بْرمش

ساکن تئی چمانی پشت ءَ من آں زاھر بلے تو نہ گند ئے من ءَ۔ ✍۔ھُسام https://t.me/Bramsh_baloch

آشوب! آشوب یک پُھتیں سبزی یے نہ اِنت کہ یک روچے زمین ءَ کپگی اِنت.. آشوب آرگ لوٹ ایت، ایشی ءَ گوں جنگ کنگی اِنت۔ آشوب کدی واب گندگ ءَ چہ نئیت انت۔ اے شرتریں زند ءِ بھر اِنت۔ مرگ ءِ تُرس آشوب ءِ مرگ اِنت۔ اے آس ءُ ھون ءِ گوازی اِنت۔ نزوریں دل ءُ نزوریں جوزگ چہ اے پڑ ءَ وت ءَ بہ دور اَنت . آزات پگریں مردم گلامی ءِ تہ ءَ زندگ بوت نہ کنت۔ آجوئی ءِ اے سپر ءَ مرگ گوں دلیری ءَ دیم پہ دیم بیت۔ ۔چگوارا ۔ڈاکٹر لاشاری #رجانک https://t.me/Bramsh_baloch

گپ ءَ پہ برات ءَ بہ جن لٹ ءَ پہ ھک ءَ بہ ور۔ https://t.me/Bramsh_baloch

_زیبائی لھتے دمان ءِ مھمان اِنت، ءُ وپا سرجمیں زند ءِ کسہ اِنت۔ https://t.me/Bramsh_baloch

مئے واھَگانی اَرس چہ تئی دیدگاں شَلیت آسے کـہ وازمنــدی ءِ شــــھر ءَ مئـے بَلـیت دِل وشّـی بیـــدے تـو وشّـی اَبیــــدے مـن بَرپیں ھَیـال اَنگـت ءَ گْواشیں دل ءَ تَلیت بانــوری سُــرمگانی اَستــاں مـن کـاگـــدئے من ءَ چمے مان کَشیت من ءَ چمے کَنجلیت تو کہ نِیاد ءِ گَـزدر ءِ وت رودیں کُنچَت ئے کـوڈال ءُ داس ءُ اَرّگـیں اِمـــروز ترا ڈَلیت شــوھاز نہ لوٹیت بیـدے تـو اللہ ءِ جَنت ءَ آ مَلکـموت مِـــرات کـہ چـہ مـن تَـــرا پُلیت ✍۔گُلام ھسین شوھاؔز https://t.me/Bramsh_baloch

گُش ئے بالینگ ءَ اِنت آس ءُ انگر نہ منتگ دژمن ءَ پہ راہ ءُ راہ سر مرید ءَ دستاں وت بکشاتہ ھانی میاریگ سرجمیں دنیا ءَ چاکر کِشگ لوٹاں زمین ءَ انچیں درچکے بہ دنت ھمراز چاریں موسماں بَر ✍۔ھمراز شکاری https://t.me/Bramsh_baloch

کتابانی دُنیا یک انچیں دریایے کہ تو اُوژناگ مَہ زان ئے ھم نَہ بُکّ ئے۔ ✍۔اے ایم بلوچ https://t.me/Bramsh_baloch

اے گپ کہ گوں کے ءَ سور کن ئے باز المی تر اِنت چہ اے گپ ءَ کہ کدی سور کن ئے۔ ✍۔ماھل بلوچ #رجانک https://t.me/Bramsh_baloch

🦋 https://t.me/Bramsh_baloch

ما بوت کنت کہ بہ مریں بلے ھچبر گار نہ بئیں۔ https://t.me/Bramsh_baloch

اجیب اِنت اے دنیا ھکیکت وَ مُرتگ شریف ءِ شرافت خبیثاں ءَ بُرتگ ✍۔ھُسام https://t.me/Bramsh_baloch

انسان چہ وتی کرداراں پجاہ آرگ بیت۔ نیکہ چہ وتی دْوایاں۔ ✍۔چگوارا #رجانک https://t.me/Bramsh_baloch

وشّیں ھال ما شمارا ھال دیگ لوٹیں کہ سید گنج اپلیکیشن ءِ کار سرجم بوتگ‌اَنت؛ نی پہ سرجمیں راج ءَ شنگ کنگ بوتگ. سید گنج اپلیکیشن ءَ شما چہ پلے اسٹور ءَ ڈاؤنلوڈ کُت کن اِت. منی نیمگ ءَ کمّو نیٹ ءِ نزوری بوتگ اَنت پمیشکا کمّو مھتل دارگ بوتگ، بلے نی اے ایپلیکیشن پہ شما جاڑیگ اِنت برو اِت ڈاؤنلوڈ ئِے بہ کن اِت ءُ وتی سر ءُ سوجاں من ءَ سرھال کن‌اِت۔ اگاں نزوری یے، ردی یے ھست شما من ءَ رھوت کُت کن اِت۔ شمئے کستر :- شبیر کلمتی https://play.google.com/store/apps/details?id=com.sayadganj.online

جنک: کند ایت آئی ءِ تہ ءَ نیم گپ منی اَنت اگاں ترا سَد داد رس ایت گڑا نیم منی؟ بچک: نیم ءَ بل تیوگیں داد گوں منی جند ءَ تئیگ اِنت جان!! جنک: کند ایت (stupid) بچک. تئی (اسٹوفڈ چاکلیٹ) ءِ وڑ ءَ وش اَنت، جنک: شیتان !!! شریں دگہ ھال کن، بچک: دگہ ھال اِش انت کہ منیر مومن من ھال دات، جنک: چے ھال دات؟ بچک: من گْوشت من ھمے " امممم " والا جنک ءِ سر ءَ پسّ اِتگ آں۔ جنک: تو منی نام گْوشت گوں، بچک. انّا جنک؛ شر کت ، منی نام ءَ کس ّءَ مہ گْوش گوں! بچک: پرچا؟ جنک: وت، من بس تئیگ آں جان! بچک: منّتوار " تئی نام ءِ سر ءَ من ءَ شیرے گیر اتک جنک: چے؟ بچک: تئی رھسراں نکش اِنت ھیالے رژنائیں چِداں من گْوستگ آں دائم چراگ داران ءَ جنک: او ھو ھو تو شائری ھم کن ئے؟ بچک: انّا ، اے منیر ئیگ اِنت من ءَ آئی ءِ شیر سک دوست بنت، من جنکے بیتین آں منیر گپتگ اَت۔ جنک: کند ایت (stupid) بچک: مرچی من شام نہ کن آں، جنک: چے ءَ؟ بچک: مرچی من (اسٹوفِڈ) ءَ سیر آں، جنک: کند ایت تو اَنچیں گپ جن ئے من چون کن آں! بچک: ھاں باریں ترا منی کتاب دست کپت؟ جنک؛ انّا نزیک ءَ نیست مات گْوش ایت باندا بازار ءَ گُد ءِ گرگ ءَ رو آں یکے کاراں گوں، بچک: گند ءِ تئی مات سھی بہ بیت کہ من تئی سر ءَ گنوک آں ، منی کتاب ءَ در ّایت! جنک: کند ایت کتاب ءَ ھیر اِنت تئی جند ءَ مہ درّ ایت !! بچک. پو ھو! آ زاناں وش نہ اِنت کہ جنک ءَ شریں بچکے رَس اتگ؟ جنک: انّا! بچک: چے ءَ؟ جنک: اے واست ءَ کہ من ءَ دشتار هست ءُ مات ءِ سیادے، بچک: مسکرا کن ئے جنک: دل گوُش آں، پاری ھبر سِندی بیتگ! بچک: هچ نہ گْوش ایت! جنک: ھاں چے بوت؟ بچک. تو راست گْوش ئے ھبر سندی بیتگ؟ جنک: ھو! بچک: منی دل گْوش ایت موبائل ءَ دیوال ءَ بہ جن بِلّے چُنڈ چنڈ بیت جنک: کند ایت موبائل ءِ میار ءُ گناہ اے بزگ ءَ وَ ھبر سِندی نہ کنائینتگ۔ بچک: تو من ءَ ھال نہ داتگ چی ءَ؟ جنک: ھال داتیں تو چے کتگ اَت؟ بچک. آ رندی گپے بلے تو ھال بہ داتیں من باریں چَہ تو وتی هچ گپ چیر نہ داتگ۔ جنک: ھمیش اِنت نی ھال داتگ ترا! بچک: باز دیر گْوستگ! جنک: چوں، بچک: نی من ھما جاگہ ءَ سر بیتگ آں کہ واتر بوگ نہ بیت۔ جنک: کند ایت پرواہ نیست! بچک. ترا بلکیں پرواہ نیست من ءَ هست! جنک. ترا چے بیت اگاں من ترا مہ رس آں۔ بچک. من پریشان باں، ترا کہ دشتار هست اَت گڑا من ءَ چے ءَ گنوک کت ھر روچ (SMS) ءُ پون، جی ھو جان سوگند ءُ کول چو چے ءَ کت؟ جنک: کند ایت وت کت من وتی مستر وت آں۔ بچک: تئی مستر وتی مارا گار کنت! جنک: من ترا وت درگیج آں! بچک: در مہ گیج " گار مہ کن۔ جنک: کند ایت دوئیناں کن آں، بچک: پون ءَ بند کنت! جنک: وت پون کنت ھلو، بچک: هچ نہ گْوش ایت! جنک: تو هچ نہ گْوش ئے جان! بچک: تئی جان من نہ آں دگرے! جنک: تو زار ئے؟ بچک: تو یکبرے بہ گْوش ترا دشتار هست اَت گڑا گوں من چے ءَ دوستی کت؟ چو چے ءَ گْوشت من تئیگ آں بس تئیگ آں؟ جنک: من لوٹ اِت کہ تو منی سر ءَ آشک بِہ بَہ ئے من ءَ انچو دوست بدار ءِ کہ بے من مہ بہَ ئے۔ بچک: بلے پرچا؟ جنک: کند ایت وت! بچک: نی لیب اِنت ترا زاناں یک بچکے ءِ مهر ءُ دوستی بس نہ بیت؟ جنک: بس بیت بلے آ یک انچین ئِے بہ بیت کہ من ءَ ھم دوست بہ بیت۔ بچک: چون؟ من پوہ نہ بیت آں! جنک: (Stupid) ✍۔ناگمان https://t.me/Bramsh_baloch

کسمانکی آزمانک جَنِک ءُ بَچَک جنک: هچ نہ گُوش ئے تو ؟ بچک: چے بہ گْوش آں؟ جنک: ( زار کنت ) هچ مہ گْوش! بچک: زان ئے من چے ءَ هچ نہ گْوش آں؟ جنک: انّا بچک: من کسّهے نبشتہ کنگ ءَ بیتگ آں بلے نی یک جاھے گَٹّ اتگ آں۔ جنک: گڑا من چون کن آں! بچک: تو ..! تو منی کسہ ءَ گوشدار بلکیں راھے دربئیت! جنک: ام م م ... شریں بیار کسہ ءَ! بچک: (SMS) سر ءَ آرگ نہ بیت من ترا پون کن آں! جنک: کمو ودار کن ، دزگْوهار روت گڑا ترا هال دے آں، ( کمے دیراں رند ) جنک: نی پون بہ کن بچک. ( پون کنت ) دزگْوھار شُت؟ جنک. ھو من دروگے بست ءُ گلّینت، بچک. تو دروگ بندگ ءَ کسی ھدّا نہ ئے ماشلّا! جنک. yes boss ( کند ایت ) بچک. ارّر ...تو من ءَ دروگ بندانی (boss) کت! جنک. ھو ترا کِلّ آں منی دروگ تو بندائینت! بچک. ساد بارگیں جاگہ ءَ سِند ایت، شر گڑا کسہ ءَ گوشدار جنک. ھو بُگش! بچک. کسہ چوش اِنت کہ بچکے ءَ جنکے دوست بیت، میتگ ءِ دود ءِ رِد ءَ بچک وتی لوگ ءِ مردماں جنک ءِ پت ءِ کرّ ءَ راہ دنت، جنک ءِ پِت آئی ءَ زاماتی ءَ زیر ایت۔ چیزے مُدّت ءَ رند سیر بیت, سیر ءَ رند سالونک لوٹ ایت کہ گوں بانور ءَ رِتک ءُ ریچ بہ باں .... بلے بانور وت ءَ دور دار ایت . سالونک دل ءَ گْوش ایت کہ بلکیں نوک اِنت لجّے کنت ... کمّ کمّ ءَ شر بیت۔ جنک: بلکیں مردے دوست نہ بیت؟ بچک: تو تہ ءَ دور مہ کن، یکبرے سرجمی ءَ گوش ئِے دار. جنک: ( زار کنت )گوش نہ دار آں بچک: ( کند ایت) پرچا؟ جنک: تو مردم ءَ دپ جن ئے! بچک: ( کند ایت ) شریں بابا دپ نہ جن آں , دست جن آں۔ جنک: زاریں بلے کند ایت (stupid) بچک. (Yes boss) کند ایت جنک: کند ایت تو وتی بیر گپت انت ... شیتان بچک: شر گڑا نی دیم ءَ کسہ ءَ گوشدار ،،، سیر ءِ دو سے هپتگ ءَ رند یک شپے کہ بانور واب اِنت ءُ سالونک انگت آگاہ اِنت، بانور ءِ گریوگ ءُ ھیسکارگانی توار کیت گریوگ ءِ تہ ءَ آ بچکے ءِ نام گپت سالونک چراگ ءَ روک کنت داں گند ایت بانور واب اِنت، آ زانت کہ وابے دیستگ ئِے بلے ھمے گپ ءَ پریشان بیت کہ بانور ءَ اے بچک ءِ نام چے ءَ گِپت، سالونک بچک ءَ پجّاہ کار ایت، ھمے بچک بانور ءِ سیادے اِندگہ روچ ءَ سالونک بانور ءِ کرّ ءَ نام گپت کہ تو دوشی واب ءِ تہ ءَ گریتگ ءُ پِلاں بچک ءِ نام گپتگ۔ بانور گوں اے گپ ءِ اشکنگ ءَ پریشان بیت بلے هچ نہ گْوش ایت، وھدے سالونک باز چُنڈ ایت ئِے گڑا گُْوش ایت، من ءَ ھمے بچک دوست بیتگ بلے پت ءَ من ءَ ترا گوں سیر دات۔ جنک: ھو! اے کسہ راستے یا دروگے بچک: اے آزمانکے دروگ ءُ راست درست ھوار اَنت، جنک: باز زان ئے تو بچک: چینچک زان آں من؟ جنک: من چے زان آں بچک: کند ایت! نہ زان ئے گڑا دیما گوشدار کسہ ءَ سالونک اے گپ ءِ اشکنگ ءَ گوں گمیگ بیت بلے مزن دلے بیت، آئی ءَ بانور ءِ سر ءَ بزگ کنت گْوش ایت ئِے اگاں تو ھما بچک ءَ گرگ لوٹ ئے؟ من ترا یل دیگ ءَ تیار آں " بانور گْریت ءُ گْوش ایت " آ بچک ءَ زار کتگ ءُ دگہ جاگهے ءَ زامات بیتگ دو روچ ءَ رند آئی ءِ سیر اِنت۔ سالونک نہ زانت کہ چوں بہ کن آں جُست کنت " نی شور چے اِنت؟ بانور هچ نہ گْوش ایت بس گْریت۔ جنک: بے چارگیں بانور !! بچک: چون! ترا بانور ءِ سر ءَ بزگ کنت؟ بلے سالونک ءِ سر ءَ نہ کنت؟ جنک: سالونک بچکے آزات تریں راھے درگیج ایت بزگیں بانور ءِ واست ءَ دْراھیں راہ ءُ در بند انت۔ بچک: یک راھے وَ پچ اِنت، جنک: کجام؟ بچک: مرد ءَ دوست بدار ایت! جنک: ا م م م .... دوستی زور نہ بیت۔ بچک: ھَیر شر نی دیما گوشدار اے مرد ءُ جن نا دلکّشی یکّے دومی ءِ ھمراھی ءَ چیزے سال گْوازین اَنت، آیاں چُکے ھم بیت یک روچے مرد گوں دگہ جنکے ءَ ڈیکّ وارت چیزے روچ ءِ تہ ءَ آیانی پجاروکی مهر ءِ تہ ءَ بدل بیت، بچک ءَ اَنچو سماہ بیت کہ منی زند ءِ هَکّیں ھمسپر ھمیش اِنت۔ آ جنک ءَ را گْوش ایت کہ تو من ءَ دوست بہ ئے بلے اے گپ ءَ جت نہ کنت کہ من ءَ جن ءُ چُک هست آئی ءَ ھمے گپ ءَ ترس ایت کہ چو مہ بیت ھپوگی ءِ ترس ءَ جنک چہ دست ءَ بروت۔ نی ھمد ءَ کسّہ اتکگ ءُ اوشتاتگ، جنک: ام م م م ... گڑا؟ بچک: گڑا چے؟ من نہ زان آں کہ اے دْراھیں گپانی زانگ ءَ رند جنک اے مرد ءِ گوما سیر بہ کنت کسہ شر تر بیت یا مہ کنت کسہ شرتر بیت من ھمد ءَ گَٹّ اِتگ آں تو چے گْوش ئے؟ (Stupid) دگے چیزے روچ ءَ پد،،، بچک: ھلو جنک. ھلو چون ئے؟ بچک: من یک ءِ سرایاں تو ھال کن! جنک: کند ایت یک ءِ سر ءَ ئے چے ءَ؟ بچک: تو وت زان ئے، جنک: ام م م م .. تو ھما آزمانک دیم دات؟ بچک: ھو جنک: کُج ءَ؟ بچک؛ منیر مومن گدار ءَ، جنک. گڑا کدی چاپ بیت؟ بچک. نہ زان آں، ترا چے ءَ اشتاپ اِنت؟ https://t.me/Bramsh_baloch

مجید آجز ءِ گُڈی دستونک۔ زگریں ھوناں گوں ھِنّیاں مین ایں گْواڑگیں کِشکاں جَور رودین ایں چمّ ءُ دل مئے سَدکّہ اَنت پہ تو گُش ، ترا ما کجا بِنادینیں مارا ھست اژدھائیں دریایے مَرکبیں راچِناں بہ نازین ایں آھنیں رنج زنگ بوھان اَنت شیشگیں دل گُبار ءُ دنزین انت بشّ ءَ گپتگ کہ ساھجی ءَ سنگر زاناں دیمپان کیچ ءِ ھامین انت شورھی تْراک پُلّ سْراپین اَنت میتگ اِنت مئے ، ھمے مئے ھنکین انت شیر ماتی گْورانی ھُشک بہ بنت مَلّیں بچّاں ما ھون میچین ایں بسّ ھمے ھاکمیں مڑاہ اِنت مئے گْریتگیں گْواڑگاں نہ کندین ایں چاریں کُنڈاں تھار ماھی اِنت شپچراگے کُجا بہ بالین ایں ھُشک ءُ ھیران منتگیں ، نوں ما زندگی ءَ چِہ وڑ بہ گْوازین ایں آجز ءَ بِلّ ، گار ءُ گُمراہ اِنت جند مئے دانکہ گردن ءَ مین ایں ✍۔مجید آجز https://t.me/Bramsh_baloch