Banco.az

🇦🇿Azərbaycanda 4 ulduzlu hotellərdə orta qiymət 21 % artıb Bu ilin yanvar-avqust aylarında Azərbaycandakı 4 ulduzlu hotellərdə onlayn bronlaşdırma sistemi olan booking.com üzrə bir gecə qalmaq üçün orta qiymət 118,2 manat təşkil edib. Dövlət Turizm Agentliyinin hesabatına görə, bu, ötən ilin eyni dövrü ilə müqayisədə 21,3 % çoxdur. Hesabat dövründə ən yüksək qiymət 240,3 manat olmaqla Qəbələdə qeydə alınıb. Bu, 1 il əvvələ nisbətən 23,8 % azdır. İkinci yerdə 212,4 manat olmaqla Naftalanın hotelləri qərarlaşıb. Bu, illik müqayisədə 2,6 % azdır. 🟣Ardı linkdə

🟣Bank of Baku-da yeni təyinat Bədəlova Elnarə Hicran qızı Bank of Baku-nun İT sahəsi, Planlaşdırma və Koordinasiya departamentinin direktoru vəzifəsinə təyin olunub.

🔴Xalq Bank 2024-cü ilin II rübünün yekunlarını açıqladı 2024-cü ilin II rübünün yekunlarına əsasən ASC “Xalq” Bankının aktivləri ötən ilin analoji dövrü ilə müqayisədə 7.8 % artaraq 3.095 mlrd manat, kredit portfelinin həcmi (digər maliyyə institutları daxil) 7.4 % artaraq 1.945 mlrd manat təşkil etmişdir. Qeyd olunan tarixə Bankın banklar və digər maliyyə institutları istisna olmaqla depozitlərinin həcmi 2.164 mlrd manat təşkil etmişdir ki, bu da 2023-cü ilin II rüb göstəriciləri ilə müqayisədə 5.4 % çoxdur. 2024-cü ilin II rübünün sonuna Bankın xalis mənfəəti 34.0 mln manat təşkil etmişdir. Hesabat dövrünə Bankın cəmi kapitalı 479.1 mln manat təşkil etmişdir.

🟢Bankların aktivlərinə görə renkinqi (II rüb, 2024) Banco.az ölkə banklarının aktivlərinin həcminə görə renkinqini hazırlayıb. Azərbaycan Beynəlxalq Bankı (13 mlrd. 258 mln. manat) siyahının ilk pilləsində qərarlaşıb. İkinci yerdə Kapital Bank (9 mlrd. 984 mln. manat), üçüncü yerdə isə PAŞA Bank (8 mlrd. 472 mln. manat) olub.

🟣VTB (Azərbaycan) 2024-cü ilin ilk yarısını mənfəətlə başa vurub 1 iyul 2024-cü il tarixinə Bank VTB (Azərbaycan)-nın xalis mənfəəti 4,72 milyon manat, aktivləri isə 289,5 milyon manat təşkil edib. VTB-nin kredit portfeli 2023-cü ilin birinci yarısı ilə müqayisədə 14%, depozit portfeli isə 23% artıb. VTB-nin (Azərbaycan)-ın faiz gəlirləri 12%, qeyri-faiz gəlirləri isə 2 dəfə artıb. Bankın kapitalı 96,066 milyon manat olmaqla, illik ifadədə 5,5% artmaqla, Azərbaycan Respublikasının Mərkəzi Bankının minimum tələblərini 92% üstələyib.

🇪🇺Avrozonada sənaye istehsalı azalıb Avrozonada sənaye istehsalı may ayında əvvəlki ayla müqayisədə 0,6 faiz azalıb. Banco.az xəbər verir ki, Avropa Statistika İdarəsi (Avrostat) may ayı üzrə Avropa İttifaqı (Aİ) və Avrozonanın mövsümi düzəliş edilmiş sənaye istehsalı məlumatlarını açıqlayıb. Məlumatlar göstərir ki, Avrozonada sənaye istehsalı may ayında aprel ayına nəzərən 0,6 faiz, ötən ilin eyni dövrünə nəzərən isə 2,9 faiz azalıb.

🟡Bitkoin 5 faizə yaxın bahalaşıb Bitkoinin qiyməti 63 min dollara yaxınlaşıb. Banco.az xəbər verir ki, bitkoinin qiyməti ABŞ-ın keçmiş prezidenti Donald Trampa sui-qəsd cəhdindən sonra onun prezidentlik yarışında qalib gəlmə şansının artacağına dair gözləntilər səbəbindən 62 min dolları ötüb. "Coinmarketcap" analiz şirkətinin məlumatına görə, bitkoin də daxil olmaqla qlobal kriptovalyuta bazarının ümumi dəyəri 24 saat ərzində 4,1 faiz artaraq 2 trilyon 300 milyard dollara çatıb. Ötən 24 saatda qiyməti təxminən 4,6 faiz artan bitkoin səhər saat 10:30-da 62 min 922 dollar səviyyəsinə çatıb.

🇦🇿Azərbaycanda iyunda elektrik enerjisi istehsalı 15 % artıb Bu ilin yanvar-iyun aylarında Azərbaycanda 13 milyard 557,4 milyon kVt/saat elektrik enerjisi istehsal edilib. Bu barədə Energetika Nazirliyinin açıqladığı elektrik enerjisi göstəriciləri ilə bağlı operativ məlumatlarında deyilir. Bu, 2023-cü ilin eyni dövrü ilə müqayisədə 350,50 milyon kVt/saat və ya 2,52 % azdır.

🟣Banco.az 2024-cü ilin 2-ci rübü üzrə bankların xalis mənfəətinə görə renkinqini təqdim edir:

🟣Banco.az 2024-cü ilin 2-ci rübü üzrə bankların xalis mənfəətinə görə renkinqini təqdim edir: