محمد حمّود

رائع رائع جدا

ملخص الحياة في غالب بيوت مصر اللي قلته في الريكودات وده

لما بيكبروا بيعرفوا الحقيقة لما يشتغلوا لما يتحملوا مسؤولية لما يتعبوا أما طالما في مرحلة الدلع والراحة مستحيل يدركوا

مهم مهم مهم ربنا يعفوا عنا

نماذج أخرى… ربنا يصلح حالكم ويجازي أمكم خير

استدراك ومعنى جميل جميل

حقيقي بنسبة

وعليكم السلام ورحمة الله وبركاته سيبك من اللي منزل البوست ومن سنه ومن أي حاجة بس ده واقع والله

مظنش أنهم بيعيشوا عشانهم! عشان لو عايشين عشانهم بجد مكنش هيبقى ده الوضع خالص ولكن اعتقادهم أنهم عايشين عشانهم في حين أن فعلهم أغلبه أنانية وضدهم في ظن منهم أن دي مصلحتهم وعشانهم دي مجرد شماعة! الكلام ممكن يبان قاسي بس دي الحقيقة اللي فهتمها متأخر

الأهل في مصر بيعيشوا عشان أولادهم ودي كارثة. المشكلة إنهم بيحملوا الأبناء نتيجة اختيارهم ده

بعيدًا عن إن الموضوع ده أنا قرأته قبل كده زمان، فده معناه إن اللي ناشره حاليًا مش صاحب المشكلة. بس على كل حال، أنا شايف إن التقصير هنا من عند الأم .. ومش شرط تكون سيئة، لكن هي قصرت في إنها توصل المجهود اللي الوالد قام بيه. لكن لو بصينا ليها من منظور تاني هنلاقي برضو إن ده الطبيعي .. الراجل كان شغال 24 ساعة، فهي كانت قايمة بدور الأم والأب ف ده كتر خير الدنيا إنها قدرت تربيهم اصلا وتشكر جدا يمكن اكتر منه كمان أنا مزعلتش من الموقف نفسه، لكني زعلت جدًا لزعل الراجل والله

حاسس أني قصرت جدا في حق الموضوع ده ومتكلمتش عنه بالشكل الكافي ولكن أتمنى أن يصيب ما أريد وياريت لو حد من الكرام يتكلم في الموضوع بشكل كتابي عشان أنا مش أحسن حاجة فيه

انا رجل عندي 45 وحصل موقف من اولادي مش قادر اتخطاه انا عندي 4 منهم 3 اولاد وبنت شوفت فيديو علي الفيس اب وام بيخلو اولادهم يقفو طابور ويختارو ما بينهم انا عجبتني الفكرة بس خوفت الاولاد تختارني وامهم تزعل وريتهم الفيديو وقولت لهم من ورا امهم اختارو كلكم ماما عشان ماتزعلش وتشيل في نفسيتها راحو كلهم في صوت واحد قالو ما احنا كدة كدة هنختار ماما من غير ما تقول لنا الكلمة وجعت قلبي انا ضيعت حياتي كلها شغل وتعب كونت بشتغل ليل نهار كونت بشتغل شغلنتين عشان اعلمهم تعليم محترم وجيبت لكل ولد فيهم شقة والبنت شاري لها ذهب كل ده انا شقيت بيه طول حياتي كونت بحرم نفسي من كل حاجة عشانهم هما وامهم وفي الاخر يقولو كدة وكمان في وشي انا ضحكت ومابينتش قدامهم ان زعلان بس حقيقي الكلمة دي دمرت نفسيتي انا اخر مرة عيطت لما امي ماتت انا نزلت عملت نفسي رايح اجيب حاجة وخدت عربيتي قعدت فيها نص ساعة بعيط الموقف من اسبوع بس مش قادر انساه حتي معاملتي اتغيرت في البيت مابقيتش اضحك ولا اهزر ولا اخرج معاهم من على الفيس بوك، وزعلني جدا وأثر في نفسي!

استنكار قوي وأحب أضرب به المثل في اللي يعمل حاجة ويندم عليها وياريتني ويارتني وأولهم نفسي بسبب الشطر ده وكام مقولة أخرى بقبت أفكر كتير جدا قبل أي قرار وأقيس من كل الجوانب عشان مقعش في نفس الغلطة بعد ما اتهربت من الوقوع فيها فكر كويس استخير اعقلها وتوكل

أتبكي علَى لُبنى وأنتَ تركتَها فقد ذهبتْ لُبنى فما أنتَ صانعُ وطارَ غرابُ البينِ وانشقَّتِ العصا بلُبنى كما شقَّ الأديمَ الصَّوانعُ - قيس بن ذريح.

كُن عن هُمومك مُعرِضا:

😬

و