بْرمش

۔ماجد مستاگ https://t.me/Bramsh_baloch

وت ءَ گوں ھچکس ءَ کَچّ ءُ کِساس مکن. ھرکس وتی راہ ءَ روت. سوبین بیگ. بزانکہ: تئی مرچیگیں روچ گھتر چہ تئی زیکیں روچ بہ بیت. ناں کہ گھتر بیگ ءُ دیمروی کنگ چہ دگراں. تو جُھد بکن تئی مرچیگیں روچ گھتر چہ تئی زیکیں روچ بہ بیت ءُ تو چہ زیکیں روچ ءَ مرچی دیمروی بکن ئے. اِے ھستی تہ ءَ چہ ترا ڈڈتر ءُ زانتکارتر ءُ شررنگتر ءُ چالاکتر ھست. وھدے کہ تو وت ءُ وتی کاراں گوں دگرانی کار ءُ دیمروی ءَ کَچّ ءُ کِساس بکن ئے، تو نااُمیت بئے. وتی گھتر ءُ دیمروی ءَ گوں ھچکس ءَ کَچّ ءُ کِساس مکن ءُ اَبید چہ وتی زیکیں روچ. تو ھچ وھد جُھد مکن کہ دگر بہ بئے، جُھد بکن وت بہ بئے ءُ گھتر چہ وتی زیکیں روچ.رجانک: ✍۔باسد شوھاز https://t.me/Bramsh_baloch

پرشگ ءِ متلب دائم ھلاس بوگ نہ اِنت برے برے چہ پُرشگ ءَ زندگی بِندات بیت۔ https://t.me/Bramsh_baloch

دانکہ جل ماں تئی دریائیں دل ءَ آچ نہ بیت پہ تئی بانور ءَ گُلیں تنگھیں پرداچ نہ بیت برجمیں! منگھیں مرداں گوں بزیں دیوانے دلجمیں کار پہ اشتاپیں تگ ءُ تاچ نہ بیت دانکہ بوھیری ءِ آس ءَ نہ سُچیت تنگھیں دل ھِیر ءُ آریپ ءُ گھیں واھگ ءِ آماچ نہ بیت ابرم ءُ ابدمی سَسّا ءُ سما سچکان اَنت مُجتّی منگھ ءِ دَرور تئی وسّاچ نہ بیت زند ءِ ماھور اگاں لبّ ءِ نِھنگاں دِرتگ پہ بگ ءِ آمگیں بندیکے ءِ ستر سْراچ نہ بیت دانکہ پہ سمّیاں پیداک نہ بیت دودایے پہ تئی دودایاں کدی بیرگریں بالاچ نہ بیت سُھبت ءَ ایرمکپ رھگوْزی سیر دُھلاں!! مرگ ءُ سالونکی ءَ تئی چاپ نہ بیت ناچ نہ بیت بوسگی بوسگ ءُ شیشاریں سماراں شاریں بے نسیب بات ئے اگاں گوں تو سگار ماچ نہ بیت واھگ ءِ انگراں چو سوتکگ ءُ پُر کُرتگ!! کہ سید مُرتگ بلئے شودگ ءُ ارداچ نہ بیت ✍۔ سید زھور شاہ ھاشمی https://t.me/Bramsh_baloch

پچ گرگ سر ءَ مہ بی، وت کمائین، زر بہ بیت یا کہ ازت۔ #رجانک https://t.me/Bramsh_baloch

مات۔ ❤️ https://t.me/Bramsh_baloch

ما درست بلوچیں، مئے راہ ءُ مکسد ءُ لوٹ یک اِنت ءُ بس بلوچستان ءِ آجوئی ءُ بلوچ ءِ آبادی ءُ دیمروی اِنت.اگاں مئے پکر اِے بہ بیت ءُ ما وت ءَ یکے بزانیں. گڑا ھچکس وت ءَ چہ یک ءُ دومی ءَ شرتر ءُ مستر نہ لیک اِیت، روکپت ءِ مردم وت ءَ چہ رودرآتک ءِ مردم ءَ شرتر نہ لیک اِیت ءُ رودرآتک ءِ مردم چہ روکپت ءِ مردم ءَ ، مئے سرجمیں بلوچستان ءُ بلوچ راج ءِ زبان یک دود ءُ ربیدگ یک ءُ راجدپتر یک ءُ درست یکین اِنت چتور بیت کنت یکے شرتر ءُ یکے ھراب تر، بلوچستان یکے بلوچ ھم یکے. ✍۔باسد شوھاز https://t.me/Bramsh_baloch

اِینچو گوں مداری ءَ تماشا کنگ نہ بیت دُنیا ءِ درد ھمیش اِنت کہ دنیا کنگ نہ بیت اے زندگی ءِ کِسہ انچو نبشتہ اِنت چہ مرگ ءَ پد دو گام ءَ ھمراہ کنگ نہ بیت پکّا نیاں وت ءَ باندا من دَز کپ آں مرچاں وتی گوں جند ءَ وادہ کنگ نہ بیت آزمان ءَ ماہ ءُ استال، جمبر، گِروک ءُ شھم جی بات زمین ءَ اَرسے جاگہ کنگ نہ بیت ھرکس اے وھد ءِ ہار ءَ بُرتگ وتی کُتگ نُوں آ وڑیں ریا نیست، پرواہ کنگ نہ بیت گوں شائری ءَ مردم بھر کنت کِسھے گوں زندگیءَ ھچ وڑیں داوا کنگ نہ بیت اللہ بلوچ راج ءَ سلامت منی بہ کنت برباد بُوگءَ اِنت نُوں یکجاہ کنگ نہ بیت اے کار تو کہ مارا پرماتگ، چاپ بہ جن اے کار مرچاں گوں ما واجہ کنگ نہ بیت دیوان ءِ تنز روپاں براں گوں وت مردم ءَ تُرساں ھرابیں شائری گوں ما کنگ نہ بیت سَکرات ءِ ساھتیں چونیں وشبوہے شِنگتگ بِلّے شراب ایر اَنت توبہ کنگ نہ بیت ارشاد اے آگاھی منی ھمراھیں دْراھیں شپ واب ءَ سلام اِنت کمّو ھمراہ کنگ نہ بیت ✍۔ارشاد پرواز https://t.me/Bramsh_baloch

_زانت چہ درستاں زورآورتریں سلاھے، چہ ایشی ءَ تو دنیا ءَ مٹ کت کن ئے۔ https://t.me/Bramsh_baloch

گیــش کن ٹَھلانی گونڈلـــیں تیــــراں دل مــبات اِنت اگاں مــــن دلگــــیراں تْرانــــگ اِش دات مـــــن ءَ زباد بــو ءِ چِســت کن اِت زپتیں پوپل ءُ ھــیراں درد واری منــی کُـــت اِش پولــــــنگ آس کـــپات اِنت مـــاں باگی انجیراں واھــــگ ءِ ســـوزمـــان کــــم نہ بیت پـــروش اُمیــــتانی شاھــی باجگیراں تئــــی کُلّ ءِ تـــــہ ءَ اِنــــت ورنــــائی کئـــی مــــیار اِنت کــــہ بزگ ءُ پیـراں بے شــــکر گال ءَ شــــیرکنی تَـھل اِنت ریــــچ اِت مِزری ءُ شـــکل ءُ شــــیراں واھـــگ اِش مُرتـــگ ھرچی سر بوتگ شُـــگر اِنت انگـــت چہ مـــنزل ءَ دِیراں منـــی پُشت ءَ گـــمانی زیـــن سیـــتگّ چـــے کـــناں وشـــیانی منگـــــــــــیراں زاناں آس گواریــــں جمبرے بـــند ایت چیـــزُّکے روچ اِنت تَم کـــتگ بیــــــراں ھانــــل ءِ دوســــتی ءَ ســــید انگـــت گـــــراں تریں گـــم وتی سر ءَ زیــــراں ✍۔سیـد زھـور شـاہ ھاشـمی https://t.me/Bramsh_baloch

زُلم اِے نہ اِنت کہ تئی سر ءَ بوگ ءَ اِنت بلکیں ھما اِنت کہ تو گوں ھاموشی ءَ آئی ءَ سگّگ ءَ ئے اِے چہ درستاں مستریں زلمے۔ ✍۔مھناز بلوچ https://t.me/Bramsh_baloch

مھر اگاں ھکیکت اِنت گڑا گوں بد رنگ ءَ پرچا نہ بیت۔ #رجانک https://t.me/Bramsh_baloch

من ءَ تو بلّ بے وتوں بلے من سار باں پدا گوں بھت ءِ گوات ءِ شیکگاں دوبر ءَ ھوار باں پدا لگوریں براتے ءَ اگاں سلاہ چگل کتہ وتی اے جنگ برجم اِنت ، گھار سرمچار بنت پدا من ءَ تو دوست تر ئے چہ اے جھان ءِ داداں گلزمین پہ تو من زندگوں ، من مرگ ءَ تئے میار باں پدا تھاریں جاوراں ادیب ءِ زند گوست گلامی ءِ من بلکیں آجوئی ءَ مرگ ءِ رند دچار باں پدا ✍۔ ادیب بلوچ https://t.me/Bramsh_baloch

_انسان وتی زبان ءِ پُشت ءَ چیر اِنت، وھدے ھبر کنت گڑا پجاہ آرگ بیت۔ ✍۔ وسیم بلوچ https://t.me/Bramsh_baloch

داتگیں گم بے ھیال کنگ بنت۔ بلے ھما مردم کہ ترا گم داتگ ئِے، یاکہ دینت،آ مردم بے ھیال کنگ نہ بنت۔ https://t.me/Bramsh_baloch