N. Objectif Mention (BAC 2027)

ادعولي فقط معاكم والله هدا وش نطلب لانو عندي حاجة في قلبي يعلم بيها غير ربي ادعولي تتحقق و انشاء الله تتحقق او نحكيلكم وشنو هي لانو حتولو جزء من حياتي او نعتبركم كي خواتاتي صغار او كبار او ندعيلكم انشاء الله معايا لانو بعضكم راني حكيت معاه انشاء الله يحققلكم ربي وش راكم تتمناو او ربي يفرحكم كيما دعمتوني 😘

سلام لبنات غدو حنهدر على موضوع الأساتذةو المصادر او نزيد نهدر على موضوع التنضيم لكلا الحالتيين نضامي و حر هدا وش حنتطرق ليه غدا بلاك نبعت رساءل صوتية للتوضيح اكتر او بش نمد التفاصيل ولاكن قبل كل شيء حبيت نوضح فكرة فقط انو كل معلومة حنمدها في هذه القنات هادي ليست هباء و انما مبنية على تجارب تجربتي الخاصة أولا و تانية معلومات أساتذة لانو نعرف أساتذة من العاءلة نقدملكم نصاءحهم او عندي خويا حيجوز باك تسمى حنقريه هو تاني مشي تجربة فيكم و أيضا من مشوار النوابغ منهم وحدة من التلاتة الاواءل لي نعرفها شخصيا او قريت معاها في مشوار التانوي تسمى انشاء الله يقدرني ربي نقللكم كلش او نعاونكم هد العام بش تحقو الامتياز او توصلو معدل و تخصص احلامكم انشاء الله ❤️‍🔥❤️‍🔥❤️‍🔥تفاعلو فقط تفرحوني نحس بلي كلامي تستفادو منو فقط و طابة ليلتكم 😘

السلام عليكم كامل، إن شاء الله راكم بخير.❤️‍🔥 كيما وعدتكم، قلتلكم بلي قبل ما نبداو رسميًا في البرامج، التنظيم، وطرق الدراسة في سبتمبر، راح نهدر معاكم على بزاف حوايج مهمين لازم تعرفوهم من ضرك. واليوم حبيت نبدا بحاجة ساعدتني أنا شخصيًا بزاف في عام الباك، وهي قنوات التليغرام لي كنت نتابعهم. خلال هاد الشهر، راح نهدر معاكم على بزاف مواضيع. راح نعطيكم أسماء الأساتذة لي ننصح بيهم، والقنوات تاعهم، لأن بزاف أساتذة عندهم قنوات في التليغرام وين يهبطو ، الدروس، الحصص المباشرة، الملفات، وكل جديد. ونصيحتي من ضرك، #نصيحة ما تستناوش حتى يبدا العام باش تقلبو على الأستاذ. من الآن، كل واحد يبدا يشوف الأستاذ لي يفهم عليه في كل مادة، باش كي يبداو الحصص تكونو واجدين وما تضيعوش الوقت وقبل ما نكمل، نفكركم بأول نصيحة قلتها ليكم: ما تبداوش تقراو بجدية في شهر أوت. أكيد إذا حبيتو تراجعو شوية ولا تطلعو على البرنامج ما فيها حتى مشكل، بصح ما تضغطوش على رواحكم. استغلو العطلة، ارتاحو، اخرجو، اقعدو مع عائلاتكم، لأن من سبتمبر راح تبدا الخدمة الصح. وكاين ثاني النصيحة الثانية لي هضرت عليها، وهي اختيار الصحبة والمحيط. لي ما شافهاش، يقدر #نصيحة اول قنات هي قناتBAC VERS EXCELLENCE بصراحة، هادي أكثر قناة كنت نحبها ونستنا منشوراتها. كانو يديرو أسئلة وأجوبة، نصائح، تحفيز، وينشرو بزاف حوايج مفيدين للطلبة. تعلمت منهم بزاف، وخاصة من النصائح والتجارب لي كانو يشاركوها. إذا ما تعرفوهاش، أنصحكم تتابعوها. 🤍 بنات ماشاء الله نتمنالهم كل خير شيماء و نافلة حبيباتي 😘https://t.me/drchaimabac2025 تاني قنات هي قنات WORK IN SCIENCE اعتقد قنات BAC WITH AYA اكتشفتها في آخر العام تقريبًا، خاصة قبل رمضان. أكثر حاجة عجبتني فيها هي جلسات الدراسة الجماعية. كنت نحس روحي نقرا مع ناس عندهم نفس الهدف، وكل واحد مركز على خدمتو، وهذا كان يعطيني دافع بش نكملhttps://t.me/workinsilenceee تالت قنات هي جرعة امل https://t.me/sl9tPTYEarNlYmI هاد القناة كنت ندخلها باش نلقى شوية تحفيز، أذكار، دعاء، ومنشورات خفيفة تخرجني من ضغط القراية.صراحة، هذو هما أكثر ثلاث قنوات استفدت منهم. او نشكرهم خاصة نافلة تاع BAC VERS EXCELLENCE لانو كانت تساندني او تفيدني او تسمعلي او تنصحني على الخاص https://t.me/drchaimabac2025 كاين قنوات أخرى كنت ندخلها غير باش نحمل ملخص ولا ملف ونخرج، بصح هذو الثلاثة كان عندهم تأثير كبير عليا. ومن هنا جاتني فكرة N • Objectif Mention.https://t.me/objectifMentionbyN2027 قلت علاش ما نديرش قناة تجمع كلش في بلاصة وحدة؟ جلسات دراسة، أسئلة وأجوبة، نصائح، ملخصات، برامج مراجعة، تجارب شخصية، وكل واش تمنيت نلقاه أنا في عام الباك. إن شاء الله نقدر نوفره ليكم هنا.في الأخير، حبيت نقولكم حاجة... إن شاء الله من بعد الدخول المدرسي، كي نولي مرتاحة أكثر، راح نبدا نهدر معاكم بالفوكالات بدل ما نكتب رسائل طويلة، خاطر بصراحة الكتابة تتعبني بزاف، وحتى نقدر نشرحلكم الأفكار والتجارب بطريقة أحسن. إن شاء الله راح نهدرو على بزاف مواضيع، ونديرو جلسات دراسة، وأسئلة وأجوبة، وكل حاجة في وقتها. وراني ندير هاد الشي كامل لأني كنت نتمنى نلقى واحد يشاركني هاد النصائح والتجارب في عام الباك، وإن شاء الله نقدر نكون سبب باش نعاونكم ولو بحاجة صغيرة. إذا استفدتو من أي نصيحة، ما تنساونيش من دعائكم، وربي يجعل هاد القناة صدقة جارية ليا ولكل واحد ساهم في نشر الخير. 🤍🌿

#نصيحة

سوف ترتدي ذلك المعطف الابيض يومًا ما فلا تقلق مادام رب الڪون معك 🤍✨ You will wear that white coat someday, so don't worry as long as the Lord of the Universe is with you 🤍✨

✨💕🩷🤍

السلام عليكم ورحمة الله وبركاته قبل كل شيء،انشاء الله نشوف التفاعل تاعكم مع الاستطلاعات.او نشوف إجاباتكم، لأنها راح تعاونّي باش نعرفكم أكثر، ونعرف واش تحتاجو بالضبط، وبالتالي نقدر نحضّر محتوى يناسب كل واحد فيكم. بصح حبيت نقولكم حاجة من قلبي... أنا ما فتحتش هاذ القنات غير باش نهبط دروس ولا ملخصات، بالعكس، حبيت نخلق بلاصة نتلاقاو فيها، نعاونو بعضانا، ونمشيو خطوة بخطوة حتى للباك بإذن الله. 🤍 صراحة، إنشاء هاذ القنات أخذلي وقت كبير. تعلمت بزاف حوايج على تيليغرام، كيفاش نخدم الشانل، كيفاش ننظمها، وكيفاش نخليها مريحة وسهلة باش تستفادو منها. درت كل هذا لأني كنت نتمنى نلقى بلاصة كيما هذي وأنا في عام الباك. لهذا، نتمنى منكم حاجة وحدة فقط... كونوا متفاعلين معايا. جاوبوا على الاستطلاعات، شاركوني آراءكم، ابعثولي أسئلتكم، وردّوا على المنشورات. التفاعل تاعكم هو اللي راح يخليني نعرف واش تحتاجو ونقدم لكم الأفضل. ونتمنى كذلك تثقوا فيا وفي النصائح اللي راح نعطيهالكم. والله كل كلمة راح نقولهالكم جاية من تجربة عشتها بنفسي. كاين أخطاء درتها، وكاين مواقف تعبتني بزاف، وكنت نتمنى يكون كاين واحد ينصحني قبل ما نطيح فيها. لهذا، إن شاء الله، كل درس تعلمتو، وكل تجربة عشتها، وكل غلطة ندمت عليها، راح نشاركها معاكم في الوقت المناسب. كل حاجة عندها وقتها. ما راحش نحكي كلش على دربة ، بصح مع مرور الأيام، كل شهر، وكل مرحلة من العام الدراسي، راح نقولكم واش كنت ندير في نفس الفترة، واش ندمت عليه، واش كان لازم ندير، وواش اللي ساعدني فعلاً. حتى المترشحين الأحرار، راح يكون عندهم مكانهم هنا. نعرف بلي عندهم ظروف مختلفة، ووقت أكثر في الدار، وإن شاء الله راح نهدر معاهم على التنظيم، كيفاش يقراو، وشكون الأساتذة اللي ننصح بيهم، وكيفاش يستغلو وقتهم بأفضل طريقة. وراح نهدر معاكم حتى على الأساتذة اللي كنت نتبعهم في YouTube، والكتب، والملخصات، وكل المصادر اللي ساعدتني. بصح... ما راحش نبداو الآن. استمتعوا بال عطلة، واستغلوا هاذ هالفترة باش ترتاحوا وتبدلوا الجو، لأن العام الجاي يحتاج طاقة وصبر. إن شاء الله، مع بداية سبتمبر، نبداو بشوية بشوية. راح تكون نصائح، تنظيم، تحفيز، ومن بعد ندخلو للمراجعة تدريجياً. وكل مرة راح نحكيلكم على مرحلة معينة من تجربتي، باش تستفادو منها في الوقت المناسب. وراح نديرو بزاف حوايج مع بعض: 📚 ملخصات. 📝 برامج للمراجعة. 🎙️ بودكاستات. 💬 أسئلة وأجوبة. 🎥 حصص دراسة جماعية. 📖 نقاشات. 🤍 وتحفيز حتى آخر يوم قبل الباك. وأنا تاني كنت نتبع قنوات تيليغرام خلال عام الباك، وبصراحة كاينة قناة بالذات هي اللي خلتني نتحمس ونفتح هاذ الشانل، وإن شاء الله مع الوقت نحكيلكم عليها وعلى كل المصادر اللي ساعدتني. أكيد ما نقدرش نوعدكم بلي نكون موجودة كل يوم، لأن حتى أنا عندي حياتي ودراستي، بصح نقدر نوعدكم بحاجة وحدة... كل مرة ندخل لهاذ القنات ، راح نحاول نقدم حاجة تفيدكم، ولو كانت نصيحة صغيرة. ونتمنى مع الوقت نولي نعرفكم كامل، ونكونو كيما عائلة صغيرة، كل واحد يشجع الآخر، ويعاون الآخر، ونفرحو كامل يوم النتائج بإذن الله. حالياً، حابة نركز مع دفعة الباك 2027، ونعطيها كامل وقتي. وإذا في المستقبل كبرت هاذ العائلة، وكان كاين تفاعل وحب للاستمرار، علاش لا؟ يمكن نكمل حتى مع الدفعات اللي تجي من بعد، ونشارك حتى تجربتي في الجامعة، وكيفاش كانت أول سنة، وكل حاجة كنت نتمنى نعرفها قبل. لكن لكل مقام مقال... درك، هدفي الوحيد هو نعاونكم باش تعيشوا عام الباك بأفضل طريقة ممكنة. او نحاربوا مع بعض وفي الأخير... أتمنى من كل قلبي أن هاذ القنات تكون سبب في نجاحكم، وأن كل واحد فيكم يحقق الهدف اللي يتمناه. وإذا استفدتوا من أي حاجة هنا، فما تنساونيش من صالح دعائكم. 🤍 صدقة جارية، ادعولي فقط أن يحقق الله لي ما أتمنى. 🌿

هذه القناة ما راحش تكون غير منشورات نديرو أسئلة وأجوبة، نهضرو مع بعضانا، نجاوب على أسئلتكم، ونتناقشو على برامج المراجعة تاعكم، وش راكم تقراو، وش هي الصعوبات لي راكم تواجهوها. خاصة المترشحين الأحرار (Les candidats libres)، راح نهضرو على كيفاش ينظمو وقتهم، وكيفاش يراجعو في رمضان، في العيد، وفي كامل المراحل لي يمر بيها طالب الباك. راح نشارك معاكم حتى وجهة نظري وتجربتي الشخصية، ونحاول نعاونكم بأقصى ما نقدر. هاد الشانل راح تكبر بينا كامل، خطوة بخطوة، وإن شاء الله نعيشو هاد الرحلة مع بعضانا حتى آخر يوم قبل الباك❤️‍🔥❤️‍🔥 🌷 – Nouha | N • Objectif Mention

🌸 Petit mot avant de commencer السلام عليكم ورحمة الله وبركاته 🤍 قبل كل شيء، حبيت نقولكم بلي هاد الشانل ما راحش تبدأ مباشرة بالمراجعة. بصراحة، حبيت نستنى شوية حتى نتعرفو على بعضانا ويكونو عدد من الطلبة معانا. خلال هاد الفترة، راح ننشر من وقت لوقت بعض المنشورات: تحفيز، نصائح، أو أفكار صغيرة تساعدكم وتحمسكم. أما الانطلاقة الرسمية، فراح تكون مع بداية الدخول المدرسي إن شاء الله. 📚 كل حاجة في وقتها. ومع مرور الأيام، راح نحكيلكم أكثر على تجربتي في الباك، على الأخطاء لي درتها، واش تعلمت، وكيفاش كانت رحلتي. إن شاء الله مع بداية سبتمبر راح نهضرو على كل شيء خطوة بخطوة، ونبدأو برامج المراجعة، التحديات، الكويزات، وجلسات الدراسة مع بعضانا. في الوقت الحالي، راح نبدا ببعض الاستطلاعات (Sondages) باش نتعرف عليكم أكثر: شكون أنتم، شنو الشعبة تاعكم، شنو الصعوبات لي تواجهكم، وشنو أكثر حاجة حابين تلقاوها في هاد الشانل. 🤍 إجاباتكم راح تساعدني باش نقدم محتوى يناسب كل واحد فيكم، وما يكون حتى واحد مهمش. نتمنى نعيشو هاد الرحلة مع بعضانا، وربي يوفقنا كامل. 🩷 🌷 – Nouha | N • Objectif Mention

لسلام عليكم ورحمة الله وبركاته 🌷 أنا Nouha، طالبة باكالوريا 2026. درت هاد القناة لأنني عشت عام الباك بكل تفاصيله: الضغط، الخوف، التعب، والحيرة... وفي نفس الوقت تعلمت بزاف حوايج تمنيت لو كان عرفتهم من قبل. لهذا حبيت نشارك معاكم كل واش تعلمت، باش نعاونكم تتفادو الأخطاء، وتنظمو قرايتكم بطريقة أفضل. أنا ماشي أستاذة، أنا طالبة كيفكم، وهدفي هو نكون معاكم، نشجعكم، ونعاونكم خطوة بخطوة حتى للباك إن شاء الله. 🎯 ببساطة...علاش فتحت هذه القنات حبيت ندير المكان لي تمنيت نلقاه أنا كي كنت نحضر للباك او ما نكذبش عليكم طولت بش حليت هد القنات ما كنتش متاكدة او مقتنعة لاكن جا الوقت او حبيت ننفعكم لانو تمنيت واحد يمدلي تجربتوا او حبيت نديرها كميادرة خيرية ادعولي فقط🤍 🙏🏻 🌷 – Nouha | N • Objectif Mention

هنا ما راحش تلقاو غير الدروس، بل راح تلقاو مجتمع نعاونو فيه بعضانا ونمشيو مع بعض خطوة بخطوة حتى للباك. أنا طالبة باكالوريا 2026، ودرت هاد القنات باش نشارك معاكم كل واش تمنيت نعرفو وأنا نحضر للباك، وكل النصائح والتجارب لي تعلمته 📚 واش راح تلقاو هنا؟ • ملخصات (Résumés) • فيشات للمراجعة • كويزات وتمارين • نصائح وطرق فعالة للمراجعة • تحفيز ومرافقة طول العام • برامج للمراجعة • جلسات دراسة (Study Sessions) • مصادر مجانية وروابط مفيدة 🎯 هدفي هو نكون معاكم من أول نهار في العام الدراسي حتى لآخر دقيقة قبل الباك، ونعاونكم باش توصلو لأفضل نتيجة ممكنة. هاد الشانل موجهة بالدرجة الأولى لتلاميذ الشعبة العلمية، بصح مرحبًا بجميع الشعب، كامل راكم مرحبًا بيكم. 🤍 راح نحاول نجاوب على أسئلتكم، نسمعلكم، نشجعكم، ونشارك معاكم كامل النصائح والحيل لي تعلمتهم باش نعاونكم توصلو للنجاح وتحقيق أفضل تقدير. إذا كنتو متفاعلين وجادين، راح نبذل كامل جهدي باش نكون معاكم طوال هاد الرحلة. إن شاء الله، مع بداية الدخول المدرسي، نبداو نتعرفو على بعضانا، نفهمو احتياجات كل واحد، ونبنو برامج مراجعة تساعد الجميع. نتمنى هاد الشانل تولي بلاصة تلقاو فيها الدعم، التحفيز، والثقة في رواحكم. 📖✨ مرحبًا بيكم في هاد المغامرة، وإن شاء الله نوصلو كامل لهدفنا: النجاح وتحقيق أفضل تقدير LA MENTION