ادبیات سئونلر

‍ حکیم‌‌سید‌ابوالقاسم‌نباتی نه‌دن اول بُتِ پریوش دولانیب بو یانه گلمز، مگر اول خرابه ائودن اوسانیب جزانه گلمز؟ نه قیلیم، ائدیم نه چاره او نگارِ نازنینه؟ بویانیب جهان سؤزوندن، اؤزو بیر عیانه گلمز. باشینا دؤنوم، دولانیم، او بویون بلاسین آلیم، نییه تُرکِ چشمِ مستین اوخو‌ بو نشان'ه گلمز؟ لبِ لعلِ روح‌بخشین گله گر ترحّم اوسته، دیریلر بو خسته، بالله، دئمه کیم که، جانه گلمز! منی چوخ دا منع قیلما بو فغان و های‌وهودن، اود ایچینده بس اوزرلیک نه قیلار، فغانه گلمز؟ سنه دردِ هجر'ی یکسر، ائده‌رم حکایت، امّا، قلم الده سیز-سیزیلدار که بو سؤز بیانه گلمز. هانی بس، گؤرن نه اولدو، منی درد و غم توکَتدی، نییه گلمه‌دی، یوباندی، نه ائدیب بهانه، گلمز؟ بو سؤزو بیَنمه‌سین قوی او رقیبِ نحس و مشئوم: بئله لعل و دُرِّ مکنون، ائله چال قابانه گلمز. گوج ایله دئییل، عزیزیم! بو شهابِ عشق‌دیر، عشق، کی او برقِ نخلِ ایمن هر اودون‌ییغانه گلمز. قلمِ شکسته‌قدله سؤزو رشکِ دُرِّ ناب ائت! اَله دخی بیر ده، بالله، بئله خوش فسانه گلمز. کئچر عرشِ کبریادان تَفِ برقِ آهِ عاشق، آلیشار، یانار و لاکین گؤزه بیر زبانه گلمز. سرِ کویِ یاره گئتمیش یئنه قان اوچون «نباتی»، او بلالی عاشق ایندی باتیب آل قانه، گلمز https://t.me/Adabiyyatsevanlar

اوشاق ادبیاتی کارتون https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی ایشینیز اولسا زنگ وورون بیز ه https://t.me/Adabiyyatsevanlar

اوشاق ادبیاتی مرتضی مجدفر 🍪 آد گونودور آتامین🍪 تقویم اوزره آتامین یئنه چاتیب آد گونو گرکدیرکی بیرلیکده عزیزله‌یک بیز اونو. بیشیریبدی آنام کئک دویماق اولور قوخوسون ایسته‌ییر هر بیر کیمسه شنلی ماهنی اوخوسون. کئک یانیندا بیر قوطو باغلانیلمیش گوزلجه تحفه‌سی دیر آتامین سئچمیش آنام اوزلجه. آلمامیشام من تحفه منیم تحفه‌م گولوشدور بیر ده منیم هدیه‌م آتام اوچون اوپوشدور. https://t.me/Adabiyyatsevanlar

اوشاق ادبیاتی نسل زد درسخوان نیست! ✍:نسرین محمدباقری نسل زد به متولدین سالهای 1997 تا 2012  گفته می شود که با خصایص رفتاری متفاوت شناخته شده اند، نسل  زد، با فناوری های دیجیتال  و ابزارهای هوشمند بیگانه نیست. بچه های نسل زد وقتی چشم به جهان گشودند با گوشی و  اینترنت و شبکه های اجتماعی  و بازی های رایانه ای رشد کردند. قطعا نگرش آنها به هستی و پدیده های مختلف و مدل زندگی آنها از فضای مجازی تاثیر بسیار می گیرد. نسل زد تایپ برایش آسان تر از نوشتن است .ترجیح او به جای گرفتن کتاب در دست ، خواندن کتاب به صورت پی  دی اف و یا گوش دادن به پادکست است. او نظرات خود را آزادانه با کامنت بیان می کند و الگوهای خود را در شبکه های مجازی می یابد. نگاه این بچه ها به درس و مدرسه با انتظارات والدین و معلم هایشان همخوانی ندارد .آمار به ما می گوید حال درسی بچه ها خوب نیست و سواد دانش آموزان روند نزولی دارد. نتایج آزمون های  نهایی با معدل های پایین، افت تحصیلی و فقر یادگیری دانش آموزان  را نشان می دهد. ✅براساس نتایج آزمون تیمز و پرلز ، دانش آموزان ایرانی ازآموزش مناسب و یادگیری مطلوب برخوردار نیستند. این افت تحصیلی ریشه در عوامل متعددی دارد. مهم ترین دلیل درس نخواندن بی انگیزگی است و نداشتن انگیزه دلایل بسیاری دارد. در حیطه محتوای درسی می توان به مولفه های زیر اشاره کرد: ✅جذاب نبودن مطالب درسی، کاربردی نبودن محتوای آموزشی ، به روز نبودن شیوه های تدریس، آشنایی کم معلمها با تکنولوژی , انتخاب رشته نامناسب که هرکدام جای بحث دارد. تغییرات کتابهای درسی متناسب با پیشرفت تکنولوژی نبوده و روشهای تدریس همچنان روشهای قدیمی است از این رو کلاس درس برایشان جذابیتی ندارد و درسها مورد علاقه بچه ها نیست. بچه های امروز وقتی با یک سرچ ساده  می توانند پاسخ سوالات را پیدا کنند حال و حوصله یادگیری ندارند و درس خواندن برایشان سخت و  مشکل است. شاگردان امروز حتی از نوشتن مطالب درسی سرکلاس بیزار هستند و ترجیح می دهند از تخته سیاه عکس گرفته شود وبرایشان ارسال شود. ✅بسیاری از بچه ها در رشته هایی تحصیل می کنند که به آن علاقه ای ندارند . برخی از پدر ومادرها والدین آرزوهای دست نیافته خود را در فرزندان خود جست و جومی کنند و انتخاب رشته براساس علاقه پدرومادر است نه توانمندی و علاقه فرزند. دانش آموزانی هستند که به دلیل نداشتن استطاعت مالی خانواده از رفتن به هنرستان باز می مانند وناچار در رشته ای که متناسب با روحیات و تواناییشان نیست تحصیل می کنند. ✅بچه های امروزمدرسه را دوست ندارند و این دوست نداشتن علاوه بر محتوای آموزشی به محیط مدرسه نیز بر می گردد.فضای مدارس شاد و جذاب نیست. قوانین مدرسه و سخت گیری های مداوم و گاه بی دلیل بچه ها را دلزده می کند. از دیگر دلایل بی انگیزگی بچه ها ، مشاهده واقعیتهای جامعه است. نسل زد باهوش است .ارزش علم و جایگاه تحصیل کرده ها  و آماربیکاران با تحصیلات بالا را به راحتی با صاحبان قدرت و پول ودلالی و واسطه گیری مقایسه و نتیجه گیری می کند. ✅نسل امروز راحت طلب است و واقع گرا. مانند نسل ما با شعار و آرمان زندگی نمی کند. برخلاف ما که تمام آرزوهای خود را در درس خواندن و رفتن به دانشگاه و اهداف بزرگ غیرمادی  جست و جومی کردیم ، این نسل برای رسیدن به اهداف خود که شاید از دید ما خودمحور است، به دنبال راههای ساده و میان بر است. دانش آموز امروز موفقیت را صرفا قبولی در کنکور نمی داند. او به دنبال کسب مهارت هایی است که درآمدبالا به همراه داشته باشد.از سوی دیگر ،تورم افسار گسیخته و مشکلات حاد اقتصادی فشار مضاعفی به خانواده ها وارد کرده و بچه ها مجبور به ترک تحصیل شده یا همزمان به کار مشغول هستند و درس می خوانند و طبیعتا دچار افت تحصیلی می شوند. ✅شرایط  جامعه  هر روز  فرزندان ما را از درس خواندن دور می کند .اگر خواهان ایرانی اباد و سرافراز هستیم آموزش و پرروش باید الویت اول دولت باشد.مدرسه به عنوان مهم ترین مکان آموزشی مورد توجه ویژه قرار بگیرد و بی عدالتی آموزشی کم رنگ شود .شان و اعتبار از دست رفته معلمان برگردد و معلمان در جایگاه واقعی خود قرار بگیرند. باید بدانیم برای تربیت این نسل، نسخه های قدیمی آموزشی و تربیتی راه گشا نیست. فرزندان ایران را دریابیم.به آنها بها بدهیم . خواسته های به حقشان را سرکوب نکنیم و از توانمندی این نسل برای پیشرفت جامعه و ساختن آینده بهره بگیریم. https://t.me/Adabiyyatsevanlar

اوشاق ادبیاتی دونیا اوشاق کلاسیک‌لری، روس خالق حِئکایه‌لری    اؤزگور اؤزیورَک، دورلیون یایینلاری، تورکیه، مارت، 2022    چئویرن: مجید تیموری‌فر (م. صفا)  تولکو و سود‌قابی...        بیر کند‌قیزی تارلایا ایشله‌مه‌یه گئدیردی. ناهارا، اؤزویله بیرکیچیک وئدره‌ده سود گؤتوردو. ساحه‌یه گلنده، سودو کوللارین آراسیندا بیر سَرین یئره قویوب، ایشه باشلادی.    اورادان کئچن بیر تولکو، سودقابین گؤردو. قیز تارلادا ایشله‌ییردی. آج‌گؤز تولکو، سودو ایچمه‌یه باشلادی. میسدن دوزه‌لمیش  سودقابی دَرین، آغزی ایسه دار ایدی. سودون سون داملاسینی ایچمک اوچون، باشینی قابین ایچینه سوخمالی‌ایدی.    سودو ایچدیکدن سونرا، تولکو باشینی چیخارماغا چالیشسا دا، باجارا بیلمه‌دی. باشینی چَکدی، سیلکه‌لدی. او، قابی آغاجا ووراراق، سیندیرماق ایسته‌‌سه ده، مومکون اولمادی. میس قابی آغاجا ووراندا او، ائله دهشتلی سس چیخاریردی کی، تولکونون قولاقلاری آغریردی. «گَل شیرین و گؤزل سود قابی، منی بوراخ گئدیم! بیر آز ظارافات ائتدین، داها بسدیر!». او، بونلاری سؤیله‌یرکن نه ائده بیله‌جه‌یینی دوشونوردو.    تولکو، اونو هئچ‌واخت بوراخمایان قابا، چوخ عصب‌لشدی و دئدی: «گوناه مندن گئتدی، سنه گؤسته ررم! ایندیجه سنی سودا بوغارام و گؤررسن!».    او بودره‌یه‌رک- یووارلاناراق، تارلانین یانیندان آخان چایا دوغرو قاچدی. او، میس‌قابی بوغماق اوچون، باشینی سویا سالدی، آما قابین ایچی سو‌ایله دولدوغو اوچون داها دا، پیس‌لشدی. نفسی کسیلن تولکو، داها پیس مباریزه آپارماغا باشلادی. بو واخت تولکونون قالین توکلری ایسلاناراق، باشینا یاپیشدی. بئله‌لیکله، سود قابی تاماهکار تولکونون باشیندان فیرلادی. حیاتی خیلاص ائدیلن تولکو، چوخ گؤزل درس آلمیشدی. آغزینا قده‌ر سودله دولو اولسا بئله، بیر داها اونا عاید اولمایان بیر قابا، بورنونو سوخمازدی! https://t.me/Adabiyyatsevanlar

اوشاق ادبیاتی اوشاق ادبیاتی هر هفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

اوستاد «بهمن زمانی»نین ابدی آیریلیغی قوی اؤلوم سئوینمه‌سین عؤمرونو وئرمیر بادا- ائل قدرینی جانیندان داها عزیز بیلن‌لر. شیرین بیر خاطیره تک قالاجاقدیر دونیادا سئوه‌رک یاشایانلار، سئویله‌رک اؤلن‌لر. درین کدر و اوزونتو ایله آذربایجان ادبیاتی‌نین گؤرکملی شاعری و اجتماعی شخصیتی، اوستاد بهمن زمانی‌نین وفات خبری ایله قارشیلاشدیق. 1319-جو ایلده قاراداغ ماحالی‌نین «طوعلی» کندینده نفوذلو بیر عائله‌ده دونیایا گؤز آچان بهمن زمانی، عؤمرو بویو آزادلیق، عدالت و زحمتکش‌لرین ایستک‌لری اوغروندا موباریزه آپارمیشدیر. اونون حیاتیندا زیندان، سورگون، موختلیف تضییق‌لر و تعقیب‌لر اولسا دا، بو چتینلیک‌لر بهمن زمانی‌نی اؤز شرفلی موباریزه یولوندان دؤندره بیلمه‌میشدیر. بهمن زمانی 40-جی ایللرده آذربایجاندا باش وئرن ضیا‌لی معلم‌لر حرکاتی‌نین قاراداغ ماحالینداکی تانینمیش فعاللاریندان بیری اولموشدور. او دا، صمد بهرنگی، بهروز دهقانی، علیرضا اوختای و دیگر یولداش‌لاری کیمی، عدالت و آزادلیق آرزوسوندا اولان بیر جمعیتین قلبینه اومید و معارف توخوملارینی سپمک اوچون چالیشمیشدیر. یالنیز قاراداغ کندلرینده تعهدلی بیر معلم کیمی تحصیل و معارفلندیرمه ساحه‌سینده ده‌یرلی آددیم‌لار آتماق‌لا کیفایتلنمه‌میش، هم ده شعر و ادبیات یولو ایله ظولم و برابرسیزلییه قارشی موباریزه آپارمیش و جمعیتین آشاغی طبقه‌لری‌نین اوره‌ییندن عدالت و آزادلیق سسینی یوکسلتمه‌یه جان آتمیشدیر. بهمن زمانی‌نین اثرلری مکتوب شکیلده یاییملانماسا دا، اونون آذربایجان ادبیاتیندا اؤز دستخطی اولموشدور. خصوصیله، یاخین دوستو صمد بهرنگی‌نین اؤلومو موناسیبتیله یازدیغی و بو گون ده دیل‌لر ازبری اولان «آراز، آراز، خان آراز» شعری اونون وطن سئوگیسینه، اینسانلیق ایدئال‌لارینا و دوستلوق اعتبارینا صداقتی‌نین پارلاق نمونه‌سی‌دیر. انقلابین غلبه‌سیندن سونرا ایشیق اوزو گؤرن «آراز» آدلی شعر مجموعه‌سی ده بو صداقتین و زحمتکش‌لره اولان باغلیلیغی‌نین تظاهرودور. بهمن زمانی، عؤمرونون سونونا قده‌ر، اثرلرینی سسلندیره‌رک، موختلیف واسطه‌لرله او جومله‌دن کاسئت‌لر واسیطه‌سیله یاییملایا‌راق اوخوجولارینا چاتدیرماغا داوام ائتمیشدیر. اونون جسارتی و اینسان‌لیق ایدئال‌لارینا اولان صداقتی، همیشه آذربایجان ادبی و اجتماعی محیطی‌نین یادداشیندا حؤرمت و تقدیرله آنیلاجاقدیر. 84 یاشلی اوستاد بهمن زمانی‌نین سئوه‌ن اوره‌یی، دی آیی‌نین 17-جی گونو اوزون سورن آغ‌جییار خسته‌لیگی سببیندن تبریز شهری‌نین امام رضا خسته‌خاناسیندا بیریوللوق دایاندی و بیر گون سونرا جنازه‌سی ایسه، تبریزین وادی‌رحمت مزارلیغینین 70 نومره‌لی قطعه‌سینده سئونلری‌نین مشایعتی ایله تورپاغا تاپشیریلدی. بیز، «ایشیق» (آذربایجان ادبیات و اینجه صنعت سایتی)، «آذری فصلنامه‌سی» و «ادبیات سئون‌لر» (تلگرام گروهو) آدیندان، اوستاد بهمن زمانی‌نین وفاتی موناسیبتیله آذربایجان ادبی، مدنی اجتماعیاتینا، حؤرمتلی عائله‌سینه، دوست‌لارینا و اونون ایدئال‌لارینا باغلی اولان هر کسه درین حوزنله باش‌ساغلیغی وئریریک. خاطیره‌سی ابدی، یولو ایشیق‌لی اولسون! «ایشیق» (آذربایجان ادبیات و اینجه صنعت سایتی) «آذری فصلنامه‌سی» «ادبیات سئون‌لر» (تلگرام گروهو) 19/10/1403

      –«اؤتن ایلین سون گئجه‌سی» پیئسینیزده یئنی ایل آخشامی تنها قالان حمیده اوبرازی وار، اولادلاری هره‌سی بیر یئرده تزه ایلی قارشیلاییر. آنا ایسه تنها قالیر، مرحوم حیات یولداشی‌نین سس یازیسینی دینله‌ییر. گونو-گوندن سئیره‌لن اطرافینیزین فونوندا نه واختسا اؤزونوزو حمیده‌نین سیتواسییاسیندا(وضعیتینده) حسّ ائتمیسینیز؟   –دایم اؤزومو حمیده‌نین سیتواسییاسیندا حسّ ائدیرم. بعضا هم‌ صحبت تاپمیرام. ائله صحبتلر وار کی،  اونلاری آنجاق اؤز یاشیدلاریملا، حیات یولوموز بیر اولان، عینی پروبلئملرله اوزلشدیییم آداملارلا ائده بیلردیم  اونلارین چوخو قالماییب، بیر-ایکی نفر وار.   –«اؤتن ایلین سون گئجه‌سی» پیئس‌ینیز یئنی ایل آب-هاواسی کونتئکستینده یازیلیب دئیه بیر نئچه دفعه‌ رئژیسسورلارین(صحنه دولاندیران) مراجعت ائتدییی اثر اولوب...   –مسکوا تئلئویزییاسی ایکی دفعه‌ «اؤتن ایلین سون گئجه‌سی»نی صحنه‌‌لشدیرمیشدی، بیرینجینی تئلئویزییادان ایزله‌میشدیم، بَینمه‌میشدیم. چونکی حمیده خانیم اوبرازینی جانلاندیران آکتریسا یونگولواری اویناییردی رولو. تخمیناً اوچ-دؤرد آی سونرا ایکینجی تله‌تاماشانی چکدیلر. او ایسه چوخ اوره‌گیمجه اولدو. تاماشا نمایش ائدیلندن سونرا لمبرانسکی منه تلگرام ووردو  ممنونیّت‌ینی بیلدیردی. سونرا «اؤتن ایلین سون گئجه‌سی» رادیو تاماشاسینی حاضرلادیلار. حمیده خانیم اوبرازینی رامیز حسن اوغلونون آناسی عطایه علی‌یئوا ایفا ائدیردی. سونرا اثر گنج تاماشاچیلار تئاتریندا صحنه‌‌لشدیریلدی. باش رولو فیرنگیز شریف اووا اویناییردی. اوندان بیر نئچه ایل سونرا آذرپاشا نعمت‌اووون قورولوشوندا پیئسین روس دیلینده اولان واریانتی صحنه‌‌یه قویولدو، ائله همین تاماشادا دا فیرنگیز شریف اووا، حمیده خانیم اوبرازینی جانلاندیریردی. بیر مدت سونرا ۱۹۷۸-جی ایلده رامیز حسن اوغلو «اؤتن ایلین سون گئجه‌سی»  تله تاماشاسینی چکدی، زرنیگار آغاکیشی‌یئوا باش رولدا ایدی. نهایت ۱۹۸۳-جو ایلده گول‌بنیز عظیم‌زاده‌نین رئژیسسورلوغو ایله عینی‌آدلی فیلم چکیلدی. همین فیلمده ده حمیده خانیم اوبرازینی ائلمیرا شابان اووا جانلاندیریردی.       –هانسی وئرژنی داها چوخ بَینمیسینیز؟   –مسکوادا چکیلمیش ایلک وئرژن‌دن باشقا، هامیسینی بَینمیشم. هره‌سی‌نین اؤز مزیّتی وار... سسری خاریجی ایشلر ناظری قرومیکو ۸۳-ده چکیلن فیلمی ایزله‌ینده تئلئویزییانین صدرینه زنگ ائدیب کی، اوشاقلار ائوه قاییداجاقلار یا یوخ؟ صدر دئییب، قاییداجاقلار... اصلینده، ایسته‌میردیم فیلم او جور بیتسین. مجبور اولوب ديگیشدیک.   –فینالی هانسی سببله ديگیشدیلر؟   –هر شئیه مداخله ائدیردیلر. ایندی روسیانین فیلملرینه باخیرام، گولمک توتور منی. فیلملرینده هامی ایچیر. او واخت فیلمده استولون اوزه‌رینده بیر رومکا بئله اولا بیلمزدی. قریبه شئیلر وار ایدی... طلبلری بئله ایدی کی، گرک هر شئی نیک‌بین سونلوقلا بیتسین. دئدیلر  یا چکیله‌جک یا دا چکیلمه‌یه‌جک.  مجبور قالدیم... صنعته ده چوخ خیانت ائتمه‌مه‌یه چالیشدیق. نیسبتاً بدیعی فینال تاپدیق.       –آنار معلّیم، وصيّت ائله‌میسینیز؟   –«یاشاماق حاقی» کتابیم منیم وصيّتیمدیر. اونون اوّلینده یازمیشام کی، اؤلمه‌یه تلسمیرم. آمّا وصيّت آداما یونگوللوک گتیریر. بو کیتاب خالقیما وصيّتیمدیر.   –اونو ایکی-اوچ کلمه‌یه سیغیشدیرا بیله‌ریک؟   –مومکون دئییل... ایسته‌‌رم، او کتابی بوتون آذربایجانلیلار اوخوسون. ایسته‌رم، جاوان یازیچیلار او کتابی اوخوسون. «آنار نه یازیب کی؟» دئینلر ده «یاشاماق حاقی»نی اوخوسون.  عیبی یوخ، اوخوسون، اوندان سونرا دئسین، آنار نه یازیب کی؟.. بیلیرم ائله آداملار وار کی، من نه یازسام، دئیه‌جکلر پیسدی...       –بو مصاحبه دئکابرین ۳۱ی آخشام یاییملاناجاق. ۲۰۲۵-جی ایلین ایلک گونو صحبتیمیزی اوخویانلار بو مصاحبه‌نی اؤتن ایلین سون گئجه‌سی‌نین صحبتی  یاخود اؤتن ایلین سون صحبتی کیمی سجّیه‌لندیره‌جکلر. ائله حساب ائدک کی،  ائکران قارشی‌سینداسینیز. بو بایرام آخشامی اورک سؤزلرینیزی خالقیمیزلا بؤلوشون...   –بوتون اینسانلارا خوشبختلیک، رفاه آرزولاییرام. نه ائدیم-نئجه ائدیم دئمه‌سینلر. عائله‌‌ باشچیلاری عائله‌‌لرینی دولاندیرا بیلسینلر، بالالارینی بؤیوده بیلسینلر. محاربه‌‌ اولماسین، اؤلوم-ایتیم اولماسین. انسانلارین فرحلی گونلری داها چوخ اولسون. روسیا-اوکراینا محاربه‌‌سی ده بیتسین... (آ.پ.آ آ.ذ ۳۲ دئکابر ۲۰۲۴) https://t.me/Adabiyyatsevanlar

هر جور چالیشیرام کی، یازیچیلار بیرلییی واسطه‌‌سی‌له اونلار هئچ بیر ای متیازدان یارارلانماسین. نه تقاعد، نه هانسی‌سا تلطیف، نه چاپ اولونماق  هئچ نه... نه ائدیرلرسه، اؤز گوجلرینه ائدیرلر.  بو حالدا بئله سؤز قوشورلار کی، آنار اؤز بالالارینا تقاعد وئریر. گؤرون، نه‌سه ائتسه‌یدیم، نه‌لر دانیشاردیلار!؟ اوندا دا دئیه‌جکدیلر کی، آنار یازیچیلار بیرلییی‌نین بیناسینی بالالارینا باغیشلاییب.   –تصادفاً، بو گون یوسف صمد اوغلونون دوغولدوغو گوندور...   –حیاتدا راست گلدیییم ان ایشیقلی، تمیز آداملاردان بیری یوسف ایدی. چوخ استعدادلی یازیچی، اینجه قلبلی، ذوقلو انسان ایدی. دایم اونون یئری گؤرونور.  هم ده چوخ حساس ایدی. هانسی‌سا سببلردن اوقاتیم اولمایاندا یوسف‌ین خصوصی قایغیسینی حیسّ ائدیردیم... ۹۳-جو ایلده یئددی آی تورکیه‌ده درس دئدیم. گئتمه‌میشدن اوّل یازیچیلار بیرلییینده پلئنوم چاغیریلدی و یوسف بیرلییین بیرینجی کاتیبی سئچیلدی. او واختلار یوسف‌ین اؤلکه رهبرلییی ایله موناسیبتلری یاخشی ایدی و اونا چوخ حؤرمت ائدیردیلر. باشقاسی اولسایدی، منیم آذربایجاندا اولماماغیمدان استفاده ائدیب پلئنوم چاغیراردی و یازیچیلار بیرلییی‌نین صدری اولاردی. بونا نه حکومت، نه ده یازیچیلار اعتراض ائدردی. سؤزون آچیغی، من ده راضی اولاردیم.آمّا یوسف بونو ائتمه‌دی. چونکی دوستلوق، اعتبار اونون اوچون وظیفه‌‌دن اوستون ایدی. قزئتلر منیم اؤلکه‌دن بیردفعه‌لیک گئتمه‌ییم باره‌ده یازاندا یوسف تکذیب یازیردی کی، آنار موقّتی گئدیب. بونو چوخ آز آدام ائده بیلردی. همین آز آداملاردان بیری ده یوسف ایدی.   –آلتمیش‌اینجی‌لر نثریندن اوچونوز قالمیسینیز: اکرم ایلیسلی، ائلچین افندی‌یئو و سیز. هردن ائله بیلیرم، گیزلین هارداسا گؤروشورسونوز. بو  حقیقت اولماسا بئله، ماراقلی یالاندی...   –ائلچین‌له آیدا بیر دفعه‌، ایکی دفعه‌ گیزلین یوخ، آشکار گؤروشوروک. یا من زنگ ائدیرم، یا او زنگ ائدیر. اکرم‌له گؤروشموروک.   –اکرم ایلیسلینی ایسته‌ییرسینیز؟   –آچیغی یوخ. چونکی من اوندان چوخ اینجیمیشم. آتام حاقیندا  منیم حاقیمدا بوتون یازدیقلارینا باخمایاراق، واختی‌له «کومسومولسکی پراودا» قزئتینده اونون حاقیندا مقاله یازدیم. مسکوادا اکرم باره‌ده چیخان ایلک یازی ایدی. اکرم دئییر، آنار بو یازینی دا سفارش‌له یازیب. حال‌بوکی اؤز تشبّوثومله یازمیشام «داش یوخولا»  حاق-حسابیندان سونرا او تک‌لنمه‌سین دئیه، همین مقاله‌نی آذربایجان دیلینه چئویریب «آذربایجان»  ژورنالیندا چاپ ائتدیردیم. «داش یوخولار»دان سونرا آذربایجان مطبوعاتیندا ایلک دفعه‌ ایدی کی، اکرم حاقیندا مثبت یازی گئدیردی. دئدیم  اکرم نجابت گؤسترر. زنگ ائدیب دئیر کی، ساغ اول، هامی منی پیسلیکدیردییی واختدا سن بئله آددیم آتمیسان اولمادی، گؤردوم دوزلن دئییل..   –بو یاخینلاردا اکرم معلّیم «تنها چینارین ناغیلی» آدلی یازی یازدی...   –منه گؤستردیلر، یاریسی یالان ایدی. دئدیلر جاواب یاز، دئدیم لازیم دئییل.       –یازیر کی ۷۸-جی ایلده «کاروان‌سارا» رستوران‌یندا گؤروشموسونوز. یازیچیلار اتفاقی‌نین کاتیبی وظیفه‌‌سینی تکلیف ائتمیسینیز. اوّل راضی اولماییب، سیز کؤوره‌لمیسینیز سونرا راضیلاشیب...   –اشی نه کؤوره‌لمک!؟  بوش سؤزدو. گؤروشدوک، اوّلجه قبول ائتمه‌دی تکلیفیمی، سونرا راضیلاشدی. بیلیرسن  نییه اوندان اینجیییرم؟ چوخ شئیی اویدورور. او یازیچیلار اتفاقی‌نین عضولویوندن استعفا عریضه‌سینده یازیب کی، خواهش ائدیرم، منی عضولوکدن آزاد ائده‌سینیز. ایندی دئییر، گویا او واخت عریضده یازیب کی، گئتدیکجه داها چوخ ایی‌لنمکده اولان و ایی‌لندیکجه داها چوخ عفونت ساچان بیر تشکیلاتین عضوو اولماغین... نه بیلیم نه... او عریضه منده قالیر و بئله سؤزلر اوردا یوخدو. باخ بونو نییه یالان دئییرسن آی اکرم؟   –صادقلیک مسئله‌سینی اساس توتورسونوز...   –بلی.   – همین صادق آداملاردان بیری سوروجونوز سئیران کیشی ایدی. بیر نئچه هفته اوّل وفات ائتدی...   –او بیزیم عائله‌‌ عضووموز کیمی ایدی  سونونجو گون هانسی‌سا تدبیردن گلدیک. همیشه منی لیفته قدر اؤتوروردو. بو دفعه‌ ده لیفتین اؤنونه قدر گلدی. دئدیم سئیران، داها گئت، بیرینجی گون گلرسن. دئدی  یوخ، گؤزله‌یه‌جم. لیفت قالخسین  سونرا گئده‌جم. سونونجو قایغیسی بو اولدو، گئتدی. بازار ائرته‌سی گلملی ایدی. ایکی گون سونرا زنگ گلدی کی، سئیران دونیادان کؤچوب. ائله بیلدیم  گؤی گورولدادی. هئچ گؤزله‌مزدیم... بعضیلری دئییردی کی، گؤزلری ضعیفدیر، قضا تؤره‌ده بیلر. دئییردیم یوخ، نه قدر ایشله‌یه بیله‌جک، من هر یئره اونونلا گئده‌جم... یئری چوخ گؤرونور...

""آنار: «ائله آداملار وار‌ کی، من نه یازسام،  دئیه‌جکلر پیسدی...»"" ادبیّات قازئتی آ.ذ خالق یازیچیسی  آ.ی.ب صدری آنارین «آ.پ.آ»یا «اؤتن ایلین سون گئجه‌سی»  مصاحبه‌سینی تقدیم ائدیر. کوچورن :ویداحشمتی حاضیرلایان:ادبیات سئونلر   –آنار معلّیم، سیز یاشدا آداملارین نؤوبتی ایلدن اوماجاغی اولور؟   –اوماجاغی تکجه همین ایله چیخماق اولور، یعنی بیر ایل ده یاشاماق ایسته‌ییر   –۲۰۲۵-دن باشقا نه‌لر گؤزله‌ییرسینیز؟   –واخت اومورام. همیشه دئییرم کی، اؤلومدن قورخمورام. هامی گئج-تئز اؤله‌جک. اللّه لطف ائدیب کی، بو یاشا چاتمیشام. یقین، اللّه بئله لازیم بیلیب.  تأسف کی، دوستلاریمین چوخو واختسیز گئتدی حیاتدان. بیرجه اوندان قورخورام کی، عجل قفیل گلر، ناتامام قالان بعضی ایشلریمی تاماملایا بیلمه‌رم.   –هانسی ایشلردی اونلار؟   –بئینیمده، اوره‌گیمده بئش-آلتی کتاب وار کی، اونلاری یازیب بیتیرمک ایسته‌ییرم.   –مثلا؟   –مختلف‌دی... آرالاریندا بیوقرافیک کیتابلار دا وار. بعضیلری  دئمک اولار حاضردی... گولملی ده اولسا، دئیه.جم «کئچن کئچدی، اولان اولدو» آدلی عائله‌‌میزین بیوقرافیاسینی احاطه‌‌ ائدن کتاب یازیرام، بو کتابین آنونسونو ایسه  ۲۰-جی عصرده وئرمیشدیم... بیر آی لازیمدی کی، تاماملاییم. چوخ گومان ۲۵-جی ایلده حاضر اولاجاق.   –دیگر کتابلار نه بارده‌دیر؟   –دئدیییم کیمی بئش کتاب حاضرلاییرام، هره‌سی بیر ژانردادیر. بیری پووئستدیر، بیری مئمواردیر،  بیری ائسسئلردی، بیر کیتاب دا آرتیق نشریّاتدادیر. ایکی عائله‌‌ده دؤرد خالق شاعری، اوچ خالق یازیچیسی. صمد وورغونلا رسول رضانین عائله‌‌سینده دؤرد خالق شاعری وار: رسول رضا،  نیگار رفیع‌بیلی، صمد وورغون، واقیف صمدوغلو. اوچ خالق یازیچیسی وار: انور ممدخانلی، یوسف صمد اوغلو و من. کتاب بو باره‌ده‌دیر.       –ان یاددا قالان یئنی ایل آخشامینیز نه واخت اولوب؟ همین یئنی ایلی یاددا قالان ائدن حادثه‌‌لری خاطیرلاییرسیزمی؟   –حادثه‌‌لر چوخ اولوب. آتام-آنام ساغ اولاندا یئنی ایل گئجه‌لرینی اونلارلا بیرگه قئید ائدیردیم. سونرا آیری یاشایاسی اولدوم، همیشه بایرامی اونلارلا قئید ائده بیلمه‌دیم. بونا گؤره تأسفله‌نیرم. یئنی ایله بیر گون قالمیش عائله‌‌میزین حیاتیندا کدرلی حادثه‌‌ باش وئردی. دئکابرین ۳۱-ده قاییناتام رحمته گئتدی. آنام دئییردی کی، بوندان سونرا سیز یئنی ایلی کدر قاریشیق حیسّلرله قارشیلایاجاقسینیز. او گوندن چوخ ایللر کئچمه‌سینه باخمایاراق، هر ایل دئکابرین ۳۱ی اونون مزارینی زیارت ائدیریک.   –آتالی-آنالی بایرام آخشام‌لاریندان یادینیزدا نه قالیب؟   –آتامین بیر سؤزونو خاطیرلاییرام، یئنی ایلین گلیشیندن بئش دقیقه کئچندن سونرا دئییردی: «آی آمان، آرتیق یئنی ایلدن ده بئش دقیقه کئچدی». بیر آرزوسو دا وار ایدی؛ دئییردی بیر گون ده اولسا، ۲۰-جی عصرده یاشاییم قیسمت اولمادی...   –سیز ایکی عصر گؤردونوز...   –بلی.   –۲۱-جی عصری گؤرمه‌یی آرزولامیرسینیز؟   –یوخ، داها اونا قالمارام...   –یئنی ایلی خاریجدهقارشیلامیسینیز؟   –بلی، مسکوادا.   –نئجه خاطیرلاییرسینیز؟   –واقیف صمدوغلو، مقصود ایبراهیم‌بی اوو، بیر نئچه مسکوالی دوستوملا بیرگه قارشیلامیشدیق یئنی ایلی. ائله، عادی  ساده ماسا آرخاسیندا...   –حیات یولداشینیز زئمفیرا خانیمین صحّتینده یارانان پروبلئملره چوخ حساس یاناشیرسینیز. حتی خاریجده اولاندا آپ‌تئک‌لردن شخصاً اؤزونوز درمان آختاریرسینیز...   –بو خصوصی حساسلیق دئییل منجه،  چوخ نورمال حالدی. ائله بئله ده اولمالیدیر... مثلا، تورکیه‌دن آپ‌تئک‌لردن هانسی‌سا درمانی آختارماغیم چوخ عادی حالدیر. بیرینجی دفعه‌ بو صحبت نبی خزری ایله تورکیه‌ده سفرده ایکن اولوب. آپ‌تئک‌دن زئمفیرا خانیم اوچون بیر درمان آختاریردیم. نبی معلّیم بونا چوخ تعجب‌لنمیشدی. نییه تعجبلنمیشدی؟ ایندی ده بیلمیرم. اؤتن ایل سیزینله سفرده اولاندا دا عینی حال باش وئردی، حتی اولوجای آکیف بونو یازمیشدی... عائله‌‌مدی عمر-گون یولداشیمدی.  حیاتیمی اونونلا کئچیرمیشم. یئددی یاشیندان تانیییرام اونو...       –یازیچیلار معیشت قایغیلاریندان اوزاقدا دایانماغا چالیشیرلار. آمّا ائله حال یاشانیر، ایسته‌سن ده، ایسته‌مه‌سن ده، معیشت گلیب یاخاندان ایکی‌اللی یاپیشیر. ماراقلیدیر، یازی-پوزو اهلی‌نین ده اولادلاری یئربه‌یئر ائتمک کیمی نیگارانلیغی وار. یا اونلار بو مسئله‌یه بیر آز سویوق یاناشیر؟   –والدین‌لیک حیسّی پئشه‌یه باخمیر. یازیچی دا عینی‌له اولادیندان اؤترو نیگاران اولور. اؤزو ده قریبه‌دیر، سن هامی‌نین قئیدینه قالا بیلرسن، آمّا اؤز بالانین قئیدینه قالاندا دئییرلر کی، نییه سن اونا خصوصی یاناشیرسان؟..  بیلیرسن کی، اوغلوم دا قیزیم دا یازیر.

دارول سوسدو. ائله بیل کی دانیشماغا گوج ییغیردی. سونرا دئدی: - منیم یولوم و حیاتیم بوردا سونا چاتیر. من بوردا اؤلمه‌یه گلمیشدیم. آمما منیم بیر خواهیشیم وار، طلب دئییل، خواهیش دیر. سون سؤزلریم بو اولاجاق. سیز اونو یئرینه یئتیررسینیز؟ - الیمدن گلن هر شئیی ائتمه‌یه حاضیرام! - داها منیم نه آرزوم قالیب نه اومیدیم. سیزدن تکجه بیر شئی ایسته‌ییرم: منیم اؤلومومو گیزلی ساخلایین! -اومید ائدیرم بونا احتیاج قالمیاجاق. سیز ساغالاجاقسینیز و... - سوسون! بو منیم طالعیم دیر. سؤز وئرین! - سؤز وئریرم. - آند ایچین کی...- او، دهشتلی بیر آند وئردی. - بونا احتیاج یوخدور، من سیزین خواهشینیزی یئرینه یئتیره‌جم، اگر منه شوبهه ائدیرسینیزسه... - باشقا یولونوز یوخدور، آند ایچین. من آند ایچدیم. بو، خسته‌نی ساکیت‌لشدیردی. سونرا او، اوستونده عرب هروگلیف‌لری ایله نسه یازیلمیش مؤهور اوزویون بارماغیندان چیخاریب منه اوزاتدی. دئدی: -آی‌ین دوققوزونجو گونو( آی‌ین فرقی یوخدور، اساس اودور دوققوزونجو گون اولسون) دوز گون اورتا بو اوزویو اِلِوسین خلیجی‌نین دوزلو سولارینا آتین،  صاباحی گون عینی ساعاتدا تِسِره‌را معبدی‌نین خارابالیقلارینا گئدیب بیر ساعات گؤزله‌یین. - نه اوچون؟ - گؤره‌جک‌سینیز. - آی‌ین دوققوزونجو گونو دئدینیز؟ - هه. دوققوزونجو. دئدیم کی، بو گون ائله آی‌ین دوققوزونجو گونودور. خسته‌نین سیماسی دییشدی و او سوسدو. او دقیقه با دقیقه گوجونو ایتیریردی. بو واخت دیمدیگینده ایلان توتموش لئیلک گلیب یاخینداکی قبیر داشی‌نین اوستونه قوندو. ائله بیل قوش یئمینی اودماغا تلسمه‌دن بیزه باخیردی. هئچ بیلمیرم نه اوچون للک‌لی قوناغیمیزی قووماغا چالیشدیم، آمما عبث یئره. لئیلک هاوادا بیر نئچه دؤور ووروب یئنه عینی یئره قوندو. دارول گولومسه‌ییب بارماغینی لئیله‌یه اوزاتدی و دانیشدی:- بیلمیرم بونو منه دئدی، یوخسا اؤزونه، آمما جمعی بیر شئی دئدی: - هر شئی قایداسیندا دیر! - قایداسیندا دیر؟ نمنه؟ - فیکیر وئرمه‌یین. بو گئجه منیم اوره‌ییمی تورپاغا تاپشیرمالیسینیز.- لئیله‌یین قوندوغو یئرده. قالانینی اؤزونوز بیلیرسینیز. سونرا اونون اؤلومونو داها یاخشی نئجه گیزلده‌جه‌ییمه داییر گؤستریش‌لرینی وئردی. سؤزونو قورتاراندان سونرا دئدی: - قوشو گؤرورسونوز؟ - البته. - دیمدیگینده قیوریلان ایلانی دا گؤرورسونوز؟ - شوبهه‌سیز کی. آخی بوندا غیر عادی هئچ نه یوخدور. لئیلک‌لر ایلانلا قیدالانیر. آمما قوشون یئمینی اودماماغی غریبه‌دیر. دارول گولومسه‌ییب ضعیف سسله دئدی: - هله واختی چاتماییب. بو سؤزلری دییه‌ن کیمی لئیلک اوچوب گئتدی. بیر نئچه آنلیق اوزومو دوستومدان چئویریب باخیشیملا قوشو تعقیب ائتدیم- بو موددت عرضینده هئچ اونا قدر سایا بیلمزدیم. بیردن دارولین آغیرلاشمیش بدنی چیینیمه چؤکدو. دؤنوب اونون اوزونه باخدیم. - یول یولداشیم اؤلموشدو! حئیرتله باش وئرنلری ایزله‌ییردیم. سهو اولا بیلمزدی.- بیر نئچه دقیقه سونرا اونون صیفتی قارالدی. بو آنی دئییشیک‌لیک آنجاق زهرین تاثیری ایله اولا بیلردی. آمما دارول مندن گیزلی زهر ایچه بیلمزدی، بونا امین ایدیم. گونش غروب ائدیردی و دوستومون مئییتی گوزومون قاباغیندا چورویوردو. مرحومون ایسته‌یینی یئرینه یئتیرمکدن باشقا چاره‌م قالمامیشدی.‌ سولئیمانلا من دارولین گؤستردییی یئرده قبیر قازدیق. بوندان قاباق هانسیسا بیر مسلمانین باسدیریلدیغی تورپاق راحات قازیلیردی‌. قبری واختیمیزین امکان وئردییی درینلیکده قازیب، سیررلی وارلیغین قالیقلارینی باسدیردیق. اوستونو قورو تورپاقلا اؤرتدوک. سونرا گونشین چوخ دا یاندیرمادیغی چمن‌لردن بیر قدر یولوب قبرین اوستونه دؤشه‌دیک. حئیرت و درد منه او قدر حاکیم اولموشدو کی آغلایا بیلمیردیم... https://t.me/Adabiyyatsevanlar

بو جور مناسبته طرفلرین اونلاری نئجه آدلاندیرماسیندان آسیلی اولاراق،" یاخینلیق" و یا " دوستلوق" دئییلیر. دارول چوخ سیاحت ائتمیشدی. من ده نظرده توتدوغوم سیاحتین خرجینی تعیین ائتمک اوچون اونا مراجعت ائتدیم. اوره‌ییمده اونو اؤزومله گئتمه‌یه راضی سالاجاغیما دایر اومیدیم وار ایدی. دوستومدا داخلی ناراحاتلیق حیس ائتدیییم اوچون بو اومید بیرآز دا محکم‌لنمیشدی. اونون اطرافداکی هر شئیه قارشی اعتناسیز اولدوغو حالد آچدیغیم موضوعنون اونو ماراقلاندیرماغی اومیدیمی تامامیله اساسلاندیردی. نیتیمه اوّلجه اشاره ائتدیم، سونرا آچیق- آچیغینا دیله گتیردیم. دارول‌ین جاوابی، هر نه قدر بو جاوابی گؤزله‌سم ده، منده خوش سورپرایز تاثراتی یاراتدی: او، راضیلاشدی. حاضیرلیق گؤروب یولا دوشدوک. جنوبی آوروپا اؤلکه‌لرینی گزندن سونرا یولوموزو اوّلجه‌دن پلانلاشدیردیغیمیز کیمی شرقه سالدیق. دانیشماق ایسته‌دیییم حادیثه محض همین یئرلرده باش وئردی‌. دارول‌ین چوخ گوزل خارجی گؤرونوشو وار ایدی. او، ساغلاملیغی ایله سئچیلیردی. آمما معین واخت ایدی کی، صحتینده گئری‌لمه حیس اولونوردو. آمما بیلینن بیر خسته‌لیک سببیندن یوخ، نه اؤسکوروردو، نه ده وَرَمه توتولموشدو، آمما گونو- گوندن ضعیفله‌ییردی‌. حالسیزلیقدان شکایت‌لنمه‌سه ده، حالسیز اولدوغو گؤرونوردو. گئتدیکجه داها گوج ایتیردییی گؤز قاباغیندا ایدی. داها چوخ سوسقونلاشیردی و نهایت، دوستوم او قدر دییشدی کی، اونو تهدید ائدن خطر منی ده قورخوتماغا باشلادی‌. ازمیرده اولاندا ِافِس‌ له ساردیس خارابالیقلارینا گئتمه‌یه حاضیرلاشیردیق. دوستومون وضعیتینی نظره آلیب، اونو بو سفردن چکیندیرمه‌یه چالیشدیم، آمما عبث یئره. دارول چوخ پیس حالدا ایدی، حرکت‌لرینده ده نه ایسه قارانلیق بیر طمطراق حیس اولونوردو. اونون بو حالی گزینتی‌یه چیخماق ایسته‌یی ایله چوخ دا اوست- اوسته دوشموردو. بو گزینتی‌نی ایسه من خسته‌حال آدام اوچون اویغون بیلمیردیم. آمما من داها اونا قارشی چیخمادیم و بیر نئچه گوندن سونرا بیر عسگر مشایعتی ایله یولا چیخدیق. ازمیرین برکت‌لی تورپاقلارینی گئریده قویوب اِفِسه آپاران یولو یاریلادیق و سورگون خریستانلارین سیغیناجاغی اولان، تکجه دامسیز دیوارلاری قالان دیانا معبدی‌نین اطرافیندا کی یازیق گؤرکملی، آتیلمیش تیکیلی‌لره، او قدر دا کؤهنه اولمایان، آمما چوخدان ترک ائدیلمیش مسجیدلره چاتدیق. دوستومون کسکینله‌شن خسته‌لییی بیزی تورک قبریستانلیغیندا دایانماغا مجبور ائتدی. تکجه باش داشیلاری هاچانسا بوردا حیات اولدوغونا، اینسان حیاتی‌نین بورالاردا سیغیناجاق تاپدیغینا ایشاره ائدیردی. یول بویو قارشیمیزا چیخان کاروانسارایی بیر نئچه ساعاتلیق مسافه‌ده گئری‌ده قویموشدوق. گوزوموز گؤره‌ن اراضی‌ده شهر گؤرونموردو. هئچ عادی کوما دا گؤزه دَیمیردی و داها یاخشیسینا اومید ائده بیلمزدیک. تکجه " اؤلولر شهری" منیم بدبخت یولداشیما ائو صاحب‌لییی ائتمه‌یه حاضیر ایدی‌. دوستومون گؤرکمیندن ایسه تئزلیک‌له بو شهرین آخیرینجی ساکنی اولاجاغینی  گومان ائتمک اولوردو. " دوستومو هاردا داها راحات یئرلشدیره بیله‌رم؟" دییه، اطرافا بویلاندیم. باشقا مسلمان قبریستانلیق‌لاریندان فرقلی اولاراق، بوردا سرو آغاجی آز ایدی، اولانلار دا آددا- بوددا سپه‌لنمیشدی. قبیر داشلارینین دا اکثریتی باخیمسیزلیقدان و کؤهنه‌لیکدن  سینیب داغیلمیشدی. دارولی ان بویوک، قوللو- بوداقلی آغاجلاردان بیری‌نین آلتیندا اوتورتدوم. او، بئلینی آغاجین گؤوده‌سینه سؤیکه‌ییب آیاقلارینی اوزاتدی، آمما بو وضعیت ده اونون اوچون ناراحات ایدی. سو ایسته‌دی. بورالاردا سو اولدوغونا شوبهه ائدیردیم. آختارماق اوچون گئتمه‌یه حاضیرلاشیردیم کی، خسته منی ساخلادی و اوزونو یانیمیزدا دایانیب حیرت‌آمیز ساکیت‌لیک‌له چوبوق چکن سولئیمانا- بیزی مشایعت ائدن عسگره دئدی: - سلیمان، گئت سو گتیر.- سویون یئرینی دقیق و اطرافلی تصویر ائتدی: ساغ طرفه بیر نئچه یارد گئدندن سونرا بالاجا قویو وار. عسکر اونون دئدییی استقامته گئتدی. - سویون یئرینی هاردان بیلدینیز؟- دارول‌دن سوروشدوم. - اولدوغوموز یئردن،- دئدی. - فیکیر وئرسه‌نیز، هاچانسا بورالاردا اینسان یاشادیغی بیلینیر. دئمک بوردا سو دا وار. بوندان باشقا، من بوردا داها اوّل ده اولموشام. - سیز بوردا اولموسونوز؟ بس بونو نه اوچون منه دئمیردینیز؟ هم ده کی سیزین بوردا نه ایشینیز اولا بیلر؟ باشقاسی بوردا بیر دقیقه ده دایانماز. بو سؤالا جاواب آلا بیلمه‌دیم. سولئیمان سو گتیردی. آتلاری ایسه قویونون یانیندا باغلامیشدی. دارول سوسوزلوغونو یاتیراندان سونرا بیرآز اؤزونه گلدی. ایچیمده اومید یاراندی کی دوستوم یولا داوام ائده بیلر، ان آزی گئری‌یه قاییدا بیله‌ریک. بونا گؤره اونو دیله توتماغا باشلادیم.

‌ قان ایچن(vampir) ✍یازان: جُرج گوردون بایرون چئویرن: حمید پیری‌یئو کؤچورن: سحرخیاوی حاضیرلایان: ادبیات سئونلر جرج گوردون بایرون 1816ینجی ایلین یاییندا، شخصی حکیمی ویلیام پولیدوری ایله بیرلیکده آوروپا سیاحتینه چیخیر. اونلار ایشوه‌چره‌ده پرسی‌شلی و مری‌شلی ایله راستلاشیرلار. بیربیری ایله پیاده دوققوز دقیقه‌لیک مسافه‌ده یئرله‌شن ایکی ویلانی کرایه گؤتورن شاعیرلر آخشاملاری بیر یئرده کئچیریر. بیر گئجه فرانسه دیلینده چاپ اولونموش قورخورلو آلمان حئکایه‌لرینی اوخویاندا بایرون تکلیف ائدیر کی ،هره‌سی بیر قورخولو حئکایه یازسین.‌ بایرون اؤزو وامپیرلر حاققیندا حئکایه یازماغا باشلاییر، آمما تئزلیک‌له یاریمچیق قویور. پرسی‌شلی اؤز گنج‌لیییندن بیر حئکایه دانیشیر، آمما اونو یازمیر. مری‌شلی ایسه " فرانکنشتاین" و یا " معاصر پرومته" رومانینی قلمه آلیر. ایکی ایلدن سونرا آرتیق بایرونون یانیندا ایشلمه‌ین ویلیام‌پولیدوری، بایرونون یازماغا باشلادیغی، آمما یاریمچیق قویدوغو "وامپیر" حئکایه‌سینی قلمه آلیر، 1819نجو ایلده امضاءسیز چاپ ائتدیریر. اثر تئزلیک‌له مشهورلاشیر و دونیا ادبیاتی تاریخینه وامپیرلر حاقدا ایلک حئکایه کیمی دوشور. بایرونون ناتامام ال‌یازماسی ایسه اؤلوموندن سونرا تاپیلیب چاپ اولونور. همین پارچانی سیزه تقدیم ائدیریک: قان‌ایچن(vampir) اوزون موددت ایدی بو قرارا گلمیشدیم کی ایندییه قدر سیاح‌لارین دیققتینی چوخ دا جلب ائتمه‌ین اؤلکه‌لره سیاحت ائدیم و 17ینجی ایلده اوگاستوس داروِل آدلی دوستوملا یولا دوشدوم. او، مندن بیر نئچه یاش بؤیوک و چوخ امکانلی ایدی. قدیم نسیلدن گلیردی. اؤزو ده کفایت قدر عاغیللی ایدی کی صاحیب اولدوغو وار- دولته نه حددیندن چوخ گؤوَنسین، نه ده اونو حددیندن آشاغی قیمتلندیرسین. اونون بیوگرافیسینده کی معین غیرعادی نکته‌لر منده اونا قارشی ماراق و اونا اولان حؤرمتی‌مین بؤیوک حیصه‌سینی یاراتمیشدی. بو ماراق و حؤرمت او درجه‌ده ایدی کی، بونو نه اونون داورانیشیندا کی غریبه‌لیک‌لر، نه ده هردن لاپ دلی‌لیک حددینه چاتان توتماجالاری، اوره‌ک کئچمه‌لری مانع اولا بیلمیردی. من ائرکن یاشدان آتیلدیغیم حیاتدا هله تزه- تزه آددیم آتیردیم. دوستلوغوموزون تاریخچه‌سی ده او قدر قدیم دئییلدی. بیز عینی مکتبده، داها سونرا عینی اونیورسیته‌ده تحصیل آلمیشدیق. آمما دارول تحصیلینی مندن تئز تاماملاییب او دیوارلارین آراسیندان چیخمیشدی. من هله تحصیل آلاندا او، آرتیق یوکسک جمعیته قایناییب- قاریشمیشدی. اونون یوکسک جمعیت‌ده کی حیاتی حاققیندا چوخ شئی ائشیتمه‌میشدیم.‌ بعضی‌لری عمومیت‌له بیربیرینه ضیدد فیکیرلر ایدی، آمما آچیق- آیدین گؤروردوم: او، غیرعادی آدام ایدی، بئله‌لری نه قدر کولگه‌ده قالماق ایسته‌سه ده، دائم دیققتی اوزونه جلب ائدیر. بئله‌لیک‌له، من دارول‌له تانیش اولدوم و منیم اوچون اوزاق سعادت کیمی گؤرونن دوستلوغونو قازانماغا جهد ائتدیم. اونون قلبینده اوّل‌لر دوغولان حیس‌لر ایندی ائله بیل کی اولموشدو، یئرده قالانلاری ایسه بیر شئیه جمع‌لنمیشدی. اونون حیسلری‌نین کسکین‌لشدیینی مندن یاخشی بیلن اولمازدی. آمما دارول حیس‌لرینی نه قدر جیلوولاماغا چالیشسا دا، تامامی ایله گیزله‌ده بیلمیردی. آمما هر حالدا، او بیر حیسینی دیگر حیسی‌نین یئرینه قلمه وئرمک باجاریغینا مالیک‌ ایدی. بونا گؤره ده حیس‌لرینین ماهیتی‌نی آسانلیقلا باشا دوشمک اولموردو. سیماسی ایسه ائله طرزده دییشیردی کی، اونون هئچ نه‌یه گوره بو میمیک آلدیغینی فیکیرلشمه‌یه ده دَیمزدی. هانسی‌سا بیر ناراحاتلیغین اونا داخیلدن عذاب وئردییی آچیق-آشکار ایدی. آمما بو ناراحاتلیق نه‌دن قایناقلانیردی، شهرت‌پرستلیک‌دن، سئوگی‌دن، درددن، پئشمانلیقدان، یوخسا هامیسی‌نین جمعیندن و یا اونون کاراکتریندن- بونو معین‌لشدیره بیلمه‌دیم. هر بیری و یا هامیسی اولا بیلردی. آمما بایاق دا دئدیییم کیمی، شایعه‌لر او قدر مختلف، بیربیرینه ضیدد و شوبهه‌لی ایدی کی، هئچ بیرینی حقیقی حساب ائتمک اولمازدی. سببینی بیلمه‌سم ده، سیرر هاله‌سینی آچماق اوچون، عادتن آمانسیز باشلانغیج‌لاری نظره آلیرلار. دارول البته کی، سیرر هاله‌سی‌نین ایچینده ایدی. آمما آمانسیز باشلانغیجین هانسی درجه‌ده رولو اولدوغونو بیلمیردیم. عمومیت‌له منه قالسا، من هئچ آمانسیز باشلانغیج احتمالینا اینانماق دا ایسته‌میردیم. منیم دوست اولماق جهدلریم چوخ سویوق قارشیلانمیشدی. آمما من جاوان ایدیم، گئری چکیلمه‌یه اؤیرشمه‌میشدیم و گئتدیکجه معین قدر اونون دیققتینی جلب ائده‌رک، تئز- تئز گؤروشوب بیلینن و بیلینمه‌ین مسئله‌لردن، گونده‌لیک حیاتدان دانیشماغا باشلادیق.

قان ایچن(vampir) ✍یازان: جُرج گوردون بایرون چئویرن: حمید پیری‌یئو کؤچورن: سحرخیاوی حاضیرلایان :ادبیات سئونلر جرج گوردون بایرون 1816ینجی ایلین یاییندا، شخصی حکیمی ویلیام پولیدوری ایله بیرلیکده آوروپا سیاحتینه چیخیر. اونلار ایشوه‌چره‌ده پرسی‌شلی و مری‌شلی ایله راستلاشیرلار. بیربیری ایله پیاده دوققوز دقیقه‌لیک مسافه‌ده یئرله‌شن ایکی ویلانی کرایه گؤتورن شاعیرلر آخشاملاری بیر یئرده کئچیریر. بیر گئجه فرانسه دیلینده چاپ اولونموش قورخورلو آلمان حئکایه‌لرینی اوخویاندا بایرون تکلیف ائدیر کی ،هره‌سی بیر قورخولو حئکایه یازسین.‌ بایرون اؤزو وامپیرلر حاققیندا حئکایه یازماغا باشلاییر، آمما تئزلیک‌له یاریمچیق قویور. پرسی‌شلی اؤز گنج‌لیییندن بیر حئکایه دانیشیر، آمما اونو یازمیر. مری‌شلی ایسه " فرانکنشتاین" و یا " معاصر پرومته" رومانینی قلمه آلیر.

     توپلاییب و چئویرن؛ مجید تیموری فر (م. صفا)       قوجالیق...     یاخشی اولان دؤرد کؤهنه شئی وار:    1- مودریکلر و قوجالار.    2- کؤهنه دوستلار.    3- ایسینمک اوچون کؤهنه اودونلار.    4- اوخوماق اوچون کؤهنه کیتابلار.                               ............    قابریئل قارسییا مارکئز: "یاشلانماق بؤیوک بیر داغا دیرماشماق کیمیدیر، یوکسک‌لره چیخدیفجا گوجون آزالیر، آمما گؤروشونوز گئنیش‌لَنیر، ساکیت و آؤزگور اولور".    اینگمار برگمان[1]: "حیاتین ایلک قیرخ ایلی بیزه متن وئریر؛ اؤنوموزده کی اوتوز ایل حاققیندا فیکیر سؤیله‌ییب، شرح ائده‌جه‌ییک".    آرتور شوپنهاور[2]: "قوجالار گنجلره اعتیبار ائتمیرلر، چونکو اونلاردا همین گنجلر کیمی‌ایدیلر".    ویلیام شکسپر: "گنجلر قایدالاری بیلیر، یاشلیلار ایسه ایستثنالاری بیلیرلر".    اولیور وئندل هولمئز[3]: "بیز گنجلیکده اؤیره‌نیریک، قوجالیقدا دا، آنلاییریق".    سیسرون[4]: "دانیشماغی اؤیرنمک اوچون ایکی ایل، سوسماغی اؤیرنمک اوچون ایسه، آتمیش ایل لازیمدیر".   ارنئست همینگوی: "ان قوجامان آغاجلار، ان شیرین مئیوه‌لری وئریر".   آلمان آتالار سؤزو: "عایله‌نیزده قوجا یوخدورسا، اونو آلین".   چین اؤلکه‌سینده مین ایللیک آتالار سؤزو: "قوجالیق، میراثدان آلدیغیمیزی الیمیزدن آلیر و بیزه لاییق اولدوغوموزو وئریر".     .................. 1- سوئدلی یونتمن و سیناریو یازان 2- آلمانلی فیلسوف 3- آمریکالی حکیم (1273-1188).م 4- (مارکوس تولیوس چیچرو) میلاددان یوز ایل اؤنجه ده یاشامیش خطیب و سیاستچی https://t.me/Adabiyyatsevanlar