- فلِاشٰ ٬ باكِ 🏷️ఌ︎ .

- ساعات الإنسان بيبقى مش قادر يفهم هو حاسس بإيه بالظبط ، مش حزن ولا فرح ولا حتى زعل يقدر يطلّعه ويخلص منه ، بيبقى مجرد تكتّل مشاعر متداخلة ، تقيلة لدرجة إنها بتسحب منه أي قدرة على الفهم أو حتى التعبير ودا مش بيكون ناتج عن حدث كبير دي بتكون تراكمات ، واحيانا الإنسان ظاهريًا مش بيبان عليه لكن من جواه دوشه مش بتسكت ، و أفكار تيجي وتروح ، ذكريات تتعاد عليك من غير استئذان ، وإحساس غريب زي إنك تكون واقف في نص حاجة مش قادر تكمّلها ولا ترجع منها وأكتر حاجة بتتعب إنك تبقى عارف إنك لازم تتحرك ، لازم تتكلم ، لازم تفهم اللي جواك ، بس انت مش قادر ، كأن في حاجة سحبت منك القدرة دي من غير ما تحس ساعتها بتحس إنك تايه ، كأنك موجود بس مش حاضر ، وكل اللي بتتمناه إن الضباب اللي جواك يهدى شوية ، عشان تكون قادر تمشي باقي الطريق .