Fuzuli Musics.

جان وئرمه غم عشقه کی عشق آفت جاندیر عشق افت جان اولدوغی مشهور جهاندیر سود ایستمه سودای غم عشقده هرگز کیم حاصل سودای غم عشق زیاندیر هر ابروی خم قتلینه بیر خنجر خونریز هر زلف سیه، قصدینه بیر افعی ایلاندیر یاخشی گؤرونور صورتی مهوشلرین اما یاخشی نظر ائدیکده سرانجامی یاماندیر عشق ایچره عذاب اولدوغو اوندان بیلیرم کی هر کیمسه کی عاشق دیر ایشی آه و فغاندیر یاد ائتمه قارا گؤزلولرین مردم چشمین مردم دییوب آنلانما کیم ایچدیکلری قاندیر گر دئرسه فضولی کی گؤزللرده وفا وار آنلانما کی شاعر سؤزو البته یالاندیر

گؤرمسەم هر گؤز، آچاندا، اول گول رَعنا اوزون. گؤز یومونجا اشکِ گولگونوم، توتار دنیا اوزون. گَرچی کافرسن سنه، ای بت، یتر اول اجر کیم، رغبتین بت خانه دن دؤندردی مین ترسا اوزون. پردهٔ چشمیمده نقدِ جوهری، تیرین سنین، موجه بنزر کیم توتا، تحریک ایله، دریا اوزون. اولما ای صحرانشین غافل! دئییل هر "سو" سراب، موجِ اشکِ گرمِ مجنوندور توتان صحرا اوزون. یادِ رخساریله اول ماهین گؤزوم قان یاش تؤکر، هر گؤرن ساعتده خورشیدِ جهان‌آرا اوزون. ناز ادیب دؤندرمَه ای بیدَرد! اوز، عشاقیدان، بونجا هم گؤسترمَه فقر اهلینه استغنا اوزون. ای فضولی، دودِ آهیم، تیره ائیلر، عالمى، گؤرمسَم بیر لحظه اول ماه ملک سیما اوزون.

شفای وصل قدرین هجر ایله بیمار اولاندان سور زلالِ ذوقِ شوقون تشنهٔ دیدار اولاندان سور لبین سِرّین گلیب گفتاره، ای ماه، اوزگه‌دن سورما بو پنهان نُکته‌نی بیر واقفِ اسرار اولاندان سور گوزی یاشلی لارین حالین نه بیلسین مردمِ غافل؟ کواکب سیری‌نی شب تا سحر بیدار اولاندان سور غمین‌دن شمع تک یاندیم، صبا دان سورما احوالم بو احوالی منیم‌له تا سحر بیدار اولاندان سور خبرسیز اولما فتّان گوزلرین جوْرین چکن‌لردن خبرسیز مستلر بیدادینی هوشیار اولاندان سور خرابِ جامِ عشقم، نرگسِ مستین بیلیر حالم خرابات اهلینین احوالینی خمّار اولاندان سور محبت لذّتین‌دن بی‌خبر‌دیر زاهدِ غافل فضولی عشق ذوقون، ذوقِ عشقی وار اولاندان سور

منی جاندان اوساندیردی، جفادان یار اوسانمازمی؟ فلکلر یاندی آهیمدان،مورادیم شمعی یانمازمی؟ غم و بیمارینه جانان دوایی-درد ائدر احسان. نئچون قیلماز منه درمان،منی بیمار سانمازمی؟ غمیم پنهان توتاردیم من، دئدیلر یاره قیل رؤوشن دئسم، اول بیوفا بیلمم، اینانارمی، اینانمازمی؟ شب هجران یانار جانیم، تؤکر قان چشم گیریانیم، اویادار خلقی افغانیم، قارا بختیم اویانمازمی؟ گولی-روخسارینه قارشو گؤزومدن قانلی آخار سو، حبیبیم،فصلی-گولدور بو،آخار سولار بولانمازمی؟ دئگیلدیم من سنه مایل،سن ائتدین عقلیمی زایل، من طعن ائیله ین غافیل سنی گؤرجک اوتانمازمی؟ فوضولی ریندو شئیدادیر، همیشه خلقه روسوادیر، سورون کیم، بو نه سئودادیر،بو سئودادان اوسانمازمی؟

جانیمین جوهری اول لعل گهربارا فدا عمرومون حاصلی اول شیوه ی رفتارا فدا درد چکمیش باشیم اول خال سیه قربانی تاب گورموش تنیم اول طره ی طرارا فدا. گؤزلریمدن توکولن قطره ی اشکیم گهری لبلریندن ساچیلان لؤلؤى شهوارا فدا. چاک سینمده اولان قانلی جگر پاره لری مست چشمینده اولان غمزه ی خونخوارا فدا پاره - پاره دل مجروح پریشانیمدان سر کویوندا گزن هر ایته بیر پارا فدا جان و دل قیدینی چکمکدن اوزوم قورتاردیم جانې جانانه یه ائتدیم، دلی دلدارا فدا! ای فضولی نولاگر ساخلار ایسم جانی عزیز وقت اولار کیم اولا بیر شوخ ستمكارا فدا!

پنبه‌ی داغ جنون ایچره نهان دیر بدنیم، دیر اولدوق جا لیباسیم بوردور، اولسم کفنیم. جان‌ی جانان دیلمه‌میش، وئرمَمَک اولماز، ای دل! نه نزاع ائیلَیلیم، اول نه سنین‌دیر، نه منیم؟ داش دَلر آهیم اوخو، شهد-لبین شووقین‌دن، نولا؟ زنبور ائوینه بنزه سه بیت‌ الحزنیم؟ طوق زنجیر جنون دایره‌یی، دولت دیر، نه روا کیم، مَنی اوندان چیخارا ضعف تنیم؟ عشق سرگشته سیم، سیل سرشک ایچره یریم، بیر حبابم کی هَوادان دولودور پیرهَنیم. بلبل‌-غمزدَیَم، باغُ بهاریم سن سن، دهَنُ قدُ رخُن، غنچه‌و سَروُ سَمَنیم. ائده‌مَم ترک، فضولی، سر کویین یارین، وطنیمدیر، وطنیمدیر، وطنیمدیر، وطنیم!!

منی جاندان اوساندیردی، جفادان یار اوسانمازمی؟ فلکلر یاندی آهیمدان،مورادیم شمعی یانمازمی؟ غم و بیمارینه جانان دوایی-درد ائدر احسان. نئچون قیلماز منه درمان،منی بیمار سانمازمی؟ غمیم پنهان توتاردیم من، دئدیلر یاره قیل رؤوشن دئسم، اول بیوفا بیلمم، اینانارمی، اینانمازمی؟ شب هجران یانار جانیم، تؤکر قان چشم گیریانیم، اویادار خلقی افغانیم، قارا بختیم اویانمازمی؟ گولی-روخسارینه قارشو گؤزومدن قانلی آخار سو، حبیبیم،فصلی-گولدور بو،آخار سولار بولانمازمی؟ دئگیلدیم من سنه مایل،سن ائتدین عقلیمی زایل، من طعن ائیله ین غافیل سنی گؤرجک اوتانمازمی؟ فوضولی ریندو شئیدادیر، همیشه خلقه روسوادیر، سورون کیم، بو نه سئودادیر،بو سئودادان اوسانمازمی؟

منی جاندان اوساندیردی، جفادان یار اوسانمازمی؟ فلکلر یاندی آهیمدان،مورادیم شمعی یانمازمی؟ غم و بیمارینه جانان دوایی-درد ائدر احسان. نئچون قیلماز منه درمان،منی بیمار سانمازمی؟ غمیم پنهان توتاردیم من، دئدیلر یاره قیل رؤوشن دئسم، اول بیوفا بیلمم، اینانارمی، اینانمازمی؟ شب هجران یانار جانیم، تؤکر قان چشم گیریانیم، اویادار خلقی افغانیم، قارا بختیم اویانمازمی؟ گولی-روخسارینه قارشو گؤزومدن قانلی آخار سو، حبیبیم،فصلی-گولدور بو،آخار سولار بولانمازمی؟ دئگیلدیم من سنه مایل،سن ائتدین عقلیمی زایل، من طعن ائیله ین غافیل سنی گؤرجک اوتانمازمی؟ فوضولی ریندو شئیدادیر، همیشه خلقه روسوادیر، سورون کیم، بو نه سئودادیر،بو سئودادان اوسانمازمی؟

اویله سرمستم کی ادراک ائتمزم دونیا نه دیر ؟ من کیمم ، ساقی اولان کیم دیر می وصهبا نه دیر؟ گرچه جاناندان دل شیدا اوچون کام ایسترم سورسا جانان بیلمزم کام دل شیدا نه دیر؟ وورما زاهد وعدۀ باغ ِ جناندان دم ، کی من بیخودِ دشت جنونم ، بیلمرم عقبا نه دیر؟ بیر نظر گر آتسا یاریم ، بیر دها گوللر آچار اول شیرین سوزون یانیندا بولبول گویا نه دیر ؟ حکمت دنیا و مافیها بیلن عارف دئگیل عارف اولدیر، بیلمه یه دنیا و مافیها نه دیر آه و فریادین، فضولی، اینجیدیبدیر عالمی، گر بلای عشق ایله خوشنود ایسن، غوغا نه دیر؟