وَمَا تَوْفِيقِي إِلاَّ بِاللَّهِ 🕊️🤎
Открыть в Telegram
أهلاً بكم في قناة وما توفيقي إلا بالله دروس • مواعظ • خواطر إيمانية •نسعى لنصل وبالله التوفيق🌿 قناة (وَمَا تَوْفِيقِي إِلاَّ بِاللَّهِ )واتس: https://whatsapp.com/channel/0029Vb87ZqD2phHGBt2BAT1R ❀ أَمَّـةٌ تَـسْـعَـىٰ ❀💗
БольшеСтрана не указанаКатегория не указана
215
Подписчики
Нет данных24 часа
-47 дней
+330 дней
Архив постов
رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الْأَبْرَارِ.
أتمنى أكون قدرت ألخص أهم النقاط في الموضوع، وأكون جاوبت على الأسئلة اللي ممكن تيجي في بالكم
وبعتذر جدًا على الإطالة، بس الموضوع كان محتاج شوية تفصيل، وحبيت أوضحه من كل جوانبه قدر الإمكان
ولو عندكم أي سؤال تاني متعلق بالموضوع، ابعتوه لنا على القناة، وإن شاء الله أرد عليكم
ربنا يصلح بيوتنا، ويؤلف بين قلوبنا، ويرزقنا جميعًا الحكمة والعدل وحسن التعامل
ولو الأب ظلم الأم… الابن يعمل إيه؟الموقف ده من أصعب المواقف لأن الابن ممكن يبقى شايف أمه بتتوجع، وفي نفس الوقت ده أبوه بس أهم حاجة ما يحملش نفسه ذنب حاجة هو مش مسؤول عنها مش مطلوب منه يبقى حكم بينهم، ولا يحل مشاكلهم الزوجية، ولا يفضل طول الوقت في النص، هنا لازم يعرف إن تدخله ليه حدود لو شاف ظلم واضح، ما يسكتش لمجرد إن اللي قدامه أبوه، وفي نفس الوقت ما يدخلش بينهم بعصبية أو يحاول ياخد مكان الأب أو يفرض نفسه بالقوة لو يقدر يخفف الأذى أو يمنع موقف ظالم من غير ما يعرض نفسه أو أمه لمشكلة أكبر، يعمل ده بالحكمة لو أمه حكتله وهي متأذية❤️🩹 يسمعها ويهون عليها من غير ما يشحنها أكتر، ومن غير ما يخليها تحس إنها لوحدها ولو أبوه طلب منه يقف ضدهـا أو يساعده في حاجة فيها ظلم، ما يدخلش في ده ، ويقدر يقول بأدب "يا بابا أنا بحبك وبحترمك، بس مش قادر أكون طرف في حاجة تظلم ماما"
وفي نفس الوقت، ما يخليش غضبه من اللي حصل يخليه يقطع أبوه أو يهينه ، مش لازم تختار بين أبوك وأمك… لكن لازم تعرف إيه اللي ينفع تعمله، وإيه اللي مش مسؤوليتك. وبر الوالدين مش معناه إنك تشارك في ظلم أحدهما، وفي نفس الوقت حماية أحدهما مش معناها إنك تعق الآخرالخلاصة 🤍 مش مطلوب منك تختار بين أبوك وأمك… المطلوب تختار الحق تبر أباك، وتحترم أمك، وتمنع نفسك من الظلم، وتحاول الإصلاح قدر استطاعتك فالبر لا يعني إنك تقف مع الظالم، والدفاع عن المظلوم لا يعني إنك تعق الظالم
خليك مع الحق… وبالطريقة اللي ترضي ربنا والله المستعان يا صديقي ✍🏻❀ أَمَّـةٌ تَـسْـعَـىٰ ❀ 🤎🤎"
طيب لو الوالد بيظلم من غير سبب، ومتعمد يعمل كده لمجرد إنه عايز يضايق أو يريح نفسه؟ببساطة ده ظلم، ومش من حقه كونه أب مش معناه إن كل تصرفاته صح، ولو هو متعمد أذية ابنه من غير حق، فهو مسؤول عن ده قدام ربنا لكن الابن برضه ما يردش الظلم بظلم، ولا يشتم، ولا يهين، ولا ينتقم... يقدر يبعد عن الجدال وقت الغضب، ويحافظ على أدبه، ويطلب حقه، ويستعين بشخص كبير وحكيم لو الموضوع مستمر
يعني أبره، لكن ما أبررش ظلمهأحترمه، لكن ما أقولش إن الغلط صح لمجرد إنه أبويا
طيب وهل كل ظلم من الأب سببه ذنوبه؟هنا لازم ناخد بالنا جدًا👌 ماينفعش نقول عن أب بعينه "ربنا ابتلاه بكذا لأن ذنوبه هي السبب" لأننا لا نعلم الغيب، وقد يكون البلاء امتحانًا، وقد يكون نتيجة أخطاء وتقصير، وقد تتداخل أسباب كثيرة.... لكن الشيء المؤكد أن المعاصي تؤثر في القلب والسلوك، وإن الإنسان محتاج دائمًا يراجع نفسه ويتوب إلى الله فالآباء يسألوا أنفسهم هل غضبي بيخليني أظلم أولادي؟ هل بقارن بينهم؟ هل بسمع طرفًا واحدًا وأحكم؟ هل بعاقب وأنا غضبان؟ هل أفرق بينهم؟ هل بكسر نفس ابني بكلمة وأنا فاكر إنها "تربية"؟ والأب العاقل مش هو اللي عمره ما بيغلط… الأب العاقل هو اللي لما يعرف إنه ظلم، يرجع عن ظلمه ويعتذر والاعتذار من الابن لأبيه مش عيب
والاعتذار من الأب لابنه مش نقص في هيبتهبالعكس… ده من العدل والتقوى طيب يا والدي هل لأنك أب يبقى من حقك كل شيء؟!! لا أنت لك حق عظيم، وبرك واجب، والإحسان إليك من أعظم الطاعات… لكن ابنك له حق برضه زي ما انت طالب منه الاحترام، أعطيه الأمان زي ما انت طالب منه الصدق، كن صادقًا معه زي ما انت طالب منه إنه يسمعك اسمعه زي ما انت متحبش إنه يرفع صوته عليك، لا تجعل صوتك دائمًا سيفًا عليه لأن الطفل الذي تربى على الخوف قد يطيعك أمامك… لكن قلبه يبتعد عنك في داخله😢
والتربية مش معناها إن الابن يخاف من أبيه… التربية إن الابن يأمن إلى أبيه
طيب لو أبويا دايمًا بيظلمني، أعمل إيه؟أول حاجة ما تحولش المظلمة إلى مبرر لمعصية جديدة يعني كونك اتظلمت، مش معناه إن لك الحق تشتم، أو تسب، أو تهين، أو تنتقم بأي طريقة لأنك لو رديت الظلم بظلم، هتبقى المشكلة كبرت، وأنت نفسك دخلت في ذنب النبي ﷺ حذر من الظلم، ودعوة المظلوم لها شأن عظيم وقال ﷺ "اتق دعوة المظلوم، فإنها ليس بينها وبين الله حجاب" رواه البخاري فالأب يخاف الله في ابنه، والابن يخاف الله في أبيه الاتنين أمام ربنا الأب مسؤول عن أفعاله والابن مسؤول عن أفعاله ومفيش حد هيتحاسب بدل حد🫡
طيب هل لازم أحب أبويا رغم إنه ظلمني؟مشاعر الإنسان أحيانًا مش بإيده ممكن تكون موجوع، متأذي، ومش قادر تتجاوز اللي حصل. الإسلام مش بيطلب منك تمثل مشاعر مش موجودة🛑
لكن المطلوب منك ألا يتحول ألمك إلى عقوق وانتقامممكن تكون متألم… وبرضه بار ممكن تختلف… وبرضه مؤدب ممكن ترفض الظلم… وبرضه تقول "ربنا يهديه" ممكن تاخد مسافة وقت الغضب حتى لا تقول كلامًا تندم عليه… من غير ما تقطع رحمك أو تتحول إلى شخص مؤذي...
طيب لو أبويا ظلم أخويا… أدافع عن أخويا ولا أسكت عشان ده أبونا؟
تدافع عن الحق… لكن بالعدل
ربنا سبحانه وتعالي قال في سورة المائدة
﴿اعْدِلُوا هُوَ أَقْرَبُ لِلتَّقْوَى﴾
يعني حتى لو أنت متضايق من شخص، ما ينفعش ظلمك له يخليك تظلم الطرف الآخر
وفي المقابل، ما ينفعش حبك لأبيك يخليك تسكت عن ظلم واضح⁉️
ولو أنت تعرف الحقيقة، فمش من البر إنك تغيرها عشان ترضي حد
قول الحق بأدب، ومن غير تشهير، ومن غير فضيحة
ولو المشكلة أكبر من قدرتك على حلها، دخل شخص حكيم من أهل البيت أو شخص موثوق يستطيع الإصلاح بينكم
مش كل خلاف يتحل بالمواجهة، وأحيانًا الحكمة في إنك تختار الشخص والوقت والطريقة المناسبة بس كده
طيب لو أبويا أمرني بحاجة أنا شايفها ظلم؟مش كل أمر من الوالدين تلزم طاعته طاعة مطلقة الطاعة تكون في المعروف، أما المعصية فلا طاعة فيها قال النبي ﷺ "إنما الطاعة في المعروف" فلو طلب منك والدك شيء فيه معصية، أو ظلمًا لإنسان، أو اعتداءً على حق شخص آخر، فلا يجوز أن تطيعه في ذلك، لكن تظل مخاطبًا بالأدب والبر وهنا لازم نفهم قاعدة مهمة جدًا رفض الأمر الخطأ لا يساوي رفض الأب ممكن ترفض الفعل، مع بقاء الاحترام للأب
يا شباب انا اتكلمت عن الموضوع ده بالتفصيل ورديت علي كل سؤال في بالك لو مستعد نكمل انا معاكم إن شاء الله ..
ولو كان الظلم مستمرًا ومؤذي فالدفاع عن نفسك لا يعني إنك لازم تواجه لوحدك أو تتحمل فوق طاقتك اطلب مساعدة شخص بالغ موثوق من العائلة أو من أهل العلم والإصلاح بحسب طبيعة المشكلة!!
أنت مش مسؤول إنك تغير قلب أبوك في لحظة… أنت مسؤول عن الطريقة اللي هتتعامل بيها مع الموقف فاهمني؟!
فلو قلت الحق بأدب ولم يقبل، متقولش
"خلاص، بما إنه مش سامعني يبقى أشتمه وأعصيه"
لا اثبت على الأدب، واطلب حقك بالطرق الصحيحة، واترك هداية القلوب لله
وفي نفس الوقت، برك بأبيك لا يعني إنك توافق على الظلم أو تكذب عشانه أو تظلم نفسك وغيرك...
البر له حدود، والظلم له حرمة، والعدل مطلوب من الجميع👌🏻
وربنا سبحانه وتعالى قال
﴿وَقُولُوا لِلنَّاسِ حُسْنًا﴾
وبر الوالدين مستمر حتى عند الاختلاف
بل قال سبحانه وتعالي في سورة لقمان عن الوالدين في موقف شديد جدًا، لو طلبا من ابنهما الشرك بالله
﴿فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفًا﴾
تأملها كده…
لا تطعهما في الخطأ، ومع ذلك صاحبهما بالمعروفيعني ممكن تقول لا لشيء غلط، من غير ما تقولها بطريقة فيها إهانة
طيب أنا كابن أعمل إيه؟ أواجه أبويا؟هنا لازم نفرق بين حاجتين📌 الدفاع عن حقك… والعقوق مش كل رفض يعتبر عقوق، ومش كل سكوت يعتبر برًّا ممكن تدافع عن نفسك من غير شتيمة، من غير رفع صوت، من غير إهانة، ومن غير انتقام يعني بدل "انت دايمًا ظالمني ومش بتفهم!" تقول "يا بابا أنا بحترمك ومش عايز أعصيك، لكن الموقف ده ظلمني، وأنا محتاج أوضحلك اللي حصل" ممكن حد يقول
"طب لو كلمته كده، هو هيقتنع ويسكت يعني🤓؟؟!لا مش بالضرورة إحنا مش بنقول إن الكلام الهادئ هيخلي كل أب يقتنع فورًا، ولا إن كل مشكلة هتتحل من أول مرة ممكن تتكلم بأدب… وهو برضه يرفض يسمعك ممكن توضح الحقيقة… وهو يفضل مقتنع برأيه وممكن تحاول مرة واتنين… والمشكلة تفضل موجودة لكن الفرق إنك تكون عملت اللي عليك من غير ما تخسر دينك وأدبك لو ما اقتنعش ما تحولش الحوار لخناقة ولو زاد غضبه، اختار وقت آخر ولو الموضوع أكبر منك، استعين بشخص حكيم يحب والدك ويثق فيه، يوصله وجهة نظرك من غير ما يحول الموضوع لمعركة
لما الأب يظلم ابنه… هل بر الوالدين يعني إن الابن يسكت على الظلم؟من أكتر الحاجات اللي بتوجع إننا أحيانًا نسمع جملة "ده أبوك، مهما عمل لازم تسمعه وتطيعه" طيب… هل فعلًا مهما عمل؟ هل لو الأب ظلم ابنه، أو اتهمه من غير حق، أو أكل حقه، أو فرق بين أولاده، أو أهان كرامته… يبقى الابن مطالب يسكت عن كل ده عشان مايبقاش عاق؟ لا
الدين مش جه عشان يظلم حد، ولا جعل بر الوالدين تصريحًا للوالد إنه يظلم ابنه بلا حسابربنا سبحانه وتعالى قال ﴿يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ وَالْأَقْرَبِينَ﴾ شوف جمال الآية… ربنا ماقالش "اعدلوا إلا لو الموضوع متعلق بأبوك وأمك" لا قال ﴿وَلَوْ عَلَى الْوَالِدَيْنِ﴾. يعني الحق حق… حتى لو الطرف الآخر هو أقرب الناس ليك فلو الأب ظلم، فالظلم ظلم، حتى لو الظالم أبًا، والحق حق حتى لو صاحب الحق ابنه والنبي ﷺ قال «اتقوا الظلم، فإن الظلم ظلمات يوم القيامة» رواه مسلم فكون الإنسان أب لا يجعله معصومًا من الخطأ، ولا يجعل الظلم حلالًا له
لو تعاملت مع الخبيث بخُبث،
ومع الكذّاب بالكذب،
ومع الخائن بالغدر... ومع كل سيّئ بالسوء...
لاجتمعت فيك كلُّ الصفات السيئة، وأصبحتَ أسوأَ منهم!
فكُن أنت كما أنت... فلا يصحُّ إلّا الصحيح .
غارق في نعم ربّه..
لكنه كنود لا يرى إلا ما ينقصه!!
إِنَّ الْإِنسَانَ لِرَبِّهِ لَكَنُودٌ.❤️🩹
الفكرة دي مش صحيحة، لأن الدعاء مش مرتبط بس بإن الحاجة لسه ما اتحققتش الدعاء نفسه عبادة، وربنا يحب من عبده إنه يلح عليه ويفضل يسأله..الخلاصة 📌 مش غلط تحس إنها أحزن لحظات، لكن فكرة إن الدعوة مبقاش ليها لزوم لمجرد إنك حاسس إنها خلصت أو إنك مش محتاجها زي الأول، دي مش صحيحة🛑 الدعاء عبادة في حد ذاته، وربنا قال: ﴿ادْعُونِي أَسْتَجِبْ لَكُمْ﴾، والنبي ﷺ قال: "لا يزال يُستجاب للعبد ما لم يدعُ بإثم أو قطيعة رحم"
فاسأل ربنا حتى لو ما عدتش عارف أنت محتاج إيه، يمكن الدعوة نفسها تكون سبب خير ليك، ويمكن ربنا يبدل حالك ويكتب لك بيها خير أكبر مما تتمنى أتمني تكون وصلت والله المستعان 🤎🤎🤎🤎🤎🦋)).
