NamMQI rektori

#Video NamMQI media markazi taqdim etadi: “Qurilish materiallari va buyumlari” kafedrasi professori Adhamjon Hamidov 70 yoshni qarshiladi.

Professor Adhamjon Hamidov 70 yoshni qarshiladi Namangan shahridagi “Turkiston” tantanalar majmuasida institut “Qurilish materiallari va buyumlari” kafedrasi professori Adhamjon Hamidov tavalludining 70-yilligiga bagʻishlangan tadbir boʻlib oʻtdi. Adhamjon Hamidov 1954-yilda Namangan shahrida tugʻilgan, 1976-yilda Toshkent politexnika institutini tamomlagan. Institutdagi faoliyatini 1982-yilda boshlab, assistentlikdan prorektorlikkacha boʻlgan yoʻlni bosib oʻtgan. 300 dan ortiq ilmiy ishlar, 4 ta darslik va 13 ta monografiya muallifi. Yubiley sohibini institut oʻquv ishlari boʻyicha prorektori Qahramon Inoyatov qutlab, jamoaning eng ezgu tilaklarini bildirdi. Oʻzbekona udumlarga muvofiq toʻn kiydirilib, esdalik sovgʻalari topshirildi. Adhamjon Hamidovni hamkasb va shogirdlari, shuningdek, qoʻshni davlatlardan kelgan taniqli olimlar ham muborakbod etdi. Ustoz haqida ishlangan film namoyishi va xonandalarning chiqishlari esa davraga fayz kiritdi. NamMQI media markazi

#Video NamMQI media markazi taqdim etadi: Oʻzbekiston pedagogika fanlari ilmiy-tadqiqot instituti bilan hamkorlik memorandumi imzolandi.

Oʻzbekiston pedagogika fanlari ilmiy-tadqiqot instituti bilan hamkorlik memorandumi imzolandi Toshmuhammad Qori-Niyoziy nomidagi Oʻzbekiston pedagogika fanlari ilmiy-tadqiqot instituti va Namangan muhandislik-qurilish instituti oʻrtasida hamkorlik memorandumi imzolandi. Ushbu hujjat ikki oliy oʻquv yurti oʻrtasida oʻzaro aloqalarni yanada kuchaytirish, professor-oʻqituvchilarni malaka oshirishga yuborish, ilmiy-tadqiqot instituti olimlarining maʼruzalar oʻqishi, soha boʻyicha adabiyotlar almashinuvi kabi koʻplab jihatlarni oʻz ichiga oladi. Memorandum Oʻzbekiston pedagogika fanlari ilmiy-tadqiqot instituti rektori Xolboy Ibragimov va NamMQI rektori Sharifjon Ergashev tomonidan imzolandi. NamMQI media markazi

NamMQI delegatsiya Turkiyaning nufuzli Egey universiteti bilan tanishdi Tanishuv davomida universitetning Turkiy dunyo xalqlarini oʻqitish markazida boʻlib, markaz faoliyati oʻrganildi. Universitetning oʻqitish metodikasi, taʼlimdagi innovatsiyalar xaqida maʼlumotlar olindi. Shuningdek, universitetning qadimiy qoʻlyozmalari va noyob kitoblar saqlanayotgan kutubxonasi bilan ham tanishildi. Safar chogʻi Egey universiteti bilan xamkorlik masalalari muxokama qilindi, xamkorlikda ilmiy-uslubiy ishlarni amalga oshirish boʻyicha kelishib olindi. Maʼlumot uchun, Egey universiteti Turkiya oliy oʻquv yurtlari reytingida 8, dunyo reytingida esa 889-oʻrinda turadi.

#Live Institut sport majmuasida "Talabalar ligasi" doirasida voleybol bo'yicha sport musobaqasining qizg'in pallasiga yetib kelindi. O'yinda Namangan viloyati jamoasi bilan Toshkent shahri jamoasi bellashmoqda. Jamoalarga omad tilaymiz.

#Live Institut sport majmuasida "Talabalar ligasi" doirasida voleybol bo'yicha final bahsi bellashuvlarining yarim final o'yinlari qizg'in davom etmoqda.