2 055
Подписчики
+124 часа
-27 дней
-430 дней
Архив постов
كل جمعه أحسّ الغيم يندهلي
وأرتوي لآخر الأسبوع قبل أظما
أفتح الكهف وأقراها على مهلي
كهف من نور ماهو كهف من ظلما
هلا يا خاطرٍ في خاطري من خيرة الخطَّار
تقبِّلك الجوارح شرّع البيبان مسروره
يحيِّيك الخفوق اللي بيوتك في مداه كبار
حللت أهلاً بدارٍ تحسب إنها عنك مهجوره
كل عقده دام وكلّت الولي محلوله
هدّ ياراسي هجوسك وانشرح ياصدري
الحظوظ مقسمه وأرزاقنا مكفوله
وش يخوّفنا من صدوف الليالي؟ مدري
عيد الله عليك يعود بالمستكا والعود
أهنّيك جعل الله بشوفك يهنيني
عيدية ضمير حط فيها الفراق لهود
أجامل على الانظار والهم طاويني
يالله الغفران بالعشر التوالي
يا عظيمٍ نرتجي عفوه و خيره
ظلنا في يوم نحتاج الظلالي
يوم ظلّك مالنا مزبان غيره
ما نسيتك من دعاي وحر مالي
في صيام وفي فطور وفي تهجِّد
يكفي إنك في جنان الخلد سالي
ورحت بإسمٍ يخلد وذكرٍ يمجَّد
والله لو تجلس على رمش عيني
ماعاد أشوفك مثل ماكنت أشوفك
أحفظ لك اللي كان بينك وبيني
وكرامتي ماهي رهينة ظروفك
إن كانها بمصامخ الروس ولا باي باي
خلو الفلم المدبلج على دبلاجته
طول عمري ما استمع من ضعيف الراي
راي ولا طمعت بديك خيبر ولا دجاجته
العداوه شي عادي تجيني من عدايّ
من نسج نسج العداوه عرفت إنساجته
وإن كلاني مخلب من مخاليب اصدقاي
قلت ضاعت صيدته في طرف عجاجته
يا ثقلي و يا مقوي عزومي و يا صبري
أكابر على الجرح و أنا أشوف دكتوره
- سعد بن جدلان
غبت ياللي تدري اني من الفرقا حزين
ما تخاف الله من الروح واللي ناشها
صار حبّك مثل الايام من عمر السجين
تنحسب له من حياته وهو ما عاشها
يالله بدعوة مالها دونك حجاب
يالي بوجه العبد ماصك بابه
تفتح لها ياخالق الكون الأبواب
في ساعةٍ يالله فيها إجابه
العبد في رجواك يارب ماخاب
أدعيك وأنا ميقنن بالأجابه
أسألك يارحمن ياخير وهاب
يالله عساها دعوتن مستجابه
أنا الظاهر إني طحت في الحب ما سمّيت
تغيّرت في يومين ما أعرف وش جاني
أحط (الحطب) وآخذ لي شوي ما شبّيت
من السّجه الّي فيني الله لا يبلاني
ويضحي الضحى وهو مخلّل رواق البيت
وأنا أفتحه قبل الفجر في غالب أحياني
أنا طار عقلي في الهوى صدق وانجنّيت
ولا يدري إلا واحدٍ كنّه إيّاني
اليا أخذت في المجلس ربع ساعه انسلّيت
أحس إن قبلي ودّي أصير وحداني
سلامي على الّي كل ما منّي عنه أقفيت
يقوم الغلا والحب والولف يشعاني
وأروح لمحادثته من الشوق ليا حنّيت
لعله يجي يرسل رساله ويلقاني
ولا شفت يكتب تطلع وتختفي هجّيت
من الهبله أدخلّي ببرنامجٍ ثاني
وقبلي معه كيف أنت؟ وين أنت؟ وش سويت؟
أخاف أغفل لي عنه ساعه وينساني
واليا جيت أبي أعلمه إني عليه أشفيت
أخاير ويرجف قلبي وييبس لساني
ولا رحت أبرقد أخذت لي غفوه وفزّيت
تلمّست جوالي وأنا الشوق يحداني
وأنا لو بجي له وأعلمه ما خفّيت
لو أذوب في دمه من الشوق ما يزهاني
يا زين الشعور الّي يجي فيك ليا حبيت
أنا قمت أحس بطهر روحي وبإيماني
وأحس إن كل شيء يبتسم لي ليا لدّيت
وأحس إن نور الصبح يطلع على شاني
ولا عاد فكّرت بحياتي ولا اهتمّيت
طغى الحب فيني لين سامحت عدواني
سما بي هوى الّي أحبه وأنا ما أخطيت
أنا أخطيت ما حبّيت في ماضي أزماني
أحبّه ولا ضعفت عزومي ولا ملّيت
لو أبتل على ذا الحب كان الله أحياني
غافل وجتني من كوت خافقي كي
كية عطب لولا طبيب مكنها
أبعدت مضربها عن الصدر بيدي
ولدت على كبدي برمح طعنها
وعرفت ما تخفيه في صدرها لي
من واقع النظرات مني ومنها
نظرت فيها مثل نظراتها في
وعجزت أقاومها وصديت عنها
كل النساء ظلماء وهي بينهن ضيغطت شعاع الشمس أشعة بدنها من الذهب تلبس خلاخيل وحلي سود محاجرها وحمر وجنها
العام تكرم مداين من كرم عينك
وافرح ليا انقاد لك سلمٍ يوصلني
واليوم اواصلك اسدد في وفا دينك
ولا فلا عاد به شيءٍ يمكنّي
لا إنقص حبل الرجا من بيني وبينك
وش عاد ابي منك ولا وش تبي مني
أنا البارحة ياطول ليلي غدى ليلين
تبين شعاع الشمّس ما أرتحت برقادي
أعد النجوم السارية والعرب ممسين
وأعد الأسامي وأرفع الصوت وأنادي
متى الوضع يتحسن متى يدخل التحسين
متى نجتمع لو صدفةٍ دون ميعادي؟
حبيبي ترا بيني وبينك عتاب احباب
ولو لا غلا حضرتك والله ما أعاتبها
من الشوق والغيره عليك افقد الاعصاب
تراني دخيلك حالتي لا تعذبها
لو اقول بزعل جد وافارقك ؟ كذاب
اول مره اضحي بروحي وكذبها
أصبري ياعين لاتبكين
و أعتنز ياقلب لاتنضام
ماعلى وجه البسيطة زين
والعوض في دورة الأيام
قلبٍ عطاك من الغلا لا تخليه
حافظ عليه من العواذل وصونه
و أبشر بقلب كل ما تعتني فيه
يعطيك لو تطلبـه حتى عيونه
الليل تو أبتدأ والصبح يا بنيه
لولا سنا غرتك ما هو على بالي
يا بنية الضي والجدران والفيّه
والمرقب اللي رباه الماكر العالي
ظامرٍ سرجوفها كنه بجوعه
ماتفرق بينه وبين ارقبتها
كنها ظبيٍ قبل ظله يروعه
باقيٍ فيه التفاته ما التفتها