📮 کشکول علمی 📮

تم شہرِ اماں کے رہنے والے، درد ہمارا کیا جانو ساحل کی ہوا، تم موج صبا! طوفان کا دھارا کیا جانو؟ آغاز سفر ایمان و یقیں، انجام عمل اک شام حسیں بن دیکھے حسن کی منزل کو، یہ رستہ پیارا کیا جانو؟ رستہ ہی یہاں خود منزل ہے، ٹھوکر ہی یہاں اک حاصل ہے اے سود و زیاں گننے والو! کس نے ہے پکارا کیا جانو؟ ان راہوں میں فردوس بریں، ان گلیوں میں جنت کے مکیں ان تیکھے الجھے رستوں میں۔ ہیں کون صف آرا کیا جانو؟ سمجھے ہیں جسے گلزار سبھی، اک آگ ہے عصر حاضر کی تمہید سے تم گزرے ہی نہیں، اب قصہ سارا کیا جانو؟ اے قیس عصر جو کالج میں چھے چار جماعتیں پڑھ بیٹھے تم واقف نقش و رنگ حنا، خوں کا فوارہ کیا جانو تم شہر اماں کے رہنے والے درد ہمارا کیا جانو ساحل کی ہوا، تم موج صبا! طوفان کا دھارا کیا جانو؟

اک رند ہے اور مدحتِ سلطان مدینہ ہاں کوئی نظر رحمتِ سلطان مدینہ دامان نظر تنگ و فراوانیِ جلوہ اے طلعتِ حق طلعتِ سلطانِ مدینہ اے خاکِ مدینہ تری گلیوں کے تصدق تو خلد ہے تو جنت ِسلطان مدینہ اس طرح کہ ہر سانس ہو مصروفِ عبادت دیکھوں میں درِ دولتِ سلطانِ مدینہ اک ننگِ غمِ عشق بھی ہے منتظرِ دید صدقے ترے اے صورتِ سلطان مدینہ کونین کا غم یادِ خدا ور شفاعت دولت ہے یہی دولتِ سلطان مدینہ ظاہر میں غریب الغربا پھر بھی یہ عالم شاہوں سے سوا سطوتِ سلطان مدینہ اس امت عاصی سے نہ منھ پھیر خدایا نازک ہے بہت غیرتِ سلطان مدینہ کچھ ہم کو نہیں کام جگر اور کسی سے کافی ہے بس اک نسبت ِسلطان مدینہ (جگر مراد آبادی)

سب سے پہلے مشیت کے انوار سے۔۔ کلام کا شاعر کون ہے؟ جب سے ہوش سنبھالا یہ نعت حضرت نانوتوی قدس سرہ کی طرف منسوب سنتے اور پڑھتے آئے، کئی نامور شخصیات کی کتب میں بھی اس کو حضرت نانوتوی رحمہ اللہ ہی کی طرف منسوب پایا، اس کے پہلے شعر کے دوسرے مصرع "پھر اسی نقش سے مانگ کر روشنی بزمِ کون و مکاں کو سجایا گیا" پر یہ اشکال بھی کیا جاتا رہا کہ اللہ تعالیٰ مانگنے سے بے نیاز ہیں، جس کی تاویل بجاطور یہ ہے کہ یہاں مانگنا مراد نہیں ہے بلکہ اس سے مراد اس نقش کا اخذ و تقسیم ہے۔ بہرحال کل گزشتہ برادرم منصوالحق سلمہ نے یہ انکشاف کیا کہ یہ کلام حضرت نانوتوی قدس سرہ کا ہے ہی نہیں، بلکہ یہ مشہور شاعر جناب کرم حیدری کا کلام ہے جو ان کے کلام کی کتاب " نِعَم" کے ص 39 پر موجود ہے، بعد ازاں ایک ویب سائٹ پر اٹک کے مایہ ناز شاعر جناب سید شاکرالقادری ( جن کا اصل نام سید ابرار حسین گیلانی ہے اور اردو ،فارسی اور پشتو پر یکساں مہارت رکھتے ہیں اردو اور فارسی کے خوش گو شاعر ہیں) کا یہ تبصرہ بھی پڑھا کہ: "مولانا قاسم نانوتوی قادر الکلام شاعر تھے وہ اتنا بے وزن مقطع تو نہیں کہہ سکتے۔۔۔۔۔۔ لگتا ہے کسی عقیدت مند نے ان کا نام مقطعے میں فٹ کر دیا ہے، ورنہ ہم نے تو اس مقطع کو یوں سنا ہے: حشر کا غم مجھے کس لیے ہو کرم، میرا آقا ہے وہ میرا مولا ہے وہ اس میں قاسم کی بجائے کرم تخلص ہے ۔۔۔ ہو سکتا ہے کہ یہ کرم حیدری کی نعت ہو اور اگر مولانا کی نعت ہے تو ان کی کونسی کتاب یا رسالے سے نقل کی گئی ہے، میں برادرم الف نظامی پر حیران ہوں کہ انہوں نے بھی مکھی پر مکھی مار دی، اس نعت کو سید منظورالکونین کی آواز میں سنیں اس کا مقطع کیا ہے۔ (شاکرالقادری کی بات ختم ہوئی) کرم حیدری اردو اور پنجابی کے شاعرتھے،اصل نام محمد کرم داد اور ان کے والد کا نام ملک حکیم داد تھا، پیدائش 12؍اگست 1915ء تریٹ،مری راولپنڈی(پنجاب) , پاکستان میں ہوئی، متعدد تصانیف سپرد قلم کیں، 31 جنوری 1994ء اسلام آباد پاکستان میں وفات ہوئی۔ خیراندیش: عبدالصمد ساجد مفتی عبید انور شاہ قیصر کی وال سے

’اردو ادب کے وہ 10 بہترین ناول جنہوں نے بہت متاثر کیا‘ InstantView from Source

کئی چاند تھے سرِ آسماں (ایک جائزہ) ​

’ناقابلِ تسخیر‘ حبیب نورمحمدوف ریٹائر، رونالڈو، مکگریگر کا خراجِ تحسین - BBC News اردو ​