Bac with Fidaa
Закрытый канал
🌸 bac 2027 | BAC WITH FIDAA قناة مخصّصة للبنات فقط، نرافقوا فيها بعضانا في رحلة الباك من خلال سلاسل افكار خطط ، نصائح وتجارب طلبة متفوّقين، وأفكار عملية تعينكم على تنظيم القراية وتحسين المستوى. مساحة للتعلّم، التطوّر، وتبادل الهمم، حتى نحقّقوا أهدافنا
БольшеСтрана не указанаКатегория не указана
834
Подписчики
+2324 часа
+317 дней
+47130 дней
Архив постов
🚨 08 | نكتب ملخصات… وننسى نقرا 😭إذا لقيتي روحك قعدتي ساعتين تلوني وتكتبي وتزوقي الدرس وفي الأخير ما طبقتيش عليه والو هنا لازم تحبسي شوي 👀 الملخص وسيلة ماشي هو الهدف إذا الدرس طويل وتحتاجي ترتبيه باش تفهميه وتراجعيه، لخصيه بصح ما تعاوديش تكتبي الكتاب كامل في كراس جديد 😭 استعملي كلمات مفتاحية أسهم مخطط علاقات بين الأفكار أسئلة وأجوبة شغل استعملي كلمات تفهميهم غير انتي ما يهمش مهم الملخص لاوم يكون يساعدك مش تكتبيه غير علاجال التلوين والحالة حالة🙂🫰🏻 ومن بعد أهم حاجة : اغلقي الملخص وشوفي واش تقدري تسترجعي لأن أجمل ملخص في العالم ما يفيدكش إذا كي تغلقيه ما تتفكري حتى معلومة في راسك 🤷🏻♀️
🚨 07 | فاتني نهار… حسيت بلي خربت كلش 😭هنا المشكل ماشي في اليوم اللي فات المشكل كي نقولو خلاص هذا الأسبوع راح ومن بعد نضيعو اليوم اللي بعدو ثاني ، فاتك نهار؟ ها عادي 🙂🙂 ما تحاوليش تعوضي كلش غدوة وتحملي روحك ضِعف البرنامج شوفي فقط:
واش كان لازم نديرو؟ واش نقدر نعوضو لغدوة؟ واش نقدر نلغيه لأنه ما بقاش مهم؟ومن بعد كملي عادي🩷🥹 ما ترجعيش للبداية كل مرة تتوقفي كملي من وين حبستي 🤏🏻 يوم واحد ناقص ما يلغيش الأيام اللي قبلو. تعلموا تفهمو رواحكم وتهدروا مع رواحكم🤓😌
🚨 06 | ما نعرفش واش نراجع ووقتاش 😭 :إذا كل مرة تقعدي وتخممي واش نراجع اليوم؟ واش فاتني؟ هذا راجعتو ولا لا؟ راح تضيعي جزء من وقت القراية في التفكير فقط . ولكن الحل بسيط🤓🫰🏻 من نهار تقراي درس جديد، سجلي بلي لازم ترجعيلو مثلا:
📌 اليوم: فهم وحفظ 📌 غدوة: استرجاع سريع 📌 بعد عدة أيام: اختبار النفس 📌 نهاية الأسبوع: مراجعةوهكذا المراجعة ما تبقاش حاجة تتفكريها بالصدفة وتقدري حتى تخلي عندك ورقة صغيرة فيها الدروس اللي تحتاج مراجعة، وكل مرة تكملي وحدة تعلمي عليها ب ✔️ ما تستنايش حتى تنساي باش تراجعي 👀 حاولوا تتعلمو التخطيط
🚨 05 | نرجع من الليسي… ما عنديش طاقة 😭( هاذي كلكم تعانو منها جماعة الليسي 🥲) أول حاجة ما نحاولوش نقنعو رواحنا بلي لازم نرجعو من الليسي ونقراو 4 ساعات مباشرة راكِ إنسانة مش آلة🙂🙂 كي ترجعي، ديري راحة حقيقية ومحددة كولي ، بدلي الجو، ارتاحي شوية ومن بعد حددي تودو ليست تاعك ما تقوليش «لازم نقرا رياضيات وفيزياء وعلوم وتاريخ» تقولي «نرتاح ومن بعد نبدأ بتمرينين» ولا «نراجع هاذ الجزء فقط» كي تبداي، غالبًا راح تلقاي روحك تقدري تكملي أكثر وإذا كان نهارك ثقيل بزاف، نقصي الحمل مش يعني تلغي اليوم كامل ديري حصة أساسية وحدة + حاجة خفيفة المهم ما نخلوش يوم ثقيل يتحول إلى يوم ضايع كامل 🤍
🚨 04 | نفهم الدرس… بصح كي يجي التمرين نحبس 😭 :هاذي تصرا بزاف خصوصًا في المواد اللي فيها تطبيق لأن فهم الشرح ما يعنيش بلي وليتي تعرفي تطبقي وحدك الحل هنا ماشي تزيدي تشوفي فيديوهات شرح أكثر بعد ما تفهمي الفكرة خذي تمرين وحاولي وحدك حتى إذا حبيتي تحبسي شوية عادي المهم تعطي لعقلك فرصة يحاول قبل ما تشوفي الحل أخدمي على هاذ المراحل: نفهم المطلوب 👇🏻 نخرج المعطيات 👇🏻 نفكر واش الفكرة اللي نحتاجها 👇🏻 نحاول وحدي 👇🏻 نشوف التصحيح 👇🏻 نفهم وين غلطت 👇🏻 نعاود نحل نفس الفكرة وحدي وما تكتفيش بكتابة «غلطت هنا» اكتبي علاش غلطت ما فهمتش المطلوب؟ نسيت القانون؟ ما عرفت نربط بين المعطيات؟ استعملت طريقة غالطة ؟ لأنك إذا عرفتي نوع الغلط، المرة الجاية راح تعرفي واش تصححي وعلاواش تخدمي 🤓🫰🏻
🚨 03 | نحفظ… وبعد يومين ننسى 😭_ إذا راكي كل مرة تحفظي نفس الدرس من الصفر، المشكل غالبًا ماشي في قدرتك على الحفظ المشكل أنك راكي تعيدي القراءة أكثر مما راكي تسترجعي جربي هاذ الطريقة: أول مرة افهمي الدرس وقسميه لأجزاء صغيرة بعدها احفظي الجزء الأول وغلقي الكراس وحاولي تقولي واش حفظتي من راسك إذا نسيتي حاجة عادي ارجعي شوفيها وصححيها وعاودي استرجعي ومن بعد ما تكملي الدرس ما تخليهش حتى يجي وقت الاختبار 😭 راجعيه مراجعات قصيرة ومتباعدة مثلا اليوم → غدوة → بعد عدة أيام → نهاية الأسبوع (التكرار المتابعد ) والمراجعة ما لازمهاش تكون إعادة قراءة الدرس كامل ممكن غير تسقسي روحك أسئلة وتحاولي تجاوبي بلا ما تشوفي إذا قدرتي تسترجعي المعلومة بلا الكراس هنا نقدروا نقولو بلي حفظتيها فعلًا 👀
🚨 02 | نقرا بزاف… بصح ما ننجزش 😭هنا لازم أول حاجة نبدلو السؤال ما تقوليش شحال قريت اليوم؟ قولي : «وش الحاجة لي صح استفدتيها 👀 لأن 3 ساعات قدام الكراس ما تعنيش بالضرورة 3 ساعات دراسة فعالة ممكن تقراي درس كامل وتغلقي الكراس وما تقدريش تشرحي منه والو وممكن ساعة وحدة تديري فيها درس مفهوم + تمرين + استرجاع درس قديم الثانية هنا عندها نتيجة أكبر قبل ما تبداي أي حصة، ما تقوليش «نقرا رياضيات» حددي واش راكي حابة تخرجي بيه مثلا نراجع الاشتقاق + نحل التمرين الفلاني ولا نفهم درس ونكتب أفكارو الأساسية من الذاكرة وفي نهاية الحصة ما تسقسيش روحك «قريت؟» سقسي فهمت؟ طبقت؟ حفظت؟ استرجعت؟ صححت أخطائي؟ إذا خرجتي بحاجة واضحة من الحصة، راهي ملا حصة دراسة صح وراكي انجزتي 🤓
🚨 01 | عندي تراكم… من وين نبدأ؟_ إذا عندك بزاف دروس فاتوك، أول حاجة ما تبدايش تقراي عشوائي 🥲 لأنك كي تبقي كل مرة تقولي «نكمل هذا ولا هذا؟» راح تضيعي وقت أكثر وتحسي بلي التراكم أكبر مما هو عليه. جيبي ورقة وفرغي كلش كل الدروس اللي فاتوك، التمارين، الحفظ، المراجعات… اكتبيهم كامل (والله الكتابة من أفضل الأشياء لي تخليكم تنظموا افكاركم ) ومن بعد قسميهم لـ 3:
🔴 لازم يتلحق قريب 🟡 مهم بصح يقدر يستنى شوية 🟢 حاجة خفيفة تقدري تدخليها بين الأيامومن هنا ما تحاوليش تصلحي التراكم كامل قبل ما تكملي الجديد خدمي الجديد اللي راكم تقراوه في الليسي، ومعاه كل يوم ديري جزء صغير من القديم مثلا عندك 6 دروس متراكمة ما تديريش هدف «نكملهم كامل هذا الأسبوع» 😭 ديري مثلًا 3 منهم هذا الأسبوع، وكل ما تكملي واحد تشوفي اللي بعدو وإذا عندك مادة متراكمة بزاف، ماشي معناها لازم تخصصيلها نهارك كامل ممكن درس قديم + تمارين من الجديد في نفس اليوم والأهم 👀 إذا كان عندك درس قديم ما فهمتيهش، ما تحسبيهش مجرد درس لازم تحفظيه ارجعي للفكرة اللي ناقصتك، افهميها، طبقي عليها، ومن بعد كملي هكذا التراكم يبدأ ينقص بصح من غير ما توقفي حياتك الدراسية الحالية. هدفك ماشي تلحقي كلش في أسرع وقت هدفك تدخلي في نظام يخليك كل أسبوع ناقصة شوية من التراكم حتى يختفي 🤍
🚨 سلسلة جديدة | مشاكل الباك… :❤️🔥❤️🔥___❤️🔥❤️🔥 نفكّوها وحدة بوحدة بعد ما درنا الان البرنامج الأسبوعي، حبيت نزيد نخدم معاكم على حاجة أهم لأن مرات نكونو عارفين واش لازم نديرو بصح كاين مشكل معين راهو حابسنا تراكم، نسيان، تعب بعد الليسي، نفهم بصح ما نعرفش نحل، نقرا بزاف وما ننجزش… 😭 لهذا في هاذ السلسلة راح ناخذو كل مشكل وحدو ونفكوه مع بعض ماشي «نظمي وقتك» و«ما تضيعيش وقتك» وخلاص راح نحاولو نفهمو علاش راه صاري المشكل ووش تديري بالضبط باش تخرجي منو ونبدأو بأول وحدة 👇🏻🤓 عندي تراكم… من وين نبدأ؟
على 18:30 ❤️🔥🫵🏻
برنامج مرن يناسب جميع الشعب يساعدكِ على تنظيم وقتك بين الثانوية والدار 💐
فلسفة ❤️🔥
🔴المصادر الدراسية:📍قنوات الاساتذة في يوتيوب: ✅عادل مقرود ✅اسكندر ✅خليل سعيداني ✅حماش عبد الحق ✅هواري ✅محمد الطبيب ✅ضيف سلمى ✅استاذي مفضل قريت عليه ليلة الرعد وجامي عرفت معنى فلسفة جبت 14 قناتو راهي في رابط https://www.youtube.com/@BAC-kd88 📍الاساتذة في تليغرام: ✅https://t.me/akramghassanphilo2023 ✅https://t.me/khalil_saidani ✅https://t.me/Ridha_philosop ✅https://t.me/bahouli 📍كتب ومراجع: ✅كتاب الطالبة هبة https://drive.google.com/file/d/1kkLx1G7-tuKHiAl9Q3ITMlpPJmI3OGw0/view #الفلسفة https://drive.google.com/drive/folders/1VzR6IzJt5YnTX-RtkDf1EoIhrykITELi ✅كامل واش تسحق في فلسفة مقالات+حجج+براهين+شواهد+اقوال فلاسفة+مراجع وكتب +مقترحات وملخصات.......في دريف هدا دعواتكم😭😭🫶 https://drive.google.com/drive/folders/1Y2wqoDr-1bBri5XNQvoIdZHiaAUxGDBF ✅كتاب الهدي https://drive.google.com/file/d/1uLeC81JNwYQefv6jX9bK99utWeGLA_tX/view?usp=drivesdk ✅كتاب خليل سعيداني https://drive.google.com/file/d/1ef8s3PfsQyHRc3rAlLcSE2YIRwJjsQ4K/view?usp=drivesdk ✅كل ما في الفلسفة: https://drive.google.com/file/d/1SoD6V8Xh5rBeLwrvVecmDNNW90vXOYut/view?usp=drivesdk ✅كتاب المراجعة النهائية في الفلسفة https://drive.google.com/file/d/0B0muuVbMiOjaODZJR0tHMXoxcFE/view?usp=sharing ✅ مقالات فلسفة https://drive.google.com/file/d/0B0muuVbMiOjaS19CdXpoRVBCUFk/view?usp=sharing ✅معرفتش نقرا الفلسفة و تلفت لي مين نبداها و مين نجيب مقالات و كامل الححححححححححل 😍 https://drive.google.com/file/d/1kgdzQ2PybWBKazcLWZ_1iL8RG0_eUH6L/view?usp=drivesdk ✅درايف الفلسفة 📚 https://drive.google.com/drive/folders/13aSyMD7UNxMSSc1gkojTQCzlVwaEf3cL قناتي 💗😌👇🏻 https://t.me/+m_x-yoOEP7BjY2M0 لا يحل نشر منشوراتي بدون اسم القناة..🌱 الدال على الخير كفاعله..🌱
