مركز الخدمات الطلابية 🎓

صباح البشارات الجميلة 🥳 عندنا ليكم بشارتين كل واحدة أحلى من التانية 🤩 1️⃣ البشارة الأولى طبعاً ببداية يوم الليلة بنكون دخلنا الإسبوع الثاني ببرنامج رحلة الجامعة 🎓 ودي مرحلة جديدة في رحلتنا معاكم لإستكشاف الجامعة لأننا يادوووب كدا دخلنا في التفاصيل والتعريف بالمجالات والكليّات زي ما عارفين ي شباب إنو المجالات الجامعية والكليات الممكن تدخلوها بدون مبالغة يقدر عددها بمئات الكليّات والمجالات ف صعب حالياً نعمل ليكم ورشة مستقلة عن كل مجال "بس قرييب حنعملها 😉" حالياً عملنا بحث ظريف كدا وحصرنا المجالات المتاحة للطلاب السودانيين سواءً داخل أو خارج السودان ونتيجة البحث دا طلعنا بستة مساقات أو مسارات بتجمع المجالات دي داخل كل مساق في عدد من المجالات حنعرفكم عليها بالتفصيل ما تشيلو هم 🫡 وحنعمل ليكم ورشة توجيهية عن كل مساق طيب المساقات دي شنو 🤔 ؟ دي هي المساقات 👇 - مساق المجالات الطبية والصحية - مساق الإدارة والأعمال والإقتصاد - مساق العلوم الإنسانية والأدبية - مساق العلوم الأساسية والتطبيقية - مساق المجالات الهندسية والتقنية - مساق الحاسوب والذكاء الاصطناعي وزي ما قلنا .. داخل كل مساق في عدد من المجالات حنعرفكم عليها شوية شوية دي كانت بشارتنا الأولى ليكم.. إنو خلاص بدينا ندخل الجد بعد كدا وحنبدا نعرفكم على المساقات 👏 أها جاهزين للبشارة التانية ؟ 🔥😆

يُعلن مركز الخدمات الطلابية بنادي الشباب السوداني عن بدء إستلام ملفات الطلاب السودانيين الراغبين بالدراسة الجامعية في مصر للعام 2026 🇪🇬🔥 نظراً لإشتداد المنافسة .. ف كل ما جهزت ملفاتك وقدمت ابدر.. قدرت تضمن مقعدك بإحدى الجامعات المصرية الكبرى ✅ متخيل معاي إنو في جامعات بتقفل من أول 12 ساعة ؟! 🫣 متطلبات التقديم : - الشهادة الثانوية (موثقة) - جواز سفر ساري المفعول أو كرت لجوء - صورة شخصية رسمية 4*6 خلفية بيضاء - شهادة الميلاد - أسماء الوالدين رباعية - تواريخ ميلاد الوالدين يتم إرسال الصورة على هيئة اسكنر PDF بصورة واضحة يتم القبول على حسب المدة التي تقررها الوزارة ( المتوسط إسبوعين) ليه تقدم عبر مركز الخدمات الطلابية 🤔 ✅ تعامل مسؤول مع مستقبلك ✅ جهة طلابية آمنة وموثوقة ✅ ضمان التقديم بصورة صحيحة ✅ ضمان القبول الجامعي ✅ إستشارات أكاديمية متاحة ✅ تكملة اجراءات الإفادة ✅ متابعة ما بعد القبول ✅ إتاحة خدمات الإستقبال ✅ المساعدة بالتهيئة والسكن ✅ تجربة ممتعة ورحلة متكاملة منتظر شنو؟؟ ...جهز اوراقك واحجز مقعدك الآن ! للإستفسار والتقديم واتساب : +249915390915 أو عبر رابط التواصل المباشر 👇 https://wa.me/249915390915 مركز الخدمات الطلابية • بوابتك نحو مستقبل أفضل 🚀 #رحلة_الجامعة #مركز_الخدمات_الطلابية #نادي_الشباب_السوداني

🚨 بدأت الآن ورشتنا المنتظرة 🧡 بعنوان: كل ما تحتاج معرفته عن الدراسة بمصر مع د.عبدالباسط منزل استخدموا الرابط لدعوة من تحبون https://t.me/SudaneseYouthClub

معظم الطلاب السودانيين 🇸🇩 لما يتجهوا للدراسة بالخارج .. وبلا منازع طبعاً.. معظمهم بيتجه إلى الشقيقة مصر 🇪🇬 "أم الدنيا" ولأنو الأسئلة كتيرة عنها وعن الدراسة فيها خصوصاً إنو تقديمها حيفتح قرييييب جداً خلي بالك 🫣 قررنا نعمل ليكم ورشة كاملة عنها بعنوان: 🔸كل ما تحتاج معرفته عن الدراسة بمصر وجايبين ليكم واحد من الطلاب المميزين الخاضو تجربة الدراسة فيها وصولاً للتخريج 🎓 - خريج كلية الطب جامعة الزقازيق 2026 - طبيب الإمتياز بمستشفيات جامعة الزقازيق - مدرّس الاحياء للصف الثالث الثانوي - عضو رابطة الطلاب السودانيين بالزقازيق - مهتم بالتطوير و الابداع حيكون معانا ومعاكم شخصياً 🥁 📍د.عبد الباسط منزل سليمان وحنتناول في الورشة: • كيف كانت تجربة الدراسة بمصر ؟ • تكلفة الدراسة والحياة في مصر؟ • كيف تنجح وتتفوّق في الجامعة؟ • الحياة في مصر بعين طالب سوداني • أشياء تمنيت لو عرفتُها سابقا • فقرة للأسئلة والمداخلات موعدنا معاكم اليوووم ازبطوا المنبهات ⏰ 🗓️ الجمعة الموافق 12 يونيو 9:00 مساءً بتوقيت السودان 📍على قناة نادي الشباب السوداني على التليجرام 👇 https://t.me/SudaneseYouthClub ما تنسوا تجيبو معاكم أصحابكم وناسكم الدايرينهم يستفيدوا 🧡 #رحلة_الجامعة #نادي_الشباب_السوداني #نهضة_شاب_نهضة_أمة

⚠️ تحدي الجمعة 🏆 ولأننا خلاص بعد كدا حندخل في الاسبوع الثاني المتخصص بالمجالات ببرنامج رحلة الجامعة .. عندك أصحاب أو زملاء امتحنوا شهادة ولسه ما انضموا لينا ؟ حبينا نطلق تحدي خاص لطلاب الشهادة السودانية المقبلين على الجامعة. 📌 المطلوب: أضف أكبر عدد ممكن من زملائك طلاب الشهادة السودانية إلى مجموعة المركز خلال فترة التحدي. 📋 الشروط: ▪️ أن يكون العضو المضاف طالب شهادة سودانية ومقبلاً على الجامعة. ▪️ أن لا يكون موجوداً مسبقاً في المجموعة. ▪️ تُحسب فقط الإضافات التي تتم خلال فترة التحدي. ▪️ تُحتسب النتائج النهائية بعد مراجعة المشرفين. 🎁 الجوائز: 🥇 المركز الأول: تقديم مجاني على أي منحة مجانية بواسطة المركز + جميع الخدمات المرفقة بالمنحة مجاناً. 🥈 المركز الثاني: تقديم مجاني على أي منحة مجانية بواسطة المركز. ⏳ مدة التحدي: 24 ساعة تبدأ في تمام الـ7:00 من صباح الجمعة إلى الـ7:00 من صباح السبت. ساهم في وصول الفرص لأكبر عدد من الطلاب، ويمكن تكون إنت الفائز معانا 😉 ⭕ المشاركة في التحدي 🚀 أرسل إسمك ثلاثي مع كلمة *"مشارك"* إلى رقم المركز من خلال واتساب 👇 https://wa.me/249915390915?text=السلام%20عليكم وحنوريك المجموعة عشان تبدأ بالإضافة مباشرة 🔥 يلا منتظر شنو.. دي فرصة جاتك لحد عندك 😍 #تحدي_الجمعة #مركز_الخدمات_الطلابية #نادي_الشباب_السوداني

📍 بدأ الآن لقاء "كيف أختار المجال الجامعي ؟" مع د.أسماء سراج الدين 🧡 انضموا إلينا على قناة النادي 👇 https://t.me/SudaneseYouthClub

🎓 اختيار الجامعة... أول خطوة لكتابة المستقبل. الجامعة ما مرحلة عابرة في حياتك، بل مرحلة مصيرية بتحدد جزء كبير من مستقبلك الأكاديمي والمهني. عشان كدا، اختيار الجامعة ما مفروض يكون قرار سريع أو عشوائي. ✅ أولاً: اختيار المجال المناسب ابدأ بتحديد المجال أو التخصص البناسب ميولك وقدراتك، وبعد دا اتأكد من توفره في الجامعة الحتقدم ليها. ✅ ثانياً: اعتماد الجامعة تأكد من أن الجامعة معتمدة رسمياً، وأن شهادتها معترف بها ومقبولة في سوق العمل. ✅ ثالثاً: نظام الدراسة اختر النظام البيتناسب معاك، سواء كان نظام السنة الدراسية، أو السمسترات، أو نظام الكورسات. ✅ رابعاً: موقع الجامعة ضع في الاعتبار مكان الجامعة وقدرتك على الدراسة والإقامة فيه. فلو كنت ما بتقدر تسكن أو تسافر لولاية ثانية، فراعي النقطة دي لما تختار. ✅ خامساً: التكلفة احسب جميع التكاليف المتوقعة، بما فيها الرسوم الدراسية، المواصلات، والسكن إن وجد، عشان تضمن قدرتك على الاستمرار بدون ضغوط كبيرة. ✨ اختار جامعتك بعقلك... فتّش واسأل... عشان ما تندم #رحلة_الجامعة #مركز_الخدمات_الطلابية #نادي_الشباب_السوداني

مجالك حيرافقك في كل مستقبلك "حبوية قالت: الما قرأ طب ما قرأ" وعشان كدا، كتير من الناس بيختاروا مجالهم بناءً على سؤال: "المجتمع داير شنو؟" بدل "أنا داير شنو؟" ودي من أكبر الأخطاء، لأنك ممكن تربط نفسك بمجال ما بتحبو، وتقضي سنوات من عمرك في دراسة وعمل ما بتستمتع بيهم. لأن المجال ما مجرد سنوات في الجامعة، المجال هو: ✅ حياتك الجامعية ✅ حياتك العملية بعد التخرج ✅ جزء كبير من مستقبلك طيب... كيف تختار المجال المناسب ليك؟ 🤔 عاوز تعرف الإجابة؟ ✨ انتظرنا في ورشة الليلة مع الدكتورة/ أسماء سراج الدين..حنعرف كل التفاصيل 🌟 اختيار المجال ما قرار عابر... فما تتسرع وتختار على مفاهيم غلط. 🤍 #رحلة_الجامعة #مركز_الخدمات_الطلابية #نادي_الشباب_السوداني

الجامعة أيام كيف نقضيها 🤔 دي واحدة من أقوى وأفضل المحاضرات الموجهة لطلاب الجامعات.. يقدمها فضيلة الشيخ محمد سيد حاج "عليه رحمة الله" ألبس سماعتك أو اسمع من تلفونك واقعد في هدووء اسمع بإنصات وتركيز.. صدقني بعد المحاضرة دي حتتغير عندك قناعات كتيرة ✅ ودا ترشيحنا ليكم الليلة يا شباب الرحلة.. نتمنى ليكم الإستفادة متابعة ممتعة 😊 منتظرين رأيكم بعد تخلصوا الإستماع 👇

ناوي تدرس برة السودان ولا جوة السودان؟ وليه؟ 🤔 https://www.facebook.com/share/p/18ZBYJyENi/ شاركونا🔥 #رحلة_الجامعة #مركز_الخدمات_الطلابية #نادي_الشباب_السوداني

*الجامعة ما مكان عشان نتخرج بشهادة وبس، الجامعة مرحلة بناء إنسان.* 🤔 تعالوا نجاوب على سؤال بسيط: هل الغرض من الجامعة أطلع بي شهادة وبس؟ 💁‍♂️في طالب قضى سنوات الجامعة كلها بين المحاضرات والكتب والقراية، وطلع بمعدل عالي جدًا. 💁وفي طالب تاني اهتم بقرايتو برضو، لكن ما وقف عليها بس. شارك في اللجان الأكاديمية، حضر ورش وفعاليات، اشتغل في المبادرات، واتقدم لمناصب داخل الدفعة وفي روابط الكلية. تفتكروا بعد التخرج، منو الحيكون أكثر جاهزية لسوق العمل؟ ✅ في كثير من الحالات، الطالب التاني بيكون عندو ميزة إضافية، لأنو ما اكتفى بالمعرفة الأكاديمية، بل اكتسب مهارات وخبرات عملية خلال رحلتو الجامعية. من خلال مشاركاتو اتعلم كيف يدير وقتو، يرتب أولوياتو، يشتغل ضمن فريق، يتحمل المسؤولية، ويتعامل مع التحديات والضغوط المختلفة. سوق العمل اليوم ما داير شهادات ومعدلات بس، داير زول عندو مهارات، وعندو تجربة، وعارف كيف يتعامل مع الناس وكيف يحل المشاكل ويشتغل بكفاءة. عشان كدا النشاطات الجامعية ما حاجة جانبية ولا مضيعة زمن زي ما البعض بفتكر، دي جزء مهم من رحلة بناء الشخصية واكتساب الخبرات. 🎓 وفي النهاية، مركز الخدمات الطلابية بقول ليكم: إنو الدراسة هي الأساس والأولوية دائمًا، لكن استثمار جزء من وقتكم في الأنشطة الهادفة ممكن يضيف ليكم مهارات وتجارب حتفيدكم وتفيد المجتمع. https://www.facebook.com/share/p/1BVYV5heHL/ #رحلة_الجامعة #مركز_الخدمات_الطلابية #نادي_الشباب_السوداني

🚨 بدأ الآن لقاء ملامح الرحلة إلى الجامعة 🚀 انضم الينا على قناة النادي 👇 https://t.me/SudaneseYouthClub

تذكير! تبقى حوالي نصف ساعة فقط على ورشتنا بعنوان "ملامح الرحلة إلى الجامعة" اربطو الأحزمة واستعدو 🔥 ⏰ الساعة 30 :1 ظهراً بتوقيت السودان 📍 على قناة نادي الشباب السوداني على التليجرام 👇 https://t.me/SudaneseYouthClub ما تنسوا أصحابكم 😉 جاهزين ؟؟🔥 #رحلة_الجامعة #نادي_الشباب_السوداني #نهضة_شاب_نهضة_أمة