يوسُف 👾

اكتر حاجة بتضحكني في نفسي اني ممكن ابقى بعمل حاجة في سياق معين ثم بعدها ممكن اعمل حاجة تانية في سياق معارض للي قبله. حاجة في منتهى انفصام الشخصية والله

حلوة الحاجات اللي ملهاش سياق واحد دي..

أعوذ بالله من الاطفال. + التجربة من أهم الأشياء في مرحلة الشباب، حتى لو هتخسر بعض الأشياء وهتعك لكن دا سبيل مهم للتعلم واكتساب الخبرة. الاكتفاء بالتجارب الواضحة المحددة مسبقًا والمقولبة بتدمر الواحد. فعاش والله مبسوط بدا.

انا كان المفروض ارد على البتاع دا باين

https://youssefalsafi.sarhne.com ساعة لحد ما انام. عاملين ايه بتعملوا ايه اتعلمتوا ايه آخر فترة والذي منه

أنزّل حاجة هلس وضحك تدخلوا القناة وتفوقوا وتتفاعلوا وحاجة آخر دلع ونشاط وحيوية. أنزّل حاجة جد وبتاع، ألاقيكم بتطلعوا من القناة وعاملينلي فيها أموات. ما مش كدا يجدعان اومال..

​«بالإسلام وحده يصبح الإنسان يدري من أين جاء ، وإلى أين المصير، يدري لماذا هو موجود ، وما دوره في هذا الوجود ، يدري ذلك حقاً وصدقاً، وفرق بين من يدري ومن لا يدري ﴿أَفَمَن يَمْشِي مُكِبًّا عَلَىٰ وَجْهِهِ أَهْدَىٰ أَمَّن يَمْشِي سَوِيًّا عَلَىٰ صِرَاطٍ مُّسْتَقِيمٍ﴾.»

كتاب العقيدة في الله || د. عمر الأشقر

.

روحت البيت لقيت طبق الرمان دا متكيّس ومحطوط على المكتب عند. عشان لو مكنتش شفت كرامات الأولياء قبل كدا..

يراجل دا الرمان نفسه بيدخل البيت في المواسم

مع كوني مش من محبين الرمان بس معنديش مشكلة أعشقه:

كانت الكارثة كلها في الإفراط؛ الإفراط في الأمل، في الحب، في التوقعات، في الانتظار، في كل شيء.

لدكتور أحمد خالد توفيق رحمه الله

من أعجب المشاهد إنك تلاقي الظالم (أو خدّامه) بذات نفسه يطلع يقولك: دا ربنا العدل - وكلنا هنتحاسب - ومتنسوش إننا هنقف قدام ربنا يوم القيامة.. وكلام شبه كدا. والله مشهد عجيب جدًا، بتبقى عايز تقوله البعيد أعمى؟! ولا انت بتستغفل مين بالظبط؟! لكنّها الغفلة في أبهى صورها، نعوذ بالله منها.. قال تعالى: ﴿إِنَّ الَّذينَ لا يَرجونَ لِقاءَنا وَرَضوا بِالحَياةِ الدُّنيا وَاطمَأَنّوا بِها وَالَّذينَ هُم عَن آياتِنا غافِلونَ﴾ [يونس: ٧] وقال: ﴿بَل قُلوبُهُم في غَمرَةٍ مِن هذا وَلَهُم أَعمالٌ مِن دونِ ذلِكَ هُم لَها عامِلونَ﴾ [المؤمنون: ٦٣] الأعجب بقا إن كلامه دا هو اللي بتصبر نفسك بيه أصلًا.. إن مفيش حد هيعدي يوم القيامة إلا لما يتحاسب على اللي عمله، وإن محكمة الآخرة هي الفاصلة بإذن الله. قال تعالى: ﴿وَنَضَعُ المَوازينَ القِسطَ لِيَومِ القِيامَةِ فَلا تُظلَمُ نَفسٌ شَيئًا وَإِن كانَ مِثقالَ حَبَّةٍ مِن خَردَلٍ أَتَينا بِها وَكَفى بِنا حاسِبينَ﴾ [الأنبياء: ٤٧] فسبحان الله، نفس المعنى يستعمله الظالم والمظلوم في نفس الوقت، والاختبار في تقصّي الحق ومعرفة مَن الصادق مِن الكاذب.

"لا حكمة بغير تجربة، تجربة ذاتية بالطبع. ولكن إذا كان صحيحًا أن الإنسان الذكي يستفيد من تجارب الآخرين، يترتب علي ذلك أن التهور في مرحلة الشباب شرطاً للحكمة في الشيخوخة. وأن الشباب الأذكياء الذين لا يخوضون تجاربهم الخاصة. لن يكتسبوا حكمةً حقيقيةً أبداً. وأن مثل هذه الحكمة لا يكتسبها إلا من لم يتسموا في شبابهم لا بالحكمة ولا بالفكر." .

من الحاجات اللي تنقذك من الاستسلام لليأس والشعور بعدم الجدوى من السعي سواء في الشأن الخاص أو العام = هو إنك تفتكر إنك بتعمل كل دا من باب التكليف لا أكثر ولا أقل. بمعنى إنه مش مطلوب منك توصل لنتيجة معينة بشكل قطعي وإلزامي، دي مش بايدك ولا ربنا كلفك بيها. احنا مكلفين إننا نشتغل في دايرة التأثير ونعمل اللي علينا (ويكون اللي بنعمله دا له جدوى فعلًا مش حاجة أجمعت عليها الكرة الأرضية إنها ملهاش أي ستين لازمة). واستمرارية السعي لا تعني حتمية الوصول ولا حاجة، انت هتُسأل عن السعي لأن دا التكليف، وافتكر إنه يأتي النبي يوم القيامة وليس معه أحد.

لو حد عنده معرفة مسبقة بأساسيات العقيدة (لو سمع حاجة في أركان الإيمان يعني) ممكن يكتفي بأول 6 محاضرات اللي هما مقدمات منهجية وخلاص.

محاضرة جميلة عن ثمرات العقيدة المبرهنة بالأدلة الصحيحة، المدة: 30 دقيقة. وهي ضمن سلسلة بعنوان الحقيبة الشرعية (العقيدة)، أنصح بيها اللي عايز يسمع حاجة مبسّطة وسهلة في العقيدة. https://youtu.be/XdFaWM343tk

https://youtu.be/fRsMJE1j7nk محاضرة عسل بتعبير مسلم ^^

لا يزيدني تقدم الذكاء الصناعي أو كلام الناس عن التخوف منه إلا إيمانًا بأهمية التعلم التقليدي وحفظ العلم وقراءة الكتب وإدامة النظر وبناء العقلية العلمية والنقديّة، التي ستضعف مع الوقت ومع كثرة اعتماد الناس عليه، فتبقى أكثرَ قيمةً وامتيازًا في زمان يكثر في الغثاء والسفسطة والثرثرة الخوارزميّة، والمتشبعون بما لم يعطوا..