Sof.uz | Соф хабарлар

Туркманистон билан йилига 2 млрд. куб метр газ етказиб бериш бўйича шартнома имзоланди Энергетика вазири Жўрабек Мирзамаҳмудовнинг айтишича, Ўзбекистон ва Туркманистон йилига 2 млрд куб метргача табиий газ етказиб бериш бўйича қисқа муддатли шартнома имзолаган. "Бу бошланиши ва газ Ўзбекистоннинг ички эҳтиёжлари учун йўналтирилади", — дейди вазир туркман ОАВга берган интервьюсида. Энг сўнгги хабарларга обуна бўлинг:👉@sofuzb

Ўзбекистонда қайси давлатларнинг капитали иштирокидаги корхоналар сони кўп? Статистика агентлиги маълумотларига кўра, 2023 йил 1 августь ҳолатига республикамизда фаолият юритаётган хорижий капитал иштирокидаги корхона ва ташкилотлар сони 12 771 тани ташкил этган. Хорижий капитал иштирокида энг кўп фаолият кўрсатаётган корхоналарнинг давлатлар кесимида сони: — Россия – 2 872 та — Хитой – 1 873 та — Туркия – 1 736 та — Қозоғистон – 951 та — Жанубий Корея – 694 та — АҚШ – 295 та — Қирғиз Р. – 253 та — Тожикистон – 247 та — Озарбайжон – 203 та — Германия – 196 та — Туркманистон – 138 та Энг сўнгги хабарларга обуна бўлинг:👉@sofuzb

Самарқанд туманида қурилаётган мажмуада 10 мингга яқин иш ўрни бўлади Президент Шавкат Мирзиёев Самарқанд туманида барпо этилаётган савдо, саноат ва сервис мажмуасининг қурилиш майдонида бўлди. Унинг ҳудуди 37 гектар. Бу ерда умумий қиймати 2 триллион 79 миллиард сўмлик 7 та лойиҳа амалга оширилмоқда. Улардан биринчиси – автомобиллар эҳтиёт қисмлари бозори яқинда ишга туширилади. 11 гектарни эгаллаган савдо дўконларида 3 мингта иш ўрни яратилади. Айни пайтда газоблок, пенопласт, оҳак ва зичлагич ишлаб чиқариш корхоналари қурилиши жадал олиб борилмоқда. Улар шу йил охирида фойдаланишга топширилади. Шунингдек, келгуси йилларда “Кўксарой автомолл” савдо ва кўнгилочар маркази, ойнага ишлов бериш, пластик ва алюмин ромлар корхонаси қуриб битказилиши режалаштирилган. Умуман, ушбу лойиҳаларда ўн мингга яқин аҳоли доимий иш билан таъминланади. Давлат раҳбари бунинг аҳамиятига алоҳида тўхталиб, лойиҳаларни тезлаштириш, шу ернинг ўзида ишлаб чиқаришларни йўлга қўйиш, ишсиз аҳоли бандлигини таъминлаш муҳимлигини таъкидлади. Энг сўнгги хабарларга обуна бўлинг:👉@sofuzb

Дубай 2030 йилгача сувни тўлиқ қайта ишлашга ўтмоқчи Дубай муниципалитети 2030 йилга бориб, тўлиқ қайта ишланган сув таъминотига ўтишни, сувни тузсизлаш ва ушбу жараёнга сарфланадиган электр энергияси сарфини 30 фоиз камайтиришни режалаштираётганини маълум қилди. Сувни қайта ишлатиш дастури Бирлашган Aраб Aмирликларининг «яшил» иқтисодиёт билан боғлиқ қарашини қўллаб-қувватлайди. Маҳаллий ОAВ хабарига кўра, айни дам Дубайда сув 90 фоиз қайта ишлатилмоқда. Бу йилига 2 миллиард дирҳамдан зиёд маблағни тежаш имконини беради. Сувни қайта ишлатиш ҳаётий муҳим табиий ресурсни тежаш баробарида тузсизлантиришга кетадиган энергияни тежайди, иссиқхона гази чиқиндисини камайтиради. Дубай муниципалитети бош директори Доуд Ал Ҳожий сўзларига кўра, ҳукумат анчадан бери сувни тежаш келажак авлод учун жуда муҳимлигини таъкидлаб келади. Сувни қайта ишлаш эндиликда Aмирликни глобал «яшил» иқтисодиёт марказига айлантиришга йўналтирилган саъй-ҳаракатининг муҳим қисмига айланган. Энг сўнгги хабарларга обуна бўлинг:👉@sofuzb

АҚШ долларининг сўмга нисбатан қиймати яна пастлади Марказий банк хорижий валюталарнинг янгиланган расмий курслари тўғрисида маълумот берди. Унга кўра, АҚШ доллари ва рублнинг сўмга нисбатан қиймати пастлаган, евронинг қиймати эса кўтарилган. — 1 АҚШ доллари — 12 049.02 (-18.53) сўм; — 1 Россия рубли — 127.61 (-0.25) сўм; — 1 евро — 13 070.78 (+25.76) сўм. Энг сўнгги хабарларга обуна бўлинг:👉@sofuzb

Бу йил Қозоғистонда 61 миллион 700 минг тонна кўмир қазиб олинди Жорий йилнинг 7 ойида Қозоғистонда 61 миллион 700 минг тонна кўмир қазиб олинди. Бу ҳақда ҚР Индустрия ва инфратузилмани ривожлантириш вазири ўринбосари Илияс Оспанов маълум қилди. «Иссиқлик таъминоти даврига мўлжалланган режага кўра, қарийб 9 миллион 100 минг тонна кўмир (шундан 2,4 миллион тоннаси коммунал соҳага, 6,7 миллион тоннаси аҳолига) керак. Жорий йилнинг 7 ойида 61 миллион 700 минг тонна кўмир қазиб олинди, шундан 3 миллион 900 минг тоннаси аҳолига коммунал ва маиший эҳтиёжлар учун жўнатилди», - дейди И.Оспанов Ҳукумат мажлисида. Унинг сўзларига кўра, ижтимоий кўмирни ташлаб юборишнинг олдини олиш мақсадида вазирлик томонидан автомобил транспортида кўмир ташишни чеклашга қаратилган профилактика чоралари кўрилган. Бундан ташқари, кўмирни экспорт қилиш бўйича мутлақ ҳуқуқни белгилаш, кўмир қазиб олиш бўйича шартномалар тузган кўмир қазиб олувчи корхоналар ва уларга қарашли савдо корхоналарига ташиш ҳуқуқини бериш масаласи ишлаб чиқилмоқда. «Маҳаллий ижро ҳокимияти органлари назорат қилувчи органлар билан ҳамкорликда иситиш мавсумига тайёргарликни кучайтириш имконини берадиган қатор чора-тадбирлар ишлаб чиқиши керак», - деди вазир ўринбосари. Энг сўнгги хабарларга обуна бўлинг:👉@sofuzb

Тошкент шаҳрида йил бошидан қайд этилган туғилишлар сони Статистика агентлигининг дастлабки маълумотларига кўра, 2023 йилнинг январь-июль ойларида ФҲДЁ органлари томонидан Тошкент шаҳри бўйича 45 473 та тирик туғилиш ҳолатлари қайд этилган. Шундан 23 571 нафари ўғил болалар, 21 902 нафари эса қиз болалар Энг сўнгги хабарларга обуна бўлинг:👉@sofuzb

Агар қиш совуқ бўлса, Европанинг газ омборлари тўлдирилганидан наф йўқ — эксперт Ресурс ва энергия бозори бўйича мустақил эксперт Владимир Демидовнинг Lenta.ru нашрига берган интервьюсида айтишича, агар қиш жуда совуқ бўлса, Европа газ омборлари кўп миқдорда газ билан тўлдирилган бўлишига қарамай, аҳоли бу билан боғлиқ муаммоларга дуч келиши мумкин. Таҳлилчининг қайд этишича, омборларни тўлдириш кўрсаткичи 90 фоиздан ошади. “Европадаги омборхоналарнинг умумий ҳажми тахминан 100 миллиард куб метрни ташкил этишини инобатга олсак, ҳозирда сақлаш 92-93 миллиардга яқин. Бу, эҳтимол, омборни тўлдириш бўйича энг яхши натижалардан биридир. Чунки улар ҳеч қачон август ойида омборларни тўлдириш бўйича натижани 90 фоиздан ошира олишмаган”, — деди Демидов. Бироқ, Lenta.ru суҳбатдошининг эслатишича, одатий йилларда Европа ўртача ҳисобда 500 миллиард куб метрга яқин газ истеъмол қилган. Шундай қилиб, жорий захира бу кўрсаткичнинг 20 фоизидан камини қоплайди. Шу билан бирга, ўтган йили Европа сезиларли даражада камроқ истеъмол қилди - бу кўрсаткич тахминан 400-430 млрд. куб метрни ташкил қилган. Энг сўнгги хабарларга обуна бўлинг:👉@sofuzb

Қиймати 672,9 млн АҚШ долларлик мева-сабзавотлар экспорт қилинган Статистика агентлигининг дастлабки маълумотларига кўра, 2023 йилнинг январь-июль ойларида Ўзбекистон 1,1 млн тонна мева- сабзавотлар экспортини амалга оширган. Бу кўрсатгич 2022 йилнинг мос даврига нисбатан 1,2 баробарга ёки 153,8 минг тоннага кўпайган. Ўзбекистон мева-сабзавот маҳсулотларининг асосий экспорт бозорлари Россия (41,8 фоиз), Покистон (14,6 фоиз), Қозоғистон (12,0 фоиз) ҳамда Қирғиз Республиакаси (9,1 фоиз) ҳиссасига тўғри келган. 2023 йилнинг январь-июль ойларида хорижга қиймати 672,9 млн АҚШ долларлик мева-сабзавотлар экспорт қилинди. Бу кўрсаткич 2022 йилнинг мос даврига нисбатан 22,4 фоизга кўпайди ва жами экспортдаги улуши 4,5 фоизни ташкил этди. Энг сўнгги хабарларга обуна бўлинг:👉@sofuzb

Барча хорижий валюталарнинг расмий курслари пастлади Марказий банк хорижий валюталарнинг янгиланган расмий курсларини эълон қилди. Унга кўра, барча хорижий валюталарнинг сўмга нисбатан қиймати тушган. — 1 АҚШ доллари — 12 067.55 (-22.38) сўм; — 1 Россия рубли — 127.86 (-0.57) сўм; — 1 евро — 13 045.02 (-140.26) сўм. Энг сўнгги хабарларга обуна бўлинг:👉@sofuzb

Энг қиммат озиқ-овқат ва ичимлик брендлари қайсилар? Brand Finance брендини баҳолаш бўйича етакчи консалтинг компанияси ҳисоботига кўра, Nestlé бренди яна дунёдаги энг қиммат озиқ-овқат бренди сифатида тан олинди. Унинг қиймати 22,4 миллиард долларни ташкил этади. Компаниянинг муваффақияти истеъмолчиларнинг ўзгарувчан хоҳиш-истакларини қондириш, тенденциялардан олдинда қолиш ва янги маҳсулотларни самарали ишлаб чиқариш қобилиятидан келиб чиқади. 2023 йилда компания ўсимлик маҳсулотларига бўлган доимий ортиб бораётган глобал талабни қондириш мақсадида сут муқобилни жорий қилиш учун ўз портфелини кенгайтирди. Уй шароитида тайёрланган музли қаҳвага талаб ортиб бораётганлиги сабабли бренд ўзининг биринчи Nescafé Ice Roast қаҳвасини ҳам сотувга чиқарди. Энг яхши бешта газак брендлари (Lay’s, Doritos, Want Want, Cheetos вa Tostitos) ўз нархларини ўртача 40 фоизга оширди. Lay’sнинг активлари қиймати 29 фоизга ошиб, етакчилик қилмоқда. Қиймати 11,1 миллиард долларни ташкил қилди. Lay’sнинг кучли ишлашини маҳсулот инновацияси ва ривожланиши, оммабоп ва кенг қамровли маркетинг кампаниялари ҳамда пандемиядан кейинги яхшиланган электрон тижорат стратегиялари билан боғлаш мумкин. Coca-Cola қимматли алкоголсиз ичимликлар брендлари орасида етакчига айланди (бренд қиймати 5 фоизга камайиб, 33,5 миллиард долларгача). Бренд, шунингдек, ўзининг рақамли мухлислар билан ўзаро таъсир қилиш платформаси – Coca-Cola Fan Zone’ни ишга туширди. 41 мамлакатда фаоллаштирилган марказга 5 миллионга яқин футбол ишқибозлари уланган ва бу бренднинг халқаро кўриниши ва нуфузини янада оширган. Юқори сифатли ичимликлар ўнталигига энергетик ичимликлар ҳам киради. Red Bull (1 фоизга ўсиб, 7 миллиард доллар), Monster (8 фоизга ўсиб, 6,8 миллиард доллар) ва Gatorade (7 фоизга камайиб, 4,9 миллиард долларгача). Red Bull дунёдаги учинчи энг қиммат алкоголсиз ичимликлар брендидир. Энг сўнгги хабарларга обуна бўлинг:👉@sofuzb

7 ойда қанча бензин ишлаб чиқарилган? Статистика агентлигининг дастлабки маълумотларига кўра, 2023 йилнинг январь-июль ойларида Ўзбекистонда 781,4 минг тонна автомобиль бензини ишлаб чиқарилган. Автомобиль бензини ишлаб чиқариш ҳажми 2022 йилнинг мос даври билан солиштирилганда 18,3 фоизга ошган. 2023 йилнинг январь-июль ойларида айрим турдаги саноат маҳсулотларини ишлаб чиқариш ҳажми: — Автомобиль бензини – 781,4 минг тонна; — Кўмир – 3,1 млн тонна; — Нефть – 456 минг тонна; — Газ конденцати – 707,5 минг тонна; — Автобус – 454 дона; — Юк автомобиллари – 1372 дона; — Автомобиль двигателлари – 122 710 дона; — Енгил автомобиллар (махсус енгил автомобиллардан ташқари) – 194 053 дона. Энг сўнгги хабарларга обуна бўлинг:👉@sofuzb

Алматида озиқ-овқат инфляцияси 2 баробар пасайди Алмати ҳокимлиги томонидан инфляция даражасини пасайтириш бўйича кўрилаётган чора-тадбирлар ижобий натижаларни кўрсатмоқда. Бу ҳақда Алмати шаҳри ҳокими Ерболат Досаев 18 август куни Қозоғистон Президенти Қасим-Жомарт Тоқаевга берган ҳисоботи чоғида маълум қилди. Шаҳар раҳбари бозорнинг тўлганлиги ва тартибга солиниши озиқ-овқат инфляциясини 2023 йил январидаги 24,3 фоиздан 11,7 фоизгача камайтириш имконини берганини таъкидлади. «Йиллик ставка 14,2 фоизни ташкил этади. Жорий йил бошидан ёқилғи нархларининг ошиши ва 2023 йил 1 июлдан бошлаб «Инвестициялар учун тариф алмашинуви» сиёсатининг амалга оширилиши инфляциянинг жорий даражасининг энг муҳим омиллари бўлди», - дея таъкидлади Алмати ҳокими Ерболат Досаев. Кузатилаётган тенденцияларни ҳисобга олган ҳолда, 2023 йил якунларига кўра, мегаполис иқтисодиётининг ўсиши 5,5 фоиз даражасида кутилмоқда. Энг сўнгги хабарларга обуна бўлинг:👉@sofuzb

АҚШ долларининг расмий курси пастлади Марказий банк хорижий валюталарнинг янгиланган расмий курслари тўғрисида маълумот берди. Унга кўра, АҚШ доллари ва евронинг сўмга нисбатан қиймати пасайган, Россия рублининг курси эса кўтарилган. — 1 АҚШ доллари — 12 089.93 (-10.09) сўм; — 1 Россия рубли — 128.43 (+0.11) сўм; — 1 Евро — 13 185.28 (-4.95) сўм. Энг сўнгги хабарларга обуна бўлинг:👉@sofuzb

Статистика агентлиги матбуот анжумани: 2023 йилги SDG index ҳисоботига кўра, Ўзбекистонда Барқарор ривожланишнинг қуйидаги 10 та мақсадлари бўйича кўрсаткичларида ижобий ўсиш қайд этилган: — мамлакатда камбағалликни қисқартириш; — соғлиқ сақлаш ва фаровонликни таъминлаш; — сифатли таълим билан таъминлаш; — гендер тенглигига эришиш; — тоза сув ва санитария; — саноатлаштириш, инновация ва инфратузилма; — шаҳар ва аҳоли пунктларини барқарор ривожлантириш; — иқлим ўзгаришига қарши курашиш; — тинчлик, адолат ва самарали бошқарув; — барқарор тараққиёт йўлидаги ҳамкорлик. Энг сўнгги хабарларга обуна бўлинг:👉@sofuzb

ЕОИИ мамлакатларида қурилиш ишлари ҳажми ошди 2023 йил январь-июнь ойларида Евроосиё иқтисодий иттифоқида амалга оширилган қурилиш ишлари ҳажми ўтган йилнинг шу даврига нисбатан 9,7 фоизга ошиб, қарийб 6,3 триллион Россия рублини ташкил этди, деб хабар бермоқда Евроосиё иқтисодий комиссияси матбуот хизмати. Ўсиш барча ЕОИИ мамлакатларида кузатилди: Арманистонда – 48,9 фоизга, Беларусда – 12,1 фоизга, Қозоғистонда – 12,3 фоизга, Қирғизистонда – 22,9 фоизга, Россияда – 9,2 фоизга. 2023 йил январь-июнь ойларида ЕОИИ ҳудудида уй-жойларни фойдаланишга топшириш ҳажми 2022 йилнинг мос даврига нисбатан 0,3 фоизга ошди. Шу билан бирга, Арманистонда (72,2 фоизга) ва Қозоғистонда (11,8 фоизга) ўсиш кузатилди. ЕОИИда жами 61,9 миллион квадрат метр уй-жой фойдаланишга топширилди. Энг сўнгги хабарларга обуна бўлинг:👉@sofuzb

Ўзбекистон Республикасининг иқтисодий ҳолати рақамларда Статистика агентлигининг дастлабки маълумотларига кўра, 2023 йилнинг январь-июль ойларида Ўзбекистон Республикасининг иқтисодий ҳолати рақамларда: — саноат ишлаб чиқариш физик ҳажми индекси – 105,7 фоиз; — қурилиш ишлари ҳажмининг ўсиш суръати – 104,8 фоиз; — чакана савдо товар айланмаси ўсиш суръати – 107,1 фоиз; — бозор хизматлари ҳажмининг ўсиш суръати – 112,4 фоиз; — ташқи савдо айланмаси ўсиш суръати – 123,3 фоиз; — экспортнинг ўсиш суръати – 131 фоиз; — импортнинг ўсиш суръати – 118,1 фоиз; — фаолият кўрсатаётган корхона ва ташкилотлар сони – 476 701 та; — фаолият кўрсатаётган кичик тадбиркорлик субъектлари сони – 409 988 та. Энг сўнгги хабарларга обуна бўлинг:👉@sofuzb

АҚШ долларининг расмий курси яна кўтарилди Марказий банк хорижий валюталарнинг янгиланган расмий курслари тўғрисида маълумот берди. Унга кўра, Россия рублидан ташқари, барча валюталарнинг сўмга нисбатан қиймати маълум миқдорда ошган. — 1 АҚШ доллари — 12 100.02 (+22.01) сўм; — 1 Россия рубли — 128.32 (-1.18) сўм; — 1 евро — 13 190.23 (+62.64) сўм. Энг сўнгги хабарларга обуна бўлинг:👉@sofuzb

6 ойда Ўзбекистон бўйича 154,5 минг дона янги енгил автомобил рўйхатдан ўтказилган Статистика агентлигининг олинган идоравий маълумотларига кўра, 2023 йилнинг январь-июнь ойларида Ўзбекистон Республикаси бўйича 154,5 минг дона янги енгил автомобиллар Йўл ҳаракати хавфсизлиги хизмати томонидан давлат рўйхатидан ўтказилган. Улардан: — Ўзбекистонда ишлаб чиқарилган – 89,7 фоиз (138,5 минг дона) — Хорижда ишлаб чиқарилган – 10,3 фоиз эса (16,0 минг дона) 2023 йилнинг 6 ой давомида Ўзбекистонда йўл ҳаракати хавфсизлиги хизмати томонидан 169 861 та янги автотранспорт воситалари давлат рўйхатидан ўтказилган. Энг сўнгги хабарларга обуна бўлинг:👉@sofuzb

Кинотеатрларга ташриф буюрувчилар қайси вилоятда кўп? Статистика агентлиги маълумотларига кўра, 2023 йилнинг 1 январь ҳолатига Ўзбекистон Республикасидаги кинотеатрлар сони жами 76 тани ташкил қилиб, уларга ташриф буюрувчилар сони 830,5 минг кишини ташкил этди. Кинотеатрга ташриф буюрувчиларнинг ҳудудлар бўйича тақсимланиши қўйидагича: — Тошкент шаҳри – 322 минг киши; — Самарқанд вилояти – 135 минг киши; — Бухоро вилояти – 131,2 минг киши; — Навоий вилояти – 76,5 минг киши; — Қашқадарё вилояти – 51,3 минг киши; — Жиззах вилояти – 27 минг киши; — Сирдарё вилояти – 23,8 минг киши; — Андижон вилояти – 21 минг киши; — Наманган вилояти – 12,4 минг киши; — Сурхондарё вилояти – 9,7 минг киши; — Қорақалпоғистон Р. – 7,2 минг киши; — Тошкент вилояти – 6,9 минг киши; — Фарғона вилояти – 6,7 минг киши. Энг сўнгги хабарларга обуна бўлинг:👉@sofuzb