الخَريــــطــة || Daamii's map ✨

اتفاق خنفشاري 🩵.

بارك الله فيك على هذ النصيحة الخنفشارية للبنات مام النصيحة تاع الذراري هايلة إن شاء الله يطبقوها.

هذا كامل باه تفصلي أفكارك ومشاعرك عن ذهنك بسك كاين وحد المثل يڤول أنو النظرة من داخل الحقل ليست كالنظرة من خارجه.. كي تكوني داخل الحقل رايحة تكوني تايهة ومتعرفيش كيفاه تخرجي منو نفس الشي كي تكوني محاطة بأفكارك ومشاعرك السلبية رايحة تكوني تايهة فيهم ومتقدريش تلڤاي الحلول. علابيها لازم تفصليهم عن نفسك بأنك تكتبيهم وتجسديهم على ورقة هذ الشي رايح يمد لعقلك الفرصة باه يفرز الأفكار لي عندو ويخرجلك بالحلول فالنهاية.

كاين لي يحبو يخرطو يڤولك ديري ألوان سطري بالمسطرة خلي خطك واضح نظمي المذكرة تاعك زينيها بالستيكرز هذا الشي كامل خرطي فخرطي ورايح يخليك تركزي على المظهر تاعها كثر من الهدف بحد ذاتو وهو أنو تفصلي أفكارك عن التفكير تاعك.

الطريقة تاعو باختصار ساهلة ماهلة بسيطة جدا ميش كيما الخرطي لي نضال نسمع فيه فالسوشل ميديا: هزي ورقة وستيلو وأحكمي فكرة لي راهي فراسك عبري عليها ولا أي شعور سلبي مكش مستراحة فيه أكتبي بالطريقة لي جات فراسك وباللغة لي تساعدك خربشي على روحك عبري بطريقة عشوائية وماديريش قوانين ولا حدود معينة. هذي هي.

أنا عندي وحد اليقين هكذا بوحد الفكرة لي هي نوعا ما فكرة "عدمية" بالدرجة الأولى بصح فيها جانب وجودي كبير بزاف إذا حبينا نشوفوها من الجانب المشرق تاعها أنو حنا البشر رانا نعانيو بسبب أفكارنا وذكرياتنا وأي حاجة متعلقة بالوعي والإدراك تاعنا وفقط. يعني المعاناة فالحقيقة راهي عبارة عن وهم بحت معندوش أساس فالواقع وإنما راهي موجودة داخل رؤوسنا هذا مكان. والدليل أنو بعد ما تمر فترة معينة من حدوث المشكلة رايحين نكتشفو بلي الحل كان توالنا طوال الوقت بصح حنا مقدرناش نشوفوه لأننا كنا مركزين على الأفكار والمشاعر السلبية لي كنا عايشينهم فالبداية. ولهذا كاين الـJournaling هذا للهدف منو أنو كي تكون في راسك فكرة معينة ولا شعور سيء تروحي تهزي ورقة وستيلو وتكتبي عليه وتعبري عليه (بطريقة وصفية يعني توصفي الشعور ولا الفكرة فراسك لا أكثر، ميش تسردي الأحداث لي صراولك في ذاك اليوم بسك معندهاش معنى إذا حبيتي تخرجي بحل للمشاكل لي عندك ميش تڤعدي شافية على تفاصيل يومك).

هذا ميساج خنفشاري كتبت عليه جرنان باه نجاوبك وتفاصالي بالغلطة ويت نعاود نكتب.

صدقيني كاينة طريقة خنفشارية تخليك تتعلميها كيما واحد native بلا دورات بلا كتب بلا تعب ولي هي أنو تابعي المحتوى لي عندك فالسوشل ميديا كامل باللغة الإنجليزية (ميش قصدي تابعي ليبروف لي يقريوها لالا قصدي أنو تابعي المحتوى لي تحبيه بصح بشرط أنو يكون باللغة الإنجليزية.. زيدي تفرجي بودكاستز ولا فيلمات بلونجلي وهاهو وجهي لا ما وليتيش تبدعي فيها).

كاين زوج عباد راهم في راسي أصبرو نتأكد وينا واحد فيهم ونديرلكم فقرة فضائح البرومو.

الدنيا فانية وواحد معلابالو وڤتا ووينتا تديه الموت حتى.

راني عرفتك شكون نتا أصبر نتأكد برك ونفضحك.

وفقا لعملياتي الحسابية غير الدقيقة راهم 136 واحد لي عاود.

كنت مدايرتلو pause ونا نڤول لاه ما لحڤني والو من ڤبيل 😭.. لي كشما كتب كاش حاجة يعاود يكتبها بسك ما كان يوصلني والو.

https://ngl.link/daamii94814 بما أنها العطلة هيا نديرو فعالية جديدة ولي هي كل واحد يمدلنا معلومة ولا نصيحة ولا أي حاجة هكذا تعلمها ويقدر يفيد بيها غيرو فأي مجال ورايحة نحط الأجوبة تاعكم هنا لتعم الفائدة 🥹🩵.

⁠﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾ _ ⁠- سُبحان الله. ⁠- الحَمد لله. ⁠- لا إله إلا الله. ⁠- الله أكبر. ⁠- لا حَول و لا قوة إلا بالله. ⁠- سُبحان الله و بِحمده. ⁠- سُبحان الله العَظيم. ⁠- أستغفِرُ الله الْعَلِيُّ الْعَظِيم وَأَتُوبُ إِلَيْهِ. -لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ. -اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ. -يا مقلِّبَ القلوبِ ثَبِّتْ قلبِي على دينِك.

المهم نحكيلكم وحد القصة حكاهالي طبيب هذوين: عندها وحد الخمسطاش سنة هكذا طفل صغير في عمرو خمس سنين يسكن هنا في سطيف ظهرت عليه أعراض غريبة تتمثل في أنو ذراعو اليسرى عادت تتصلب وتتكمش على نفسها وبشوي بشوي عادت ديما فالـposition تاع الـflexion لدرجة ميقدر مره أنو يكسلها ويحركها نورمال.. ومع الوقت عادت ديرلو تشنجات حادة وآلام قاوية بزاف. جراو بيه ماليه partout ما خلاو حتى طبيب حتى سبيطار حتى عيادة سوا بريفي ولا بيبليك إلا وداوه ليها وللأسف معرفوش السبب لي خلى يدو تصرالها هكذاك حتان فقدو الأمل ومالڤاولوش حل غير أنهم يحوسو على علاج فالخارج وفعلا داوه لفرنسا وتبعوه بالتفصيل الممل (نظام الأكل تاعو، كشما مشاكل نفسية، ومام الأمراض الوراثية لي كاينة فالتاريخ تاع العائلة وحتى أسلوب حياة الوالدة تاعو سيرتو ففترة الحمل تاعها بيه) وهكذاك وما عرفوش السبب حتان جات دونتيست هكذا على زهر برك دارتلو فحص روتيتي للأسنان تاوعو قبل ما يرجع لبلادو وهو ميؤوس من أمرو.. الدونتيست هذي لاحظت بلي عندو ضرسة لي الحجم تاعها كبير والموضع تاعها مهوش نورمال مقارنة بضرسة عادية لطفل عندو خمس سنين برك في عمرو أيا هي دارت خدمتها ونحاتهالو بحكم أنها أسنان حليبية وبقاءها بهذاك الشكل يقدر يديرلو مشاكل فالفم وما إلى ذلك.. مع مع نحات هذيك الضرسة حتان لاحظو بلي ذراعو ولات لوضعها الطبيعي وعاد يقدر يكسلها بكل حرية.. بعد ما تعمقو مليح فالحالة هذي عرفو بلي هذيك الضرسة بحذ ذاتها هي ضرسة تاع عقل نبتت عند هذ الطفل قبل الوقت (حالة نادرة بزاف) وبحكم أنها ضرسة عقل تسما باينة بلي دير غير المشاكل والمشكل لي داراتو كان أنها كانت نابتة فالـTrajet تاع Les nerfs تاع ذراعو هذ الشي لي كان يسبب هذيك la flexion لي ملڤاولهاش حتى حل حتان جات الصدفة وحدها ✨✨.