ادبیات سئونلر
Открыть в Telegram
بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار.
Больше3 095
Подписчики
+224 часа
+47 дней
+230 день
Архив постов
3 095
سوسن نوادﮤرضینین خاطره گئجهسی
هيئت مديره : آقای مهندس صرافی و خانم زهرا آبدار
آپاریجی: آقای کریم قربانزاده
https://t.me/Adabiyyatsevanlar
3 095
سوسن نوادﮤرضینین خاطره گئجهسی
صفحه 2
بو قسمتده سوسن اوچون حاضرلانمیش 9 دقیقهلیک بیر کلیپ تماشایا قویولدو.
سون اولاراق موسیقی اکیپی صحنهیه گلدیلر و آراز قاسمی سازدا آتاسی محمدرضا قاسمی ایله اشتراکچیلاری ماهوردا چالینان بیر ماهنییا قوناق ائلهدیلر.
سونرا تاردا آراز قاسمی، کامانچادا رضا محمدی و ناغارادا فرزاد سلیمانی خوانندهمیز: آقای محمدرضا قاسمینی مشایعت ائدیردیلر. ائل بیلیمینین اوشاقلیقدان بری برنامهلرینده اشتراک ائدن، آلتای خدایی ده بایات شیراز دستگاهیندا همین اکیپین مشایعتی ایله اوخودولار.
موسیقی قوروپونا تشکر اولاراق سوسن خانیمین کتابلاریندان هدیه اولوندو.
مراسمین زمانلاماسینا گلدیکده دئمهلییم کی برنامه اوچ ساعت نظرده توتولموشدو، تکجه یاریم ساعت اوزونا چکدی کی اونون دا 15 دقیقهسی اونون گئج باشلانماسینا عاید ایدی و بیر ربعو دا موسیقی بؤلومونه اضافه اختصاص وئریلدیگینه. بئلهلیکله مراسم جناب قربانزادهنین آپاریجیلیغی و دگرلی مدیریتی ایله اوچ ساعت یاریمدان سونرا ساعت 21-ده سونا چاتیب رسما باغلاندی.
مراسمه آیریلمیش زمانین تقریبا اوچده ایکیسی دانیشیقلارا و اوچدن بیری ده موسیقی، فیلم، تقدیرنامهلرین تقدیمینه اختصاص وئریلدی.
قید ائتمک لازمدیر کی بو مجلسه ایکی یوز نفره یاخین شخصیتلریمیزدن قاتیلدیلار، بایرام گؤروشو اولدوغو اوچون بعضیلری تکجه محدود بیر فاصلهده اوتوروب، یئرلرینی باشقا قوناقلارا وئردیلر. آشاغیدا گؤروب تانیش اولدوغوم بعضیلرینین آدینی قید ائدیرم:
سوسن خانیمین عایلهسیندن: لادن خانیم نواده رضی، جنابلار فریدون و فرخ نخجوانی، فوآد و عطا حسن حسین و ....
باشقا شهرلردن قاتیلان: مسعود فیوضات، تانسو خیاوی، اکبر حمیدی علیار و ذکیه ذوالفقاری و لیلا خانیم، علیرضا فرشی و ....
تبریزدن: دکتر حاجیلو، دکتر کوشاور، دکتر عزیزپور، دکتر ارگین افشار، احد فرهمندی، میکائیل نظری، حمیده حقی ، خانم دکتر انیس افصح، قاسم ترکان، محمدامین سلطانالقرائی، حسن ارک، غلامرضا طباطبایی مجد، غلامحسین صدیق، مهندس ملکیزاده، بابک هرگلی، پوریا امجدی و صبا نقیزاده، افسانه حقیق یحیویزاده، رحیم علی رضایی، هاوار عبادی، نعمت مسگری، ائلیار پولاد، محمد رمضانی، حسن ثمودی، رعنا رنجبر، کریم محمدی، جاوید نظمی، پرویز صیادی، بختیار نظامی، یعقوب نامی، میرزا شهرک، ائلناز خاکزاد، سمیرا تقیزاده، حسن اومود اوغلو، شاهین مرادی، کریم دلاویز، شاهید کریم، علی شاملی، نگار غفاری، حسین عطایی، ملیحه واعظی، پریسا ساعی، هایده بلوکی، دومان اردم، سعید چلبیانی، شایسته احمدی، جناب شریفپور، خانیم محمدی، کاظم عباسی، پروین خانیم فائضی، مهندس شیخبگلو، مهندس یاسینزاده و خانیم فائضی، سوسن موتاب، محمد صالحی، آلتای خدایی، سولماز حسنپور، داوود شیری، اولدوز سلیمی، سعید اودمان، سیامک خانی، سحر شکری، لیلا آفتاب آذری، افسون سلطانی، فخری فتاحی و . . .
پنجشنبه
1402/1/10
https://t.me/Adabiyyatsevanlar
3 095
سوسن نوادﮤرضینین خاطره گئجهسی
«مرجان منافزاده»
صفحه:1
پنجشنبه فروردين آیینین 10-جو گونو ائلبیلیمینین ایللیک بایرام گؤروشو سوسن خانیم نواده رضینین خاطره گئجهسی اولاراق کئچیریلدی، دئمک سوسنسیز ایلین باشلانقیجیندا سوسنلی بیر گئجه کئچیریلدی.
شهریمیزین فرهنگی-اجتماعی فعاللارینین حضورو ایله کئچیریلن بو مراسمده آقای مهندس صرافی و خانیم آبدار مجلسین هيئت مديرهسی و جناب کریم قربانزاده آپاریجی ایدیلر. ساعت 17:45 ده موسسهنین مدیرعاملی جناب «صرافی» اوتورومو رسما آچدیلار.
بیرینجی دانیشان ائل بیلیمی موسسهسینین قوروجولار هئیتینین عضوو خانیم «زهرا آبدار» ایدیلر، اونلار سوسن خانیملا تانیشلیغی و سوردوگو یولداشلیق ایللریندن دانیشدیلار.
ایکینجی «لادن نواده رضی» سوسن خانیمین عایلهسی طرفیندن تریبون آرخاسینا چاغریلدیلار، مجلسین قوروجولاریندان تشکر ائدیب، سوسن خانیم حقینده دانیشدیلار و اونون عایله ایچینده اولان کاریزماسی، دگرلری و ائتگیسیندن سؤز آچدیلار.
اوچونجو دانیشان اولاراق سؤز سوسنین یاخین دوستو و امکداشی «گونش امانی»یه وئریلدی. گونش خانیم اونون اخلاقی خصوصیتلریندن اطرافلی دانیشدیلار.
دؤردونجو دانیشانیمیز مشکینشهردن آیاغینین توزویلا مجلسیمیزه گلن «تانسو خیاوی» سوسن نوادﮤرضینین امکداشی اولدولار، کی مهدن تمدن گوندهلیگینین تورکجه سانجاق آدلی صفحهسییله ایلگیلی چالیشمالاریندان دانیشدیلار و قوناقلاری بیلگیلندیردیلر.
سونرا «مرجان منافزاده» تریبونا دعوت اولوب، باش ساغلیغی وئریب، سوسن خانیمین دونیاسین دییشدیگی مناسبته یازدیغی شعری اوخودولار.
سیرادا تریبونا دعوت اولونان شهریمیزین بؤیوک مجموعهداری «رضا سرابیاقدم» سوسن نوادهی رضینین مشاغل موزهسینین قورولوشوندا چکدیگی زحمتلردن و ائتدیگی یاردیملاردان، هابئله چتینلیگه دوشدوگو زامان آرخا چیخیب، یاردیم توپلامالاریندان دانیشیب، خاطرهسین حرمتله یاد ائتدیلر.
دالیسینجا گؤزل دیکلمهلرییله تانینان مخمل سسلی «کبری میرحسینی» سوسنین "قیریق سطیرلر" عنوانلی شعرینی دیکلمه ائتدیلر.
سونرا «فرانک فرید» "اننهمنن من" کتابینا نظر سالاراق "اونون قادین جسارتی" مضمونوندا گؤزل و دگرلی صحبتلر ائتدیلر.
نوبتی دانیشان «اولکر تبریزلی» ایدی. او تریبون آرخاسینا کئچیب، سوسنین "ابدیت" عنوانلی گؤزل شعرینی اوخودوقدان سونرا، اؤز دویغولارینی دیله گتیردی.
بو اثنادا اذان وقتی چاتدی و قیسا بیر آرا وئریلیب، ائلبیلیمی مؤسسهسینین حاضرلادیغی افطارلیق قوناقلارا سونولدو.
افطاردان سونرا مراسمین ایکینجی بؤلومو سیدمحمد چاوشیان جنابلارینین صحبتلری ایله باشلادی، او سوسن خانیمین اوچ اؤنملی خصوصیتی اولان (کاریزما و مدیریت و عمومی روابط)یندن دانیشدی.
کرج شهریندن قوناغیمیز اولان یازیچی «اکبر حمیدی علیار» باش ساغلیقی وئردیکدن سونرا، سوسن ایله بیرگه چالیشمالاریندان و سانجاق صحیفهسین یولا سالمالاریندان، شعرلشمهلریندن دانیشیب، نمونه اولاراق اونون بیر شعرینی اوخودولار.
ان سوندا جناب «فؤاد حسن حسین» سوسن خانیمین دگرلی اوغلو مجلسین قوروجولاریندان و اشتراکچیلاریندان تشکر ائدیب، سوسن خانیمین آرشیوی و کتابلارینی مهندس صرافینین قوردوغو کتابخانا و آراشدیرما مرکزینه اهدا ائتدیکلریندن و یاخین گلهجکده اونلاری سهمانا سالیب، نشر ائتمهلریندن سؤز آچاراق بو ایشده داوطلبلری یاردیما چاغیردیلار.
قید ائتمک لازمدیر کی اؤنجهدن حاضرلیقلارین بیلدیرن و دانیشانلار آراسیندا هئیت مدیرهنین لیسته آلینانلاری تریبون آرخاسینا چاغریلدیلار، بیر چوخلاری دا سوسن خانیم حقینده دانیشیب، شعر اوخوماق ایستردیلر؛ آنجاق اؤنجهدن بونو بیلمهدیگیمیز اوچون همده وقت محدودیتینه گؤره بو عزیزلری چاغیرماقدان معذور اولدوق. وقتین محدودیّتینه گؤره بونلارین سایی ان اوزاق باشی 12 نفر نظرده توتولموشدو.
دانیشیقلارین سونوندا ائلبیلیمی طرفیندن بو مجلسده اورک سؤزلرین یازی یا شعر واسطهسییله اوخویانلاردان هابئله کلیپی ایشلهینلر و موسیقی اکیپیندن تقدیرنامه ایله تجلیل اولوندو.
اؤزل اولارق دکتر میکائیل نظرینین سون وقتلر سوسن خانیم حقده چکدیگی زحمتلردن خصوصییله اونون دفن مراسمینده دگرلی مدیریتیندن تشکر اولوندو.
دکتر ارگین افشار و ذکیه خانم ذوالفقاری، اؤز وقتلرینی قالان دوسلارا باغیشلادیقلاری اوچون آلقیشلاندیلار.
علیرضا فرشی و سولماز حسنپور "آذربایجانی سئون قادینلار" آدینا سوسنین احسانیندا اؤز وصیتی اوزره زنجانین مهرانه خیریهسینه سوندوقلارینا بلگهسل تابلونو سوندولار و اولو روحونا رحمت دیلهدیلر و وطن سئوگیسیندن، ائل سئوگیسیندن دانیشیب، دئدیلر سوسن خانیمی سئوگی هیکلی کیمی گؤروبموشلر.
https://t.me/Adabiyyatsevanlar
3 095
https://ifilo.net/v/bqxzzBY
فیلم سینمایی جان سخت Die Hart The Movie 2023
فیلیم سینمایی برادران لیلا را اینجا ببینید.
https://t.me/Adabiyyatsevanlar
3 095
محرم میرزاده آوانسر«آراز_آوانسر»
زمانه
کئچدیکجه زمانه یاشلانیر اینسان
آلیشیر قلبینده سئودا اوجاقی
باغلانیر سئوگی یه باغلانیر یارا
تیترییب اللری پؤرتؤر یاناقی
سئویلیر عؤمؤرؤن یاز وعده سینده
یاشاییر حیایاتین اؤز وعده سینده
زامانین آخاری دؤز وعده سینده
قالدیریر الینی گؤنش سایاقی
دولانیر دؤنیانی ،قوجالیر اینسان
طبیعت قوینوندان ،گؤج آلیر اینسان
تانری یا باش اییراوجالیر اینسان
بیر گؤنده اولاجاق تانری قوناقی
دؤنیانین داشینی آتیر بیر زامان
قؤووشور توپراقا یاتیر بیرزامان
بلکه ده سئوگییه چاتیر بیرزامان
سؤزؤلؤر قلبیندن سئودا بولاقی
تیکانلار یولونا ،،اکیر آرازین
یاغیشلار چایینا،،تؤکؤر آرازین
حسرتین بیر قبیر چکیر "آراز" ین
داغلاییر قلبینی حسرت سازاقی
https://t.me/Adabiyyatsevanlar
3 095
عزیز دوسلار
هر هارداسینیز خوش آنیلار آرزو ائدیریک.
لوطفن هر یئر گلدی اود یاندیرمایاق
حتمن آشقالاری قایداندا قایتاراق
یاش آغاجلاری اود یاندیرماغا سیندیرمایاق.
حیوانلاری اونودمایاق
اشقال طبیعتین قاتیلی دیر...
3 095
📄 سیـــــــزده راهمه عالم بدرامروزازشهـــر
🖌 محمدحسین بهجت تبریزی«شهریار»
تو جگـــــرگوشه هم از شیر بریدی و هنـــــــوز
من بیچـــــــاره همان عاشق خونیــن جگــــرم
خون دل می خورم و چشــــــم نظربازم جـــام
جرمم این است که صاحبــــدل وصاحب نظـرم
من که با عشق نرانــــــدم به جوانـی هوسی
هوس عشق و جوانـــی ست به پیــرانه سرم
پدرت گوهــــــــــرخودتا به زروسیم فــروخت
پدر عشق بسوزد که درآمد پـــــــدرم
عشـــق و آزادگــی و حسن و جوانــی و هنـــر
عجبــا هیچ نیرزیـــــــــــــــد که بی سیم و زرم
هنــــــــــــرم کاش گره بند زر و سیمـــــــم بود
که ببــــــــــــــازار تو کـــــــــاری نگشود از هنرم
سیـــــــزده را همه عالم بدر امروز از شهـــر
من خود آن سیزدهـــــــم کز همه عالم بـدرم
تابدیـــــــــوار و درش تازه کنم عهـد قــــــــدیم
گاهـــــــــی از کوچه معشوقه خود می گــذرم
تو ازآن دگـــــــــــــری، رو که مـــــرا یادتو بس
خود تو دانـــــــــی که من از کان جهانی دگرم
از شکــــــــــــار دگران چشم و دلی دارم سیر
شیــــــــــرم و جوی شغــــــالان نبود آبخـــورم
خون دل مـــــــوج زنددرجگــــــرم چون یاقوت
«شهــــریــــــار»اچه کنم لعلــــم و والاگهـــــرم
https://t.me/Adabiyyatsevanlar
3 095
داوود عبدی
دوغا گۆنو، ۱۳ به در، یوخسا یئنی ایلین ۱۳ـ جۆ گۆن فلسفه سی
سون ایللر، سانال اورتامدا (فضای مجازی ده) یئنی ایلین ۱۳ـ جۆ گۆن له باغلی اساس سیز فیکیرلرین یاییملاسینی گؤروروک
بیر سیرالاری، بو گۆنو؛ دوغا(طبیعت) گۆنو آدلاندیراراق، بعضا دوغا آشی [ آیران آشی نین ] پیشیریلمه سی ایله ایلگی قورماغا و بیر باغ تاپماغا چالیشیرلار.
آنجاق بایرامی و یئنی ایلی نین بو گئنیش لیکده فلسفه سی اولان میللتین، بو بؤیوکلوکده تؤره نینی یئنی یارادیلان دبلرده آختارماق بیراز منطیقدن اوزاق گلیر.
کئچن یازی لاردا دئدیییمیز کیمی، اسکی تۆرک میللتی نین دۆشونجه سینده یئرین عؤمرو ۱۲۰۰۰ ایل تخمین وورولوردو، اونلارین اینانج لاری اساسدا یئر کۆره سی ۱۲۰۰۰ ایلدن سونرا داغیلاجاقمیش، ائله او اۆزدن [ یئرین ایلک یارانیش گۆنونون بللی اولمامادیغی اۆچون ]، هر ایلین هر بیر آیینی ۱۰۰۰ ایل سیمگه سی اولاراق آی لار یارانیر و هر ۳ آی بیر قات[فصیل] اولاراق، اورتایا چیخیر
یئرین داغیلماسی لا باغلی، ایل آخیر چرشممه نین فلسفه سی، بورجلارین اؤده نمه سی، خوش نییتلی سؤزلرین دانیشیلماسی، چرشممه سیرفاسی، قوتسال تونقال قالانیب، اوددان آتیلیب [آلاز ـ آلاز ائتمکلر]، شال ساللاما، پای گؤندرمک لر ی و.... قاباقکی یازی لاردا دانیشمیشدیق،
آنجاق یئنی ایلدن؛ ۱۳ گۆن، کئچدیکدن سونرا، میللت نه دن چؤل ـ باییرا چیخیرلار؟
دئدیک هر بیر آی، مین ایلین سیمگه سی اولاراق نظرده توتولوردو، آنجاق؛ ایلین باشیندا یئر داغیلماییرسا [ اؤزل لیکله خمسه مسترقه ـ ایلین سون بئش گۆنو ـ سئرچه کۆله ییندن باشلانیب، دارغان گۆنونده بیتن ]، یئنی ایلده بو داغیلما اۆز وئره جکمیش.
او اۆزدن یئنی ایلین هر بیر گۆنونو؛ مین ایل سیمگه سی نظرده توتاراق، ۱۳ـ جۆ گۆن یئرین داغیلماسینا اینانارمیشلار.
او اۆزدن بو گۆن، ائولرده، کؤهوللرده، ماغارالاردا و بۆتۆنلوکجه اۆستۆ اؤرتولو یئرلرده قالماق یئرینه اۆستو آچیق یئره [ چؤل ـ باییرا ] چیخاردیلار.
[ یئر داغیلیرسا آوار آلتیندا قالماسینلار دئیه ].
بو گۆن؛ ائوده بایرام زوماریندان نه قالمیشسا اؤزلری ایله ائشیگه آپاریب، پایلاشارمیشلار. [ بو گۆن ده داوام ائدیر ]
تک لیک قورخو یاراداندیر، ائله او اۆزدن نئچه کؤهولون اینسانلاری جؤمه لنیب بیر یئره توپلانیرلارمیشلار [ ائله بو گۆنکو بیرلیکده توپلانماق نه دنی].
یئر داغیلاجاقسا اؤزلری ایله قاباقجادان گؤیرتمیش اولان تاخیل[حبوبات] و بوغدالاری ائشیگه آپارارمیشلار، اللرینده حاضیر شیتیل و کؤک اولسون و تئز گؤیرسین دئیه [ بو گۆن گؤیلری ائشیگه آپارماق نه دنی ]
اود، تۆرک اوساطیرینده بلالار و آفتلر و پیسلیک لری قاچیردان وارلیق اولاراق، بو گۆنلر تونقال لار قالاییب اود آچارمیشلار، ائله بو گۆن اوجاقلارین قورولما نه دنی.
ایلیکین اینسان یئرین داغیلماسی نین قاباغینی آلسین دئیه، اوت ـ بیتکی لری بیر ـ بیرلرینه دۆیونله یرک، یئرین داغیلماسی نین اؤنونو آلماق ایسته ییرمیشلر [ بو گۆن بخت آچیلماق اۆچون سبزه ی، سیزده دۆیونلمک؟!!! دبی]
سو دا یاشایان آل بیزلاری [ آل بیس لاری، خباثتلری، پیس روحلاری ] اومای آنادان اوزاقلاشدیرسینلار دئیه، سویا داش آتاردیلار.
موسیقی بو خالقین یاشاملاری نین آیریلماز بیر پارچاسی اولاراق، موسیقی گۆجونه دایارناراق پیسلیک لری، خبیث روح لار و بلا قایناقلارینی اوزاقلاشدیرارمیشلار [ بو گۆنون شنلیک تؤرن لری نین نه دنی ] و چوخلو باشقا دب لر.
بو گۆن بو دب لرین اۆستوندن ساده کئچسک ده آنجاق بو مراسیم لر، گئنیش و درین فلسفه لر داشییاراق بو گۆنوموزه گلیب چاتیبلار و اۆستوندن ساده کئچمه دن، اؤز گۆجلو و زنگین وارلیغیمیزا دایاناراق بو گؤزل دبی ده، باشقا خالقلارا پای وئردیییمیز اۆچون؛ باشیمیزی دیک توتوروق.
1402.1.12
https://t.me/Adabiyyatsevanlar
