Khomilov_Akmalkhodja_91

Тармоқларда Криштиану Роналдунинг кубок финалида «Ал Ҳилол»га пеналтилар сериясини ютқазгандан кейинги ҳолати, йиғлагани айланиб юрибди. Мен оддий, футболни тушуниб тушунмай бир нарсаларни қоралайдиган, маҳаллий даражадаги бир журналист бўлиб ҳам, Саудия Арабистонидаги футболни менсимайман, ёзмайман, ҳамкасбларим кўп ёзишса, энсам қотади, ҳақиқий футбол Европада, шунинг учун Месси ё Роналдунинг голлари ҳам, ўйинлари ҳам футболмас, деб ҳисоблайман. Ўз даражалари учун албатта. Ана энди, менки, шунақа тепадан қараб турсаму, бир неча «Олтин тўп» соҳиби, ҳам клуб, ҳам терма жамоаси билан Европа чемпиони, яна ўнлаб рекордлар соҳиби, футболнинг энг чўққисини кўрган Роналду йиғлаб ўтирса? Табиийки, футболчи маош олгач, бор имкониятини ишга солади, ҳар қандай ўйинга жиддий қарашга мажбур, худди агар менга таҳририятдан Саудия футболини ёритиш топширилса, бор эътиборимни қаратишим шартлиги сингари - профессионализм. Футболда, ҳаётда ҳам профессионалларни топиш қийин эмас. Лекин эмоция, кўз ёшлар бу бошқа, юқорироқ даража. Бу инсоннинг характерини ҳам очиб беради, ишига, меҳнатига, ўзига, унга ишонганларга, орзусига бўлган муносабатнинг қанчалик юқори эканини исботлайди. Эслаб қолинг, қанчадир йил ўтиб, Роналдунинг Медейрадаги маҳаллалар ўртасидаги қандайдир ўйинда ютқазганини ва йиғлаб ўтирганини кўрамиз, аниқ. Шунинг учун ҳам, Роналду, бугунданмас, эллик йил кейиндан туриб қараганимизда ҳам, энг буюклардан бўлиб тураверади, ундан кам бўлмаган, балким, ундан иқтидорлироқ Роналдинио, Кака, Азар, Ибрагимович, Зидан, Фигу, умуман ҳаммадан юқорироқда тилга олинаверади. Шунчаки, қойил! @Akmalkhodja_1991🇺🇿

Nixoyat bugun, Yevropa chempionlar ligasi finali! Wembleydagi muxittan baxra oling.

Саудия қирол кубоги финали драматик якун топди. Камбэк, қизил карточкалар ва пенальтилар. Ўйинда 1:1, серияда эса Ҳилол 5:4 ҳисобида ғалаба қозонди. Бу мағлубият айниқса Роналдуга қаттиқ таъсир қилди. Саудияликларни ўзи ҳам бунчалик сиқилгани йўқ. 5 карра олтин тўп соҳиби, тарихдаги энг яхши тўпурар, Европада саноқсиз титуллар ва рекордлар эгаси… лекин шу куни у қирол кубогини ўзи учун энг катта мақсад қилган. Мана шу ҳарактер уларни шунча йил топ даражада ушлаб келди. t.me/Davron_Fayziev

"Боруссия Дортмунд" ЕЧЛ финалига 519 ходимини олиб боришини маълум қилди. Булар фаррошлардан тортиб менежерларгача, U-12 дан то U-19 жамоаларигача. Барча сарф-харажатларни клуб ўз зиммасига олган. ЕЧЛда финалга чиққан жамоалар мухлислари учун тахминан 20.000 чипта ажратилади. 400.000 дортмундлик мухлис финални стадионда томоша қилишга талабгор. Демак, 20 кишидан 1 кишигагина чипта насиб қилади @boburakmalov

Уч мураббийнинг икки мавсуми. Балки Рэтклифф яхшилаб ўйлаб кўрар, а?) @xayrulla_hamidov

Жозе Моуриньо Фенербахче клуби бош мураббийи сифатида фаолият олиб боради. Шартнома 2026 йилгача мўлжалланган. Якунига етган мавсумда Фенер Туркия лигасида иккинчи ўринни эгаллади. Ёмон натижамасдек, лекин барибир мураббий Картал лавозимидан четлатилди. Сабаби Фенербахче чемпион бўлиш ниятида трансферлар учун рекорд даражада маблағ сарфлади. Охирги марта 2014 йил бош совринни қўлга киритишганди. Эндиги юриш - юлдузли мураббий олиб келиш бўлди. t.me/Davron_Fayziev

Keyingi haftaning dushanba yoki seshanba kuni Kilian Mbappe "Real" futbolchisi sifatida e'lon qilinadi. Manba: RMC Sport, COPE @Akmalkhodja_1991🇺🇿

Боруссия Дортмунд чемпионлар лигаси финали учун қайдномани эълон қилди. Дарвоқе Goal нашри Хуммельсни турнирнинг энг яхши футболчиси деб топди. Биз эса шошмай турамиз. Тарихни ғолиблар ёзади. Бу эса очиқ масала. t.me/Davron_Fayziev

ЕЧЛ тарихидаги энг зерикарли финал дейиладиган мана шу ўйинга ҳам 21 йил бўлибди Кечагидек эсимда ўйиннинг ҳар бир детали. Бутун ўйин игна устида ўтиргандек ўтирганман. Севимли жамоанг ўйнаса шу-да — исталган ўйин шундай ўтади сен учун (бунақа хавотирдан дунёдаги биттагина клуб ишқибозлари бегона бўлса керак). Ҳамма "Реал"нинг рекордларини гапиради, ўша пайтларда эса Европа гегемони "Милан" эди. 5 йилда 3 марта ЕЧЛ финалига чиқиб, 2 мартасида ғалаба қозониш осон иш эмас. Асосий вақтда гол бўлмади. Энг эсда қоларли вазиятлар — Шевченко урган голнинг ноҳақ (менимча) ҳисобланмагани ва Контенинг зарбаси дарвоза тўсинига теккани бўлди. Пеналтилар сериясида эса... У вақтларда дарвозабонлар зарбагача жойини ташлаб чиқиши мумкин эди. Қаранг, қандай устунлик берилган уларга. Видеодаги тарихни ўзингиз томоша қила қолинг @boburakmalov

Бугун Ройснинг туғилган куни экан — 35 баҳорни қарши олмоқда. Эртага эса ҳаёт ўйини бор. Зўр тавофиқ… @xayrulla_hamidov