ادبیات سئونلر

یاشیتلاریم «زکریا قوربان اوو» https://t.me/Adabiyyatsevanlar

تره‌زی طنز:«بؤیوک‌آغا افندی» بیزیم تره‌زیمیز، چوخدان خراب ایدی؛ بعضا پرسنگ آپاریر، بعضا اسگیک چکیر، گاهدان دا آرتیق چکیردی. دوزلتمک اوچون نئچه نفره ده گؤسترمیشدیم، هره‌سی بیر سؤز دئییب، باشلاریندان ائله‌میش‌دی‌لر. دوغرودان دا الی قولتوق قالمیشدیم. نهایت بیر گون آرواد دئدی: « اشی، آپار تره‌زی اداره‌سینه! بلکه اوردا دوزلتدیلر.» تره‌زینی قولتوغوما ووروب دوشدوم یولا. تره‌زی اداره‌سینه داخیل اولوب موشگولومو دئمک ایسته‌دیم. بیر نفر قارا عینک‌لی، قول‌لارین چیرمالاییب، بوغلارین ائشیب، یوخاری صندلده اوتورموشدو. یانیندا بیر گوپون، بیردئیلم، بیر چکیش قویوب، بورنونون اوجوندا یئرلشدیردییی عینکی‌نین اوستوندن باخیردی. تره‌زی دوزلدندن چوخ داش کسنه اوخشاییردی. ایسته‌دیم سالام وئرم. آغزیمی آچمامیش سسلندی: – اؤزون خراب ائیله‌میسن. سنه کیم دئییردی تزه‌زینن ایشله‌یه‌سن؟ آغیر شئی چکمیسن؛ خرجی چوخ اولار. بوردا هرجوره تره‌رینی دوزلدیریک، اما بعضاً بئش ایل، بعضاً اون ایل، بعضاً اون بئش ایل چکر. آنجاق دوزلده‌ریک. دئدیم: – حاج‌آغا، بیز محله اوشاغی‌ییق. موشتری‌ییک، بیزیم دده بابالاریمیزدا تره‌زی‌لرینی بوردا دوزلدردی‌لر. بیزی بیر آزگؤزله، یاخچی دوزلت، تئز دوزلت.! دئدی: – هله شوکر ائیله سنین تره‌زین گوپون آ لتیندا سینماسین. گؤردوم بو سیندیراندی تا دوزه‌لدن. دوزلتمه‌میشدن پولونو وئردیم. نه موکافات‌لا تره‌زی اداره‌سیندن قورتولدوم. گینه من قالمیشام بو نحس تره‌زی. دیشیم بوغارساغیمی کسیر. نییه گره‌ک بیزیم تره‌زیمیزی دوزلدن اولماسین؟ گؤتوروب تره‌زی اداره‌سینه بیر مکتوب یازدیم: «والله گوپون‌لا تره‌زی دوزلتمزلر. مچید حقی تره‌زی دوزلتمه‌یین اؤز یول- یولاغی وار.» چوخ یازاندان سونرا بیر ایکی دوعا دا یازدیم. آمین دئیین قورتاراق! – خدایا خداوندا! سنه آند وئریرم اؤز بؤیوکلوگویه، اؤز دوزلوگووه، اؤز میزان- تره‌زیوه! بیزیم ده تره‌زیمیزی میزان ائله! تره‌زی‌نین نگهبانین اویاق ساخلا! اونون بوغلاریندان قان دامیزدیرما! – الله سنه آند وئریرم تره‌زی اداره‌سی‌نین یئکه تره‌زی‌سینه، بو اداره‌نین داش- تره‌زی‌سین پرسنگ‌سیز ائله! تره‌زی اداره‌سی‌نین رئیسی‌نین عینکین بورنونون اوجوندا گؤتوروب، گؤزلرینه قوی! – یا قادر متعال، سنی آند وئریرم اؤز عظمتیوه، هئچ کسین تره‌زی‌سین سیندیریب الی قولتوق ائله‌مه! هئچ کیمی تره‌زی اداره‌سینه محتاج سالما! سالسان دا ائله تقدیر گؤر کی عؤمرو قورتارمامیش تره‌زیسی دوزلسین! آمین! قایناق:«ایشیق سایتی» https://t.me/Adabiyyatsevanlar

«تورک اوغلو» هانسی صاباح بیز اوز اوزه گلنده یامان دئییب خاطیریما دیمه دین؟ گیزلی گیزلی ایزله ییرم بیلنده منه ساری سن آغزینی ایمه دین؟ سن قیزیدین شار نه یینه گره کدیر؟ ایسته میشدیم وئرمه میشدین مازینی! خبرین یوخ اؤزون نه دجل ایدین هله ده وار چکنمیرم نازینی! طومار وئریم ساچلارینا دئیه من حسرت اولان بو اوره ییم اسردی یوخ دئینده آرزولاریم پوزولوب آجیغیمدان حیرس دیلیمی کسردی یاشاییشدا سنینله اولانمادیم نه گزیرم اولدوزلاری اوزایی؟ قوللاریمی بوینونا سالانمادیم بیرگون هیجران آشیریبدیر یوز آیی! خوش حالینا یئنه ده سن گؤرورسن چرپلنگی ، آرزولاری ، یوخودا! ایلک سئوگیمی ایتیرندن بیلیرسن یاتمامیشام دویونجا بیر ، یوخودا!! گنجلیگیمی ایتیرمیشم داها من سن گؤردوگون طراوتده دگیلم ساچلاریما ، ساققالیما دوشوب دن گوجوم یوخدور قارشینیزدا اگیلم! آرزولاریم چین اولمایان زاماندان سئوینجیمی شنلیگیمی ایتیردیم آیریلیغا توش اولدوغوم او آندان چرپلنگین دویغولارین بیتیردیم ساچلارینی طومارلاییب هؤرمه ییم اوره گیمده سانکی اولوب بیر آرزی قولچاغینی ائو جیگینی گؤرمه ییم دوغرو دئسم اولوب منه تامارزی https://t.me/Adabiyyatsevanlar

Snapinsta.app_video_363881098_301541582362093_8617868112478416573_n (1).mp4

"داود اهری "                           " سارا" سسله دیم سویله دیم:                                            - سارا  ! او قده ر ده قارا دئییل عومور کیتابیمیزین                       صحیفه لری ؛ آغ -آپپاق قار کیمی خاطیره لر ده وار، قونورلار بیره م-بیره م خاطیرلادیقجا یادا سالدیقجا گوزلریمیزین اونونده                            آخان بو گوزه ل                        دورو چایا ! قوشول منیمله گل گئده ک آغ شه هه رلره                    اولدوزلاری سایا-سایا! آمما سارا آغلادی چایا... ! https://t.me/Adabiyyatsevanlar

«حسن بابایی» عجبشئرلی ائله >بئله آناسی یاخی نینا چاغیریب اوءیود وئرمه یه باشلادی. ًًًآبالا هامی نئجه سنده بیری، آغزیندان یئکه دانیشما، آغیر اوتور باتمان گل، آغزینا گوره دانیش، رحمت لیک آتان یادیندا دئیلمی؟ارباب لیقدا بیر اوقدر یاش شووینن بالیدیرلارینا چیرپمیشدیلار آزیندان بیر آیا یاخین یارالارینا قویروق دوشه دیم. به یم بو خالقین دانیشان دیلی سن سنمی؟ گئت ایشینه گل ائوینه. سن اوءز اوشاقلاریندان اییه دورا بیلرسنسه چوخ بویوک ایش گورموسن، ادامی قوروب وئررلر دده لری نین کوهنه بورجلارینا. سن هله بوخالقی منیم کیمی تانیماییرسان. به قول اوءزون ُگئده.....سنه نه ُمن اربابلیق، خانلیق، فرقه لیک، شاهلیق گوره، گوره گلیب چاتمیشام بو یاشا. آزیندان سکسن بئش یاشی آرخادا قویمالیام. بیلیرم منیم سوزلریم بلکه ده سنده گولونج قیغیلجیملارینی یاراتدی. آنجاق سون ناغیل سون افسانه اولاراق سنه وورغولادیم، ایندن بئله اوءزون دن گور، باشینا نه گلرسه کیمسه دن یوخ. دئدی، دئدی یورولوب نهایت ُقیز منه بیر چای گتیر، گلینه سس لندی...... اوعلو چوخدان دوروب گئتمیشدی. باشی هاوالی اولدوغوندان آناسی نین دئدیک لرینه هئچ قولاق دا آسمامیشدی. دئمک سوروشسایدین آنان نه دانیشیبسا، هئچ نه دئیه بیلمیه جیینی اینانماق مومکون اولاردی.اوغلانین ایاغیندان چکیب، قولتوق لارینا نئجه دئیرلر قارپیز وئریب یئکلتمیشدیلر کیمی گوروردو آچیردی صاندیغی، توکوردو پامبیغی. دانیشماق ساحه سینده بیر کیمسه دن گئری قالمازدی. قوماراوینایانلارین سوزو اولماسین ًهامی نین سگیزینه دوققوز چکردی. ایک اوشاق آتاسی ایدی الی نن ایشله دییندن ال لری بیزیم اللریمیزی هوپوب گیزله دردی. یئتیمه وای وای دئین چوخ اولار چورک وئرن اولماز دئیب لر، بیزیم بو بختی کمین ایندیکی دورومو بئله حال لانیردی. تپه دن دیرناغا اود اولموشدو. یئتنه یئتیردی یئتمینه بیر داش آتیب کئچیردی. بیر دونه ممد آرازین بیرشعرینی بیله سینه زومزومه ائله دیم اوایته داش آتما داش آتما بالا ایت عار بیلمیه جک دالدالانماغی داشین ایلشیب بیر یاد داش دا قالار اوءز یولون.دوشه جک  بو یولدان  آخی داش چون ایت اولماغین، آدام اولماغین نه فرقی داش آتما بالا اونلاردان سووولوب دئدی.... بیر نفر وار سنین عشقین ده یانیر تبریزده بیر نفر سندن اوتور خالقی دانیر تبریزده آنجاق بونو بیلملی سن سنی نه خالقین نسه تبریز دانیب یاددان چیخارماز. دئمک آرخالاندیغین آداملار، سنی شانتاژ ائدن لر ایندیسه هارالاردا مه لنیر لر؟ بیر سوروشور لار یازیغین بیری اوشاقلارینا نئجه آتالیق ائدیرمی؟ ؟؟ بوخیال لار منی سارسیدیب پوچ ائدیردی، دوشوندوک لریم یولداشیم حاقدا نه اولا بیلردی، اوءزومو اله آلیب قارداشلاری نین بیرینه زنگ آچدیقدا، حال، احوال توتاندان سونرا اساس مسئله نی اوزه چکدیم، تئلفون باغلانتیسی ندا دویولماسادا ظن اولونوردو بویوک قار۸داش سوزلو ادام کیمی اوءزونو آپاریر. بلکه گلرسن یاخیندان دانیشاریق دئدی. موبایلی سوندوروب کیریخمیش آداملار کیمی وورنوخمایا چالیشدیم.......‌‌.... ۱۴۰۲،۵،۱۷ https://t.me/Adabiyyatsevanlar

«ائلدار موغانلی» بو تورپاق سوت دادی وئریر. بو تورپاغدا میشیل- میشل لای‌لالار گؤیه‌ریر. بو تورپاق قیزیل آلمالارین سئویشن یئری بو تورپاغدا باهارلاشیر اوره‌ک‌لرین کؤرپه- کؤرپه دؤیونتولری. نئجه سئومه‌ییم بو تورپاغی؟! اونونلادیر سوت‌امر گونلریم، اونونلادیر توختاقلیغیم شیرین یوخولو آنلاریم. اونونلادیر ایلک محبتیمین سون نغمه‌سی اونونلادیر عؤمور یازیمین سئومه‌سی سئویلمه‌سی. نئجه سئومه‌ییم بو تورپاغی؟! هله ده قیزیل چیچکلی‌دیر اته‌یی هله ده قیزیل آلمالی‌دیر قوجاغی هله ده سئویر هله ده یاشادیر- ساچ- ساققالی آغارمیش بیر اوشاغی. خرداد ۱۴۰۲- موغان قایناق: ایشیق سایتی https://t.me/Adabiyyatsevanlar

اوشاق ادبیاتی اومای خانیم آلمانیادا نئچه هفته دیر شهرین هر یئرینده، و اوشاق باغچالاریندا تابلو و بروشورلارینی گؤردوغوموز، ۴ گونلوک، اوشاقلارا کیتاب اوخوماق برنامه سی وار، ۴ گون سحردن آخشاما جا اوشاقلارافرقلی کیتابلار اوخوندو پارک دا آچیق آلاندی، _ بیر چادیردا اوشاق نقاشی چکه بیلیردی. _ بیر چادیردا، کاغاذ، قایچی و بو... کیمی کیچیک اشیالارلا ال ایشلری جورلایا بیلردی. _ بیر چادیردا کیتاب امانت آلا بیلیردی، او گون اوردا (کیتاب اوخوماق چادیریندا، یا چمنلرین اوستونده اوتوروب و یا اوزانیب) اوخویاندان سونرا، همن گون گئری وئرمه لی دیر. _ بیر چادیردا، کیتاب دئییشدیره بیلیردی، یانی ائوینده کی کیتابلاردان گتیریب، اورداکی کیتابلارنان دئییشدیره بیلردی. _ و بیر چادیردا بیر نفر سس سیستمی ایله اوشاقلارا کیتاب اوخویور. بعضی کیتابلاری عکسلری گؤستررک، بعضی کیتابلاری اوشاقلارا سوال لار و بیلمجه لر طرح ائتمک له، بعضی کیتابلاری اویونجاقلار و قولچاقلارلا نمایش ائدرک اوخویورلار. اوشاقلار (بیزیم ۵ یاشیندا ائکیز بالالاریمیز) ، اوشاق باغچاسیندان سونرا چوخ یورقون، یوخولو، بعضاً آج و سینیرلی (عصبی) اولورلار، بونلارا رغمن اوردا بیر ساعات یورولمادان اوتوردولار و اوخونولان کیتابین سونونا کیمی دقت و ماراق لا دینله دیلر، سورولارا جواب وئریردیلر و ناغیل دا مشارکت ائدیردیلر. بونلاری گؤرن من آنا، اؤز اؤزومه دوشونوردوم، بو برنامه یه چوخلو مالی بودجه و یا امکانات گرکمیر، بیزده بو برنامه نی اؤز شهرلریمیزده قورا بیلریک. یای گونلریدیر، پارکیمیز وار، چادیرلاری و سس سیستملرینی،نیمکتلری راحاتجا تامین ائتمک اولار، تورکجه کیتابلاریمیز وار، کاغاذیمیز، قلمیمیز، اویونجاقلاریمیز، قولچاقلاریمیز، رنگلی مدادلاریمیز، قایچیلاریمیز و گرکن هر بیر شئییمیز وار. کسینلیکله بیزده بو برنامه نی آذربایجانیمیزین شهرلرینین هامیسیندا کیچیکلی بؤیوکلو، بوتون شهرلریمیزده قورا بیلریک، سیز نه دوشونورسوز؟ https://t.me/Adabiyyatsevanlar

اوشاق ادبیاتی «اومای خانیم» آلمانیادا اوشاقلار پارک لاردا کیتاب اوخویوب کیتاب اوخوتماق....

اوشاق ادبیاتی پینوکیو(1-جی بؤلوم) یازان: کارلو کلودی حاضیرلایان:« محمد عابدین‌پور» بیری وارمیش، بیری  یوخوموش، چوخ اسکی بیر زاماندا کیچیک بیر شهَرَده ژئپئتو آدیندا بیر اویونجاق دوزلدن وارمیش. تاختادان قاییردیغی اویونجاقلاری ساتاراق گئچینرمیش. اویونجاقچی ژئپئتونون حایاتدا اوزولدویو تک شئی اوشاغی‎نین اولماماسی ایمیش. بیر اوشاغی اولماسی اوچون نه‌لر وئرمزمیش کی. بیر گون بیر اویونجاق قاییرماق اوچون مشه‎یه گئدیب کؤتوک آراماغا باشلادی. آرادیغی کؤتویو تاپاراق: بو دوز ایسته‌دیگیم کؤتوک‎دور. بونلا چوخ گؤزل بیر کوُکلا دوزه‎لدرم، دئیه سئوینه‎رک کؤتویو چینینه آتیب توکانینا داشیدی. دزگاهین اوستونه قویدو. باشلادی یونتالاماغا. ژئپئتو کؤتویو یوندوقجا کؤتوگ دن "آه آه " دئیه بیر سسلر گلیردی. ژئپئتو: "هاردان گلیر بو سس" دئیه دوشونوردو. "ائله بیل منه بئله گلدی" دئیه ایچیندن گئچدی. کوکلانین اؤنجه باشینی سونرا دا گؤوده‎سینی داها سونرا قول‌لاری ایله قیچلارینی دوزلتدی. ژئپئتو ان سونوندا کوکلایی قوتاریب اونو صندلین اوستونده اوتورتدو. اورتالیغی تمیزله‌مه‌یه باشلادی. او اورتالیغی ساهمانلایارکن"سالام"- دئیه بیر سس ائشیتدی. سسین هاردان گلدیگینی آنلاماق اوچون باشینی چئویردی. اورتالیقدا صندلین اوستونده اوتورموش کوکلادان باشقا کیمسه یوخویدو. گئنه یانیلدیغینی سانیب ایشینین دالیسینی توتدو. آز سونرا کوکلا اوتوردوغو یئردن هوپباشیب اوتاغین اورتاسیندا رقص ائتمه‌یه باشلادی. بولانلاری گؤرن ژئپئتو اوستانین شاشقین‎لیقدان آغزی بیر قاریش آچیلدی: "آمان تانریم! بو کوکلا جانلی. اؤزوده دوز من ایسته دیگیم بیر اوشاق." دئدی. اَت دن سوموک دن دئییلمیش آما دوز بیر اوشاق کیمی گولور، قاچیر، اویناییر. کوکلا اوشاغی قوجاغینا آلیب دئدی: سن گئرچک اوشاق کیمی سن. سنین آدین پینوکیو اولسون. آرتیق ژئپئتو اوستانین داها هئچ جانی سیخیلمیر، گونلرینی پینوکیو ایله ایگی‌له‌نه‌رک گئچیردیر. بیر سوره سونرا پینوکیونون اوخولا گئتمه‌سینی دوشونوردو. آنجاق نه دفتری وارمیش نه قلمی. ژئپئتو اوستادا  دا هئچ پولو اولمادیغیندان پالتوسونو ساتاراق، آلدیغی پولو پینوکیو-یا وئردی: آل اوغلوم بو پول ایله اؤزنونه دفتر قلم آل و گؤزلجه اوخولا گئت. پینوکیو پولو آلیب یولا دوشدو. اوینایا-اوینایا گئدیردی. سئوینج‌له یورویوردو. ماراقلا یان-یووره‌سینه باخیردی. یول بویو توکان‌لاری، باغیران ساتیجی‌لاری ایزله‌ییردی. بو آرادا بیر قالابالیق دیققتینی چکدی. قالابالیغین آراسینا گیریب نه اولدوغونو اؤیرنمه‌یه چالیشدی. چادیرین قاباغیندا کی اویونچو باغیراراق موشتری ییغیردی. پینوکیو چادیرین ایچریسنده نه اولدوغونا ماراقلانیب قالابالیغین آراسیندان گئچیب چادیرا گیرمک ایسته‌دی. اویونچو، پینوکیو-یا ایچری پولسوز گیره بیلمه‌مه‌گینی سؤیله‌دی. پینوکیو ایچری ده اولانلاری چوخ ماراق ائتدیگیندن، ژئپئتو اوخولا گئتمک اوچون وئردیگی پولو اونا ساری اوزالتدی. ایچریه گیرینجه چادیرین اورتاسینا قورولان صحنه ده اوینایان کوکلالاری گؤردو. - هئی! بونلاردا منیم کیمی تاختادان‌دیلار، دئیه‌رک صحنه‌یه کوکلالارین آراسینا گیردی. کوکلالاری ایزله‌ین تاماشاچی‌لار پینوکیو-یا قیزدیلار: - چکیل اوردان! صحنه‌نین قاباغینی توتما، دئیه‌رک آجیقلاندیلار پینوکیو-یا. آنجاق صحنه‌نین یوخاریسندا کوکلالارا باغلی اولان ایپلری توتان سیرکین اییه‌سی جانلی بیر کوکلا گؤردویو اوچون سئویندی: - بئله ایپ‌لری اولمادان حرکت ائده بیله‌ن بیر کوکلا، منه چوخ پول قازانادیرجاق، دئیه دوشوندو. گؤستری بیتر بیتمز پینوکیونو یاخالاییب قفسه سالدی. https://t.me/Adabiyyatsevanlar

اوشاق ادبیاتی «محمد عابدین پور» کارلو کلودی نویسنده پینوکیو کارلو کلودی ۱۸۲۶ میلادی ایلینده ایتالیانین فلورانس شهرینده دونیایا گلدی.  آتاسی آشچی، آناسی خدمتکار ایدی. کارلو کلودی غزئته‎چی، تنقدچی،و یازیچی ایدی. او ان بؤیوک اوشاق یازارلاریندان ساییلیر. ان بؤیوک اثری هامیمیز چوخ سئودییمیز " پینوکیو" دور. پینوکیو کوکلالاری ایندیلیک ده ایتالیا اؤلکه‎سینین سوغات‎لاریندان دیر. کارلو کلودی۱۸۹۰ –دا ۶۴ یاشیندا دونیاسینی دییشدی.

اوشاق ادبیاتی ناغیل دئین:«فاطمه محمودی»

سحر_خیاوی حسرت-اوشاقلیق سئوگیسی🥀 باخیشینی قاچیرتسان دا تانیرام اوشاقلیقدا دجل بیر اوغلانیدین لاپدان گلیب اوچوراردین ائوجیگی باخیشیمدا زَهَرلی ایلانیدین یادیندامی شارلاریمی گوتوردون؟ هئچ بیلمه دیم هایانلاردا ایتیردین؟ باشین ازدین قولچاغیمین آغلادیم اوچ گون سونرا قول-قیچینی گتیردین؟ ساچ توتاندا داغیداردین تئلیمی آرخ کئچه‌نده بوراخاردین الیمی اینجیدردین آغلاداردین سونرادا یامسیلاردین دجل-دجل دیلیمی یادیندامی بیر کولکلی پاییزدا بیر چرپلنگ دوزلتمیشدیک کاغیذدان؟ دئدین بونلا اوزایلارا گَل اوچاق اولدوزلاردا اوزوموزه توی توتاق؟ ایللردیر کی یوخومدا مین چرپلنگ اوچور گویده امما کی سن هارداسان؟ اینیلتی لی سسین گلیر آرابیر اولمایا کی "سئودیجه‌ییم"دارداسان؟ گل اوتانما گلیشینی اؤزلورم ائوجیک دوزوب یئنه سنی گوزلورم کاش گوره‌یدین سن گئدندن هر گئجه نئجه سایسیز اولدوزلاری ایزلیرم داریخیرام‌ توت الیمدن یئنه ده اؤزوموزو بو دونیادان قاچیرداق پاییز گلیر،کولک گلیر سئودیجه م گل دئدیگین چرپلنگی اوچورداق گل داریخیر قولچاقلاریم سن اوچون گل، اوچورت گل ائوچیگیمی یئنه ده گل داریخیر بو تئللریم الینه گل قاریشدیر ساچلاریمی یئنه ده

اوشاق ادبیاتی دانا، کئچی و قویون حاضیرلایان:« ویدا حشمتی» بیری واریدی، بیری یوخودو. بیر دانا، بیر کئچی، بیر قویون یولداش اولوب یولدا گئدیردیلر. چیخدیلار بیر آرخین قیراغینا، گؤردولر بیر ایری سؤیود آغاجی وار. کئچی دیرماشدی، سؤیود آغاجی‌نین لاپ باشیندا دوردو. قویون دا گوجون-گوجوپ چیخیب بیر بوداقدا دوردو. دانا دا آغاجین بیر بوداغینا اؤزونو سردی. اوردان بیر جاناوار کئچیردی. باخدی گؤردو بیر کئچی، بیر قویون بیر ده دانا  آغاجا چیخیبلار. دانا جاناواری گؤروب، قورخدو. اؤزونو آغاجدا ساخلایا بیلمه‌دی. تاپپیلتی ایله دوشدو یئره. جاناوار ایسته‌دی دانانی یئسین، آمما کئچی آغاجین باشیندان چیغیردی: -دانا قارداش!... جاناواری برک توت، گلدیم. جاناوار قورخوسوندان قاچدی. کئچی ایله قویون آغاجدان ائندیلر. یاواش-یاواش گلیب، بیر دگیرمانا چاتدیلار. کئچی‌نین بیر چوماغی واریدی بیر ده چولو. چولونو بیر آغاجین اوستونه آتدی، چوماغی دا اونا دایادی. ایچه‌ری کئچیب اوتوردولار. بیر اوندا گؤردولر قاپی آچیلدی. بیر آسلان گیردی ایچری، دالیسی‌جا دا بیر جاناوار. بیرازدان سونرا بیر ده تولکی گلدی ایچری. اونلار، کئچی، قویون و دانانی گؤردولر. آسلان دئدی: -جاناوار قارداش!.. بونلاری بؤل گؤرک!. جاناوار دئدی: -دانا سحر یئمه‌ییمیز، قویون گون‌ارته یئمه‌ییمیز، کئچی ده آخشام یئمه‌ییمیز. آسلان ائله بیر بامباچا جاناوارین باشینا ووردو کی، گؤزلری‌نین ایکیسی ده چیخدی. سونرا تولکی‌یه دئدی: -تولکی بابا!... جاناوار قارداش بؤله بیلمه‌دی. ایندی سن بؤل. تولکی بابا دئدی: -ائله بونو آللاه بؤلوب دااااا. داها من نه‌یی بؤله‌جه‌یم؟.. دانا سحر یئمه‌یینیز، قویون گون‌ارته یئمه‌یینیز، کئچی ده آخشام یئمه‌یینیز. آسلان دئدی: -آی ساغ اول. بونو هاردان اؤیره‌نیبسن؟ تولکی دئدی: -اودو باخ!... او گؤزو چیخمیش قارداشیمدان!. آسلان دئدی: -تولکی بابا! بیر چیخ چؤله گؤر آدام یوخدو کی؟!.. من ده دانانی یئییم. تولکی قاپدان چیخاندا، گؤردو بیر الی چوماقلی، کوره‌یینه چول سالمیش آدام دوروب اورادا. دابانا قوّت قاچدی. جاناوار دا دوردو آیاغا، او یان بو یانا چیرپیلا-چیرپیلا قاچدی. آسلان گؤزله‌دی گؤردو بونلاردان خبر یوخدو. دوردو اؤزو چیخدی. گؤردو قاپی‌نین آغزیندا بیر چوماقلی آدام دوروب‌دور. او دا، دابانا قوت چیخدی قاچدی. کئچی چولونو، چوماغینی گؤتوردو، اوچو ده بیرلیکده یولا دوشدولر. گلیب چاتدیلار بیر داغین یام-یاشیل دؤشونه‌. گؤردولر اوردا بیر چوبان سوروسونو اوتاریر. چوبان دا بونلاری گؤروب سئویندی. دئدی: -آللاه بونلاری دا منه یئتیردی. کئچی، قویون و دانانی ییغیب قاتدی سوروسونه، گئتدی. گؤیدن اوچ آلما دوشدو. بیری سنین، بیری اؤزومون، بیری ده ناغیل دئیه‌نین... https://t.me/Adabiyyatsevanlar