الخَريــــطــة || Daamii's map ✨

#خاطر: _ كوكبُ "بلوتُو" لم يحزن قطُّ لَمَّا خسِرَ تصنيفَهُ كَكَوكبٍ سنةَ 2006، فهو ما زال يلازمُ مدارَهُ رفقةَ أقمارهِ الخمسةِ حتَّى بعدَ عشرينَ سنةٍ من إقصائهِ من المجموعةِ الشَّمسية.. غيرَ آبِهِ برأيِ البشرِ فيه!

#خاطر: _ كوكبُ "بلوتُو" لم يحزن قطُّ لَمَّا خسِرَ تصنيفَهُ كَكَوكبٍ سنةَ 2006، فهو ما زال يلازمُ مدارَهُ رفقةِ أقمارهِ الخمسةَ حتَّى بعدَ عشرينَ سنةٍ من إقصائهِ من المجموعةِ الشَّمسية.. غيرَ آبِهِ برأيِ البشرِ فيه!

يس عادي. الراشا يجتمعو عليها ليبروف بعد الـPV final يعني لي تحت عشرة كامل يكتب توالهم Ajourné من بعد كي هدرو عالراشا وحدو المعدل تاعها ضك يزيدو يديرو PV جديد (بعد مدة طويلة نوعا ما) يحطو فيه Admis rachat للناس لي ڤاستهم بطبيعة الحال. وكيما علابالكم بلي لانوت إليميناتوار نحاوها يعني لي عندو راشا ولا فوڤ 10 ويكون عندو هذ لانوت راهو يطلع عادي. مام لي معڤبش رطراباج في كلش رايحة تڤيسو الراشا ثاني بسك كي هدرنا مع الدوايا ڤاللنا رايحة تڤيس جميع واحد لشتا معڤبش كلش.

حالة مستعجلة.

جماعة الله يرضى عليكم متعرفوش كاش جمعية خيرية عندهم سيارة إسعاف خيرية عندنا حالة urgent راهي فالسونطر تاع التينار ولازم نوصلوها للـCHU ربي يحفظكم.

ڤلبي طاح في كراعي ونا مالي دخل.

🩵

الحاجة الوحيدة لي توحشتها فالقراية هي كي نخرج من الدار عالسبعة تاع الصباح زمان شتا وتكون الظلمة ونروح نركب الكوس ونڤعد نتفرج فشروق الشمس من برة وكي نلحڤ للباز نشري كاش حليب سخون ونڤعد نشرب فيه زعم أجواء وكذا.

عقوبة تاع رجم حتى الموت على زين الهدرة ذي.

واااببببب.

على زين الهدرة الباهية هذي تاع الراشا راني عرفتك شكون نتا ثاني بلا ما نتأكد ضد نخلص برك ونجي نفضحك مع صحابك. سبحان الله كامل صحاب وعندكم نفس العقلية.

في عوض ما تضيعي وقتك كامل فالتخمام جربي تكتبي عليه يعني أكتبي وعبري على الفراغ لي راكي عايشة فيه حاليا وعلى شعورك بلي راكي روطار وبلي لازم تديري ألف حاجة وو... أكتبي حتان ينشف الستيلو وشوفي كي تخلاص العطلة كيفاه رايحة تتبدلي 180°.

كافي جديد في عز الصيف؟ كافي تاع أجباق صيفية قصدك؟

هذا البوست خليوه للمشاريع تاعكم لي عندها أي مشروع تحطو فليكومونتار باه ندعموها ونعاونو بعض ✨.

لا حول ولا قوة إلا بالله.

كلمة من اختراعي معناها أسطوري ولا خارق للعادة معندهاش معنى رسمي كلش خرطي من عندي ✨🙂‍↔️.

سيي تنقصيه بالتدريج وأي عادة سيئة كي تحبي تحبسيها حبسيها بالتدريج ميش ضربة وحدة. ديري تحدي بينك وبين نفسك لمدة 21 يوم مثلا كل يوم نقصي كمية معينى من السكر الصناعي وبدليها بالسكر الطبيعي لي كاين فالفواكه ولا فالمنتجات لي مفيهاش السكر على سبيل المثال. يوم ورا يون رايحة تولي تنقصي كميات هائلة منو بلة ما تفيقي حتان تولي تعيشي بلا بيه وتولي كي تشوفيه تعافيه حرفيا وما تتحمليش مامبا أنك تشوفيه ولا تشمي ريحتو. سيي ثاني تبحثي فالأضرار تاع السكر الصناعي تعرفي بلي ما تقتصرش برك على الحب تاع الوجه وإنما على الحالة النفسية والصحة العقلية ثاني هو كامل رايحين يحفزوك باه تڤطعيه أبديا 🩵.

إذا تقصدي هذوك لي رايحة نفضحهم راكي متعرفي والو راني وحدي مخابرات نعرف كلش.

مهوش رأي وإنما الواقع أنو ربي إذا كان مكتب لشخص معين أنو يدي 15 مثلا رايح يديها فعلا سواء بالكوبياج ولا بلا بيه.. والعكس صحيح إذا كتبلو يدي 4 رايح يديها سوا قرا علاجالها ليل مع نهار ولا حتى إذا كوبا. ومام كي تشوفو واحد دا هذيك الخمسطاش بالكوبياج أعرفو بلي ربي كتبلو أنو يديها حرفيا هكذا وكان قادر يديها كون ما كوباش بصح هو حب يسلك الطريڤ لي تغضب ربي سبحانو وحب يدي المكتوب تاعو بالمعصية. معنديش رأي معين فالموضوع هذا ومكانش حالة خاصة فالميد باه نقدسو التخصص تاعنا على حساب التخصصات الأخرى ونڤولو بلي الغش فالميد حاجة كبيرة بزاااف مقارنة بالبقية..

كاينة 😔.