کانال جامع شعر مذهبی ترکی و فارسی

ناله ی حضرت زهرا در شب عاشورا مرحوم یحیوی اردبیلی کانال جامع شعر مذهبی ترکی و فارسی سلام اولا سیزه ای حاضران بزم عزا عمومدن ائدورم ایندی التماس دعا حقیقتله عزا ساخلا مطلبون آل گئت باخار بو مجلسه معناده سیدالشهدا اوتور دیز اوسته مؤدب ائشیت بو مرثیه نی مؤثر اولسا سؤزوم یاحسین دیوب آغلا فقط بیر آه کفایتدی بزم ماتمده خلوص نیّتیله اولسا قلبدن پیدا یقین أئله که بو مجلسده ایندی حاضر دور عزیزه دختر خیرالوراء خانم زهرا او گوندنیکه حسین دشت نینوایه گلوب او گوندن اوغلینا یاس باشلیوب گییندی قرا الینده شیشه گزر مجلس عزاداری دوتار سرشگیوی ایلر ذخیره ى عقبا بو مجلسه نئجه گلمز او دلشکسته خانم اونون حسینینه بیز ائتمیشوک عزا برپا بو یازدیقیم سوزه دقتله بیر توجه ایله که بو روایتی نظمیله ائتمیشم انشا وورولدی خیمه و خرگاه شاه مظلومان مرور ائدوب نئچه گون گلدی لیل تاسوعا جناب زینب مظلومه اول بلا گئجه سی کناره چیخدی نئچه دفعه خیمه دن تنها چیخاندا هر فقره گوردی بیر سیزیلتی گلور چکور یانقلو دلیله صدای وا ولدا اویان بویانه نقدری باخوب خانم زینب اثر گورونمدی اول ناله دن به غیر صدا حضور پاک امامه گلوب سلام ائتدی بو بینوا باجون اُول جان پر ملاله فدا همین گئجه نچه یول خیمه نون دالیندان من ائشیتمیشم بالا وای ناله سیله صوت نوا مگر او کیمدی منیم قانه دوندروب قلبیم وئرور بو بختی قرا زینبه پیام بلا چکوب بیر آه شه کربلا بویوردی او دم نیه تانیمادون اول بینوانی یا اختا بوگون طلیعه ی خورشیددن بو دشته گلوب نوائیلن الى قوینیندادور آنام زهرا ائلیکه صبح آچیلوب اُولدی ظهر عاشورا گورورسن اوندا بیر آیری مکاندا واویلا اُو قتلگاهده زلفین بلشدیروب قانه نشانه وئرمگه اول قانی حقه روز جزا قبول اولسا بو افرادی «یحیوی» نون اگر مقام حشرده دوزخدن ایلمز پروا 👈👈کانال جامع شعر مذهبی ترکی و فارسی زیباترین👇👇 اشعار و نوحه ها ، مطالب مذهبی شما هم عضو شوید 👇👇👇🙏🙏🙏 https://t.me/joinchat/AAAAAEO-vJZJ9e2FMTplsw https://t.me/joinchat/AAAAAEO-vJZJ9e2FMTplsw

نوحه درخواستی اي شمع حرمخانه قربانون اولوم عبّاس جان لار سنه پروانه قربانون اولوم عباس ايلده شب تاسوعا سسلر آدوي دنيا معناده ديَر زهرا قربانون اولوم عباس دويسه قاپيوي سائل منظوري اولار حاصل اي مونس اهل دل قربانون اولوم عباس انسان و ملك سندن ايستلر كمك سندن اَل بيزدن اتك سندن قربانون اولوم عباس اي معرفتين كاني، سَن بُل آناوين جاني بيمه ايله بو جمعي قربانون اولوم عباس اوج شرفه چاتدون، لب تشنه قانه باتدون سن كوثري آغلاتدون قربانون اولوم عباس دگدي گوزل آننوندان اوچ شعبه لي بير پيكان دوتدي گوزيوي اَلقان، قربانون اولوم عباس يانديم ديديم اي قارداش سس وير منه واي قارداش چارم ندي اي قارداش قربانون اولوم عباس ديداره حسين گلدي، قلبين غم اوخي دَلدي تاپدي سني دينجلدي قربانون اولوم عباس وار خيمه ده چوخ سوزلر قيزلار يوليوي گوزلر باخمور نيه بو گوزلر قربانون اولوم عباس احسنت بيله ايثاره، سردار وفاداره قربان كسيلن ياره، قربانون اولوم عباس گَلديم باشوين اوسته، آچ گوزلرين آهسته سن خسته حسين خسته، قربانون اولوم عباس اي كشتي بي ساحل، قانلي علمه حامل آمالون اولوب حاصل قربانون اولوم عباس كم ايلمه لطفون سَن، بيچاره كلاميدن كويونده گدايم من، قربانون اولوم عباس   👈👈کانال جامع شعر مذهبی ترکی و فارسی زیباترین👇👇 اشعار و نوحه ها ، مطالب مذهبی شما هم عضو شوید 👇👇👇🙏🙏🙏 https://t.me/joinchat/AAAAAEO-vJZJ9e2FMTplsw https://t.me/joinchat/AAAAAEO-vJZJ9e2FMTplsw

رجز باش یاران ایلـر ئوزون آماده تاسوعا گونی باشدا قان جوشه گلر هر ائیلده واویلا گونی در به در حیـران گزر هیئتده عاشورا گونی الده خنجـر قلبینین سر رشته سین فوری قیرار سسلیر لبیک حسین ؛ لبیک ابوالفضل باش یارار... قلبیـده وار هـر نقـد آلامی ؛ پیلر باش یاران یارماسا ئوز باشینی بیر ائیلده نیلر باش یاران ائیل به ائیل شمشیرینی آماده ایلر باش یاران غسل ائدوب ؛ نیّت ائدوب قربان کیمی زُلفون دارار سسلیر لبیک حسین ؛ لبیک ابوالفضل باش یارار..... باش یاران باش یارماسا قلبی اونون ایلر وَرَم جوش ائدر باشینده قانی هر اَسَن وقته عَلَم باش یاروبدور محمل اوسته زینب والا شیَم باش یاران زینب باشیـن یاد ایلیوب دل یاندیرار سسلیر لبیک حسین ؛ لبیک ابوالفضل باش یارار.... ائیلده عاشورا گونی باش یارماغیم برنامه دی بیله بُول باش یارماغیم حُکم زیارتنامه دی یاش یارانلاره خانیـم زینب ئوزی اَعلامه دی اُول سببـدن بـاش یاران ؛ باش یارماغا دامن وئرار سسلیر لبیک حسین ؛ لبیک ابوالفضل باش یارار... سیــد کـربـوبـلادن کـربـلانی ایستَرم اَلده خنجر ساخلیوب قلبیمده مُحنت بَسلَرم یاردیغیجـا باشیمی لبیک ابوالفضل سسلرم شاه دینـون گوز یاشین یاد ایلیوب یارام باشیم قولسوز عباسین باشین یاد ایلیوب یارام باشیم..... باش یاران یاردیخجا باشین آه و فریاد ایلسون یارسین ئوز باشین ولی عقباسین آباد ایلسون باشینه خنجـر وئـران وقتـه منی یاد ایلسون بو پـریشــانـه آقـام تـا کی عنایت ایلسون دردمنـدِ عشقیـم بلکـه طبـابت ایلسون 👈👈کانال جامع شعر مذهبی ترکی و فارسی زیباترین👇👇 اشعار و نوحه ها ، مطالب مذهبی شما هم عضو شوید 👇👇👇🙏🙏🙏 https://t.me/joinchat/AAAAAEO-vJZJ9e2FMTplsw https://t.me/joinchat/AAAAAEO-vJZJ9e2FMTplsw

🍃بحرطویل شجاعت حضرت عباس🍂 سینه زنی مخصوص واعباسا شهر حسینی مراغه‌ چو آت سالدی فرات اوسته علینون غضب اوغلی سالوب ولوله آفاقه او عالی نصب اوغلی امیر عرب اوغلی چکوب تیغ شرر بار ،دوشوب لرزیه کفار دگوب بیر بیره اشرار ،چه تیپ و چه علمدار یتوب تا صف اعدایه ابوالفضل وفادار او سرچشمه ایثار،آچوب نطق گهربار بویوردی او زمان ،گوش ائدون ای لشکر خونخوار و جفاکار و ستمکار ،منم حضرت عباس ،منم حضرت عباس.... منم صاحب صولت ،منم شیر شجاعت منم معدن غیرت ،منم منبع عصمت منم مهر نبوت ،منم باب کرامت منم کان فصاحت و بلاغت و کرامت منم سایه رحمت ،منم درّ حقیقت منم ناصر نصرت ،منم مرد شریعت منم پیر طریقت ،ایا فرقه خنّاس منم حضرت عباس ،منم حضرت عباس روادور آخا دریا؟ یانا عترت طاها؟ سولا گلشن زهرا؟ منیم غیرتیم اما قبول ایلمز اصلا ،اگر سرور بطها وئره رخصت دعوا ،ائدم محشری برپا سالام لشگره غوغا،دولا قانیله صحرا ایا زمره نسناس ،منم حضرت عباس منم حضرت عباس ،منم حضرت عباس.... یتوردی رجزین آخره اول حیدر ثانی چکوب باشه سپر سالدی هراسه او زمان اهل جفانی چکوب غیظیله تیغ دو زبانی ائدوب خیره اونون شعشعه سی چشم زمانی دوتوب لرزه اودم ارض و سمانی هامی دشت و بلانی ،او تیغین جریانی اونون تیغه سی فولاد ،مگر دسته سی الماس منم حضرت عباس ،منم حضرت عباس... او شیرین حرکاتی ،مکرر حملاتی، ثنا و صلواتی،دوتوب دشت و فلاتی دلاورلره مسدود ائلدی راه نجاتی آلوب نهر فراتی ،سوویندیردی بناتی تاپوب تازه حیاتی، دئدی قلبوزی ای قوم ،دوتوب کینه و وسواس، منم حضرت عباس ،منم حضرت عباس سکینه او زمان وئردی خبر آل عبایه چاغوردی هامی اطفالی ییغوب خیمه سرایه گوتوردی بالاجا اللرینی سمت سمایه دلین آچدی دعایه ،ائدوب عرض خدایه الهی سن اوزون ایله کملکلیق عموم اول کان وفایه اونا بنده دی الیاس ،عزیز شرف الناس منم حضرت عباس ،منم حضرت عباس تماشایه چیخوب گویده ملائک او رشاداته ،شجاعاته نظر سالدیلا،ذکر ائتدیله انّا فتحنا لک فتحا مبینا نظر سالدی چو جبریل ،ابوالفضلین اوزون قولارینا با دل سوزان ،دئدی شصتیوه قربان وئریلدی اسداللهه خبر یاعلی گل کرب و بلا دشتینه بیر ایله تماشا ،ائدیر گور نجه دعوا ویروب بیر بیرینه میمنه نی ، میسره نی ضیغم هیجا ائدوب مشکی لبالب ،آتوب چگنینه سقا چیخوب نهردن عباس ،ائدوب قصد خیامی پراکنده ائدوبدی سپه کوفه و شامی سالوب آت دوشونه گلّه روباه کیمی قوم لئامی ائدوب حکم عمر سعدیله دوردمین اوخ آتان جمله تمامی یاغیش تک او زمان توکدوله پیکان و حسامی اونون حالتی دلگیر ائلیوب خیمه قباقینده امامی یتیشدی او زمان گوردی ،دیور نیزه لر آلتیندا او حسّاس منم حضرت عباس ،منم حضرت عباس گوروب گورمیه گوزلر ،دوشوب بیر یانا اللر یاتوب پرچم اسلام ،گلوب جرأته لشگر دوشوب یئرده او پیکر ،یاغور نیزه و خنجر بویوردی او زمان إن کَسَر ظهری او سرور نظر ائتگله بو #شاکریوه ای شه محشر یتیش دادیمه شاها قورولان وقتیده مقیاس منم حضرت عباس ،منم حضرت عباس @delbakhteganeheydarekarar @delbakhteganeheydarekarar @delbakhteganeheydarekarar #شاعر مرحوم استاد شاکر مراغه ای کانال جامع شعر مذهبی ترکی و فارسی متن نوحه باسبک https://t.me/joinchat/AAAAAEO-vJZJ9e2FMTplsw

✔️بسدی رباب.... #اسفندیاری #علی_اصغر

زبانحال حضرت زینب (س)به حضرت رباب (س) کانال جامع شعر مذهبی ترکی و فارسی ((آغلاما بو قدر ائتمه اورکلری کباب،بسدی رباب الله ائلسین حرمله نین ائوین خراب،بسدی رباب)) سسلمه علی اصغریوی ائتمه بو قدر آه و فغان اصغر گئدلی رعشه دوشوبدور بو دل و جانه اینان گهواره نی ترپتمه بئله قلبیلری ایلمه قان بوش گهواره ایله اوزووی ایله مجاب بسدی رباب "الله ائلسین حرمله نین ائوین خراب بسدی رباب" آنامون ادبلی گلینی ایتمه بوقدر ناله و زار سن آغلیوسان دولور بوتون قلبلره غملی شرار بالاما اولوب حسینیمون سینه سینون اوستی مزار قانیله اولوب صود امرین یوزی خضاب بسدی رباب "الله ائلسین حرمله نین ائوین خراب بسدی رباب" گلشنیمیزه باد خزان اسدی رباب بسدی رباب امانیمیزی ناله لرون کسدی رباب بسدی رباب ناله و فغان ائتمه داخی بسدی رباب بسدی رباب ناله لرویلن منه سن وئرمه عذاب بسدی رباب "الله ائلسین حرمله نین ائوین خراب بسدی رباب" ⚡️⚡️آغلاما بو قدر ائتمه اورگلری کباب بسدی رباب خیردا بالالار زحمتیله ایله دفاع بسدی رباب الله السین حرمله نین ائوین خراب بسدی رباب آنانون آرزولاری جدا اوغول بیلمه لیدی بعضی سی آغلامالی بعضی لری گولملیدی آلتی آیدا نه بلیدیم کی بالام اولملیدی بسدی رباب آتارام محنت هجرانی داخی آغلامارام سینه می یاره له سنده الیوی باغلامارام بسدی رباب حق لی سن گلمیسن چون سنی خوش ساخلامادیم کور اولونجان گرک آغلایدیم ولی آغلادیم الیوی باغلادیم اما یاراوی باغلامادیم⚡️⚡️ عبازاده 👈👈کانال جامع شعر مذهبی ترکی و فارسی زیباترین👇👇 اشعار و نوحه ها ، مطالب مذهبی شما هم عضو شوید 👇👇👇🙏🙏🙏 https://t.me/joinchat/AAAAAEO-vJZJ9e2FMTplsw https://t.me/joinchat/AAAAAEO-vJZJ9e2FMTplsw

حضرت عباس علیه‌السلام سبک:👇🙏 ایکی عالم عزوجاهیم حسیندی بالاجاقبریوه قربان اباالفضل پرآچوبدی جسمین اوخدان اباالفضل آقامشکل چوخدوراولدوخ دخیلین آدون اولموش درده درمان اباالفضل سنه جانلارقربان باب الحوایج(۲) آدیواقربانوخ باب الحوایج سنه محتاجم بیز وارچوخ حوایج گوزل آدین اولموش دیللرده رایج سویولونداویردین سن جان اباالفضل سنه جانلارقربان باب الحوایج(۲) آدی سقااولموش مولاسزادی کسوک اللرعباس مشکل گشادی ال ئورکده ایشلر آه ونوادی بویوراولسون مشکل آسان اباالفضل سنه جانلارقربان باب الحوایج(۲) یانوروخ نخلیدن یولون دوشوبدی سویانیندا یانوخ قولون دوشوبدی سنین عباس صاق وصولون دوشوبدی پرآچوبدی جسمین اوخدان اباالفضل سنه جانلارقربان باب الحوایج(۲) سنه دشمن یانوخ آپاردی رشکین آقادیشده قالدی ال یوخ سومشکین گوزیوه اوخ دگدی قان ائتدی اشکین هدف ائتدی مشکی عدوان اباالفضل سنه جانلارقربان باب الحوایج(۲) وورولوب اوخ مشکه سویون جالاندی کسیلوبدورطاقت صبرین تالاندی یارادگدی باشدان آی پارچالاندی باشی اوسته دوشدون آتدان اباالفضل سنه جانلارقربان باب الحوایج(۲) سنه صاحب آغلورجسمی یارالی ایکی قولاردوشموش سندن آرالی سینه سینده اوخلاراولموش مدالی آقاجانین وئردین عطشان اباالفضل سنه جانلارقربان باب الحوایج(۲) به قلم افتخار کانالمون شاعر اهلبیت (ع) استاد بزرگوار حاج عباسعلی دهقان(صاحب)۱۴۰۳/۴/۲۳ 👈👈کانال جامع شعر مذهبی ترکی و فارسی زیباترین👇👇 اشعار و نوحه ها ، مطالب مذهبی شما هم عضو شوید 👇👇👇🙏🙏🙏 https://t.me/joinchat/AAAAAEO-vJZJ9e2FMTplsw https://t.me/joinchat/AAAAAEO-vJZJ9e2FMTplsw

پست ویژه تقدیم به شما مادحین بزرگوار 🙏🙏🙏🙏 از اسب افتادن امام حسین ع و شهادت آن بزرگوار با مقدّمه قتلگاه بنیانگذار مدح مرثیه ترکی مرحوم ملا حسین دخیل مراغه ای بو مجلسی ملائکِ نُه کشور آختارور فیض آلماقا تمامِ ملائکلر آختارور شاهِ شهیده مرثیه خوان جَبرئیلدور کُرسیّ عرشی روضه ایچون منبر آختارور بیر سس گلور قولاقیمه آرامیمی آلور گویا آتا اوغول ایتوروب سسلر آختارور بیت الحزن مجاوری یعقوبدور مگر مصرِ بلاده یوسفِ گُل پیکر آختارور یا بیر جوان سسی ایشیدوب شاهِ کربلا آت گزدورور او چولده علی اکبر آختارور ظاهر بودور اوز اوغلونی آختارموری حسین ایتمیش بهانه اکبری ، پیغمبر آختارور اطرافِ رزمگاهی گزر حرمله مگر تیر و کمان الینده علی اصغر آختارور ایتمیش حسین اوز بدنین اوخلارا نشان اوجِ وصاله اوچماقا بال و پر آختارور آتدان دوشنده خیملره قاچدی ذوالجناح گویا غریب صاحیبینه یاور آختارور شیهه چکوب دییردی گَلون ای غریبیلر میداندا بیر یارالینی مین کافر آختارور ناگه نه گوردولر دولانور خیمه نی باجی قارداش گوزونی باغلاماقا معجر آختارور زینب او دمده قارداشین آختارماقا گلوب گوردی کی قارداشی سورونور خواهر آختارور گاهی دونور بقیعه طرف سسلنور آنا گَل کربلایه اوغلون ئولور مادر آختارور کیمدور ویره بو حالیمی عبّاسیمه خبر بیکس حسین تشنه ئولور ساغر آختارور ناگه نه گوردی شمر گوزون قان دوتوب گلور امّا الی بلینده گزر خنجر آختارور خنجر قویاندا گوردی گوزین چوخ دولاندیریر سسلندی یاحسین کیمی بو گوزلر آختارور؟ فرمایش ایتدی منتظرم صون نفسده من زهرانی بیر گوزوم بیریده حیدر آختارور گاهی یرور گهی دایانور صاق صولا باخور خلوتگهِ حسینی پوزا پیکر آختارور باخمیب یارالیدی او دنی چیخدی صَدرینه کسسون باشین نه طرزیله پشتِ سر آختارور زینب نه گوردی باش کسیلیب تیتروری بدن بولدی یقین تازه کسیلمیش سر آختارور تا امّته شفاعت ایده شاهِ کربلا قانلی باشی الینده گزر محشر آختارور ایتدی سبیل گوز یاشینی سلسبیل تک گویا (دخیل) محشر اوچون گوهر آختارور. 👈👈کانال جامع شعر مذهبی ترکی و فارسی زیباترین👇👇 اشعار و نوحه ها ، مطالب مذهبی شما هم عضو شوید 👇👇👇🙏🙏🙏 https://t.me/joinchat/AAAAAEO-vJZJ9e2FMTplsw https://t.me/joinchat/AAAAAEO-vJZJ9e2FMTplsw

زبانحال حضرت اباعبدالله الحسین در شهادت حضرت علی اصغر(ع) کانال جامع شعر مذهبی ترکی و فارسی پایانه یتوب عهدیله پیمانیم الهی اوخلاندی الیمده قوزی قربانیم الهی بیر الده بالام، یارب آلوب بیر اله قرآن گتدیم بو گون اثبات حق ایتماقلیقا عنوان قرآنی دانوب ایلدیلر ظلمیده طغیان دوتسون بو ستمگرلری قرآنیم الهی سولموشدی الیم اوسته بو گل غنچۀ مینو آهسته ملردی دیه سن بچّۀ آهو یاندی سوسوزوندان بیر ایچیم ویرمدیلر سو باخدیم اونا یاندی دل سوزانیم الهی هر یانه فراتین سویی دریا کیمی آخدی یاندوردی بالامی بو سوسوزلوق اودی یاخدی آغلار گوزیله گه سویا گاهی منه باخدی ایچدی قانینی اصغر عطشانیم الهی صحرای بلا تاپدی بزک گللریمیله عبّاسیمیله قاسمیله اکبریمیله آرتدی بزکی غنچه دهن اصغریمیله جنّاته وورار طعنه گلستانیم الهی قانه بویانوب تشنه بو بیر گوهر نایاب دین گلشنینی ایتدی قزل قانیله سیراب بیر گون اولی بو گلشن آچار مین گل شاداب اعلان اولونار مقصد پنهانیم الهی بیر یرده که چوخ گرم اولا بازار محبّت کالایه خریدار اولا ذات احدیّت کالانی الیمده ساتوب آلّام دولی قیمت محشرده شفاعت اولی عنوانیم الهی نازلی بالامین یتدی بهارینده خزانی سولدوردی اونی باد خزان غنچه زمانی بیر سرخ گلابه بویادی کرب و بلانی باتدی او گلابیله بو دامانیم الهی آز سنّیله نسگل لری عالمده چوخ اولدی واردان ال اوزوب، نغمۀ سو دلده یوخ اولدی سیراب ایدن آخِرده سه شعبه بیر اوخ اولدی باخدیم اونا یاندی دل بریانیم الهی ائلسیز قالانا یاور و غمخوار تاپولماز من ائلسیزه اغیار آرا بیر یار تاپولماز فریاده یتن یوخ، داخی دلدار تاپولماز فریادیمه یت ای حق منّانیم الهی دوز عشقیله دوتدوم سنی، عرضیم یالان اولماز سنده منی دوت بی کسی یاده سالان اولماز دردیم ندی غصّم ندی دلدن آلان اولماز ای درده یتن، دردیمه درمانیم الهی بی یاورم اغیار آرا یاده سالانوم یوخ انصاریم الیمدن گیدوب اصلا قالانیم یوخ نازلی بالامین نعشین الیمدن آلانیم یوخ قالموش الیم اوسته قوزی قربانیم الهی قنداقی قوجاقیمده شرار غمه یانّام بو قانلی چولی صاق صولا حسرتله دولانّام گه صاق صولا حیرتله گیدوب، گاه دایانّام خوناب توکر دیدۀ گریانیم الهی اوخلاندی بو آهو باخیشیم ظلمیله اُلدی حشره کیمی آغلار آناسی بو سوزی بولدی غنچه دوداقی قاچدی باخوب بیر منه گولدی آغلاتدی منی غنچۀ خندانیم الهی بو عرصیه یول شیعه لر ایکاش سالیدی بیر قیدیمه بو قانلی بیاباندا قالیدی رافتله الیمدن قوزی قربانی آلیدی آباد اولیدی دل ویرانیم الهی یاخدیم یوزینه قانینی، خوش صحنه یاراتدیم زلفین بویادیم، ارزش قربانی چوخاتدیم اوجومدا همان قانی دوتوب من گویه آتدیم ساخلا او قانی چرخیده یزدانیم الهی یوز دونروب ایمدی هایانا عزم ایدوم الله چارم کسیلوب، چاره ندور بس نیدوم الله گلمز بو یوزیمدن که خیامه گیدوم الله یوخ دورماقا، یوخ گیتماقا امکانیم الهی خیمه قاپوسین ایمدی کسوب آغلار آناسی فکر ایلوری سیراب اولونوب نازلی بالاسی بولمور بوغازیندا وار اونون کاری یاراسی بی روح دوشوب فدیۀ بی جانیم الهی کیم واردی هرایه گیدوم ایتسونله حمایت خرگاهه سالوم یول، چکورم چوخلی خجالت میداندا دولانسام منه ایله لّه شماتت بی شرمدی چوخ دشمن نادانیم الهی مندن نه دونر درد و بلا، من نه بلادن اعداده جفا جودیله، دویمازلا جفادن فریاد جفاکاری بی شرم و حیادن دیوان ایت اوزون داور دیوانیم الهی سندندی نییم وار منیم ای ورد زبانیم ویردیم سنون اوغروندا نیه گلدی گمانیم یوخدور قالانیم ایمدی، مگر بو باش و جانیم قربان ایلیم من سنه جانانیم الهی مرحوم تایب 👈👈کانال جامع شعر مذهبی ترکی و فارسی زیباترین👇👇 اشعار و نوحه ها ، مطالب مذهبی شما هم عضو شوید 👇👇👇🙏🙏🙏 https://t.me/joinchat/AAAAAEO-vJZJ9e2FMTplsw https://t.me/joinchat/AAAAAEO-vJZJ9e2FMTplsw