🦋 مٍٰـٰـٰٖـٰزٰاٰجٍٰ 🦋

اللي ميعرفش يبقى صاحب مينفعش يبقى شريك حياة أكتر حاجة تطمنك في علاقة طويلة إن اللي معاك يكون صاحبك قبل ما يكون حبيبك تحكي وتفضفض من غير خوف تغلط فيوجهك بلُطف تتخانقوا بس تفضلوا سند لبعض، مش مطلوب منك تدور عليه وقت الشدة، لأنه موجود من نفسه تكونوا شركاء في كل حاجة مش بس في الحُب، في المسئولية والدعم والضحك كمان، تعيشوا حياة فيها راحة وطمأنينة وفرحة وأمان ناحية بعض تناموا وانتوا متأكدين إن مفيش خوف، مفيش بُعد مفيش غـدر حتى لو متخانقين مليون خناقة

ابحث عن النور في أيامك فالسعادة لا تأتي دائمًا من تغيّر الحياه بل من نظرتنا إليها

‏أنا مبسوط جدًا من نفسي لإنّي بَقيت شخص مُختلف تمامًا عن زمان وعرفت اللي فيها أو زي ما بيقولوا فهمت الفولة وصلت لمرحلة مش بطالة من النُضج عرفت قدر نفسي وقيمتها لا بَقيت أتأثر بكلام حد عنّي ولا بحشُر نفسي في صِراعات خايبة عشان أثبت صِحة وجهة نظري ومن الأخر كده فهمت إن أعظم انتصار مُمكن تحققه هو إنّك تحافظ على راحتك وسلامك النفسي والحقيقة أنا بَقيت أعرف أعمل ده كويّس جدًا كمان

‏ربَّما يتعوَّد الإنسَان لكنَّه لا يَنسَى

اللي في قلبه حنيّه عِشرته فيها الأمان يعني إيه يعني اللي قلبه حنيّن في عز ماهو متضايق منك ومتخانقين مع بعض مش هيفكر ويخطط ازاي يوجعك ؛ مش هيقلل من كرامتك ولا هيفكر يهيــنك ولا هيدوس على نقطة ضعفك مش هينكر الحلو اللي شافه منك ولا هيفتكرلك العيوب بس أيامك معاه هيبقى فيها أمان على روحك وقلبك وحياتك

وهتتأكد مع الوقت إن أكتر شخص بيحط حدود من البداية. هيطلع أصدق شخص في النهاية وأكتر شخص مش بيخليك تتعلق بيه من الأول هيبقى أكتر شخص يسندك في الآخر وأكتر شخص واضح في شكل علاقتكم من البداية.. هيطلع أكتر شخص مُحب لو كنت من نصيبه في الآخر الشخص اللي مش عايز يعشمك من الأول مش بيعمل كده غلاسة بيعملها احترام الشخص اللي مش عايز يسيبك تتعلق بيه من الأول مش بيعمل كده تكبّر بيعمل كده احترام الشخص اللي من النوع ده بيكون أصعب شخص في البدايات وأجمل شخص في العلاقات

ليه تدخل علاقه وانت عارف ان نهايتها مش الجواز اي علاقه لازم يكون ليها هدف واضح لان مشاعر الناس مش وسيله للتجربه لو مش جاهز للجواز وللمسؤوليه يبقى متدخلش العلاقه من الاساس العلاقه الصح مش للتسليه فخليك قد كلمتك لان المشاعر مش لعبه خلاصه الكلام ادخل العلاقة وانت ناوي خير وقد المسؤولية أو بلاش من الأول

مرض التفكير ليس له علاج حتى لو أستطعت أن تنام ستحلم بما تفكر به

يكفي أن نبتسم رغم الألم فالابتسامة أحيانًا ليست تعبيرًا عن الفرح بل إعلانًا بأننا لن نستسلم مهما اشتدت العواصف

تذكرتك في صلاتي فأطلتُ السجود

واحدة من أعظم الحاجات اللي اتعلمتها في رحلة تهذيب وتربيتي لنفسي إن كل ابتلاء بيعرض عليك طريقين يا إما يغيّر أخلاقك يا إما يهذّبها وإن الضغوط عمرها ما كانت هي اللي بتحدد شخصيتك لكن اللي بيحددها فعلًا هو اختيارك لطريقة استجابتك ليها وإن الابتلاء الحقيقي مش بس في اللي بيحصلك لكن في الشخصية اللي هتخرج بيها بعد اللي حصلك ومن أعظم المواقف اللي بتجسد المعنى ده قصة سيدنا يوسف عليه السلام اترمى في البير واتباع عبد واتظلم واتسجن سنين وهو بريء ولو كانت الضغوط هي اللي بتصنع الإنسان كان المفروض يخرج من كل ده شخص مليان غضب وحقد ورغبة في الانتقام لكن لما ربنا مكّنه في الأرض وقال لإخوته لا تثريب عليكم اليوم يغفر الله لكم عرفت إن الابتلاء ممكن يكون سبب في تهذيب النفس مش في إفسادها ولما تأملت القصة دي لفت انتباهي إن ربنا ما رفعش البلاء عن سيدنا يوسف من أول يوم لكنه كان بيربيه بالبلاء في كل مرحلة لحد ما خرج من المحنة بقلب أنقى وعقل أحكم ونفس أهدأ والأجمل من ده إن ربنا لخّص رحلة سيدنا يوسف كلها في آية واحدة فقال إنه من يتق ويصبر فإن الله لا يضيع أجر المحسنين وكأن الرسالة إن اللي بيحدد نهاية الابتلاء مش مدته لكن الطريقة اللي عشت بيها الابتلاء لأن الإنسان لو ساب الضغوط تقوده ممكن يتحول لشخص عصبي قاسي وشايل من الدنيا والناس لكن لو قاد هو نفسه وسط الضغوط هيتعلم الصبر والحكمة وضبط الانفعالات والرحمة وده من أعظم معاني تهذيب النفس إنك متسيبش الألم يعيد تشكيل شخصيتك من غير وعي لكن تستخدمه كفرصة تتربى فيها وتنضج وتقرب من ربنا ومن نفسك في علم النفس فيه حقيقة مهمة وهي إن الحدث نفسه مش هو اللي بيحدد رد فعل الإنسان لكن تفسيره للحدث وطريقة تعامله مع مشاعره والمهارات اللي بيكتسبها أثناء الأزمة وفيه كمان مفهوم اسمه النمو بعد الصدمة وبيقول إن بعض الناس بعد الأزمات الكبيرة بيخرجوا أكثر نضجًا وأقوى نفسيًا وأعمق فهمًا للحياة مش لأنهم متألموش لكن لأنهم أحسنوا التعامل مع الألم وكمان بنفرّق بين نوعين من الألم ألم الحدث نفسه وده غالبًا خارج إرادتنا وألم الاستجابة للحدث وده الجزء اللي إحنا بنشارك في صناعته وأوقات كتير اللي بيكسر الإنسان مش الابتلاء نفسه لكن الغضب والمرارة والاستسلام اللي بيسيبهم يتمكنوا منه بعد الإبتلاء وعشان كده ممكن اتنين يمروا بنفس الابتلاء ويطلع واحد منهم أكثر قسوة ويطلع التاني أكثر رحمة ونضج وإيمان وعلشان كده كل مرة تختار فيها تضبط غضبك أو تتعلم من ألمك بدل ما تنقله لغيرك فأنت مش بس بتتجاوز الأزمة أنت في الحقيقة بتُهذب نفسك القضية عمرها ما كانت في حجم الضغوط ولا في شدة الابتلاء القضية هي مين اللي هيشكّل شخصيتك الألم ولا وعيك لأن الإنسان لما يتعلم يقود نفسه وقت الشدة هيخرج من الابتلاء أقوى وأنضج أما اللي يسيب ألمه يقوده فغالبًا هيتحول مع الوقت لنسخة مكنش يحب يكونها أبدًا لذلك تهذيب النفس مش إنك تمنع الضغوط من حياتك لأن ده مستحيل لكن تهذيب النفس هو إنك تمنع الضغوط من إنها تسرق قلبك وخير ما يلخّص هذا المعنى قول النبي صلى الله عليه وسلم ليس الشديد بالصُّرَعة إنما الشديد الذي يملك نفسه عند الغضب لأن القوة الحقيقية ليست أن تمنع الحياة من أن تؤلمك بل أن تمنع الألم من أن يغيّر أخلاقك فكل ابتلاء بيمر عليك بيعرض عليك طريقين يا إما يغيّر أخلاقك يا إما يهذّبها ولذلك يا عزي الابتلاء لا يحدد من تكون وإنما يكشف من تختار أن تكون د قمر ريشي

وكأنها الحياة التي أريدها 🌱🏡

اللهم في فجر هذا اليوم اجعل لي من كل ضيق مخرجا ومن كل هم فرجا ومن كل بلاء عافية وارزقني سكينة تطمئن بها نفسي اللهم ارزقني رزقا واسعا حلالا طيبا من حيث لا أحتسب اللهم إني أسلمت نفسي إليك ووجهت وجهي إليك وفوضت أمري إليك فاكفني ما أهمني اللهم إنك عفو كريم تحب العفو فاعف عني اللهم اجعلني ممن رضيت عنهم وبشرتهم بالجنة كما بشرت العشرة

هي كده كده بتعدي بس انا عمري ما هنسي مین کان موجود و مین مکنش موجود وقتها

‏﴿ يُدَبِّرُ الْأَمْرَ ﴾ ‏كلمة تختصر لك المشهد .. ‏ثق بالله، وتوكل عليه، و فوّض الأمر إليه ..

قبل ما تاخدوا قرار البعد وتنهوا كل حاجة اقفوا مع نفسكم لحظة افتكروا أول خطوة أول ضحكة والأسباب اللي خلتكم تختاروا بعض من وسط الدنيا دي كلها العلاقات مش دايماً سهلة، بس الحب الحقيقي يستاهل فرصة تانية وتالتة متسيبوش الزعل ينسيكم الأصل ومتندموش بعد فوات الأوان

‏بقالي فترة بحاول أتجاوز حاجات كتير تعبتني في حياتي أشخاص ذكريات مواقف وخيبات ‏بعمل ده لوحدي من غير ما أتقلّ على حد ولا أحمّل حد مسؤولية اللي حصل ‏واخد جنب وبِتعافى مع نفسي بهدوء خطوة خطوة وقريب جدًا هرجع الشخص الرايق بتاع زمان ‏الموضوع محتاج صبر وكله هيعدّي ويبقى تمام

اللي يروح يروح مع السلامة إحنا مبقيناش في مرحلة نجري ورا حد ولا نترجى حد يفضل اللي عايز وجودك هيتمسك بيك واللي اختار البُعد يبقى ده قراره عشنا بما فيه الكفاية نطبطب على الناس ونبرر لهم ونستحمل منهم دلوقتي بقينا نقدر نفسنا أكتر، ونسيب كل واحد للمكان اللي اختاره بنفسه اللي يروح يروح مع السلامة ومفيش حد خسارته أكبر من راحة بالنا

ليسَ البُعدُ وَحدُه من يُعَلّمنا الجَفاء، بل تلكَ الخَيبات التي تأتي من أقرَب القلوب حينَ يَتغيّر الوُدّ بِلا سَبب ويَذبَل الإهتِمام دونَ اعتِذار، نُدرِك أنّ بعض الناس يَرحلون وَهُم ما زالوا أمام أعيُنِنا فالجَفاء الحقيقي ليسَ في غِياب الوجوه بل في غِياب الشعور، عندما تَجِد نفسك غَريبًا في قلبٍ كُنتَ تَظُنّه وطنًا