نِـبراسُ طالِـبِ الطِـب

جماعة الخير رقدو وبكرو على 3تكملو واش بقالكم باه تهزو كاين لي كي يسهر ميهز والو يسمى ريحو شوي ونوضو مبعد تكملو

يدبر الامر من السماء +ما خيب الله الكفوف الداعية بالتوفيق للجميع إن شاءلله

هيا روحو أقراو روحو

شوفو نقوللكم على زوج بنات و هاذو نعرفهم أنا وحدة كانوا خاصينها 30 نقطة طلعت و راهي طالعة للكاطريام و طلعت كلش غير كارديو قالتلي جاتني صعيبة و وحدة طلعت بالايرينار و جابت 16 فيها و طلعت عادي جدا و العام اللي فات للي دخلوا للراطراباج طلعوا كامل تقريبا قالتلي غير للي ما قراش كامل و ما عاودش حل ليكينطرول تاعنا پسك عاودولعم سما روحوا تقراوا و اسعاو

خاوتي بالنسبة لهذي لهدرة ماتخلوهاش تأثر عليكم ولا ,قادر هي استهانت بها بسك ساهلة أيا ماطلعتهاش ،لكن كون تقراوها مليح وتحلو QCM وسوجي تع هذا عام تقدرو تطلعوها حتى 18 عادي. نتوما اتعلموا من خطأ تعها بصح ماتخلوش يأثر عليكم ولا تقولو كون ندخل فيها ما نطلعش #Nour_Saviors_Med

يشهد الله أكثر فترة صعيبة عليا أكثر فترة حسيت فيها بالعجز والحزن والخوف والقلق حتى مرضت الله المستعان السؤال ربي يشوف كامل هذا وميجازيكش؟ حتى ومكاش سعي أسأل الله أن يرزقنا جزاء الحياتين وأن يكفر ذنوبنا وخطايانا بما أصابنا من هم وحزن وغم وأن يرزقنا النجاح والفلاح والسداد اللي فدتو ولوبالقليل يدعيلي في ظهر الغيب

عن أبي سعيد الخدري وأبي هريرة رضي الله عنهما، أن النبي ﷺ قال: «ما يُصِيبُ المسلمَ مِن نَصَبٍ، ولا وَصَبٍ، ولا هَمٍّ، ولا حَزَنٍ، ولا أذًى، ولا غَمٍّ، حتى الشوكةُ يُشاكُها، إلا كفَّر اللهُ بها من خطاياه».

رواه صحيح البخاري وصحيح مسلم.

خاوتي بركاو ما تهبطوا مورالكم ، أمينة قالتلكم هاكذا باه برك ما تتكلوش عليها ، لا قدر الله و ما خدمتوش فيها ، مي انا نشوف هدرتها لازم تكون حافز ليكم باه تقراوا ... روحوا تقراوا و ادعيوا ربي يرزقكم التوفيق خاطر إذا وفقك ربي لابغا تدير بولي تدي كثر من واش كنت مدي ، سما خليوا يقينكم في ربي سبحانو كبير و خليكم إيجابيين و في الأخير لن يصيبنا إلا ما كتب الله لنا ربي يوفقكم كامل و نطلعوا كامل بإذن الله

مش قضية نخوفكم ولا بصح والله صحبتي من بومرداس راحت غير بالإيرينار كان خاصها 8 برك تخيلو مجابتش في الإيرينار شحال كانت حابة وعاودت متعتمدوش على الايرينار برك لا تعاودو بلاكو بلاكو

نصيحة ف محلها

لو كنت ذاكرت أول بأول ! لو كنت اجتهدت وذاكرت أكتر ! لو كنت بحضر المحاضرات المهمة! قال صلى الله عليه وسلم : فلا تقلْ : لو أني فعلتُ لكانَ كذا وكذا ، ولكن قلْ قدَّرَ اللهُ وما شاءَ فعلَ ، فإن لو تفتحُ عملَ الشيطانِ. قدر الله وما شاء فعل ، المهم تستدرك في أي وقت وتعقد العزم وتُخلص النية لله وستجد منه العون والتدارك . خواطر ففهمناها سليمان

ملخص النملة الجادة لضمان المادة الجماعة لي رايحة تعقب ايمينو راطراباج كنت نلايم الطرق الذكية كامل للدراسة بذكاء وبدون جهد وهذ الملخص لي هنايا خدمتو انا وجميني هايل بزاف الفكرة تاعو تعتمد على كذا 1-شفت لي كور لي طاحو في الكونطرول 2-لقيت 12 كور طاح في الكونطرول حكمت مع جيميني قسمناهم ل 5مجموعات كبيرة وكل مجموعة وش فيها كورات Group A: immunitée innée+réaction inflamation +sys complément Group B: antigéne +HLA Group C:les organes lymph +LT GroupD: LB+immoglubiline Group E:chimiokine+molécule d'ahéd +intraction cellulaire الملخص فيه اهم الافكار الخاصة باليكور لي تمكنكم تحلو الكسيان وتفهمو بيهم علاه الكسيام هذا صحيح وهذا غالط وتعاونكمم بزاف الملخص راه باللغتين في كل كور تلقاو البداية بالعربية وتحتها مباشرة الفرنسية وبعدها للكور لي بعدو ان شاء الله نطلعو كامل ✨ادعوا لوالدي يبرا من السرطان✨

هذو الملخصات تاع الإيسطو فالإيرينار دعيو لمولاتهم.

نورو 84 كوسيام أناتو 26 كوسيام يعني 6.19 نقطة إيسطو 24 كوسيام يعني 5.71 نقطة فيزيو 24 كوسيام يعني 5.71 نقطة بيوفيزيك 10 كوسيام يعني 2.38 نقطة

وفيك بارك الله

...

بارك الله فيك