو. سونرا دوروب گئدیب، سو٘رونون یانیندا یاتدی. ٭٭٭ صاباح گئجه مئشه قالماقال ایدی. چوخلو قوش‌لار، اوتلاغان‌لار، سو٘رونگن‌لر، یئر- گؤیون دؤرد بوجاغیندان گلیب آغاج‌لارین او٘ستونده، آلتیندا، تورپاق‌دا، یئرده، یووا قوروردولار. یئددی دمیرچی قارداش گؤزل، جوان قادین‌لاری له یئکه بیرمیزین اطرافیندا اوتورموش، توی‌گئجه‌سی‌نین شامی‌نی یئییردیلر. قوچ‌علی ده واریدی. یاری‌گئجه گلین‌لر، بَی‌لر مئشه‌نی حیوان‌لارا بوراخیب شهره قاییتمالارینا قرار قویموش‌دولار. قوچ‌علی‌نی ده آپارماق ایسته‌دیلر. راضی اولماییب دئدی: من قویون‌لاریما، کئچی‌لریمه گؤز اولمالیام.

اوشاق ادبیاتی «کیرپی ایله  تولکو»نون ناغیلی حاضیرلاییب، اویغونلاشدیران «ویدا حشمتی» بیری واریدی، بیری یوخودو. بیر دنه کیرپی ایله بیر تولکو وار ایدی. کیرپی ایله تولکو بیر-بیری ایله دوست ایدیلر و اوزون ایللر ایدی بیرلیکده یاشاییردیلار. اونلار هر گون «کؤسه آکای‌»ین نینیه گیریب، بیر تویوغو اوغورلاییب قارینلارینی دویوروردولار. گونلرین بیر گونو کؤسه آکای اونلارا تله قوردو. او هینین قارشیسینا درین بیر چوخور قازدی. چوخورو گؤرونمه‌سین دئیه، اوستونو ده چؤر-چؤپ‌له اؤرتدو. گئجه‌نین یاریسی تولکو ایله کیرپی گئنه تویوق اوغورلاماق اوچون گلدیلر. گیزلیجه قاپییا یاخینلاشماق ایسترکن ایکیسی ده چوخورا دوشدولر. تولکو ایله کیرپی کؤسه‌نین بو حیله‌گرلیگینه معطل قالدیلار. چوخوردان چیخماغا امکان یوخودو. آرتیق نه ائتمک اولار، چوخ فیکیرلشدیلر، امّا فیکیرلشمه‌یین ده فایداسی یوخویدو. چونکی چوخور چوخ درین ایدی. کیرپی دئدی: -بئله اولماز دوستوم. سن منی آغزینا آل. قالدیر، چوخوردان یوخارییا آت. من یوخارییا چیخدیقدان سونرا ایپله سنی چکیپ، چیخاردارام. تولکو راضیلاشدی و کیرپینی آغزینا آلیب، وار گوجو ایله یوخارییا آتدی. کیرپی چوخوردان چیخدیقدان سونرا تولکویه: «ساغ اول دوستوم، سلامت قال» - دئییب چیخدی گئتدی. تولکو معطل قالدی. کیرپی اوچون بئله ائتدییینی باشا دوشمه‌دی. آرتیق سحر ده آچیلیردی. تولکو چوخوردان چیخا بیلمه‌دی. بیر آز سونرا کؤسه آکای گلیب اونو گؤره‌جک ایدی. تولکو بیر آز فیکیرلشندن سونرا: «دایان هله بکله! بو کؤسه‌نی آلداداجاغام»- دئییب، آغزینی اگدی، اؤزونو اؤلولویه ووردو و آرخاسی اوستده یاتدی. بیر آز سونرا کؤسه آکای گلدی. باخدی کی، چوخوردا اؤلو بیر تولکو وار. کؤسه آکای سئوینه‌رک: «هه... تله‌یه دوشدون‌مو حیله‌گر؟ گبردین‌می؟ نئچه واختدیر منیم تویوقلاریمی یئین سن‌سن دئمک! ایندی من ده سنین خزیندن پالتوما یاخالیق وورارام» - دئییب، تولکونون قویروغوندان توتدو. اونو چوخوردان چیخاردیب، آتدی ائشییه. تولکو چوخوردان چیخان کیمی سیچراییب، قالخدی: «ساغ اول کؤسه آغا!  پالتونا یاخالیغی، بیر ده چوخورا دوشدویوم زامان وورارسان.» - دئییب داغا طرف قاچاراق گؤزدن ایتدی. کؤسه آکای تولکونون آرخاسینجا باخا-باخا قالدی. بو بلادان خلاص اولدوقدان سونرا، تولکو داغلاردا اوزون مدّت گزیب دولاندی. بیر گون سحر داغین اته‌ییندن کئچرکن کؤهنه دوستو کیرپی ایله قارشیلاشدی. تولکو خوروزلاناراق اونا دئدی: -بئله دوستلوق اولار؟ سنین دوستلوغون بو ایدی؟ کیرپی جواب وئردی: -چوخ غریبه‌سن دوستوم، نه اولدو؟ اورادا سنه نئجه کؤمک ائده بیلردیم کی؟ تولکو چوخ غضبلندی. اونا دئدی: -سنین کیمی دوستوم اولماقدان‌سا، اولماسا یاخشیدی. کیرپی دئدی: -سن اولماسایدین، هئچ من چوخورا دوشمزدیم. ایکیسی ده آیریلیب هره بیر طرفه گئتدی. بئله‌لیک له اونلارین دوستلوغو قورتولدو. سون https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

باشقاسی!! ✍یازان: سحرخیاوی ایلین تزه‌لنمه گونلرینه یاخین ایدی. هاوا ایلیقلاشیب، یئر، آغیر یوخودان آییلان آدام کیمی، بیرآز سرسَم، بیرآز مورگولو، بیرآز سرخوش، آمما دلیجه سئوینجلی ایدی. بازارین هر یئریندن بایرام اییسی گلیردی. قادین شوشه تونگ‌لرده چالیغلایان قیرمیزی بالیقلاری، یاشیل بئللرینه تزه گلین‌لر کیمی قیرمیزی روبان باغلانمیش سبزه‌لری، یئدی‌سین سور-ساتینی و اونلاردان علاوه آداملارین اوزلرینه قونان سببسیز سئوینجی چوخ سئویردی. بازار بایراما یاخینلاشدیقجا قالابالیق‌لاشیردی. همیشه موشتریسی اولدوقلاری تانیش پالتار ساتان دوکانیندا، قادین گئیمک اوچون نئچه سئچدییی پالتار الینده پرو اوتاغینا کئچدی. گنج قیزینا " سنین ده نظرینی سوروشماق اوچون چاغیراجام"- دئدی. قیز "اولسون آنا‌جان"،- دئییب مهریبانجا گولومسوندو. قادین داریسقال پرو اوتاغی‌نین قاپیسینی آچیب، اورا گیریب قاپینی اؤرتدو. ایلک اؤنجه اؤز یاشینا لاپ اویغون بیلدییی یَشمی رنگده دونو گئیمک ایسته‌دی. بیر آندا گؤزو آینادا اؤزوندن باشقا بیر گنج قیزا ساتاشدی. شکلی آینایا دوشَن قیز، حتمن آرخاسینددیر ساندی. کیچیک قیزی یاشدا اولاردی. اوزو نئجه ده تانیش ایدی. آمما اونو هارادا گؤردویونو خاطیرلامیردی. قادین اونو آینادا گؤررکن دیکسیندی. - باغیشلایین خانیم.... سان کی سیز پرو اوتاغیندایمیشسیز... من....من... یانیلمیشام. سن آللاه باغیشلایین...اوتاقدان چیخماق ایسته‌دیکده آیناداکی قیز محبتلی گؤزلرینی اورتا یاشلی قادینین گؤزونه تیکدی، اهمالجا قولوندان یاپیشدی: - یوخ... یانیلماییبسیز. من بورادا سیزه اَینیزه اَن یاراشان، اویغون پالتار سئچمه‌یه کؤمک ائده‌جم. قادین بیربیر پالتارلاری گئییردی. آینادا کی قیز: "نه‌دن بو قدر توتقون رنگ‌لر سئچیرسینیز جانیم؟! بو روحیه‌نیزه هئچ یاخشی دئییل. سیزین یاشینیزا اویغون، گؤزل و بویاسی اوره‌ک اوخشایان پالتارلار وار. سونرا آینادان قادینا نئچه خوش بویاسی اولان دون، کُت دامن، تونیک- شالوار اوزاتدی. " گؤرون بونلار نئجه‌ده آلدیغینیز گیله‌نار ناخیشلی  سرویسینیزله یاراشاجاق". قادین تعجوبلندی. او قیز اونون گیله‌نار ناخیشلی سرویس آلدیغینی هاردان بیلیردی گوره‌سن؟! قادین پالتارلاری قیزدان آلماق اوچون،آرخاسینا  دؤنمک یئرینه کاریخیب، آینایا ساری ال اوزاتدی، اللری آینانین درین‌لیگینه کئچدی!! آمان آللاه او قیز آینادایدی سانکی!! دیکسیندی. اوره‌یی ایچینه دوشدو. سئحیرلی آینالار دونیاسی باره‌ده رومانلار اوخوموشدو، فیلیم‌لر گؤرموشدو.  آیناداکی قیز اونو دا، آینالار دونیاسینا چکمه‌سیندن قورخدو. چوووخ قورخدو... عجله‌لی قیز اؤنردییی دونون بیرینی گؤتوروب، پالتارلارینی گئیینیب، مانتوسونو اَینینه چکدی، چانتاسینی گؤتوروب، پرو اوتاغیندان چیخدی. پالتار ساتانا: " ساغ اولون. اوتاغا گؤندردیگینیز خانیم‌قیز، منه یاخشی سئچیم ائتمکده چوخ کؤمک اولدو. داها قیزیمی چاغیرماق دا لازیم اولمادی"،- دئدی. - من گوندردیگیم خانیم‌قیز؟! هانسی قیز؟! ساتیجی شاشیریب قالمیشدی! سیز بورادا اولان زامان هئچ بیر خانیم بورایا گلمه‌ییب. یالنیز نئچه قیز- گلین ائله ویترین اؤنوندن باخیب، سوووشوبلار". قیزی دا ساتیجی‌نین سؤزونو تصدیقله‌دی. قادین اونلارا ثبوت ائتمک اوچون، بیر ده عجله‌لی چیخدیغیندا، اونوتدوغو پالتارلاری گتیرمک اوچون بیر داها پرو اوتاغینین قاپیسینی آچدی. اوتاق بوم- بوش ایدی. آینادا کیمسه یوخ ایدی!! خیالیندان کئچیب بلکه، داها بیر سؤز دئمه‌دی. پالتارین پولونو حسابلاشیب پاساژین زالینا چیخدیلار. قادین اوره‌یینده چوخ هورکموشدو آمما عاغلینی ایتیرمه‌یه اتهاملانماسین دئیه، داها قیزینا، کئچن ماجرانین اوستونو وورمادی. آمما ائله فیکیرده قالمیشدی، آینادا کی گنج قیزین مهربان اوزو، سیجاق سسی بیر آن بئله گؤزو اؤنوندن ایتمیردی. آخشام یوخودا، اؤزونو سونسوز- بوجاقسیز قارانلیق بیر چؤللوکده‌ گؤردو... سوسوزلوغوندان دیلی آغزیندا کَسسه‌یه چؤنموشدو. اوره‌یینی دهشت بوروسه ده بیر پیالا سو ایچمک اوچون بوتون وارلیغینی وئرمه‌یه حاضیر ایدی. شاشقین دؤرد بیر یانا باخدیقدا،  اوزاقدان دَوه زینقیرووسو سسی ائشیتدی. قولاق یاپیرتدی. قدملرینی اورا طرفه یئیینلتدی، اوردا بیر سو قویوسو، قیراغیندا دا قرقره‌یه باغلانمامیش بیر وئدره گؤرونوردو. قویونون نئچه مئتیرلیگینده دَوه کَروانی گئدیردی. قویویا باخدی. زیل قارانلیق رغمینه قویونون ایچی ایشیقلیقدان پار- پار پاریلداییردی. عجله‌لی وئدره‌نی قویویا سالدی. عجبا!! همن آیناداکی گنج قیزین، مهربان، گولومسه‌ین جسدی قویونون تکینده ایدی!! قادین هؤوشنه‌لی دالی آتیلدی. هؤنکورتو سسینه اؤزو اویاندی. قان-تر ایچینده ایدی. اوره‌یی گوپ- گوپ گوپبولده‌ییردی. دیلی آغزیندا کسسک کیمی قوروموشدو. بوغازی آجیییب  قاشینیردی. نئچه واختدان بَری تکرار-تکرار بو یوخونو گؤروردو. او، آینادا کی گنج قیزی تانیمیشدی!!

طیبب باجیسی هیجانلا سسلندی: -حکیم گول‌علی‌یئو ۴۴ نُمره‌لی بخش...  عسگر آغایئو... تاوانا باخان گؤزلرده گیزله‌نن اومید گئت-گئده یوخ اولوردو. حکیم گول‌علی‌یئو بو اومیددن یاپیشیب بوتون گوجونو سفربر ائدیر. بیر گنجین حیاتی اوغروندا اؤلومله ساواشماقدان یورولموردو...   *** -آاا، ایشه باخ! مارک تواین توپا گولله قویاندی. هله درایزئره باخ! سنایپئرچیدی(تک تیرانداز) عسگر آغایئو دلی کیمی گولمه‌یه باشلادی. کاپیتان عیسی‌یئو بونو گؤروب آغایئوه طرف قاچدی. -اؤزونه گل، آغایئو  پوسقویا دوشموشوک. جلد اول!!! -  آغایئو اؤزونه گلدی. تئز سلاحینی گؤتوروب ایره‌لی آتیلدی. مارک تواین‌ین آیاغینی قوپاران قلپه عسگر آغایئوین قولونا گیرمیشدی. آغایئو قولوندان همین قلپه‌نین بیر حصّه‌‌سینی چیخاردیب جیبینه قویموشدو. بوندان سونرا قان آخماسی دایانمادی. سانیتارین(بهداشت و اونا مربوط اولان) اوزونده‌کی دهشت ایفاده‌سی بؤیومه‌یه باشلادی... آی‌تاجین تلفونونا گلن سونونجو مئساژدان سونرا حالی خراب اولموشدو. کیرپیکلرینه شئح دوشموش، آلا گؤزلری دان یئری کیمی قیزارمیشدی. او نیشانلی‌سی‌نین یارالی بدنینه توخوندوقجا تیتره‌ییر، آیا بنزر بنیزی غمین خزانیندا سارالیردی. حربی خدمتی‌نین بیتمه‌سینه جمعی بیر آی قالمیشدی؛ جمعی اوتوز گون، اوتوز گئجه حسرتین، آیریلیغین بیتمه‌ین اوتوز تقویم گونو. سانکی سونسوزلوق کیمی گؤرونوردو. ایندی ایسه او نیشانلی‌سی‌نین سویوق بدنینه دویغولارینی، حسّلرینی، سئوگی‌سینی اؤتورمک ایسته‌ییر، سیزیلدایان آغریلارینا ملهم اولماغا چالیشیردی... بخش قیرخ دؤرد...  طیبب باجی‌سی‌نین اوزونه قونان کدرین ایکی آدی واردی: «اولوم و اؤلوم...». ایکینجینی هئچ کیم ائشیتمک ایسته‌میر. او یان بو یانا وار-گل ائدیر. آددیملارینی سرعت‌لندیریب، بونو  سانکی اؤزلریندن اوزاقلاشدیرماغا چالیشیردیلار. جرّاحي اوتاغیندان قارا بولود کیمی دولوب چیخان، باش حکیمین آغ خلعتینده آل نقطه‌‌لر گوجله سئزیلیردی.  همین گون باش حکیم عباس‌اوو رسم اعمالات‌خاناسیندان چیخان رسام کیمی اوستو آل-قیرمیزی رنگه بویانمیشدی. سویوق ترین ایچینده بوزا دؤنن اوزونو هامیدان گیزلتمه‌یه چالیشیردی...   *** عسگر آغایئوین نیشانلی‌سی آی‌تاجین سؤیود سالخیمی کیمی چیینینه دوشن ساچلاری بیر آیین ایچینده آغاردی. الینده آغایئوین جیبیندن چیخان قلپه‌نی ساخلاییر. اونونلا یاتیب، اونونلا دوروردو. هامییا قلپه‌نین تاریخچه‌سیندن دانیشیردی. بیر آرا قوهوم-اقربا قلپه‌نی گیزلتمک ایسته‌دی، آنجاق آی‌تاج قلپه‌نی قوینونا باسیب بوتون وارلیغی ایله اونو اؤزونده ساخلاییردی... حکیملرین بوتون سعی‌لرینه باخمایاراق عسگر آغایئوین یاشاماق عشقی ایله ووران اوره‌گی‌نین دؤیونتوسو کیلیدلنمیشدی، بیر سایلی اوشاق ائوینده بؤیوسه ده یئتیم‌لییینی بیلدیرمز، اؤزونو هامیدان چوخ آتالی-آنالی کیمی گؤسترردی... نه آی‌تاجین بلور کیمی گؤز یاشلاری، نه ده یاخینلارین دُعالاری کؤمک اولمادی. دفن گونو گوجلو قار یاغدی. هر یان آغ پامبیق کیمی ایدی... آی‌تاجین گؤز یاشلاری کیرپیکلرینده بوزلاییب، دونموش شلاله‌نی خاطیرلادیردی..   *** «بیر آزدان اؤله‌جم. لاپ آز واختیم قالیب...  کیمه نه دئییم، کیمی چاغیریم، بو سون آنیمدا؟» دفترین آخیرینجی ورقینده‌کی یازی بو سواللا باشلاییر... مرمی یاغیش کیمی یاغیردی. بیردن اوزاقدان آیاغی قوجاغیندا اوزانان مارک تواین گؤروندو، آرخاسیندا ساغ قولونا ساری اوزانان درایزئر ده اوردا ایدی...  جک لندن اوزو سمایا ساری گولومسه‌ییردی. سانکی بولودلاری ایزله‌ییر، نسه خیال ائدیردی... بیتدی...  پست بیزده‌دی، غلبه! ائشیدیرسن درایزئر، ائشیدیرسن مارک، ائشیدیرسن  جک لندن ائشیدیرسیز؟ پست بیزده‌دی.. -غه له به..!!!   https://t.me/Adabiyyatsevanlar

حئکایه ۴۴ نُمره‌لی بخش   یازان:«تورال جعفرلی‌نین» کوچورن:ویدا حشمتی» حاضیرلایان:«ادبیات سئونلر»   حکیم گول‌علی‌یئوین اوزونده دونوب قالان تبسّومون آغرییا چئوریلمه‌سیندن بیر آز اؤتموشدو. جرّاحي ماساسینداکی عسگرین سول قولونو قلپه‌لردن تمیزله‌دیکجه، دامارلاری سوخولجان کیمی ترپه‌نیر، تزه‌دن یئرینه قاییدیردی. یاریم ساعت بوندان قاباق بخشه کؤچورولن سرهنگ پاشایئوین یاخینلاری اوستوندن باریت قوخوسو هله گئتمه‌ین ضابطی گؤروب ساکت‌لشدیلر. خسته‌خانا دهلیزینده لابیرینته(دؤنگه بوروق یول یا دهلیز، مارپیچ پلّه‌کان) دوشن قوهوملار، بوز دسماللا گؤزونون سویونو سیلن قوجالار، الینده تلفن قوردالانان جاوانلار اولوب-بیتنلردن هله خبرسیز ایدیلر. عسگر آغایئوین اوره‌گی کفکیرلی ساعت کیمی ایشله‌سه ده، اعضالاری سانکی ات ماشینیندان کئچمیشدی... قارا خبرلرین ایچینده آغ خلعت‌لی‌لرین هر گلیشی بیر دونیانین وارلیغی و یا یوخلوغو حاقیندا معلومات دئمک ایدی. -جک لندن، درایزئر، تواین.. -  عسگر آغایئوین خیریلتیلی سسی بیر آنداجا بخش‌ده‌کی سوکوتو پوزدو. آغریدان دوداقلارینی گمیرن آغایئو تاواندا هؤرومچک تورونا گؤزونو زیلله‌ییب ساییقلاماغا باشلادی. -سو، سو، سو وئرین... آغایئوین صحرا چؤلونو خاطیرلادان دیلی ایلان کیمی قیوریلیر، داوامیندا سؤیوش و قیشقیریقلار ائشیدیلیردی... طبیب باجیسی دمیر ایستکانداکی سویو آغایئوه ساری اوزالتدی. بیر قورتوم ایچیب، دایاندی. اطرافا گؤز گزدیردی. هر طرف آغ پامبیق کیمی گؤرونوردو... آغایئو فیلولوگییا(تطبیقی دیل شناسلیق) فاکولته‌سینی کئچن ایل بیتیرمیشدی. ائله آی‌تاجی دا فاکولته‌ده گؤروب سئومیشدی. ماگیستراتورایا(دادگاه رئیسی) قبول اولسا دا، مادّی چتینلیکلردن دولایی تحصیلینی داوام ائتدیره بیلمه‌میش، آنجاق اومیدینی ده اوزمه‌ییب حربی خدمته یوللانمیشدی. بئله‌لیکله، حربی خدمت و طالعینه یازیلان قانلی محاربه‌‌... عسگر یولداشلارینی سوی آدلارینا گؤره یوخ، سئودییی یازیچی‌لارین آدلاری ایله چاغیراردی. مثلا  عسگر ممّدووا مارک تواین، عسگر داداشووا درایزئر، عسگر جعفروف‌ا جک لندن دئیه مراجعت ائدیردی. بونو بؤلوک کوماندیری کاپیتان عیسی‌یئو ده سئزمیشدی. بئله مراجعت خوشونا گلسه ده، عسگر آغایئوه بونو عمومی وضعيّت اوچون قاداغان ائتمیشدی... بیر دفعه‌ حربی حیصّه‌‌یه یوخلاماغا گلدی. عسگر آغایئو یاراشیقلی، قامتلی اولدوغو اوچون همیشه اؤن جرگه‌ده دوروردو. یوخلاما رئیسی سرهنگ پاشایئو آغایئوه قفیل یاخینلاشیب سوروشدو: -عسگر، کیتاب اوخویورسان؟ - بلی، جناب سرهنگ-  عسگر آغایئو اؤزونو ایتیرمه‌دی. -کیملری اوخویورسان؟ -اساساً کلاسسیک‌لری تولستویو، درایزئری، چخوف‌و...  آغایئو باشینی داها دا دیکلتدی. سرهنگ بیغ‌آلتی گولومسه‌ییب، راضیلیق علامتی اولاراق، الینی آغایئوین چیینینه ووروب اونو تبریک ائتدی. بو حادثه‌‌ بوتون آلایا یاییلدی. حربی حصه‌نین کتاب‌خاناسینی عسگر آغایئوه تاپشیردیلار. دئییلنه‌گؤره، بونو شخصاً سرهنگ پاشایئو امر ائتمیشدی...   *** ۲۷ سئنتیابر...  سحر «قالخ!» کومانداسی بو دفعه‌ داها هیجانلی و واهمه‌لی سسله‌ندی. آلای دؤیوش حاضرلیغی وضعيّتینه گتیریلدی. عسگر آغایئو کتاب‌خانایا باش چکیب درحال گئری قاییتدی. الینده تولستویون کتابینی گؤرن کاپیتان عیسی‌یئو عصبیلشدی: -آغایئو، کتاب اوخوماغا گئتمیریک، سلاحینی گؤتور. کاسکانی دا اونوتما! عسگر آغایئوین قاشلاری چاتیلدی. جلد یاخاسینی آچیب، کتابی سینه‌سینه قویدو. سلاحینی گؤتوروب، دمیر کاسکانی باشینا کئچیردی. -ایره‌لی آددیملا مارش! -کاپیتان عیسی‌یئو وار گوجو ایله باغیردی. سسی‌نین واهمه‌سی محاربه‌‌نین سرت اوزوندن خبر وئریردی... -بیرینجی من شاهینم، نئجه باشا دوشدون قبول... -بیرینجی، بیرینجی!!! -بیرینجی قبولدا! -بیز کندی آلدیق  کند بیزده‌دی...  نئجه باشا دوشدون قبول!   *** خسته‌خانا حیه‌طینده سککی‌نین یانیندا بارداش قوروب اوتوران یاشلی کیشی سیگار توستوسوندن سارالمیش بیغینا سیغال چکیب ذکر ائدیردی. حالیندان بئله معلوم اولوردو کی، اؤزو تماماً اونوتموشجاسینا سویوق و حالسیز ایدی. پئنجه‌یی‌نین یاخاسی قدیمی مدال‌لارلا دولو اولان بو آدامین، ائله بیل اوستونده دمیردن چیچکلر آچمیشدی...  هئچ کیم اونا فکر وئرمیر، یانیندان یئل کیمی اؤتوب کئچیردی. هئچ کیم بو پریشانلیغین فرقینه وارمیردی... یارالی عسگرلرین یاخینلاری اللرینی بوش جیبلرینه سالیب چیخاردیر. باخیشلاریندا کؤزه‌رن اومیدلرینی دن کیمی اطرافا سپیردیلر. پالاتادا زاریلتی سسلری آرتیردی. ال-آیاغا دولاشان خادمه‌لر آجیغینی پول دسمالی ایله دؤشه‌مه‌نی برک-برک سیلمکله چیخاتماغا چالیشیردی...