ما بعد التخرج - د.خالد خاطر

الindex الحدود الدنيا لحركة نيابات 2026 https://t.me/Dr_khaled_khater/2 تحليل احصائي لنتائج حركة النيابات 2026 https://t.me/Dr_khaled_khater/3 خريطة طريق التكليف للدفعة الي هتخلص امتياز في 28/2 https://t.me/Dr_khaled_khater/24 كل ما يتعلق بالتأمين القديم في فايل واحد https://t.me/Dr_khaled_khater/26 مقارنة نظام الترقيات في الجهات الخمسة داخل مصر https://t.me/Dr_khaled_khater/36 تخصص الNephrology https://t.me/Dr_khaled_khater/18 تخصص الجهاز الهضمي باطنة https://t.me/Dr_khaled_khater/19 تخصص الكارديو https://t.me/Dr_khaled_khater/20 تخصص الشيست https://t.me/Dr_khaled_khater/21 تفريغ ٥٦ بودكاست تجارب شخصية مع تراك الUSMLE من البداية و حتي الMatch بشكل مرتب و منظم حسب الTopics https://t.me/Dr_khaled_khater/37 تفريغ لقاءات دكتور محمد بشير حول مستجدات السفر للأطباء حول العالم https://t.me/Dr_khaled_khater/42 تفريغ و تجميع لكل نصائح الدكتور ممدوح محفوظ - رحمة الله عليه - https://t.me/Dr_khaled_khater/43

الي بيضحك و يتريق عالكلام شوف الفايل ده كدا يا حبيبي

٣ دول عربية في ٣ مراحل مختلفة من أوضاع الأطباء الاردن : - جامعات حكومية - جامعات خاصة - جامعات أهلية - جامعات عسكرية - كثير من الطلاب العائدين من الدراسة بالخارج - عدد ضخم من خريجين كلية طب - فرص التخصص بعد التخرج قليلة جدا - بقي موجود نظام نيابة بدون مرتب - أو نظام نيابة انتا الي بتدفع ليها فلوس - و اخيرا الحكومي لعدد قليل جدا من درجات عالية جدا - المحصلة الاردني بيبيع الي وراه والي قدامه علشان يسافر ألمانيا او امريكا او ياخد تخصص في مصر مصر : - جامعات حكومية - جامعات خاصة - جامعات أهلية - جامعات دولية - جامعات باتفاقيات خاصة - العائدون من روسيا و أوكرانيا و السودان - عدد خريجين بيتضخم كل سنة عن الي قبلها - فرص التخصص بتقل كل سنة عن الي قبلها - توسع في برامج التدريب المدفوعة زي البورد العربي و العسكري و ماستر الجامعات الخاصة - محاولة تطبيق التأمين الصحي الشامل غير منظومة التدريب و لكن توقف المشروع لضعف التمويل خلي الدنيا ترجع للوضع القديم و مع استعادة التمويل رجعنا لاحتياج تخصصات معينة - كتير من مقاعد التدريب بتروح للوافدين لتوفير الدولار للبلد - المحصلة أن كتير من المصريين سافر بريطانيا لحد ما بريطانيا تشبعت و البعض بيروح امريكا و ألمانيا و كله عايز يسافر السعودية : - جامعات حكومية - جامعات خاصة - جامعات غير هادفة للربح - جامعات عسكرية - بعض الطلاب العائدين من الدراسة بالخارج - عدد خريجين الطلب مازال لا يكافئ احتياج السوق - فرص التخصص بعد اتحول لمنظومة الصحة القابضة "خصخصة الحكومي" و التأمين الشامل بقت صعبة جدا - المحصلة السعودي عايز يذاكر usmle و يروح امريكا او اي دولة أخري و يرجع بعد التخصص خلاصة الخلاصات :- مقاعد التدريب في كل دول العالم أصبحت و ستصبح أمر صعب جدا يحتاج الي مجهود ضخم و تنافسية عالية أو أموال كثيرة حتي تحصل عليها خلاصة أخري مهمة :- الpattern واضح كل الدول بتقلد بعض ما حدث في الاردن مسألة وقت و هينتقل الي مصر بشكل كامل ثم السعودية بعد ذلك و المطلوب أن الي يجيله فرصة تدريب يمسك فيها بايده و سنانه

علشان محدش يتخض الفايل الاندكس بتاعه 16 صفحة و هو شخصيا 400 صفحة و ده المجهود الbasic لاي حد ناوي ياخد تراك USMLE

بإختصار شديد جدا اي حد ناوي علي تراك المانيا قدامك سنتين تلاتة علي الاكثر و هيكون مصيرها زي بريطانيا انتا في سباق مع الزمن علشان تلحق انتا مش حمل اي كسل في الوقت الحالي و قد يراني البعض متفائل جدا بهذا القول كمان شد حيلك !

و مهما اخترت اسأل الاتنين اللي نجحوا و اللي رجعوا و اسمع منهم بنفس الجدية و بعدها اقعد لوحدك و اكتب على ورقة انت مستعد تدفع إيه بالظبط و اللي مش قادر تدفعه احذفه من حساباتك من دلوقتي القرار اللي بيتاخد و انت فاهم بيتعب لكنه ما بيندّمش المصادر كلها في أول كومنت

المبلغ حوالي 1,027 يورو عن كل شهر يعني حوالي 12,324 يورو للسنة و بعض السفارات لسه بتقبل الرقم القديم 934 يورو شهريًا يعني حوالي 11,200 يورو و في فيزا الاعتراف بالمؤهل الرقم بيوصل حوالي 13,100 يورو البديل الوحيد هو ورقة ضمان من شخص مقيم في ألمانيا و شغال شغل ثابت يتعهد بمصاريفك الخطوة 5 — الفيزا و الطيران بعد ما تقدّم الانتظار من شهر لـ 3 شهور حسب زحمة السفارة تذكرة الطيران حاليًا في حدود 16,000 لـ 20,000 جنيه حسب الموسم الخطوة 6 — امتحان اللغة الطبية بعد ما توصل اسمه فاخ-شبراخ-بروفونج — Fachsprachprüfung و اختصاره FSP سعره بين 350 و 700 يورو حسب الولاية مستواه C1 و هو 3 أجزاء محادثة مع مريض و كتابة تقرير طبي و مناقشة الحالة مع الاستشاري الكورس التحضيري اختياري و بين 800 و 2,000 يورو و في بديل مجاني اسمه هوسبيتاتسيون — Hospitation و هو تدريب مشاهدة في مستشفى ببلاش بتتعلم منه نظام الشغل و لغتك بتتحسن جوه أسرع من أي كورس و دي أهم نصيحة في القسم ده كله ما تسافرش و انت مش شبه ضامن إنك هتنجح في الـ FSP من أول مرة لأن الرسوب معناه انتظار 3 لـ 6 شهور لموعد تاني و انت قاعد بتصرف بدون شغل الخطوة 7 — التصريح المؤقت ثم الترخيص الدائم بعد النجاح في الـ FSP تاخد التصريح المؤقت — بيروفس-إرلاوبنِس — Berufserlaubnis مدته سنتين و تشتغل بيه في نفس الولاية و خلال السنتين دول بتختار يا إما تقييم خبير لملفك — جوتاختِن — Gutachten و تكلفته 1,200 يورو على الأقل و تستنى النتيجة و انت ممكن تكون مش شغال يا إما امتحان المعرفة — كِنتنِس-بروفونج — Kenntnisprüfung و تكلفته بين 500 و 1,350 يورو حسب الولاية و ده الاختيار اللي الأغلبية بتعمله و هو نفس الرقم اللي شفناه فوق في التقرير الرسمي 80% المرتب و المعيشة أول مرتب بيبدأ من حوالي 3,400 يورو صافي في إيدك بعد الضرايب و التأمينات الشيفت الإضافي ممكن يضيف حوالي 200 يورو مصاريف المعيشة كأعزب بين 700 و 1,100 يورو في الشهر و نصهم إيجار و في فترة الانتظار قبل الشغل مسموح لك بشغل جزئي — ميني-جوب — Minijob حوالي 10 ساعات في الأسبوع بدخل حوالي 600 يورو يخفف عليك السحب من حسابك الحد الأدنى اللي لازم يكون معاك الرقم اللي بيتقال في التقديرات المتخصصة إن أقل مبلغ واقعي هو حوالي 15,000 يورو و هو الحساب المغلق زائد 2,500 يورو مصاريف إجراءات و سفر و يفضّل معاك احتياطي إضافي 2,000 لـ 3,000 يورو لأي تعثّر و الرقم ده بيزيد كل ما مستواك اللغوي وقت الوصول يكون أضعف و كل ما خطتك تكون أقل وضوحًا بالعربي كده كل ما تخلص لغة أكتر في مصر كل ما فاتورة ألمانيا تقل لأن كل شهر بتقعده هناك من غير شغل بيتخصم من نفس المبلغ ━━━━━━━━━━━━━━━ طيب انت طبيب امتياز دلوقتي تعمل إيه اللغة الأول و قبل أي حاجة تانية ابدأ من النهاردة مش بعد ما تخلص الامتياز و مش لما الأمور تستقر مستوى A1 و A2 ممكن تخلصهم و انت لسه في الامتياز و ده أذكى استثمار وقت هتعمله اجمع أوراقك و انت لسه جوه الكلية المحتوي العلمي بتاع الكلية بالساعات و المواد أسهل 100 مرة تطلبه و انت لسه اسمك في النظام اسأل عن السوابق قبل ما تختار الولاية دوّر على تقرير نموذجي سابق لجامعتك و ابعت سؤال مكتوب لمكتب الترخيص اختار الولاية بالأرقام مش بالصور المدن اللي محتاجاك هي اللي هتردلك بسرعة و هي اللي فيها وظايف تدريب فاضية اعرف حقك القانوني إن فحص الأوراق أولًا مش اختياري و لو حد عرض عليك تتنازل عنه اسأل و اقرا الأول قبل ما توقّع اسأل عن شراكة الاعتراف — أنإركينونجس-بارتنرشافت — Anerkennungspartnerschaft اللي بتسمحلك تشتغل و تكمّل أوراقك و انت جوه بدل ما تقعد سنتين برّه مستني مظروف و اتفاوض على احتساب سنين خبرتك من أول مقابلة عمل ده بيتحدد بالتفاوض و بتقدير نقابة الولاية مش تلقائي و مش موحّد و لما تختار التخصص افتكر إن الباب اللي هتدخل منه غير الباب اللي هتستقر فيه ابدأ في تخصص مصنّف مهنة عجز و انت مطمّن إن ده أسرع طريق للوظيفة و بعدها انقل لو حبيت و لو مصمم على تخصص فرصه ضيقة زي الجلدية اعرف إن الوظيفة هناك بتفضل شاغرة 142 يوم مش لأن محدش عايزها لكن لأن المستشفى بتختار من كوم متقدمين فحضّر نفسك على أساس إنك بتنافس مش بتسدّ عجز و اسأل عن كل بند في العقد قبل ما توقّع لأن المستشفى اللي قدامك في الغالب خسرانة و بتحسب كل يورو ━━━━━━━━━━━━━━━ و في الآخر الطريق ده مش مقفول و مش مفروش هو طريق فيه احتياج حقيقي و إدارة متعبة و ناس قدرت و ناس اتكسرت و الفرق بينهم في الغالب مش الذكاء الفرق إن حد منهم عرف الخريطة قبل ما يمشي و حد مشي و بعدين اكتشف انت بتقرا دلوقتي معلومات ناس كتير دفعت تمنها سنين استخدمها

66% من المستشفيات العامة سجّلت خسارة في سنة 2024 و كانت 61% في 2023 و 70% متوقعين خسارة تانية في 2025 و اللي حققوا ربح نزلوا من 30% لـ 23% طب و انا مالي بميزانية المستشفى ؟ مالك كتير لأن ده بيفسّر ليه بعض المستشفيات بتماطل في المرتب لصاحب التصريح المؤقت و بتتحجج بإن تصريحه مقيّد و بيفسّر ليه المستشفيات الصغيرة في الريف اللي محتاجاك أكتر هي كمان الأضعف ماليًا فمش دايمًا هتلاقي عندها دعم لكورسات أو سكن أو مرونة و بيفسّر ليه المفاوضة على العقد مهمة و ليه لازم تسأل عن كل بند مكتوب قبل ما توقّع ━━━━━━━━━━━━━━━ و في تغيير في شكل مهنة الطب في ألمانيا نفسها دي معلومة محدش بيتكلم فيها و هي بتفسّر لغز محيّر اللغز إن عدد الأطباء في ألمانيا بيزيد كل سنة و مع ذلك النقص مستمر و بيزيد الإجابة إن شكل الشغل نفسه اتغيّر الأطباء الموظفين في القطاع الخارجي كانوا 10,406 سنة 2007 بقوا 64,341 سنة 2024 يعني 6 أضعاف و في المقابل أصحاب العيادات المستقلين بينزلوا كل سنة و المستشفيات بقت تشغّل مراكز رعاية خارجية تابعة ليها — ميديتسينيشِس فيرزورجونجس-تسنتروم — MVZ و المتوسط إن كل مركز فيه 10.2 طبيب و 95% منهم موظفين بعقود مش شركاء و الرقم اللي يوقّف الواحد إن 76% من أطباء المراكز دي بيشتغلوا بدوام جزئي — تايل-تسايت — Teilzeit يعني عدد الرؤوس بيزيد بس ساعات العمل الفعلية مش بتزيد بنفس النسبة و ده أهم سطر في القسم ده لما تشوف رقم 437 ألف طبيب و تقول أومال فين النقص الإجابة إن جزء كبير من الزيادة دي دوام جزئي و ليه ده يخصك انت شخصيًا ؟ لأنه بيقولك حاجتين الأولى إن الطلب على حد مستعد يشتغل دوام كامل و يشيل ورديات أعلى من اللي الأرقام الإجمالية بتوحي بيه و دي نقطة قوة ليك في التفاوض و التانية إن النموذج ده هيبقى متاح ليك انت كمان بعد ما تستقر يعني الشغل في ألمانيا مش لازم يكون 24 ساعة طول العمر ━━━━━━━━━━━━━━━ احنا فين من كل ده عدد الأطباء المصريين الشغالين في ألمانيا 1,763 سوريا 6,583 الأردن 1,252 المغرب 959 و زادوا 26% في سنة واحدة الجزائر 639 و زادوا 49% تركيا 2,863 و زادوا 22% احنا زدنا 4% مش لأن الباب مقفول في وشنا احنا بس هو مقفول جزئيًا على الكل نفس التقرير و نفس المكتب و نفس الـ 13 موظف الفرق إن ناس تانية بتتحرك بمعلومات و احنا بنتحرك بسماع ━━━━━━━━━━━━━━━ و في حاجة كمان محدش بيقولها في نفس السنة اللي دخل فيها 4,335 طبيب أجنبي جديد ألمانيا كان فيه 2,197 طبيب سايبين ألمانيا و مسافرين منهم 675 راحوا سويسرا و 331 راحوا النمسا و 103 راحوا أمريكا يعني حتى الألمان نفسهم بيسيبوا و بيدوروا على أحسن خد الفكرة دي معاك لأنها هتفيدك بعدين ما فيش محطة نهائية فيه بس محطة مناسبة لمرحلة معينة من عمرك ━━━━━━━━━━━━━━━ اللي جاي ممكن يكون أصعب في يوليو 2024 المجلس الاتحادي للولايات — بوندِس-رات — Bundesrat أصدر قرار رسمي بيطالب فيه إن الامتحان يبقى هو القاعدة و فحص الأوراق يبقى هو الاستثناء يعني يعدّلوا القانون علشان يشرّعوا الوضع القايم بدل ما يصلحوه نقابة ماربورجر بوند رافضة و قايلة إن ده مش تسريع ده تغطية على فشل إداري و مقترحة بدايل واقعية تجميع القرار كله في جهة مركزية واحدة بدل 16 مكتب و قبول الأوراق بالإنجليزي من غير ترجمة أصلًا و توحيد الامتحان و نسب النجاح بين الولايات و الجميل في اقتراحاتهم إنها مش محتاجة تعديل قانون الولايات تقدر تنفذها بكرة لو حبت و لغاية ما ده يحصل انت اللي بتدفع الفرق ━━━━━━━━━━━━━━━ الخريطة العملية بالخطوات و التكاليف لغاية هنا احنا اتكلمنا في القانون و الأرقام تعالى بقى نتكلم في الفلوس و الترتيب لأن ده اللي بيوقع الناس فعليًا الخطوة 1 — اللغة و انت لسه في مصر تبدأ من الصفر لحد مستوى B2 و ده 4 مستويات A1 و A2 و B1 و B2 المستوى الواحد في المعاهد الكبيرة بين 10,000 و 15,000 جنيه يعني الأربعة بين 40,000 و 60,000 جنيه و بعدها امتحان معتمد إما جوته و حوالي 9,500 جنيه أو telc و حوالي 12,000 جنيه لو مركز ممكن تخلص السنة دي في سنة أو أقل الخطوة 2 — الورق و التوثيق توثيق من الخارجية المصرية ثم ترجمة عند مترجم معتمد من السفارة الألمانية ثم تصديق نهائي من السفارة عن طريق شركة وسيطة الأوراق شهادة التخرج و الامتياز و كشف الدرجات و ترخيص مزاولة المهنة و المحتوي العلمي بتاع الكلية التكلفة بين 15,000 و 25,000 جنيه حسب عدد الورق و سعر المترجم الخطوة 3 — إرسال الملف و انتظار القرار تختار ولاية من 16 و تبعت الملف الرد بيجي في شهرين لحد 6 شهور حسب الولاية و بيوصلك القرار الرسمي — بيشايد — Bescheid و فيه النواقص و إذن حجز امتحان اللغة الطبية الخطوة 4 — الحساب البنكي المغلق اسمه شبير-كونتو — Sperrkonto و هو إلزامي

المخ و الأعصاب 10,070 و الطلب متزايد و خلي بالك ده تخصص منفصل عن النفسية التخصصات الجراحية فرص كويسة في الجراحة العامة و العظام و جراحة الحوادث فرص أقل في الأوعية الدموية و المسالك فرص أقل بكتير في العيون و الأنف و الأذن فرص نادرة في المخ و الأعصاب و القلب و الصدر و التجميل تخصصات فرصها ضيقة جدًا لطبيب جديد القلب و القسطرة و الأورام و الكلى و الأشعة و الباثولوجي و المعامل و على رأسهم كلهم الجلدية و القاعدة العامة اللي تمشي عليها لو التخصص ده صعب في كل بلاد الدنيا يبقى صعب في ألمانيا كمان مفيش استثناء و في 3 معلومات هتريحك من قلق كتير تقديرك في الكلية مالوش أي تأثير لا على قبولك و لا على اختيار تخصصك مفيش نظام ماتشينج انت بتقدّم على الوظيفة اللي انت عايزها للمستشفى مباشرة الأخصائي و حامل الدكتوراه و الزمالة بيعملوا نفس الخطوات بالظبط لأن دي طريقة الحصول على الترخيص أصلًا مش تقييم لمستواك ━━━━━━━━━━━━━━━ كام مقعد تخصص في السنة ؟ السؤال ده إجابته مش زي ما انت متخيل أول حاجة لازم تفهمها إن ألمانيا مفيهاش نظام مقاعد تخصص بالشكل اللي احنا عارفينه مفيش ماتش و مفيش عدد محدد بيتعلن كل سنة و مفيش جهة مركزية بتوزّع اللي بيحصل إنك بتتوظف كطبيب مقيم في مستشفى معتمد و رئيس القسم عنده تصريح تدريب — فايتر-بيلدونجس-بيفوجنِس — Weiterbildungsbefugnis بعدد سنين محدد و التدريب بيتحسب من يوم ما تتعيّن يعني كل وظيفة شاغرة هي في حد ذاتها مقعد تخصص و ده أكبر فرق بين ألمانيا و أمريكا طب نقدر نعرف حجم التدريب إزاي ؟ مكتب الإحصاء الاتحادي الألماني بينشر إحصائية سنوية للمستشفيات اسمها Grunddaten der Krankenhäuser و فيها جدول بيقسّم أطباء المستشفيات لاتنين اللي معاهم شهادة تخصص و اللي لسه من غير و دي الأرقام الرسمية إجمالي أطباء المستشفيات في ألمانيا 203,286 منهم معاهم شهادة تخصص خلاص 114,483 و منهم 88,803 من غير شهادة تخصص الرقم الأخير ده هو القاعدة التدريبية الحقيقية يعني دول الأطباء اللي قاعدين دلوقتي في الأقسام بيتدربوا فعلًا و علشان تحس بحجم الحركة أطباء المستشفيات في ألمانيا كانوا 109,072 سنة 1991 و بقوا 203,286 يعني قربوا يتضاعفوا في 30 سنة نحسب منها الرقم السنوي إزاي متوسط مدة التخصص هناك بين 5 و 6 سنين فلو قسمنا القاعدة على المدة دي يطلع إن اللي بيدخلوا التدريب سنويًا حوالي 15,000 إلى 18,000 طبيب و الرقم ده متسق تمامًا مع رقم اللي بيخلّصوا التخصص فعليًا و هو 15,378 في سنة 2024 يعني الخلاصة إن ألمانيا بتستوعب في التدريب حوالي 16 ألف طبيب جديد كل سنة بدون كوتة و بدون ماتش و بدون عدد معلن و للأمانة العلمية إحصائية المستشفيات دي بتاعة سنة 2021 و النقابة الاتحادية بتقول إن العدد سنة 2024 وصل 101,725 طبيب من غير تخصص شغالين في المستشفيات يعني القاعدة بتكبر مش بتصغر و لو عايز تعرف الأقسام الكبيرة اللي فيها وظايف كتير دي أعداد الأخصائيين الشغالين جوه المستشفيات التخدير 19,657 و هو أكبر قسم في المستشفيات الألمانية الباطنة العامة 14,134 و معاها فروعها القلب 4,896 و الجهاز الهضمي 2,245 و الأورام 1,465 و الصدر 1,248 العظام و الحوادث 10,552 الجراحة العامة 6,232 النسا و التوليد 6,127 الطب النفسي 5,598 المخ و الأعصاب 4,971 الأطفال 4,843 الأشعة 4,016 المسالك 2,858 بص على الأرقام دي كويس هي بتقولك فين الأقسام الكبيرة اللي بتوظف باستمرار و فين الأقسام الصغيرة اللي بتفتح وظيفة كل كام سنة ━━━━━━━━━━━━━━━ قانون جديد بيخلي طلب الأخصائيين إلزام مش رغبة في حاجة جديدة بدأت في ألمانيا لازم تعرفها لأنها هتشكّل سوق الشغل في السنين الجاية النظام الجديد بيقسّم الخدمات الطبية لحاجة اسمها مجموعات الخدمات — لايستونجس-جروبن — Leistungsgruppen و بيقول إن المستشفى مش مسموح لها تقدّم خدمة معينة إلا لو مثبتة إن عندها أخصائيين بأسماء تخصصات محددة بالنص في القانون يعني قبل كده كان المستشفى بتحب توظف أخصائي دلوقتي بقت ملزمة قانونًا توظفه و إلا الخدمة نفسها بتتشال منها و النقابة الاتحادية أصدرت في أبريل 2026 جدول رسمي بيحدد أي مسمى تخصص قديم أو مسمى من ولاية معينة يتحسب مكافئ لأي مسمى في اللائحة الجديدة علشان المستشفيات تعرف تثبت إنها مستوفية الشرط و علشان الأمانة الجدول ده خاص بالمسميات الألمانية القديمة و الجديدة بس و مالوش أي علاقة بالشهادات الأجنبية و مكتوب فيه صراحة إن استخدامه محصور في إثبات المتطلبات الوظيفية لمجموعات الخدمات بس اللي يهمنا منه إن الرسالة واضحة قيمة اللقب التخصصي في ألمانيا بقت أعلى من أي وقت و ده بيفسّر أرقام تحليل نقص العمالة اللي شفناها فوق ━━━━━━━━━━━━━━━ المستشفى اللي هتشتغل فيها مش مبسوطة ماديًا و ده يخصك معهد المستشفيات الألماني بينشر كل سنة استبيان تمثيلي على المستشفيات و دي نتايج آخر إصدارين

النقابة الاتحادية بتنشر رقم اسمه كثافة الأطباء — أرتست-ديشتِه — Arztdichte يعني كل طبيب شغال بيخدم كام مواطن و ده أدق مؤشر على فين اللي محتاجك فعلًا كل ما الرقم يكبر كل ما الاحتياج يزيد براندنبورج 237 ساكسونيا السفلى 226 ساكسونيا أنهالت 211 تورينجن 210 راينلاند بفالتس 204 و في الناحية التانية هامبورج 124 برلين 146 بريمن 156 الرسالة واضحة المدن الكبيرة اللي كل الناس بتحلم بيها هي أقل الأماكن احتياجًا و أكتر الأماكن ازدحامًا بالمتقدمين و الولايات الشرقية و الريفية هي اللي فاتحة دراعها و لو عايز تعرف التخصصات اللي فيها كتلة كبيرة و بالتالي وظايف كتير الباطنة 63,368 و طب الأسرة 45,373 و الجراحة 41,839 و التخدير 28,146 و النسا 19,736 و الأطفال 17,195 و النفسية 13,208 و الأشعة 10,139 و المخ و الأعصاب 10,070 ━━━━━━━━━━━━━━━ الرقم اللي هيغيّر فهمك للموضوع كله لغاية دلوقتي احنا بنقول إن ألمانيا محتاجة أطباء الجملة دي مش دقيقة و أنا هوريك ليه بالأرقام الرسمية وكالة العمل الاتحادية بتنشر كل سنة تحليل اسمه تحليل نقص العمالة — فاخ-كريفته-إنجباس-أناليزه — Fachkräfteengpassanalyse و بتقيس فيه حاجتين لكل مهنة الأولى مدة بقاء الوظيفة شاغرة — فاكانتس-تسايت — Vakanzzeit يعني الوظيفة بتفضل فاضية كام يوم لحد ما تلاقي حد و التانية عدد الباحثين عن عمل لكل 100 وظيفة معلنة و كل ما الرقم ده يصغر كل ما النقص يكون أشد و بناء على الاتنين بتصنّف المهنة إما مهنة عجز — إنجباس-بيروف — Engpassberuf أو تحت المراقبة و دي أرقام سنة 2025 المخ و الأعصاب و النفسية — 68 يوم — 1.4 باحث لكل 100 وظيفة — مهنة عجز أطباء تخصصات أخرى — 80 يوم — 1.5 — مهنة عجز الباطنة — 90 يوم — 3.3 — مهنة عجز التخدير — 107 يوم — 4.5 — مهنة عجز الأطفال — 84 يوم — 5.8 — مهنة عجز الجراحة — 93 يوم — 6.8 — مهنة عجز الجلدية و العيون و الأنف و الأذن — 142 يوم — 7.7 — تحت المراقبة طبيب من غير تخصص — 79 يوم — 9.5 — تحت المراقبة و علشان تقرا الأرقام دي صح متوسط كل المهن في ألمانيا هو 70 يوم و 4.5 باحث لكل 100 وظيفة بص على السطر الأخير كويس فئة الطبيب من غير تخصص يعني انت لما تنزل ألمانيا هي الفئة الوحيدة اللي فيها 9.5 باحث لكل 100 وظيفة يعني ضعف المتوسط الألماني و هي مش مصنّفة مهنة عجز و علشان تشوف الحكاية كاملة خد التطور بتاعها بالسنين 2019 مهنة عجز و النسبة 5.4 2020 مهنة عجز و النسبة 6.1 2021 مهنة عجز و النسبة 6.5 2022 مهنة عجز و النسبة 7.1 2023 نزلت لتحت المراقبة و النسبة 8.9 2024 تحت المراقبة و النسبة 10.1 2025 تحت المراقبة و النسبة 9.5 يعني بالبلدي كده مستوى الدخول اتزحم و اتزحم في نفس التوقيت اللي كانت فيه موجة الأطباء الأجانب بتوصل ذروتها و ده مش معناه إن الباب اتقفل أبدًا 79 يوم لسه فترة طويلة و لسه فيه وظايف معناه إن ألمانيا مش محتاجة أطباء هي محتاجة أخصائيين و انت داخل من الباب المزدحم علشان توصل للباب الفاضي و في تصحيح مهم لكلام بيتقال كتير في الجروبات الناس بتقول إن التخدير من أشد التخصصات نقصًا الأرقام بتقول إن ده نص الحقيقة التخدير عنده أطول مدة شغور تقريبًا 107 يوم يعني فعلًا صعب يملوا الوظيفة بس المنافسة فيه 4.5 يعني بالظبط متوسط ألمانيا مش أقل أشد نقص حقيقي بالأرقام هو النفسية و المخ و الأعصاب بفارق كبير عن الكل 1.4 باحث لكل 100 وظيفة و التخصص اللي أطول شغور على الإطلاق 142 يوم هو الجلدية و العيون و الأنف و الأذن و مع ذلك مش مصنّف مهنة عجز لأن عدد المتقدمين عليه كبير يعني الوظيفة بتفضل فاضية مش لأن محدش عايزها لكن لأن المستشفى بتختار براحتها ━━━━━━━━━━━━━━━ أنهي تخصص أدخل فيه ؟ اتكلم بالأرقام مش بالأمنيات القاعدة اللي محدش بيقولهالك بصراحة إن انت في أول سنتين مش بتختار التخصص انت بتختار الوظيفة اللي هتقبلك و بعد ما تقرا أرقام تحليل نقص العمالة اللي فوق تبقى فاهم ليه و بعد ما تاخد الترخيص الدائم — أبروباتسيون — Approbation و تستقر تقدر تنقل لتخصص تاني و سنينك اللي فاتت جزء منها ممكن يتحسب تخصصات الطلب فيها عالي و بابها مفتوح الباطنة و هي أكبر كتلة في ألمانيا 63,368 طبيب و هي كمان المدخل لكل التخصصات الفرعية زي القلب و الجهاز الهضمي و الغدد التخدير 28,146 طبيب و مطلوب في كل الولايات بس محتاج لغة قوية جدًا و ثقة في اتخاذ القرار طب الأسرة 45,373 طبيب و الدولة بتدعمه بقوانين خاصة و فيه 12,217 صاحب عيادة فيه على وشك المعاش يعني النقص ده مستمر لسنين الطب النفسي 13,208 طبيب و الطلب عليه ارتفع بشدة و محتاج لغة ممتازة لأن شغلك كله كلام طب المسنين و التأهيل و ده منطقي في بلد ربع سكانها فوق الـ 65 النسا و التوليد 19,736 و الطلب مستمر بس ضغط الشغل فيه عالي و ناس كتير بتسيبه الأطفال 17,195 و فيه نقص حاد خصوصًا في الأرياف

قاعدة البيانات دي داخلية و مش منشورة للناس مفيش لستة رسمية معلنة بأسماء الجامعات المصرية اللي بتعدّي بالورق و اللي لأ و اللي بيتقال في الجروبات عن جامعة فلانية سهلة و فلانية صعبة ده تجارب فردية مش وثيقة و التقرير الألماني نفسه كاتب إنه مش واضح لأي مدى المكاتب بتستخدم القاعدة دي أصلًا و إن فيه أطباء اشتكوا إن المكتب طلب تقييم فردي جديد لملفهم رغم إن زمايلهم من نفس الدفعة و نفس الجامعة اتعملهم تقييم قبلهم بشهور فلو حد قالك أنا عندي اللستة اللي فيها الجامعات المعتمدة اسأله يجيبها منين اللي تعمله عمليًا بدل ما تدوّر على لستة اسأل مكتب الترخيص في الولاية اللي هتقدّم فيها سؤال مكتوب و مباشر هل عندكم تقرير نموذجي سابق لخريجي جامعتي في سنة تخرجي و ابعت السؤال بالإيميل و احتفظ بالرد دوّر على زمايل من نفس جامعتك و نفس سنة تخرجك تقريبًا قدّموا قبلك و اسألهم راحوا لأنهي ولاية و طلع قرارهم إيه بالظبط ده أنفع لك ألف مرة من أي كلام عام و لما تختار الولاية اختارها على أساس إن فيها سوابق لجامعتك مش على أساس إن الجو فيها حلو ━━━━━━━━━━━━━━━ و دلوقتي بقى خد نفس عميق و اقرا الفقرة دي من غير ما تقف علشان توصل لأول يوم شغل في ألمانيا انت محتاج تخلص الامتياز و تستخرج شهادة التخرج و توثقها و تجيب بيان الدرجات و تجيب المحتوي العلمي بتاع الكلية للـ 6 سنين بالمواد و الساعات و تترجمه ترجمة معتمدة على حسابك و توثق كل ورقة فيه و تختار ولاية من 16 ولاية و انت لسه ما تعرفش عنها حاجة و تفتح ملفك فيها لأن كل ولاية مكتب مستقل و تبعت الملف و تستنى و تذاكر لغة لحد ما توصل مستوى B2 و تدخل امتحان اللغة الطبية — فاخ-شبراخ-بروفونج — Fachsprachprüfung و تستنى و يطلبوا منك ورق ناقص فتجيبه و تستنى و يقولولك تعالى اتنازل عن فحص الأوراق أسرعلك فتوافق و انت مش عارف إن ده مخالف و تستنى ميعاد امتحان ممكن يوصل 24 شهر في بعض الولايات و في النص ده كله تشتغل بتصريح مؤقت — بيروفس-إرلاوبنِس — Berufserlaubnis مدته سنتين بالكتير و مكتوب فيه إنك ما تلمسش مريض إلا و في حد واقف جنبك و مرتبك متفاوض عليه بحجة إن تصريحك مقيّد و بعد ده كله انت لسه ما بدأتش تخصص ━━━━━━━━━━━━━━━ طب امتى التخصص ؟ مش هتبدأ القانون الأوروبي بيقول إن الطبيب الأجنبي ما يقدرش يبدأ فترة التدريب التخصصي — فايتر-بيلدونج — Weiterbildung إلا لما اعتراف مؤهله يخلص خلاص كامل فأي سنة بتضيع في الورق دي سنة بتتشال من عمرك المهني مش من إجازتك الأطباء اللي بيروحوا لنقابة ماربورجر بوند بيسمّوا الفترة دي سنين مطروحة و التقرير كاتب المصطلح ده بالنص و في نقطة تانية لازم تعرفها من دلوقتي و أنا بقولهالك بصراحة التقرير الألماني ده نفسه كاتب في أول صفحة إنه مش هيتكلم عن الاعتراف بشهادة التخصص الأجنبية لأنها ملف تاني منفصل و أصعب يعني بالمصري لو حد عنده زمالة أو ماجستير أو حتى شهادة بريطانية و رايح ألمانيا يعتبرها ورقة تقوّي موقفه في التوظيف مش ورقة تدخّله بدرجة أخصائي على طول اللي بيحصل غالبًا إنك تدخل بدرجة الطبيب المقيم — أسيستنتس-أرتست — Assistenzarzt و يحسبولك جزء من سنين خبرتك — أنرِشنونج — Anrechnung حسب تقدير نقابة الولاية — إيرتسته-كامر — Ärztekammer اللي انت فيها و تكمّل الباقي و تدخل امتحان التخصص الألماني زيك زي أي خريج منهم ━━━━━━━━━━━━━━━ الامتحان نفسه عامل إزاي هو امتحان شفوي عملي مش اختياري من متعدد محوره الأساسي الباطنة و الجراحة و بيدخل معاهم أسئلة في طب الطوارئ و الفارماكولوجي الإكلينيكي و الأشعة و الحماية من الإشعاع و القوانين المنظمة لممارسة المهنة و ممكن المكتب يزوّد مادة إضافية لو لقى في تدريبك فرق واضح فيها و مستواه أقل من امتحان الدولة الألماني النهائي و ده مقصود و مكتوب في المذكرة التشريعية القانون بيقول لازم يجيبولك ميعاد في خلال 6 شهور الواقع إن في استطلاع عملته نقابة ماربورجر بوند في فبراير 2025 ردّت عليه 13 جهة 8 ولايات ملتزمة بالـ 6 شهور و 5 ولايات فوق كده بكتير و أطول انتظار اتسجّل كان 24 شهر و أخطر حاجة في الموضوع كله إن نسب النجاح بتختلف حسب المكان اللي هتمتحن فيه في جهة نسبة النجاح من أول مرة كانت 45% و في جهة تانية كانت 93% و في المحاولة التالتة في مكانين النسبة وصلت 100% و في مكانين تانيين وقفت عند 55% و 64% الحصيلة النهائية إن 88% من الناس بينجحوا في خلال 3 محاولات يعني اختيار الولاية مش تفصيلة إدارية دي واحدة من أهم القرارات اللي هتاخدها في الرحلة كلها و للعلم الامتحان بيديره في 10 ولايات نقابة أطباء الولاية نفسها و في الباقي بيديره مكتب الترخيص جوه مستشفيات تعليمية مختارة ━━━━━━━━━━━━━━━ خريطة الاحتياج علشان تعرف تختار

الورقة اللي هتوقّفك في ألمانيا مش شهادتك في تقرير ألماني رسمي صدر السنة دي فيه رسالة مكتوبة بخط طبيبة اتخرجت من دولة عربية و راحت هناك تدوّر على مستقبل بتقول إن بقالها سنة و نص مستنية الترخيص و 6 شهور مستنية حتى التصريح المؤقت و إنها ساكنة هناك من سنتين و نص و مش شغالة و إنها مش قادرة تفهم اللي بيحصل و إنها بتحاول تكلم المكتب المسؤول و مفيش حد بيرد الرسالة دي مش بوست على جروب و مش شكوى في تعليق دي مقتبسة حرفيًا جوه دراسة منشورة و اللي كاتبينها بيقولوا تحتها جملة واحدة دي مش حالة فردية و انا هحكيلك القصة من الآخر للآخر بالأرقام علشان تعرف انت داخل على إيه بالظبط قبل ما تدفع أول جنيه في ترجمة ورق ━━━━━━━━━━━━━━━ البلد دي محتاجاك فعلًا و مش بتجاملك ألمانيا فيها 437,162 طبيب شغال و 143,727 طبيب مسجّل مش بيمارس و بتخرّج 10,190 طبيب في السنة و الرقم ده كان 11,560 سنة 1993 يعني بعد 30 سنة نزل ما زادش و في المقابل عدد الأطباء الشغالين عندهم زاد 8,688 في سنة واحدة بس الفرق ده جاي منين ؟ من الخارج الأطباء الأجانب هناك كانوا 16,818 سنة 2007 بقوا 68,102 سنة 2024 يعني اتضاعفوا 4 مرات في 17 سنة و السنة اللي فاتت لوحدها زادوا 4,335 و الأهم من ده كله إن 43% من أصحاب العيادات هناك فوق الستين و في طب الأسرة تحديدًا فيه 12,217 طبيب أسرة صاحب عيادة على وشك المعاش يعني الاحتياج حقيقي و مش دعاية و مش كلام يوتيوبر بس الطريق للاحتياج ده معمول بطريقة تخلي الواحد يفكر 10 مرات ━━━━━━━━━━━━━━━ القانون عندهم بابين مش باب واحد في ألمانيا فيه قانون اسمه قانون الاعتراف بالمؤهلات الأجنبية — أنإركينونجس-جيزيتس — Anerkennungsgesetz طلع سنة 2012 و بيغطي حوالي 450 مهنة و من ساعتها بقى من حق أي طبيب خريج بره أوروبا إن ملفه يتفحص و جنسيتك مالهاش أي دخل بالموضوع القانون بيقول إن اللي بيقدّم بيتحط قدامه بابين بالترتيب الباب الأول هو فحص تكافؤ الدراسة بالورق — جلايشفيرتيجكايتس-بروفونج — Gleichwertigkeitsprüfung يقعدوا يقارنوا المحتوي العلمي بتاع الكلية بتاعتك بالمنهج الألماني سنة بسنة و مادة بمادة لو مفيش اختلافات جوهرية تاخد الترخيص الدائم — أبروباتسيون — Approbation من غير أي امتحان و لو فيه اختلافات يبصوا على خبرتك العملية و شهاداتك و لو الخبرة دي بتغطي الفرق تاخد الترخيص برضه الباب التاني هو امتحان المعرفة — كِنتنِس-بروفونج — Kenntnisprüfung و ده المفروض يبقى استثناء يعني ما يدخلوهوش غير الناس اللي ظهر إن في فرق حقيقي في تدريبهم و الخبرة ما غطتهوش ده اللي مكتوب في القانون و ده اللي أكدته 3 محاكم إدارية في أحكام سنة 2021 و 2023 و 2024 و قالت صراحة إن المكتب مالوش سلطة تقديرية في ترتيب البابين و إنه مينفعش يخيّرك بينهم طب اللي بيحصل على أرض الواقع إيه ━━━━━━━━━━━━━━━ الأرقام اللي بتقلب الدنيا سنة 2014 كان 52% من الأطباء بياخدوا الاعتراف من الباب الأول يعني بالورق سنة 2023 الرقم بقى 19% و اللي راحوا للامتحان بقوا حوالي 80% و اللي بيترفض نهائيًا نسبته 1% بس و ثابتة من 12 سنة ركّز في الرقم الأخير ده كويس نسبة الرفض 1% معناها إن المنظومة مش بتستبعد حد هي بس بتأجّله المشكلة مش في مستوى الخريجين و لا في جودة الكليات المشكلة إدارية بحتة المكتب المركزي المسؤول عن فحص الأوراق — جوتاختِن-شتيلِه فور جيزوندهايتس-بيروفِه — GfG لكل ألمانيا عنده 13 موظف و بس و القانون مديه 4 شهور يخلص فيهم كل ملف و في سبتمبر 2024 المكتب ده وقف استقبال طلبات جديدة خالص علشان يلحق يصفّي اللي عنده و في نفس الوقت أعداد المتقدمين من خارج أوروبا طلعت من 2,862 سنة 2012 لـ 6,369 سنة 2023 فالمكاتب لقيت نفسها مخنوقة فبدأت تعرض على الناس اقتراح لطيف جدًا سيب فحص الأوراق و ادخل الامتحان على طول علشان أسرعلك و الناس وافقت لأن حد قالهم إن الورق ممكن يستغرق سنتين و لأن ترجمة المحتوي العلمي بتاع الكلية غالية جدًا و على حسابك انت و الوزارة الاتحادية نفسها كانت محذّرة من ده من سنة 2015 و قالت حرفيًا إن ده للحالات الاستثنائية مش للقاعدة ━━━━━━━━━━━━━━━ طب في جامعات مصرية أسهل في المعادلة ؟ خد الإجابة بصراحة السؤال ده بيتسأل كتير و الإجابة عليه محتاجة أمانة القانون فيه حاجة اسمها الحالات المتماثلة — باراليل-فيلِه — Parallelfälle معناها إن لو حد اتخرج من نفس الجامعة و في فترة زمنية قريبة منك و اتعملّه تقييم كامل قبل كده فالمكتب المفروض ما يرجعش يعمل التقييم من الأول يستخدم التقرير النموذجي المحفوظ — موستر-جوتاختِن — Mustergutachten و يصدرلك قرار — بيشايد — Bescheid على أساسه و المكتب المركزي فعلًا بيحفظ نتايج كل التقييمات في قاعدة بيانات علشان الغرض ده يعني نظريًا كل جامعة مصرية عليها ملف مبني على خريجين قبلك بس و دي النقطة المهمة

اكتر من 120 لقاء في تخصصات مختلفة ربنا يجزي كل من ساهم في هذا المشروع كل الخير https://youtube.com/@superdoctorss?si=NDoCMK_vDzhDD1b8 إن شاء الله هنعمل انطلاقة جديدة للتشانيل هنستكمل فيها لقاءات في باقي التخصصات و تجارب ما بعد التخرج داخل مصر و خارجها اي حد مهتم أنه يتطوع بوقته يدخل علي الجروب ده محتاجين - ناس تشتغل PR تتواصل مع دكاترة و تتفق معاهم علي لقاءات - ناس تشتغل مقدمين محتوي يدخلوا مع الدكاترة لايف و يحضروا الاسئلة و يسألوهم - جرافيك ديزاينرز - ناس تشتغل مونتاج بسيط المهتم يدخل جروب الواتساب https://chat.whatsapp.com/CUsnuWpa3HO4icY2hATKH7?s=cl&p=a&ilr=4 ولو حد عنده خبرة إدارية و عنده وقت يتواصل معايا برايفت هيلاقي رقمي علي جروب الواتساب و ربنا يرزق الجميع الخير إن شاء الله