ڪــبرياء.وامثال.صـنـ؏ــاني

#وُفي يوم 🌞🌥️ الجمعة📿🕌🌙 اللهُمَّ اجعل لنا نصيب من جبرك وعوضك وهدايتك وجنتك اللهُمَّ لا تحرمنا من خيرك ورحمتك ا اللَّهُمَّ افتحْ لَنَا أَبْوَابَ الرِّزْقِ وَ السَّعَادَةً والرحمة يارب آمين يارب العالمين🤲🏻 اللهم طيب خاطر كل موجوع وأرح بال كل مهموم وطمئن قلب كل حزين وَلِأَتَجْعَلُ لِنا رَجَاءٌ عِنْدَ غَيْرِكَ يارب...🤲🏻 🌿 اللَّـﮬـُمَّ صـَلِِّ وَسَلِّـمْ وَبَارِكْ ؏َـلَے سَيِّدِنَـا مُحَمـَّد وَعَلَى آلِهِ وَصَحْبِهِ وَسَلِّمْ تَسْلِيمَاً كَثِيرَاً☘️ طِبتُم وطابَت جُمُعتکم 🏵️🍁🏵️🍁🏵️ صباح🌞🌥️ الجمعة📿🕌🌙 @ALFkamah

مساء السعاده كيفكم فقرة الليله. مفتووووووحه. ✿استقبل مشاركاتكم وتضامنكم مع اخوتنا في رفح و غزة. غزة العزة والشموخ 🇵🇸🇵🇸 كي لا ننسى معاناتاهم كي لا ننسى جروحهم وآلاماهم . وكي لا تموت قضيتهم في قلوبنا نقول لهم لستم وحدكم. اننا معكم. اننا معكم اننا معكم بقلوبنا ومبادئنا ومواقفنا 🇵🇸🇾🇪 استقبل مشاركاتكم لهانا @ALFkamah وسأنشرها بهذه القناه @FkamhSnaane2

مساء الخير يااصحاب هذه القنوات بحق الاخوه. مايسبرش تسرقوا منشورات غيركم بدون استئذان وتحذفوا توقيعي وتنشروهن بقنواتكم لا تكونوا نسخه مقلده من غيركم خلييييكم متميزين و أبدعوا و ألفوا واكتبوا @ALFkamah

خمييييسكم مبارررررك الله لا يحرررررمه هذه اللحضات كل من ينظم لقناتنا وينشرها قووولو تم @FkamhSnaane2

مش عيب انك تساعدي زوجش وتفكي ضيقه خاصحه اذا كان معش كسرة ذهب او مبلغ وقدره العيب انك كل ساع تمني عليه وتمكنيه لوما انا اديت لك لوما ذهبي لوما الزلط حقي مش عيب ان اكثر الناس مايذكروك الا وقت حاجتهم العيب انك تستنقصهم وتمن عليهم وتذلهم وتقول انهم ما يعرفوك الا وقت حاجتهم مش عيب انك تفضفضي لاخوش. وتقلي له بحاجاتش وهمومش العيب انك تشكي وتخرجي اسرارش واسرار اسرتش للغريب اللي بيوهمش انه اخوش بدل اخوش مش عيب انك تسيري صالة العرس مرتين وثلاث بنفس الفستان وعادي لو يبسرينش النسوان بنفس الملابس كل عرس العيب انك تحملي زوجك فوق طاقته وتخليه يسير يتدين واحيان ينصب ويسرق عشان يشتري لش فستان او زنه مش عيب تاكلي لقمه وشاهي وتعصبي على بطنش وتصبري على ضروف زوجش وانتي راضيه العيب انك كل شوي تعايري زوجش بفقره وتهدديه ببيت اهلش وتسيري تقلقلي وتخرجي خُبر زوجش عند اهلش مش عيب انك تشقى طول النهار بألف او الفين العيب انك ترقد وتنتظر لما يجي واحد مثلك يدي لك ألف او ألفين مش عيب اني اكتب منشور طويل وانت تقراه🫣 العيب انك تمر من فوق منشوري بدون تفاعل او حتى على الاقل تعليق😜🌹💞 @ALFkamah

لا تغثيش لوما تكونى في الشارع أو الجامعه وانتي مُلتزمة بالحشمه واللباس اللي يسترش وغيرش لبسهن فاضح لا تغثيش لوما تسيري اي مكان. والكل فاعلات مكياج وروج وانتي وجهك طبيعي بدون شي لا تتأثريش لوما الاكثريه بيسلمين على رجال ويضحكين ويمزحين معاهم وأنتِي معروفة أنك ما بتسلميش على غير محارمش لا تصدقي اللي يقلو لش ان لبسش المحتشم يخليش اكبر من سنش ‏لا تهميش لوما تقومي فـي عز البرد مِن نومش عشان تصلي الفجر والدنيا من حولش طافية والناس كلهم راقدين سلعة الله غاليه " الا وهي الجنة تستاهل انك تجاهدي عشانها والله "💙 @ALFkamah

#زمان كان عييب لما واحد يعاكس أخت صاحبه اليوم للاسف البعض يكثر السيره عند صاحبه ويكثر التخازين والسمرات عشان ان مرته حاليه او عشان ان معه خوات حاليات عيب واحده تروح لبيت صاحبتها وزوجها موجود اليوم للاسسسف البعض تشل رقم زوج صاحبتها وتراسله بحجة انها تسأل عن صاحبتها ورقم صاااااحبتها معاها لكن ماتكلمها #عيب نفتح التلفزيون او نسمع اغاني او النسوان يتحنينن او يتنقشين اذا في موت بالحاره وعاده ما مر عليه اقل من شهر جابروا تجبروا اليوم للاسف بيت فاتحين دريس وبيت فاتحين زفه لييش هكذا. قالوا الحي ابقى من الميت #عيب نعمل عرس وفي موت في الحاره عندنا اليوم للاسف البعض بيركزوا خيمة العرس باب بيت الموت واحيان يوجهوا مكرفون الزفه بااتجاه بيت الموت #عيب واحده تتزوج طليق صاحبتها . اليوم للاسف قد بعضهن يخطفين ازواج صاحباتهن ويخلينهم يطلقوا نسوانهم ويتزوجوهن والمحترمه منهن ماتقله يطلق صاحبتها وتتتزوج كطبينه لا فوقها #عيب ترفع عينك في جارتك . اليوووم للاسسف قد بعضهم حافظين للارواب والملابس حق جاراتهم من كثر التبسار والبصبصه #عيب تدق الباب وتبقى مواجه للباب اثناء مايفتحوا لك #عيب والف عيب تجيب سيره حد في غيابه للاسف اصبحت فاكهة المجالس بمسمى اخر وهو الحشش قولت يحش على فلان وهو يغتابه #عيب النسوان تمشي الرجال بكلامها. اليوم للاسسف بيتفاخرين من تكون مسيطره ومن تكون مسيطره وتمشيه مسطره عيب ترفع يدك فوق البنت حتئ لو كانت غلطانه اليوم البعض يعتبر نفسه رجال اذا ضحك على بنت واستدرجها ورجع يبتزها ودخلها بإكتئاب نفسي وحرب نفسيه وعاده يزيد يروي اصحابه انه ذل فلانه والبعض منهن قد توحشين و بيضاربين الرجال هن ويزاحمنهم على كل شي وفي كل مكان حتى بااسواق القات #عيب تتعدا ع شخص فوق سيارته ومعه عائله(حرمه) اليوم للاسف البعض يعتبرها بطوله ورجوله انه ينتقم من خصمه امام عائلته من النساء والاطفال ويفجعهم بدون ضمير #عيب..........( المساحه لكم إملاؤها بما شئتم) كان الناس معاها اخلاق وضمير وإحترام اما الان انعدم الحياء فااشتد الــبــلاء @ALFkamah

مش عارف ليش العرسان حين يمشوا تلتصق يد العروسة بالعريس لمدة أسبوع بعد العرس حتى في الشارع تمسكه بقوة كأنه جاهز للفرار اطمئني لن يفر يا أختاه.. لن يفر. 😜 فهناك شهود في عقد الزواج😂😂😂 @ALFkamah2_bot

<<<<<<< فقره نقاشيه >>>>>>> ‏مـــســاء الـــخــيررر لكم عددددت. لكم من جديد ✿ليش بعض النسوان ان لم يكن اكثرهن اذا كانين عند عرس او عند ولاد او في حفله او مجمع نساء يلبسين احسن اللبس ويستبكين احسن سبكه ويتزهنقين ويتمكيجين ويتكوفرين ويفعلين انواع العطور والزباد. ويرقصين ويصفقين ويزقعين🙌🙌 يا ليلااااه💥 ايوووه. ايوووه. عيخلي روووحه😍🤩 واذا ضوت البيت من عند العرس او الولاد او الحفله تضوي طوالي تخلس اللبس الحالي اللي كان فوقها وتفك الكوافير حق شعرها وتغسل وتمسح نص المكياج. لوما ترجع ساع الاندر تيكر وتلبس الروب حق المطبخ اللي شمة كشنه ووقيد🌚 وتجي تسمر مع زوجها وشمها😵‍💫🤢🥴 واذا قلها زوجها قومي ارقصي قالت انا مريضه تاعبه واذا قلها جابريني. قالت اشتي ارقد قد بين انعس ✿لماذا هولا النسوان ما يهتمين باانفسهن لازواجهن مثل اهتمامهن بأنفسهن امام النساء الاخريات⁉️ ✿اليس الزوج. هو اولى بالزينه واللبس والرقص والعطر والزباد اللي يسوينها النسوان في مجمع النساء⁉️ 💢شاركونا لهانا☜ @ALFkamah ولهذا البوت☜ @ALFkamah2_bot اللي يشاركوا للبوت انسخوا اسماءكم والنشر بيكون هانا @FkamhSnaane2

السلام عليكم ياابي ويا اهلي قلنا نجرب نحش ونتحاكي اليوم عن الفرق بين مقاييل #الرجال👨👨 وتفاريط #النسوان 👩👩 واليوم نحش ونندش المتفرطات والمخزنات👩🏻👩🏻↓ تختلف مجابرتهن بااختلاف مستواهن الثقافي ويرتصين من طرف الديوان لا طرفه والماسات والصحون وصاحبات المدايع كأنهن جالسات فوق دبابات من الإحساس بالزنط والهنجمه ولوما يقومين يسمعين قرقحه ركبهن ساع الشده القريح رغم أنهن عادهن شباب لكن قد ركبهن ملصصات. والشيش بالشيء الفلاني وياريت وهي تتطعم معسل اهم شي انهن يصورين اصابعهن فوق الشيشه ساع اصابيع الدجاجه قصدهن من هنجمه علاسب الحاله حق الوتس طبعا المزوجات كل واحده تحكي على زوجها السوبرمان الذي بيدي لها مليح الدنيا علاسب ترضى وهي ولا يعجبها حاجه ...وتخرط والخرط يبان من عيونها أنها بتمشع و بتكذب وكلهن يمشعين ويخرطين وهن داريات كله انه مشع وخرط وهذك اللي كلامها زنط ونخطه إلا وهو يراشيني اسافر معه مايشتري شي الا اذا أخذ رأيي مايزور أهله إلا إذا وافقت انا وتقاطعها واحدة م. بعييييد وتفعل مداخله مال لامها داعي. أنه ساع زوجها واسمعوا لكم و المداخلات مجلس النواب والذي هن عزبات تحكي على فلان ابن فلان تقدم لي. زعطان بن فلتان كلم امه. تكلم امي أنه يشتيني بس مارضيت فلان بن فلان بيلاحق بعدي قد كان عيتقاتلو هو. فلان عشان من يخطبني الاول. وهم مش داريين اين خريتها الكلاب😁 ولا شي به واحده معاها مرت ابن حاليه. تقوم توضع لها المدكى وتلقط القات الحالي وتحلف والله انه لش ياعمه أما المطلقات فهن موضوع ثااااني تبرر سبب فشل زواجها انه طليقها مايستاهلها وان الله يحبها لما خارجها منه وانه به الفين واحد مورعين لوما غر تكمل العده حقها بس عشان يساربوا عليها يتقدموا لها. حسستني انها محطة شركةالنفط🥲😁 والثانيه تذكره وتصبن ابايب ابووة وتخرج فيه العيب و المخبى وتندشه لاساااابع جد وتدي فيه عيوب البغله الفاعل الصانع التارك المخزنات ذوليك يرحمنها وتدعي عليه.بانواع الادعيه وهن يرفعين ايديهن ويأمنين واللي داري بها انها خراطه تغمز لها من بعيد لها وتقلها عيعوضش في الجنه وما يروحين البيت الا وقد نبشين خلق الله من شق وطرف وهكذ التخزينة معاهن تدي المرض ومايروحين إلا وروسهن يوووشين مثل التلفزيون يدحق زمان ابو دقل حتى كلامهن بالسياسه مثل الذي ماسك صميل وغصبا عنك لازم تقتنع انهي كلامها صح ميه بالميه ولا يقعلك يوم جن 😁 وبعد هذه المجابر كلها يجي وقت القريط والاكل يقوميين لاشق تيك السفره يحوشين فوقها ساع البرعه الذي يبسرهن من بعييد يقل هولا شقاه محوشين على خلطه واللي عيبسرهن من بعيد عيقولو بيقسموا لهن معاشات المهم يقرطين العالي والواطي واللي تخبي واللي تجحف واللي تدي حقها الفرقه الجهال حقها يكلفتوا العالي مع الواطي ويمكنين الكتالي القهوه زلغفه صينيه قفا صينينه وقلص بعد قلص واللي عيبسرهن من كثر زلغفة الشاهي والقهوه قدهن سكارى وماهم بسكارى ولكن عذاب الله شديد نصائح لش اختي المتفرطه مش ضروري لوما تسيري تتفرطي تحملي تحضوني خبيراتش والجيران والمعارف وهات يا بوس وتجي لش واحده تمكنش مجاغ وتقل الا بتشفط جيلي شفط هذا وعاد نص فمها دفال😷 صح ان انتي فاقده لها او تحبيها ومن باب الميزه والادب لايقلوش ما سلمت ☺️ بس قد الوضع غير و الوقت والامراض الان غير الان به امراض خطيره وجديده علينا وياروح مابعدش روح السلام نظر. والا باليد يكفي عزيزتي المتفرطة..حن تسيري تتفرطي يامنعاه.لاتدخلي في السياسة لان مشو حالي تضوي البيت وقدش مضروبة لذلك يرجئ مقاومة العدوان ومناقشة الرواتب بعيد مجالس التفاريط هههههههه مش ضروري تسيري تتفرطي ومابش من يبزي لش عادي اعتذري وهم ماعيقلوش ليش بالعكس بتريحيهم وترتاحي. لان البازيه قد بطلوا هواها. بتسير وتجي والجهال معاها😜 وحين تتفرطي لا تشلي معش بطفل حاذق دقيق الوصف والشرح وبعدين تقولي كيف لوما زوجش بيوصف لش صديقاتش🌚. فاعل خير @ALFkamah