غـرفه جـانـبيه||¹⁹⤷

بصي في منتقبات فعلا ربنا يهديهم وبيبوظو سمعه النقاب بس دول قليلين جداا وعايزه أوضح ان كلنا بنعمل ذنوب اقسم بالله كلنا انا وانتو وكلنا لأننا بشر ف مش معنى اني منتقبه يبقى مبغلطش بس في فرق لاني بجاهد مثلا والمفروض من النضج تكونو فاهمين ده مش تستنو حد يغلط عشان تقولو اوف شوفتي المنتقبه شوفت المتدين شوفت معرفش اي بالعكس انتي ممكن تنصحيها لو عملت حاجه غلط او تفكريها لان ممكن تكون وقعت تحت تأثير الشيطان أو النفس الاماره بالسوء وهرجع اعيد تاني التعامل معاهم مش سهل ابدا ف المشكله في دماغكو انتو ومدى نضجكو

واتعودو بجد لو شوفتو حد بيعمل حاجه غلط او حرام لو مقدرتوش تنصحوه ادعوله

-

حاضر

شكلها حلو ايوا بس حبيبتي انتي لابسه النقاب عشان تكونو محتشمه اكتر وتساعدي الرجاله على أنهم يغضو بصرهم مش عشان تفتنيهم بجمال عينك مع حواجبك🙏 وده اسمه قناع مش نقاب زيه زي الكمامه وكلنا اعتقد لو بينا حواجبنا مع عنينا هيكون شكلنا واو فاهمين؟ ف مينفعش الله يرضى عنكو🌷

-

والافضل تغطي حتى عينك

واسفه اني هقول حاجه تدايق بنات كتير انك تلبسي النقاب وتبيني جبهتك وحواجبك بعينك ده مش نقاب وانما فتنه

واه نسيت اقول حاجه كمان لازم تكون صادقه في نيتك مع ربنا يعني مش عايزه تلبسيه وخلاص أو اللي هو بتقولي كدا بس لا لازم تكوني صادقه في نيتك وعايزه تلبسيه عشان ربنا وتتحشمي اكتر وكدا

بس انا بقول تاني بلاش بلاش تلبسوه من ورا اباهاتكو يعني معرفش الابهات بتفكر ازاي بس عشان متتعرضوش أنه يحرمكو منه نهائي أو كدا

وهو والله عمره م كان سبب أن البنت متتزوجش يعني بالعكس والله من ساعه ملبسته حتى الآن في كميه ناس بتيجي اقسم بالله معرف بييجو منين ف هو مش سبب ابداااا

وعشان اللي سألو عن قصتي مع النقاب

بصو انا اهلي إلى حدٍ ما يعني متدينين وهيك لكن لبس النقاب ده كان مشكله اولا كنت عايزه البسه من أولى ثانوي لكن كلهم كانو رافضين عشان شايفين اني صغيره بلس خايفين اني اقلعه ف بابا قالي لما تدخلي الكليه البسيه لكن امي كانت رافضه رفض قاطع برضو لحد موصلت تانيه ثانوي على اواخرها كدا وكنت عايزه البسه جدا روحت قولت لماما الكلام ده في رمضان رفضت قولتلها هلبسه واحطك قدام الأمر الواقع على فكره قالتلي اعمليها وانا هعتبرك مش بنتي تاني🙏 هو انا معرفش لي افورنا كدا ساعتها بس ماشي😂 المهم اخويا قالها طب منا هتجوز منتقبه ولازم تكون منتقبه ف عادي اني البس النقاب ولي لا كانت هتخصم مع اخويا كمان ف عدينا الموضوع ساعتها بس من وقتها وانا بدعي وبس حرفيا لاني ساعتها كنت عايزه الموضوع جدا جدا جدا ومقتنعه بيه موت ف فضلت بدعي لحد يوم عرفه وساعتها دعيت في اليوم ده بالنقاب كتيير وان امي توافق لأن هي الوحيده اللي كان عندها مشكله معاه بجد ف سبحان الله يعني بعد العيد الكبير م عدى كانت صحبتي لبسته وهما عارفينها ف روحت قولتلهم دي صحبتي منه كمان لبست النقاب وانا لسهههه ف بابا قالي عايزه تلبسيه البسيه ساعتها انا كنت مصدومه والله اللي هووو....واخويا قالي اه متلبسيه ف بصيت لأمي وقولت لبابا مهي مراتك هتزعل قالتلي لا انا مليش دعوه "صدمه اس²" انا خد الكلام من هنا ومفتحتش معاهم الموضوع تاني ونزلت بعدها بيومين جبت النقاب ومع اول خروجه لبستههههه عايزه اقول ان امي مكنتش مصدقه اني هنزل بيه بجد بس مكنش ينفع تتكلم عشان بابا قال البسه عادي بس انا بعدها عرفت ان ماما كانت رافضه اني البسه مش عشان عيرسان زي مكنت فاكره وانما عشان مكنتش عايزه يحصلي مشاكل او حد يدايقني أو كدا بس بجد بجد بجد مهما كان الحاجه مستحيله بالدعاء بجد هتستجاب وتبقى عادي فكره اني البس النقاب كانت صعبه وربنا سهلها بطريقه انا حتى الآن مصدومه منها ف هو الدعاء هما مش هيقتنعو لكن ربنا هيلين قلبهم ليه وابقو زنو يعني كل فتره روحو قولو انكو عايزين تلبسوه وكدا

وادعوووو كتيرررررر بجددددد

بصي حاسه ان ممكن حد يشوف ده تعقيد أو تشدد لكن الاستريكات فيها صحابك البنات صح؟ اكيد مش كلهم لبسهم محتشم ميه في الميه او لابسين اللبس الشرعي ف في منهم اللي ببناطيل واللي بشعرها وما الى آخره "ربنا يهديهم ويردهم إليه يارب" طيب ده اي تأثيره؟ الفكره ان لما العين بتتعود على مشهد معين بتبدأ تحس انه عادي يعني زي اللي بيمشي جمب مراته لابسه قصير وبشعرها وبتاع انتي احيانا ممكن تقولي هو مش بيغير عليها؟ الفكره أنه اعتاد المنظر ده ف شايف أنه عادي ف عادي مراته تلبس كدا أو تمشي كدا ف انتي لو عينك بدأت تشوف أنه عادي هتبدأي تفكري طب م عادي ابقى زيهم؟ بلس الشيطان ونفسك مش سهل التعامل معاهم ابدا يعني اقسم بالله بسمع أن بنات بتبقى منتقبه وبتقلع النقاب وتبقى بشعرها اللي هو مره واحده حرفيا ف الشيطان ونفسك الاماره بالسوء مش ديما هتقدري تتعاملي معاهم بالذات نفسك يعني من أعلى مراتب الجهاد هو جهاد النفس! بالذات في زمن زي زمنّا ف انا بشوف أنه لا مينفعش تعودي عينك ان الحاجات دي عادي هتقوليلي أنهم موجودين في كل حته في الشارع مثلا هقولك منتي مش هتمشي تبصي على كل دول يعني🪿 بلس اكيد انتي مش ماشيه تبصي على الناس ديما واكتر الوقت هتلاقيكي مستعجله أو ماشيه مع حد ف اردي مركزه معاها هي أو ماسكه الفون ف تأثيرك مش هيكون زي الاستريكات اللي بتشوفيها لانك اكيد هتكوني مهتمه تشوفي صحابك ولبسهم أو كدا مثلا

10/10🤍🤍🤍🤍 وانا بكتب كان ف بالي الوقت ده بردو وبجد هو عامل من ضمن العوامل ال دايما ف بالي يعني دايما بقوله بس المرادي جه ف بالي النت اكتر بصراحه + نرجع لسؤال هي كل حاجه مش مفيده حرام؟ اصل بحس ان الاستريك مفيهوش حاجه حرام مش زي الريلز فاهماني؟

هو اه اكيدددددد لما سمعت بودكاست الشيخ امجد سمير عن الوقت واعتقد انتي شوفتيه برضو بعيدا عن أنه اتكلم عن الصحابه كانو بيتعاملو ازاي مع الوقت وده صعب جدا نوصله حاليا لكن انك تقعدي تضيعي وقتك على الاستريكات ده وقتتت كتييرررر موتتتتت وانا دخلت في حته الوقت قبل النت لأن الوقت أثمن بكتييير من النت ف مينفعش تضيعي وقتك اولا على الاستريكات أو الريلز وما الى آخره وحتى لو ملانه أو زهقانه حاولي تفكري في حاجه تانيه تبعدك عن دول لان لو الوقت عدى ومعملناش حاجه حلال فيه على الأقل منكونش عملنا حاجه حرام فاهمه؟ ده غير طبعا تأثيرات الريلز وبتاع واللي زيه زي الاستريكات ولو قولتيلي انك بتابعي الريلز اللي مفيهوش حاجه حرام او كدا هقولك ماشي بس مستحيل يعدي عشر ريلزات مثلا منغير واحد فيه موسيقى او حاجه زي كدا ومره ورا مره ممكن تضعفي ف المفروض تقفلي الباب اسهل وبحس الاستريكات قريبه من الريلز عشان الاتنين في احتماليه يخلوني اخد ذنوب بلس هضيعي وقت كتييييررررر ف اكرفي للموضوع والاستريك اللي هينزل مش هيغير حياتك للاحسن بالعكس هياخد من وقتك وممكن يخليكي تاخدي ذنوب برضو حاسه ان كلامي مش مرتب بس في كلام كتير في دماغي اتمنى مكونش دخلت كل حاجه في بعضها🙏

المهم من فتره دخلت ع بروف السناب بتاعي لقيت 1600فولور ده يعني إن أنا ببعت استريكات والموضوع مهم عندي وبزعل لو ضاع وبتاع وبعدين حسيت ال هو 1600كتير اني كل يوم ببعت استريك ل 1600بنت وبستقبل منهم كل يوم استريكات ومحدش بيبعت استريك واحد مهما فتحت استريكات +99 مبتخلصش معرفش لو تفكيري كان صح بس حسيت أن النت ده نعمه أنا بخلصه ع استريكات ليه استريك لبنات مثلا ف الجامعه ياخد من النعمه ال ربنا رزقهالنا ليه استريك صحبتي وهي مش عارفه بتعمل اي حسيت أنه ممكن يكون حرام؟ ممكن يكون لهو؟ ونرجع نفكر ف إن اصلا النت بيضيع سواء ع ريلز أو شاتات أو مسلسلات او أو ف اي كل حاجه مش مفيده هتبقى حرام؟

بالظبط وفي الأغلب المشكله هتبقى مشكله شخصيه مع اللي بيقول كدا ف مش من النضج الحكم على الكل من شخص واحد

بصي في منتقبات فعلا ربنا يهديهم وبيبوظو سمعه النقاب بس دول قليلين جداا وعايزه أوضح ان كلنا بنعمل ذنوب اقسم بالله كلنا انا وانتو وكلنا لأننا بشر ف مش معنى اني منتقبه يبقى مبغلطش بس في فرق لاني بجاهد مثلا والمفروض من النضج تكونو فاهمين ده مش تستنو حد يغلط عشان تقولو اوف شوفتي المنتقبه شوفت المتدين شوفت معرفش اي بالعكس انتي ممكن تنصحيها لو عملت حاجه غلط او تفكريها لان ممكن تكون وقعت تحت تأثير الشيطان أو النفس الاماره بالسوء وهرجع اعيد تاني التعامل معاهم مش سهل ابدا ف المشكله في دماغكو انتو ومدى نضجكو

واتعودو بجد لو شوفتو حد بيعمل حاجه غلط او حرام لو مقدرتوش تنصحوه ادعوله

-

حاضر