Khem Veasna
Открыть в Telegram
Official Channel Telegram for Khem Veasna, President of League for Democracy Party (LDP).
БольшеСтрана не указанаКатегория не указана
7 643
Подписчики
+224 часа
+67 дней
+1130 дней
Архив постов
7 643
អារម្មណ៍រៀន សិក្សា ពិសោធន៍រឿងក្នុងលោកទាំងអស់ មិនអាចយកមកគិតហេតុផលតក្កៈបានអារម្មណ៍យល់គឺសម្មាទិដ្ឋិបានជាដាច់ខាត ព្រោះ ការរៀន ការសិក្សា ការពិសោធន៍គឺប្រើតែអារម្មណ៍ពាល់ត្រូវតែទាំងអស់។ រៀន ក៏អារម្មណ៍ពាល់ត្រូវជាអ្នករៀន សិក្សាក៏អារម្មណ៍ពាល់ត្រូវជាអ្នកសិក្សា ពិសោធន៍ក៏អារម្មណ៍ពាល់ត្រូវជាអ្នកពិសោធន៍តែទាំងអស់ហ្នឹង។ អារម្មណ៍ពាល់ត្រូវ ជាអារម្មណ៍វង្វេង ពាល់ត្រូវទ្វារ មានអារម្មណ៍ថាទ្វារជាខ្លួន អារម្មណ៍មានខ្លួនជាសត្វជាអារម្មណ៍វង្វេង ជាផ្លូវអារម្មណ៍ខុសមគ្គ ជាមោហៈរបស់វិញ្ញាណ មិនអាចគិតហេតុផលតក្កៈរកអារម្មណ៍យល់ដែលជាអារម្មណ៍ភ្លឺស្វាងគឺបញ្ញាបានទេ។ មនុស្សដែលមិនយល់ដំណើរធម៌គឺកម្មបង្កើតលោកិយថាវាមានដំណើរហេតុផលយ៉ាងម៉េចនោះទេ គឺសុទ្ធ អត់មានមួយទេ គឺសុទ្ធតែមានផ្លូវអារម្មណ៍វង្វេងមោហៈនេះ តើគេទាំងនោះម្តេចអាចគិតយល់ថាពូពន្យល់រឿងអីទៅ? បើមនុស្សមានផ្លូវអារម្មណ៍ខុសហើយ បើគេចង់ស្តាប់ពូអោយបានអារម្មណ៍យល់ដែលជាផ្លូវអារម្មណ៍ត្រូវមគ្គ លុះត្រាតែគេស្តាប់ដោយស្មោះត្រង់គឺចង់យល់ថាពូពន្យល់ពីរឿងអី ទើបគេអាចប្តូរផ្លូវអារម្មណ៍ពីខុសមគ្គមកត្រូវមគ្គបាន។ ស្តាប់ព្រះពុទ្ធពន្យល់ធម៌ក៏ដូចគ្នា គឺត្រចៀកស្តាប់សំលេង ហើយខួរគិតពាក្យព្រះពុទ្ធថាព្រះអង្គកំពុងពន្យល់ពីរឿងអី? មនុស្សដែលមានផ្លូវអារម្មណ៍ខុសមគ្គគឺអារម្មណ៍ពាល់ត្រូវ គឺត្រូវតែជួយខ្លួនឯងដើម្បីដូរផ្លូវអារម្មណ៍ពាល់ត្រូវដែលជាផ្លូវអារម្មណ៍មកផ្លូវអារម្មណ៍ត្រូវគឺផ្លូវអារម្មណ៍គិតហេតុផលយល់ តាមរបៀបហ្នឹងដូចគ្នាទាំងអស់ គឺស្តាប់ដោយស្មោះត្រង់។ ប្រឹងស្ដាប់ដោយស្មោះត្រង់ហ្នឹងហើយដែលព្រះពុទ្ធប្រាប់ថាអត្តាហិ អត្តនោ នាថោ នោះ៕
