Собит | اِقْرَأْ

@bu_sokinllik Sahifa sotiladi murojat @by_faqih

Yulduz

.

📨 Sizda yangi anonim xabar bor! Namozni oldin toʻkis oʻqiyotgan edim duolarim ijobat boʻlmadi keyin oʻz oʻzidan namozni ham tashab qoʻydim . Imtihondan yiqildim koʻnglimga hech narsa sigʻmayapdi nima qilsam boʻladi Allohga yana qaytib qalbimni kengaytishim va iymonimni mustahkam qilish uchun. Namozga yana qaytish qiyin kechyapti Синглим, бир нарсани яхшилаб тушуниб олинг..!дуоларингиз сиз кутган вақтда, сиз кутган шаклда ижобат бўлмагани Аллоҳ сизни эшитмаяпти дегани эмас…!Имтиҳондан йиқилганингиз ҳам Аллоҳ сизни тарк этганини англатмайди. Биз баъзан истагanimиз амалга ошмагани учун ибодатдан узоқлашамиз, ҳолбуки айнан ўша пайтда Аллоҳга янада кўпроқ юзланишимиз керак. Намозни фақат ишларимиз юришиб турганида эмас, қалбимиз синганида ҳам ўқишимиз керак. Чунки биз Аллоҳга фақат ҳожатларимиз учун эмас, бандалигимиз учун ҳам сажда қиламиз. Энди ўтган кунларга афсусланиб, ўзингизни айблаб ўтирманг. Тавба қилинг ва бугунoқ намозга қайтинг. Қалбим кенгайсин, иймоним мустаҳкамлансин деб кутиб ўтирманг — аввал намозга қайтинг, кейин қалбингизни ислоҳ қилиш йўлида ҳаракат қилинг. Қуръон ўқинг, истиғфор айтинг, дуони тарк қилманг ва Аллоҳ ҳақида яхши гумонда бўлинг. Имтиҳондан йиқилган бўлсангиз, сабабларини ўрганиб, яна тайёрланинг. Бу муваффақиятсизлик ҳаётингизнинг охири эмас. Энг муҳими, бир имтиҳонда йиқилиб, охират учун энг муҳим бўлган намозингиздан ҳам узоқлашиб қолманг. Сиздан мукаммал бўлиш талаб қилинмайди, аммо хатоларингизни тан олиб, Аллоҳга қайтишингиз керак. Шайтон сизни аввал умидсизликка, кейин эса намоздан узоқлашишга ундамасин. Аллоҳнинг раҳматидан ноумид бўлманг. Бугун биринчи қадамингизни қўйинг: таҳорат олинг ва навбатдаги намозни адо этинг. Аллоҳ қалбингизга хотиржамлик, иймонингизга мустаҳкамлик берсин.

📨 Sizda yangi anonim xabar bor! Paygambarlar qissasini arabchada oqiyotgan edim va orada uchragan oyatlarni oqishdan oldin nma deyshim kerak Агар пайғамбарлар қиссасини арабчада ўқиётганингизда Қуръон оятлари учраса, оятларни ўқишдан олдин «Аъузу биллаҳи минаш-шайтонир рожийм» деб, кейин «Бисмиллаҳир роҳманир роҳийм» деб бошлашингиз мумкин. Агар оятнинг ўртасидан ўқишни бошласангиз, «Аъузу биллаҳи минаш-шайтонир рожийм» дейиш кифоя. Валлоҳу аълам.

📨 Sizda yangi anonim xabar bor! Мен тахаджуд га узимдан узим будильник сиз хам турар едим бомдод га хам охирги вактлари ухлаб коляпман будильник койсамхам еринчок болиб 5 минут ухлай деб ухлаб коляпман нима килсам булади Ва алайкум ассалом ва раҳматуллоҳи ва барокатуҳ. Аввало, таҳаҗжудга туришга ҳаракат қилаётганингиз яхши, лекин фарз бўлган бомдод намозини биринчи ўринга қўйинг. Таҳаҗжуд учун уйқудан туриб, бомдодни ўтказиб юборишдан эҳтиёт бўлинг. Эртароқ ухлашга ҳаракат қилинг, будильникни ётоғингиздан узоқроққа қўйинг ва уни ўчириш учун ўрнингиздан туришга мажбур бўлинг. «Яна беш дақиқа» деб ётманг, чунки кўпинча шу беш дақиқа сабаб намоз қолиб кетади. Ухлашдан олдин ният қилиб, Аллоҳдан ёрдам сўранг. Агар барибир ухлаб қолсангиз, уйғонганингизда бомдод намозини ўқинг. Ўзингизни умидсизликка солманг, лекин сабабларини ҳам тўғриланг. Аввало бомдодни мустаҳкамлаб олинг, кейин таҳаҗжудга ҳаракат қилинг. Аллоҳ сизга намозда собитқадамлик ато этсин.

📨 Sizda yangi anonim xabar bor! Maqsaddan chalg'imaslik uchun nima qilish kerak deb o'ylaysiz. Hayotimda meni chalg'itadigan narsalar ko'payganiga o'zim sababchimanmi? Rahmat javob un Мақсаддан чалғишингизга баъзан ўзингиз ҳам сабабчи бўлишингиз мумкин, лекин бу ўзингизни айблашингиз керак дегани эмас. Аввало, сизни чалғитаётган нарсаларни аниқланг ва уларни аста-секин ҳаётингиздан камайтиринг. Мақсадингизни доим ёдда тутинг, вақтингизни тартибга солинг ва ҳар куни мақсадингизга яқинлаштирадиган ҳеч бўлмаса битта қадам ташланг. Энг муҳими, нафсингиз хоҳлаган нарсани эмас, келажагингиз учун фойдали бўлган нарсани танлашни ўрганинг.

📨 Sizda yangi anonim xabar bor! Assalomu alaykum Va Rahmatullohi Va Barokatuh. Tahajjud namozini oʻqish tartibini oʻrgating Ва алайкум ассалом ва роҳматуллоҳи ва барокатуҳ Таҳажжуд намози хуфтон намозидан кейин ухлаб туриб ўқиладиган нафл намоздир. Энг афзал вақти туннинг охирги учдан бир қисмидир. Таҳажжуд намозининг ўқилиш тартиби: Аввало таҳорат олинади. Қалбда таҳажжуд намозини ўқишни ният қилинади. Ниятни тил билан айтиш шарт эмас. Икки ракат намоз ўқилади. Ҳар ракатда Фотиҳа сурасидан кейин билган сураларингиздан ўқийсиз. Иккинчи ракатдан кейин салом берилади. Хоҳишингизга қараб яна икки ракатдан ўқиб давом эттиришингиз мумкин. Таҳажжуд намозининг энг ками икки ракатдир. Намоздан кейин нима қилинади? Аллоҳга ҳамд айтиб, Расулуллоҳ ﷺ га салавот айтилади. Сўнгра ўзингиз учун, ота-онангиз учун, мағфират, ҳидоят ва ҳожатларингиз учун дуо қилинг. Дуода ўз тилингизда ҳам сўрашингиз мумкин. Энг муҳими, таҳажжудни бошлаш учун кўп ракат ўқишни шарт қилманг. Аввалига икки ракатдан бошланг ва ихлос билан давом эттиришга ҳаракат қилинг. Аллоҳ таоло барчамизни тунлари Унга ибодат қилувчи солиҳ бандаларидан қилсин. Омин! Бизни ҳам дуо қилиб қўйинг

📨 Sizda yangi anonim xabar bor! Hammasi sen o'ylagandek ketmasa hammasi chalkash bo'lsa nima qilish kerak birinchi nimadan boshlash kerak? nimani birinchi to'g'rlash kerak.? Ва алайкум ассалом Аввало ҳаммасини бирданига тўғрилашга уринманг Биринчи навбатда Аллоҳ билан бўлган муносабатингизни тўғриланг намозларингизни тартибга солинг ва дуони кўпайтиринг Кейин ҳаётингиздаги муаммоларни бирма бир ҳал қилишга киришинг Ўтмиш учун ўзингизни айблаб қолманг келажакдан ҳам қўрқманг Сиздан талаб қилинадиган нарса ҳаммасини бирданига уддалаш эмас бугун қўлингиздан келган яхшиликни қилишдир Баъзан ҳаётни ўзгартириш учун катта қадам эмас тўғри йўналишда ташланган кичик қадам кифоя қилади Энг муҳими умидсизликка тушманг Аллоҳнинг раҳматидан ноумид бўлманг)

📨 Sizda yangi anonim xabar bor! Assalomu alaykum yaxshimisiz bomdodni qazosi qachon oqilardi Ва алайкум ассалом ва раҳматуллоҳ Ҳанафий мазҳабида бомдод намозининг қазоси қуёш чиқиб, тахминан 15–20 дақиқа ўтгандан кейин пешин вақти киргунига қадар ўқилади. Қуёш чиқаётган пайтда намоз ўқилмайди. Агар бомдод намози шу куни пешин вақти киришидан олдин қазо қилинса, бомдоднинг 2 ракат суннати ва 2 ракат фарзи ҳам ўқилади. Агар пешин вақти кириб кетган бўлса, фақат 2 ракат фарзининг қазоси ўқилади Валлоҳу аълам.

Yulduzlar kamayib ketyapti a ?)

New post 🌑

.