ادبیات سئونلر

‏نفیس دده‌ قورقود کیتابی 🔺 (آلماندان ساخلانیلان درسدن کیتابخانا و موزه‌سی‌نین ۱۲ بویلو الیازما نسخه‌سی‌نین رنگلی فاکسیمیله چاپی) 🔹و ساده‌لشدیریلمیش متن (پروفسور صامیت علی‌زاده - فرهاد زینال‌اوف) 🔹 فارسجا ترجمه‌سی (دکتر عمار احمدی) 🔹 سؤزلوک و اؤن سؤز (پروفسور توفیق حاجی‌یئف) 🔹 و اوستاد فرزانه‌نین فارسجا مقدمه‌سی 🔹 چاپا حاضیرلایان: سعید موغانلی 🔹مدیر هنری: مهیار علی‌زاده. آیخان 🔹چاپ آراز - صحافی نوری 🔺گالینگور + چرم مصنوعی (ترمو) 🔺طلاکوب + داغی 🔺لب طلا - ۸۰۰ صفحه- وزیری 🔺گلاسه روغنی ۱۱۵ گرم 🔺چاپ ۴ رنگ 🔸اوست قیمتی بیر میلیون آلتی یوز مین تومن‌. 🔸یازیچی شاعیر دوستلارا ۲۵٪ تخفیف نظرده توتولور. #یاشماق_سیرا_کیتابلاری #ساوالان_ایگیدلری_انتشاراتی #نمایشگاه_بین_المللی_کتاب_تهران یاییم و ساتیش ایلگیسی: 09199387527 #یاشماق_کیتاب_ائوی

م .خوشنام یاشیل اورمان بیر اوْووج آی ایشیغیندا یاشیل اورمان جۆجریر، اورمانین هرقاریجیندا نئچه قافلان جۆجریر. توراخایلار اوخویور داش قالانین ساغلیغینا، نرگیزین آل یاناغیندا یئنی مرجان جۆجریر. ناشی اووچو اوخونو هاردان آتیر، کیم نه بیلیر، هر دؤنۆمدن دؤنۆمه مین دلی جئیران جۆجریر. داغلارین دال قاباغیندان قارا بایراقلار اسیر! کؤلگه لر قورخولو قووزانمادا حئیران جۆجریر. بیر اتک گؤزیاشی  یاغدیقدا یئلین یاز تئلینه، باخیرام، آی هله کال دیر، گئجه هاردان جۆجریر؟! ائله بیل آل گۆنشین بایداسینا شاختا دۆشۆب، لالالار تیر تیر اسیر، موم دؤیۆنۆر، دان جۆجریر! بیرسوْیوق کؤهنه بولوددان توخونوب تور ایشیغا، کپنک لر بۆزۆشۆب قورخمالی دؤوران جۆجریر! گؤرسن توْزلو بیر آخشامدی، دومان یاللی گئدیر؟! یا گئجه ییرقالانیر گلمه یه، هریان جۆجریر! سازاغین سیزقا سیزیلدار سسی ساز نغمه سی می؟! پرده- پرده دولانیر پلمه لی هیجران جۆجریر!... یا «کرم» آغری داغیندا ایلیشیب قار، بوْرانا، یادا قورخو کۆچه سینده قارا سئلیان جۆجریر! دومانین نغمه سینه یاللی گئدیر بوز دره لر، «خوْشنام» اوی نغمه لر، تین جۆجریر، تان جۆجریر!... https://t.me/Adabiyyatsevanlar

میرزا علی مجعز_شبسترى منه لوطف ائيله , ائى ساقى , گتیر او جام سرشاری کی , تا رفع ائيله ييم نشتوو قارين بو رنج خوممارى نه پوسته م وار , نه بادامیم , نه تخم شور , نه نئى تاقيم مزه اولسون من بي چیزه یارین لعل شهواری دئ گلسین مجلیسه موطرب , الینده ساز و میزرابی چالیب تار و دفی , شاد ائيله سين من عاشق زاری! نه كيسه مده زريم واردير, نه انباريم دا بير حببه اليم بوشدور , اوزوم قاره , دويونجا مئی ايچیم باری نه مللاکم , نه توججارم , نه خان مردم آزارم متاعیم شعردیر آنجاق, اونوندا یوخ خریداری دیلیم تورکی , سؤزوم ساده , اؤزوم صبهايه ديلداده منيم تك شاعيرين , البت , اولار كاساد بازارى دونن شعر ايله بير نامه آپاردیم شاه ایرانه دئدى :" توركى نميدانم , مرا تو بئچچه پئنداری؟" اؤزو تورك اوغلو تورك , امما دئيير توركى جهالتدير خدايا , مزمهيل قيل تختيدن بو آل قاجاری! اوميدين كسمه ,"مؤجوز" ياز آنان تعليم ائدن ديلده! گزر بیر ارمغان تك دفترين چینی و تاتاری. https://t.me/Adabiyyatsevanlar

میرزا علی معجز شبستری 1252_ 1313 ساتیرامیزین کسگین قلملی نوماینده سی . https://t.me/Adabiyyatsevanlar

احد فرهمندی ياغيش آلتيندا بیر گؤروش یولونا یاغیش چیله‌دی یاغیش‌می؟ تانریدان سئوگی دیله‌دی یاغیشلی بیر گونده سئویردی منی ایسلاندی سئوگیمیز یاغیش آلتیندا نازلاندي اوزومه بير ملك باخدي اوركدن اورگه‌ سئوگيميز آخدي بو سئودا كؤنلومو يانديردي، ياخدي ايسلاندي سئوگيميز ياغيش آلتيندا گؤزللر گؤزلي جانيم آلاسي چيچكلي داغلارين قيرميز لالاسي آنلادي اؤزوده جيران بالاسي ايسلاندي سئوگيميز ياغيش آلتيندا اؤپدو یاناغیمی یاغیش داملاسی بیر اؤپوش جانیمی مندن آلاسی پارلاق باخیش ووردو کؤنلوم چالاسی ایسلاندی سئوگیمیز یاغیش آلتیندا یویوردو پاسلانمیش حسرتلریمی جانیمدان آسلانمیش حسرتلریمی ایتیردیم ایسلانمیش حسرتلریمی ایسلاندی سئوگیمیز یاغیش آلتیندا دامجيلار آخديقجا سودا بوغولدو ايچيمده باشقا بير دنيا دوغولدو سپيلن باشيما نملي نوغولدو ايسلاندي سئوگيميز ياغيش آلتيندا کؤنلونون چترینی باشیما سالدی بیر اورَک وئره‌لی بیر اورَک آلدی گئدرگی یوللاردا عؤمورلوک قالدی ایسلاندی سئوگیمیز یاغیش آلتیندا او گئتدي لحظه‌لر آغلار قالديلار دويغولار بير به بير چنه دالديلار ياش وئريب گؤزومدن نورو آلديلار ايسلاندي سئوگيميز ياغيش آلتيندا گئدرکن گئتدیگیم ایزیم آغلادی سینیق اورَگیمه کؤنول باغلادی اسركن اوره‌ييمه يامان چاغلادی ایسلاندی سئوگیمیز یاغیش آلتیندا گئجه‌لر ياتمارام اوياغام سنسيز شادلیغا سئوینجه اوزاغام سنسيز هله ده ايچيمده دوستاغام سنسيز ايسلاندي سئوگيميز ياغيش آلتيندا https://t.me/Adabiyyatsevanlar

با سلام و عرض احترام به این وسیله از همه علاقه مندان دعوت می شود که در سخنرانی آقای دکتر کاظم عزیزی درمورد ساختار داخلی پروتون که به زبان ترکی برگزار خواهد شد شرکت فرمایند. نسخه .jpg پوستر جهت به اشتراک گذاری در فضای مجازی در پیوست این ای-میل موجود است. با احترام یاسمن فرزان   برگزارکننده: پژوهشکده فیزیک   سخنران: دکتر کاظم عزیزی از دانشگاه تهران زمان: ۶ بعد از ظهر ۶ تیرماه ۱۴۰۳ ۲۶ ژوئن ۲۰۲۴  پروتونون ایچ قورولوشو: ینی بیلگیلر  پروتون, گورونن ماده نین اساس ذره سی دیر. انون حقینده بعضی بیلگیلریمیز واردیر انجاخ ایچ  قورولوشو تام معلوم دییلدیر. پروتونون  اسپینی, یاری چاپی, ایچیندکی یوک داغیلیمی و کوتلسینین باره سنده بعضی پازل لرده واردیر. بو سمیناردا,  بومساله لری,  دییشیک یاپی فاکتورلری  و گنیشلتیلمیش پارتون داغیلیمی فونکسییالاری نی اله الاراخ  دانیشاجیام . داها سونرا  پروتونون کوارک-گلوئون  قورولوشونو و شیکلی نی,  ینی الده ادیلن تجربی و تئوری بیلگیلرسایه سینده , گوسترجییم.     لینک سخنرانی:  https://www.skyroom.online/ch/schoolofphysics/colloquium عنوان و چکیده و نیز لینک سخنرانی به زبان فارسی در پوستر به آدرس زیر موجود است https://physics.ipm.ac.ir/seminars/2024/26jun24/poster.pdf

با سلام و عرض احترام به این وسیله از همه علاقه مندان دعوت می شود که در سخنرانی آقای دکتر کاظم عزیزی درمورد ساختار داخلی پروتون که به زبان ترکی برگزار خواهد شد شرکت فرمایند. نسخه .jpg پوستر جهت به اشتراک گذاری در فضای مجازی در پیوست این ای-میل موجود است. با احترام یاسمن فرزان   برگزارکننده: پژوهشکده فیزیک   سخنران: دکتر کاظم عزیزی از دانشگاه تهران زمان: ۶ بعد از ظهر ۶ تیرماه ۱۴۰۳ ۲۶ ژوئن ۲۰۲۴  پروتونون ایچ قورولوشو: ینی بیلگیلر  پروتون, گورونن ماده نین اساس ذره سی دیر. انون حقینده بعضی بیلگیلریمیز واردیر انجاخ ایچ  قورولوشو تام معلوم دییلدیر. پروتونون  اسپینی, یاری چاپی, ایچیندکی یوک داغیلیمی و کوتلسینین باره سنده بعضی پازل لرده واردیر. بو سمیناردا,  بومساله لری,  دییشیک یاپی فاکتورلری  و گنیشلتیلمیش پارتون داغیلیمی فونکسییالاری نی اله الاراخ  دانیشاجیام . داها سونرا  پروتونون کوارک-گلوئون  قورولوشونو و شیکلی نی,  ینی الده ادیلن تجربی و تئوری بیلگیلرسایه سینده , گوسترجییم.     لینک سخنرانی:  https://www.skyroom.online/ch/schoolofphysics/colloquium عنوان و چکیده و نیز لینک سخنرانی به زبان فارسی در پوستر به آدرس زیر موجود است https://physics.ipm.ac.ir/seminars/2024/26jun24/poster.pdf

بختیار واهابزاده آذربایجان سن‌سن منیم علوییتیم شان شؤهرتیم آدین منیم اوز آدیم‌دیر سنسیز منیم نه قیمتیم آذربایجان آذربایجان یاشا یاشا آذربایجان بیز تاریخه سیغینماریق دونن واردیق بوگون واریق بیز دوستلوغا گووه‌نه‌رک گله‌جه‌یه آددیملاریق آذربایجان آذربایجان یاشا یاشا آذربایجان نفسیمیز بابک‌لرین صابرلرین گور نفسی ماهنی‌لاردا یاشار بیزیم بابالارین آیاق سسی آذربایجان آذربایجان یاشا یاشا آذربایجان https://t.me/Adabiyyatsevanlar

نباتی صبا، من‌دن سؤیله او گۆل عذاره، بۆلبول گۆلوستانه گل‌سین، گلمه‌سین؟ بو هیجران دۆشکونو، ایللر خسته‌سی قاپینا درمانه گل‌سین، گلمه‌سین؟ من قوربانی اولوم عنبر تئللرین، قؤنچه دوداقلارین، پۆسته دیللرین، او لاله رۆخسارین، میشکین خاللارین اودونا پروانه گل‌سین، گلمه‌سین؟ گؤزوم چوخ حسرت‌دیر خومار گؤزونه، گۆنش جامالینا، شکر سؤزونه، اوتانیرام، نئجه دئییم اۆزونه، دردین خسته جانه گل‌سین، گلمه‌سین؟ دولاش‌دیر بوینوما شۆمشاد قولونو، قوجاقلاییب قوجوم اینجه بئلینی، لعلی-لبین امیم، سوروم دیلینی، ایستر اؤلو جانه گل‌سین، گلمه‌سین؟ نباتی ایستمز سن‌سیز دۆنیانی، عزتی، حؤرمتی، شؤوکتی، شانی، بیر زادا قالماییب داها گۆمانی، بو باش او میدانه گل‌سین، گلمه‌سین؟ https://t.me/Adabiyyatsevanlar

موسی_یعقوب بلکه ده بورجوندان چیخمادیم وطن عمر باهار دگیل بیر ده قاییتسین اؤلسم ده قوینوندا قوی اؤلوم کی من چۆرویوم بیر اوووج تورپاغین آرتسین! https://t.me/Adabiyyatsevanlar

فریبا_مرتضایی سن سئودیییم قادین اذن وئر، سنی سس‌سیز دوشونوم سنی دینمه‌دن دانیشیم باخمادان آغلاییم بویور بو من، بو سس‌سیز‌لیییم آخان گؤزلریم آغزیمدا یوخ اولان دیلیم بویور دیلیم-دیلیم بودا سون دوراق، گل چییین-چییینه چاره سیزلیییه دایاناق https://t.me/Adabiyyatsevanlar

دیگری، ساده‌جه، یۇخۇدۇر؟ بۇ ایکی کؤلگه هارادان گلدی؟ یانؽمدان کئچیب گۆلدۆ، - اوْنلاردان بیری نییه بۆکۆلۆدۆر؟ قؽرمؽزؽ یۇن شالدا؟   دامجؽ                      ایندیجه اوْوجۇما قوْنان بۇ قار دنجییینی ابدیلشدیرمک ایستدیم باخ، ائله بۇ آندا، ساحیلسیز و سرحدسیز مقامدا حیاتؽمؽ، کئچمیشیمی و ایندی             یاشادؽغؽم هر شئیی دَییشدیرسین، آنجاق... بۇ سؤزلری دئیینجه‌، اوْندان یالنؽز بیرجه دامجؽ سۇ قالدؽ، اوْ دا اۇچۇب گئده‌جک قار توْرانؽ ایچینده‌...   سس   سؤزۆنۆزۆ کؤز کیمی آغزؽمدا داشؽدؽم من، کؤلگه‌لر کۆلَیین کؤرۆکله‌دی‌یی             اوْددان بئله بئتردیر. بۇ آمانسؽز دؤیۆشده علیمده نه قالدؽ کی؟! نه بیر مشۇم اۇلدۇز، نه ائله بیر آلدانؽش. بۇ اوْد-آلوْو ایچینده عمرۆم بئله‌جه کئچدی، یالنؽز اوْنۇن دالغالؽ قؽورؽملارؽنؽ دۇیدۇم بۇ یئتیم پنجره‌لر یالنؽز گئجه دۆشۆنجه گؤرۆنه‌جک، گؤزلریم کوْر اوْلاجاق... من، ساده‌جه، یوْخلۇقلا کسیشن سؤزله‌رم، اؤلۆمله چارپازلاشان سؤزله‌رم، بۆتۆن قۆسۇرلارؽمؽ سیلیب-سۆپۆرن یوْخلۇق. بیلیرسینیز، بۇ دۆنیادا سؤز اوْلماق عۆمۇما اوْلماماقدؽر وه بۇ اؤلۆمجۆل بیر تکان،             بوْش بیر تعریف نغمه‌سی... https://t.me/Adabiyyatsevanlar

دونیا ادبیاتی کوچوروب حاضیرلایان: ادبیات سئونلر یوْخلۇقلا کسیشن سؤزلر -   ایو بون‌فوآ نین   شعرلری جاوانشیر یۇسیفلینین تقدیمات و ترجۆمه‌سینده‌، یوْخلۇقلا کسیشن سؤزلر   ۲۰۱۶-جؽ ایلده ۹۳ یاشؽندا وفات ائدن ایو بون‌فوآ فرانسؽز شعرینین ان گؤرکملی اۇستادلارؽن‌دان بیریدیر. اوْ عینی زاماندا شئکسپیرین فرانسؽز دیلینه جیدّی ترجۆمه‌چیسی کیمی بؤیۆک شؤهرت قازانؽب. "هاملئت"له باغلؽ ستئفانی رئسلئرین سۇاللارؽنا جاوابؽ سوْن درجه اوْریژینالدؽر. ستئفانی رئسلئر: سیز "هاملئت"ای بئش دفعه - داها دقیقی، ۱۹۵۷-جی ایل ترجۆمه‌سینی دؤرد دفعه نظردن کئچیرمیسینیز؛ ۲۰۰۶-جؽ ایلده منه دئدینیز کی، متنی یالنؽز یئنی نشر مقصدی ایله رئداکته ائتمیسینیز. لاکین ائدیلن دَییشیکلیکلرین میقیاسؽنؽ و خاراکتئرینی گؤرنده بۇنۇن یئگانه سبب اوْلدۇغۇنا اینانماق چتیندیر. بلکه بۇ گۆن بۇ آردؽجؽل چئوریلمه‌لری بیر شکیلده باشقا جۆر ایضاح ائدیرسینیز؟ ایو بون‌فوآ:   من شعرلریمی آیرؽجا کیتاب کیمی چاپ ائتدیردیکدن سوْنرا دۆزلیشلر ائتمیرم، چۆنکی معلۇم نشرله همین کلیات همیشه‌لیک حیاتؽمؽن مۆعیین بیر دؤورۆنه، داواملؽ یازؽ ایشینه سؽغؽشؽر؛ منیم بدیعی متنلریم حیاتؽمؽن دۆزلیشین یاساق اوْلدۇغۇ بیر دؤورۆدۆر. بۇ گۆن‌ده داوام ائدن بۇ ایشین ماهیتینی بؤیۆک اؤلچۆده مۆعیین ائدن کئچمیشین اصل ماهیتینی تحریف ائتمه‌مک اۆچۆن اوْنلارا توْخۇنماغؽ اؤزۆمه قاداغان ائدیرم. یالنؽز بیر دفعه آرتؽق چاپ اوْلۇنمۇش شعرلریمه دۆزلیشلر ائتدیم و تئزلیکله پئشمان اوْلدۇم. و اگر بیر دفعه چاپ ائتدیردیییم شعر کیتابلارؽ تکرار نشره حاضؽرلایارکن و یا داها بؤیۆک جیلدلره داخیل ائدیلرکن ایش سفتوْلۇمدا یئنیدن پئیدا اوْلسا، اوْنلاردا بیر کلمه‌ده دَییشمَیجه‌ییمی اولجدن بیلیرم. (پ.س. بیزیم تجرۆبه‌ده بۇ دۆزلیشلرین آجؽ تجرۆبه‌سینی آرتؽق بیلیریک - ج.ی.) آما پوْئتیک یارادؽجؽلؽقلا باغلؽ اوْلمایان باشقا اثرلره گلینجه‌، من، عکسینه، بئله بیر قناعته گلیرم کی، هانسؽسا پروْبلئمله باغلؽ فیکیرلریمی، اوْنۇن حلینه جهدلری عکس ائتدیرن اولکی نشرلرین متنلرینه یئنیدن باخماق اوْلار. طبیعتده غیر-کامیل نه وارسا، اوْنلارؽ گۆجۆن چاتؽنجا یاخشؽلاشدؽرماق اوْلار؛ اوْچئرکلریمین هر دفعه تکرار نشری زامانؽ بۇنۇ اسیرگمدیم: من قصداً آیرؽ-آیرؽ یئرلرده نشر اوْلۇنان متنلردن آیرؽ-آیرؽ توْپلۇلار ترتیب ائدیرم کی، نه‌ییسه دۆزلتمک، حتی باشقا صحیفه‌لری تامامیله یئنیدن یازماق ایمکانؽم اوْلسۇن. ترجۆمه‌لرله‌ده عینی شئیی ائدیرم. اوْنلار یئنیدن چاپ اوْلۇناندا فۆرصتدن ایستیفاده ائدیب، متنی یئنیدن اوْخۇیۇب تنقیدی قیمت وئریرم، اوْنۇ تکمیللشدیرمه‌یه چالؽشؽرام و بۇ، تکجه "هاملئت"ا دئییل، ایستنیلن ترجۆملریمه عائیددیر. بئش هاملئت، سیزین دئدییینیز کیمی، یالنؽز اوْنا گؤره مؤوجۇددۇر کی، بۇ ترجۆمه بئش دفعه تکرار نشر اوْلۇنۇب. و اگر بۇ بئش ترجۆمه سیزه - تامامیله حاقلؽ اوْلاراق، منیم فیکریمجه‌، بئش فرقلی وئرسییا کیمی گؤرۆندۆسه‌، بۇنۇن سببی آیدؽندؽر: هاملئت غیر-عادی مۆرکب بیر پیئسدیر و بۇنۇ متنین بیر چوْخ یئرینده‌، هر دفعه‌، زامان کئچدیکجه کشف ائدیرم. قدیم متنلری فرقلندیرن معنا چوْخلۇغۇ بیزی بۇ دۆنیا گئرچکلییین‌دن بیر آنلؽغا آیؽرؽب اوْنۇ داها درین‌دن فهم ائتمَییمیزه تکان وئریر. بوْن فۇا حئساب ائدیر کی، "پوْئزییا هر بیر اینسانؽن اول-آخؽر اۆزلشدییی ائکزیستئنسیال پروْبلئملرین مرکزینده دایانؽر: اوْ، زامانؽن آخؽشؽنؽ بیلاواسیطه دۇیماغا و بیزیم مؤوجۇدلۇغۇمۇزۇن سوْنۇنۇ داها درین‌دن کسدیرمه‌یه تکان وئریر، بئله‌لیکله ده، بیزی اساس حیات دَیرلرینی آنلاماغا داها دا یاخؽنلاشدؽرؽر". تدقیقاتچؽلارؽن فیکرینجه‌، بون‌فوآ اؤتن عصری ایدئوْلوْگییالارؽن ائکسپانسییاسؽ کیمی - اؤز-اؤزۆنۆ چپرلَین دیل فوْرمۇللارؽنؽن مۆطلقلشدیریلمسی کیمی گؤرۆر. پوْئزییا، سؤزۆن ان گئنیش معناسؽندا، بۇ تجریدلیگی داغؽدؽر و بۇنا گؤره‌ده دینی، یاخۇد دیگر ایدئوْلوْژی سیستئملره قارشؽ دۇرۇر. ایو بون‌فوآ دئه ناتۇرا رئرۇم ٫٫ شئیلرین طبیعتی حاقؽندا   لۇجرئتیۇس بۇنۇ بیلیردی: ساندؽغؽ آچماغا دَیر، ایچریده گؤرجکسن قؽورؽلؽر قار بۇرۇلغانؽ.   وه بعضا ایکی قار دنجییی اۆز-اۆزه چؽرپؽلؽب بیرلشیر، یا دا بیری دیگرین‌دن اۆز دؤندریب آیاغؽ سۆرۆشۆنجه‌، سسسیز اؤلۆمه دۆشۆر. نییه بیردن-بیره ایشؽق یاندؽرؽر بعضی سؤزلرین بیرلشمه‌سی ؟ اگر اوْنلاردان بیری یالنؽز گئجه‌دیرسه‌، https://t.me/Adabiyyatsevanlar

یعقوب_نیکزاد داریخمالاریمیزی شیرین شیلتاقلیقلارین‌لا پوز! من اوز، گؤز اولورام آجی طالعیم‌له. بوردا گؤیدن اوخشاما یاغیر مئییت گؤیریر. بوردا تورپاق، آجیقلی، گیجیک‌لی یاناشیر جان‌لا. گلمه‌یینه مسافه‌لر آرتیقدیرسا، کؤچری قوشلارا اوخو دردینی گولوشونو گونشه سپ حسرتینی اولدوزا! من بوردا آغزیمی گؤیه آچمیشام و گؤزلریمی تیکمیشم بولود یاخاسینا آرزو قوینونا هله ده امینم قاییتماغینا. https://t.me/Adabiyyatsevanlar

اوشاق ادبیاتی آنا دیلی https://t.me/Adabiyyatsevanlar